البارحه صـوتـك زهمنـي وفزيت
وجاوبت أنـا نبرات صوتك بلبّيك


جيتك وكـلّي شــوق متقصّد البيت
إيـديّ تأكـلني عـلـى لـمسـةإيـديـك


حاضر وتأمرني وأنا لــ حضرتك جيت
وأنــا أنتظـرك تـقــول ربـّي يحيّيك


وأنا تراني مـن رجال(ن) لهم صيت
وأنت ابتلش من قام يحسب مزاييك


الـلـه و أكـبـر يــوم بالـعـيـن لـدّيت
الـورد و الأزهــار هيمـانـة(ن) فيك


مـن عنـد شــارع بيتكم يـوم مرّيت
نفسي أكـون الـبـاب و إلا الشبابيك


لــو الأمــانـي تـجـلب الـلـي تـمنيت
أبــوك فـي و صلـي يـاليته مـوصيك


و يـا ليتني فـالبيت معـكـم وياليت
مستأجر و نصرف لك آجاركم شيك


و ليتك سـمعت البارحة يــوم غنيت
قلبي سبق صوتي على اسمك يغنيك


يا حلو صوتك لا زهمتك و لبيت
أثـمل على أنغامه و سكر أشافيك


أضيع لا شفتك مــع البـاب طليت
و أفز مـن نومي ليا أوحيت طاريك


ويا زين طبعك لا زعلت وتغليت
أحس هذا الكون كله بيأديك


مهما عملت آنا لــ عينك وسويت
أبقى مقصر فيك ما والله أوفيك


{ سراب الشعر }