|
اختي والطاقه السلبيه اللي معيشتنا فيها .. مساء الخير:MonTaseR_209: معي أخت الله يصلحها .. والله بقول كل شي عنهآ متآكده بتجي تقرا بس ابغاهأ تشوف ردودكم .. أهلكتنآ الله يزوجها بولد الحلآل .. آختي الكبيره بس (مصدر قلق في البيت):MonTaseR_143: ____________________ أولآ:ترفع صوتها على أمي وتتقوى عليهآ أمي شخصيتهأ للأسف من صغرنآ مالهأ تأثير علينأ تصيح على أمي وسأعات تحرق قلبهآ تدعي على أخواني .. والله تجيني أمي وتقول ودي أدعي عليهآ بس خآيفه يصيرلها شي .. ثانيآ:أخواني يتجنبونها دايم لآنها تصيح عليهم وتدعي عليهم أدري والله أخواني مقصرين بس مآتوصل لدرجة الدعاء .. يعني أمي ياقلبي عليها تبي تسكتها بس موقادره لآنها تهايط على امي وتتقوى على امي وأمي مأبيدها حيله .. وأبوي حبيبي ميت الله يجعل مثواااه جنآت النعيم .. رابعآ:أختي موسوسه مره صح أننا نعاني من العين والحسد لآكن مو على كل شي .. هي ماشاء الله مستمره على الرقيه أكثر من عمري:nosweat: وتتأثر بس مو درجة أحد ينطق فيها أو تدوخ .. يعني أعراض بسيطه .. بس والله أهلكتنأ من اي شي عين وحسد .. لدرجة انا صرت اتأثر من الطاقه السلبيه اللي فيها .. انا اصغر منها ومتزوجه وزوجي فهمني ان فيه وهم ووسوسه تخليك سلبيه وكل شي عندك عين وحسد .. وفعلا..والله لوإننا خوات أوباما :iqf03163: كلاَ عايش بنعيم وماصار له شي .. جآت علينآ احنا :nosweat: آوكي صح مميزين ونختلف عن غيرنأ .. بس نتحصن ونتوكل على ربنا .. لآكن اختي رقيه وحجامه وسورة البقره ومريم لو 7 مرات تقولها .. وتقول تعبانه ..:MonTaseR_159: يوم أفهمهآ ان هالشي مخزن بعقلها الباطني تقول اص اص انتي وزوجك ماتعترفون بـ العين والحسد:3: طيب والله أبغى مصلحتها .. طول عمرها على الرقيه ولآتغير فيها شي .. نشوف الجأنب النفسي طيب يختي ؟ ترررفض وحتى ساعات اشغل عن العقل الباطن والوهم والوسواس القهري أبيها تسمع .. تطنشني آلآ انها مريضه بعين وحسد .. والله العظيم أقولهآ انسي تتشافين وتتعآلجين وأنتي تعآملين أمي كذا .. لآن فرعون تعالى على ربي وربي مااستجاب دعوة موسى وهو نبي ..!! لآنه بار بأمه كيف لهآ بنآ إحنا .. الله يصلحهآ ويهديهآ .. بخليهآ تقرأ كلآمكم والله يعيني على اللي بيجيني منهآ:iqf03163: الله يصلحهآ ويهديهآ .. وبس سلآمتكم:MonTaseR_98: |
صباح الخير الله يصلحها يارب ويغض عنها عيون الناس من جعل الناس بين ناضريه تحتاس دنياه فلا يعلم هل عينهم التي تراقبه ام عينهم التي تدقق بهم انا نقلة مقال هنا مفيد اذا حابه تمر عليه لجل تستفيد لعله يغير منها شيء اضغطي ع الاسم حسن الظن بالله http://www.al2la.com/vb/t59673.html اما اذا كنتي زائره انسخيه من هنا كود PHP: وملخصُه ( كَيف تَجذب مآ تَشآء منَ الأقدآر إليكَ ) وبالتأمل فيه تَجده موافقاً لَ منهُج التفآؤل النَبوي والكَثير منَ الأحآديث النَبوية تدعُو إليه ليسّ أولهُآ ( انَما الأعُمآل بَ النيّآتَ وإنَمآ لكَل امرء مآنَوى ) وليسّ آخرهآ حديثَ زيآرة النَبي صلى الله عليه وسلم لَ الأعرابي الذي يشتكَي منَ الحمى حينَ قآل له طهُور إنَ شاء الله فرد الأعرابي : طهور .؟ بل حمى تفور على شيخ كبَير تصليه القبور . فقال صلى الله عليه وسلم : هي إذنَ , ومآتَ الأعرآبي .. تأملوآ فيه وتفآءلوا , منَ أروع مآ قرأتَ . . اختك ولا اجزم بما اقوله عندها وسواس قهري ممكن يسيطر عليها وينقلب عليها بشكل ليس فقط سلبي وانما يؤذي حياتها بسبب سلبيتها الزايده اذا تحس ان الموضوع متهول لهذه الدرجه تزور دكتور نفسي لا خوف من قول ان من يزورونه مرضى او مجانين هم عقلاء تمكنت منهم ضغوط الحياه ليس الا ثاني شيء والاهم اذا امك تتغاضى عنها حتا بالدعاء كيف لها وجه تقابلها بهذه الطريقه وتعاملها بهذا الاسلوب انتي فقدتي اباك فلا تجعلي الدنيا تبتليك بعد فقد امك هذه مفتاح الجنه وهي الان بين يديك اعيني نفسك ع رضاها فرضوان الله من رضا الام كيف هانت عليك نفسك ترفعين صوتك عليها حتا لو انتي مبتلاه باعين الخلق اجمعين الا تستطعين ان تمسكين نفسك بصراحه احتك عندها نقص داخلي لا نعلم ماهو باختصار وتحاول ان تغطي هذا النقص بتصرفاتها الغير عقلانيه هذه وبغضبها ع الجميع وتقدرو تعاملونها بتعاملها كلكم اتفقو اسبوع اسبوعين بالكثير اصبرو ع طبعها الذي لايطاق وعاملوها بنفس تصرفها وشوفو بتتحمل واذا تكلمت قولو لها هذا اسلوبك تحمليه احنا اتبعنا طريقتك احنا مرايتك ونعكس كل اللي يطلع منك نشوف بتتحمل ولا انكم صابرين عليها تزيد في اسلوبها وقل صبرها ماتحمد ربها انها للحين تتنفس وعايشه ع الارض كثير ناس بالفعل مبتلين بالعين ولكنهم صبرو واحتسبو مري ع الرابط اللي اضفته عساه يفيدك والله يصلحها الدنيا ماتسوى تخسرينها بتصرفاك هذه لان بيجي يوم تفقدين كل اللي حولك من كثر ماهم كارهينك بتصرفاتك كيف يتحملونك وانتي ماتتحملينهم |
وعليكم السلام الحل بيدها وحدها اتمنى لها التوفيق والشفاء تحيتي لك |
اقتباس:
الي حاصل معها هي ردات فعل لا إراديه طبيعية قد تحصل لبعض البنات بسبب تأخر النصيب عنها بالتالي أثر هذا على نفسيتها وجعلها تتصرف بهذا الشكل السلبي بإعتقادي إذا تزوجت بتتحسن اوضاعها كثير بعد الزواج وإنجاب الأطفال بتلهى معاهم وبتدخل في حياة وعالم ثاني .. فقط اصبروا عليها وإحتسبوا الأجر .. |
ماراح اعلق ع اي بالمشكله ماعاد نقطه وحده شدتني وهو خوف اختك من العين والحسد والوسوسه لا تستهوني بالي فيها وتتريقي عليها لانها تعاني من داخلها بشكل ماتتخيلينه مافي احد مرتاح ع هذي الحاله وهي مو مبسوطه لكن شي فوق طاقتها بدال ماتتكلمي عنها بسلبيه احتويها خليها تفضفض عن كل مخاوفها اسمعيها كل يوم بقلب اخت تحب اختها حتى لو كلامها مكرر او ممل هي بنظرها مهم يعني حتى زوجك يعرف عن مشكلتها بربك مين قال له ومحكيه غيرك !! كيف ترضين يتكلم عنها بسوء حتى لو كلامه صح لكن قلب الاخت ماترضى ع اختها بشي وبربك بطلي تتريقي وتتمصخري ع حالها ربي قادر يبتليك بنفس حالها الله يشفيها وينزل ع روحها راحه وسلام |
المشكلة التي يقع فيها بعض العائلات عدم فهم فرد من افرد العائلة والأسباب كثيرة ومنها عدم القدرة على التعبير بشكل مطلق عما يخالجه من الداخل مما ينتج البعد في العلاقة ما بينه وبين إفراد الأسرة ومن ثم إسقاط كل أمر يزعجه على الآخرين (شماعة ) ثم يؤدي الآمر إلى اتجاهات عصبية أنانية تتطور مع مرور الوقت إلى الانسحاب من العالم الواقعي إلى رحلة شك بالآخرين وربما أصبح مستبد يحاول فرض السيطرة … الاحتواء والاستماع دون استنقاص أو تكذيب هو الحل مع مرور الوقت سيتلاشى كل ذلك تدرجيا .. ردا على العنوان الطاقة السلبية لا تخلق هكذا فالمحيط مؤثر له دور في اظهارها.. |
| الساعة الآن 08:52 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا