منتديات مسك الغلا
 


موضوع مُغلق
 
LinkBack أدوات الموضوع انواع عرض الموضوع
قديم 09-07-15, 09:00 PM   #1
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



بعد ما وصلو القصر حقهم
طلع خالد الجناح وتولين دخلت وهي تناظر المكان وجلست على الكنبه وبقت جالسه
عند خالد بدل ملابسه ولبس بيجامه سوده وطلع من الغرفه وما شافها بالجناح ونزل تحت وشافها جالسه
خالد : بتبقين جالسه هنا ؟؟
تولين : انت رحت وتركتني وانا ما اعرف شي هنا
خالد : طيب قومي
تولين قامت وهي ترفع فستانها
خالد : الحقيني ومشى وهي لحقته ودخلو الجناح
خالد : هاذا الجناح حقنا انتي بتنامين هنا واشر على الكنبه ودخل غرفته ونام وهي بدلت فستانها ولبست بيجامه حرير لونها بنكي وفكت تسريحتها وغسلت شعرها ورفعته بشباصه ومسحت المكياج حقها وطلعت من الجناح ونزلت تحت وجلست تستكشف البيت ودخلت غرفه ولقتها غرفة رياضه وطلعت ودخلت غرفه ثانيه ولقتها فاضيه والحيطان كلها مرايات ولقت على جنب استيريو كبير طلعت ودخلت المجلس وطلعت وراحت الدور الثاني والي مكون من الجناح حقهم وبس وطلعت الدور الثالث وكان مظلم وشغلت النور كانت فيه كنبيات وثلاث غرف دخلة الغرفه الاولى وكان مكتب ودخلت الثانيه وكان حمام وانتم بكرامه ودخلت الغرفه الثالثه وكان مرسم دخلت وكان فيه لوحات كثيره وكان فيه الوان على الارض وكانت حوسه طلعت ونزلت للدور الثاني ودخلت الجناح وانسدحت على الكنبه وغمضت عيونها ونامت
الصباح
صحى من النوم وتروش ولبس بلوزه سوده مكتوب عليها boy وكانت ضيقه وبارزه عضلاته ولبس بنطلون جينز وطلع من الغرفه ولقاها نايمه
خالد : هي انتي
لارد
خالد : تووولييينن
تولين : هممم
خالد : قومي سوي لي فطور
تولين وهي مغمضه عيونها : خلي الخدامه
خالد : انا اعطيت كل الخدم ايجازه
تولين : مابي اقوم
خالد : ما تبين ؟ "بخبث" انزين خلك نايمه وراح جاب مويه وكبها عليها
تولين قامت وشهقت
خالد فها بشكلها كانت جميله بمعنى الكلمه وكان شكلها كيوت
تولين : كذا الناس تقوم
خالد : قومتك زين وما قمتي
تولين : تقوم تكب علي مويه ؟؟
خالد : ههههههههه شكلك توحفه الصراحه
تولين : تذكر اني رح اردها لك
خالد وهو يوقف ويعطيها ظهره : نشوف ,وقومي سوي لي فطور وطلع من الجناح
تولين : اففففففففففففففف
وراحت غرفة التبديل وبدلت ملابسها ولبست شورت ابيض قصير وبلوزه الهلال ونزلت تحت ودخلت المطبخ وسوت فطور ودخلت غرفة الطعام وحطت الفطور وطلعت ونادت عليه وما سمعت رد وجلست قبال التلفزيون وجلست تبدل بلقنوات
اما عن خالد كان بالمكتب حقه ونزل يوم سمعها تنادي عليه وشافها وهي جالسه
خالد : هيييي
تولين : خير
خالد : روحي غيري بلوزتك بسرعه
تولين : ليه ؟؟
خالد : ما ابيك مره ثانيه تلبسين شي للهلال فاهمه
تولين :اها يعني انت نصراوي
خالد : ايه لا يكون موب عاجبك
تولين : لا موب عاجبني وما ابي ابدلها
خالد : روحي بدليها
تولين : ما ابي
خالد بخبث قرب منها : ما تبين
تولين :لا
خالد ابتسم ابتسامت خبث وهو يقرب عندها
تولين لما شافته يقرب عندها وقفت وهو يقرب وهي ترجع ورا لين لصقت بالجدار وهو قريب منها
خالد : ما تبين
تولين بتوتر : لا ما اب ابي
خالد حط يدينه على الجدار وحاصرها : ما تبين ؟
تولين : لا
خالد قرب لاذنها وهمس : ترى اذا ما بدلتي بشق البلوزه الحين
تولين دعست على رجله وهربت ووقفت بعيد عنه وقالت : ما رح ابدلها وطلعت له السانها وهربت
اما خالد فقع ضحك عليها وتنهد وراح يفطر وهو يفطر تخيل لو ان تولين هي فاتن تنهد وكمل فطوره وهو يحس بشي غريب
خلص فطور وراح المرسم وجلس يرسم وهو يفكر وما يدري وش جالس يرسم
بعد اسبوع
تولين وخالد علاقتهم جالسه تتحسن وكل يو يزيد استهبالهم وخالد قال لتولين انه بيعتبرها مثل ريم اخته وهي وافقت وهو يحس بشي داخله ووده انه يفسره
ام تولين وشهد وام خالد وريم جو عندهم ثلالث مرات ولو بيدهم ينامون ما يقصرون .
بالصاله
خالد : قووووول قووول قووووووووووووول
تولين : ترا كله قول واحد ماله داعي كل هاذا بعدين حنا قولين وانتو قول واحد
خالد : ولحين بنجيب الثاني والثالث والرابع
تولين : اسكت بس
مرة خمس دقايق و جاب الهلال قول
تولين : اااااااااااااااااااااااااااا ووقفت وجلست تناقز على الكنبه وتصارخ وطاحت على الارض
تولين : اااااااااااه
خالد : ههههههههههههههههه تستاهلين
تولين بصوت باكي : ترا اتعور جد
خالد جا عندها ومسك يدها : قومي
تولين حست بكهربا من لمست يد خالد ووقفت وهي تتعور : اخخ رجلي
خالد : انتبهي مره ثانيه
تولين : ان شاء الله بس اسكت شوي خلني اتابع
خالد : ههههه غبيه
وجلسو يتابعون
وانتهت المباراة بفوز الهلال
وخالد معصصصببببببببب
وتولين جالسه تقهره بزياده
تولين اخذت علبة الكلنكس وجلت تطق وتغني وصوتها جناااان
تولين : فوق السما عالي ياما حقق امالي في قلبي يا غالي يا العز يا هلالي
فوق السما عالي ياما حقق امالي في قلبي يا غالي يا العز يا هلالي
سحر قلوب الناس فوق القمم نبراس ازرق و فوق الراس يالعز ياهلالي
سحر قلوب الناس فوق القمم نبراس ازرق و فوق الراس يالعز ياهلالي
في لعبتك فنان تعلنها بالميدان فوزك لنا عنوان يالعز ياهلالي
في لعبتك فنان تعلنها بالميدان فوزك لنا عنوان يالعز ياهلالي
مهما زماني طال انا اعشقك ياهلال و اردد الموال يالعز ياهلالي
مهما زماني طال انا اعشقك ياهلال و اردد الموال يالعز ياهلالي.
خالد: كولي زق
تولين : لاااااااااااااااااااا قلبي الصغير لا يتحمل ذالك خالد ال ***** يقول لي كولي زق لييييييييه يا زمن انت قاسي
خالد : تولين خلاص ترا ماني خلقك
تولين وقفت قدامه ومسكت يده ووقفته : قوم نلعب
خالد : نلعب ؟؟
تولين : يب
خالد : وش
تولين سحبته ووقفته بنص الصاله : غمض عيونك ولا تفتحهم ابد فاهم
خالد وهو يغمض : حازر مدام
تولين ابتسمت وراحت عبت بسطل كبير مويه بارده وحطت ثلج واخذته وراحت عنده وكبته عليه وهربت
خالد : احححححححححححححححححح يا حيونه يا كلبه ولحقها ومسكها واخذها للحديقه وفتح الخرطوم حق المويه البارده وجلس يرش عليها
تولين : لاااااااااه خالد لا تكفى بلييييز والله بارده خلااااااااص خااااااالد خلاااااص انا كبيت شوي خلاااص
خالد وهو ماسكها وجالس يعبيها مويه : هههههههههههههههههههههههههههههههههههههههههههههههههه هههههههههههههههههههههههههههههههههههههه اوه شكلك هههههههههههههههههههههههه بطنييييي اخخخ وخر عنها المويه وقفلها
تولين وهي ترجف من المويه :ح حرام عليك بموت من ا الب البرد
خالد وهو يرجف بعد : انتي بديتي
تولين : اهئ اهئ
خالد خاف عليها : وش فيك
تولين : حيوان برد
خالد : قومي بلا دلع خوفتيني عليك وجع
تولين : برررد " بخبث " خالد الله يخليك روح جيب لي منشفه
خالد : طيب وراح
تولين اول ما راح دخلت وجابت جوالها وركزته بمكان بالحديقه وشغلت تصوير فيديو ورجعت مكانها وجا خالد وعطاها المنشفه
تولين : خلودي
خالد انصدم اول مره تناديه كذا : ها
تولين قربت منه و بدلع : خلودي شوف انت عليك مويه وانا علي مويه خلنا نسوي تحدي الثلج
خالد : انتي كبيتي علي مويه وثلج خلاص انا سويت حقي
تولين : لااا بليز سوي معاي تكفى خالد
خالد : اوكي بس بشرط
تولين : وش


 
مواضيع : إحساس طفله



قديم 09-07-15, 09:01 PM   #2
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



خالد : انتي بتجيبين المويه و الثلج وبتجيبين معاك مناشف و جيبي بعد الكاميرا حقتي من فوق
تولين : لا ما نبي نصور بس كذا
خالد : طيب
تولين راحت وجابت كل الاغراض
خالد : يلا
تولين : واحد ثنين ثلاث
خالد وتولين : ااااااح
خالد : ههههههههههههههههههههههههههههههههههههه
تولين : هههههه بموت من البرد
خالد : بعيد الشر عنك
تولين ابتسمت و خالد اخذ منشفته ودخل القصر
وتولين اخذت التلفو ن وارسلت لريم و شهد
ودخلت القصر وسمعت خالد يتكلم بالتلفون
خالد : حبيبتي مقدر اجيك الحين , تعبان يا قلبي , افا في احد يتعذر علشان لا يشوف القمر , خلاص بكره بجي عندك , هههههههه باي يا قلبي
تولين نزلت منها دمعه وراحت الجناح ودخلت الحمام وسكرت الباب وجلست تبكي وهي ما تدري ليه تبكي
تولين : ليه يخوني حتى لو انه يعتبرني مثل اخته انا زوجته ولازم انه يحترمني وكل دقيقه يعلى صوت بكاها وشهقاتها
عند خالد ابتسم وهو يسكر جواله وجلس وهو يفكر بفتون وانه بيشوفها بكره وهو حده مستانس
وطلع للجناح وسمع صوت تولين
خالد خاف عليها وراح بسرعه يدق الباب
خالد : تولين تولين افتحي الباب تولين
تولين بصراخ : ما ابيك اكرهك انا اكرهك
خالد : تولين افتحي الباب ولا باكسره
تولين فتحت الباب و وجهها كله دموع وكان شكلها كيوت
خالد قرب منها ومسك كتفها : وشفيك ؟
تولين : اكرهك
خالد بهدوء : ليه
تولين وهي تبكي : اكرهك ما احبك اكرهك
خالد : طيب وش فيك وش صار
تولين بس تبكي
خالد : تولين اهدي ومسك يدها واخذها على الكنبه
تولين : ليش تسوي فيني كذا
خالد : اهدي
تولين ضمته وجلست تبكي
وخالد منصدم وقلبه يدق بسرعه
تولين : ليه تسوي فيني كذا
خالد وهو ما يدري عن وش تتكلم وقلبه يحس انه بيطلع من مكانه : انا اسف
مرت دقيقتين وهم على نفس الحال
خالد حس انها نامت ووخر عنهى شوي شوي وحملها ووداها الغرفه ونيمها على السرير و لحفها زين لانها ما بدلت ملابسها
ووخر عنها ونام على الكنبه الي داخل الغرفه


 
مواضيع : إحساس طفله



قديم 09-07-15, 09:02 PM   #3
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



ونام على الكنبه الي داخل الغرفه
في الصباح ~
صحى من نومه والتفت لجهت السرير ولقاها نايمه تنهد وقام غسل وجهه وطلع وقرب لها بيصحيها بس شافها ترتجف
قرب منها وحط يده على جبينها وكانت حرارتها مرتفعه مره وخر يده واخذ تلفونه بسرعه واتصل على الدكتور وبعد خمس دقايق وصل الدكتور وخالد لبس تولين الجلالي ودخل الدكتور وبعد ما خلص كتب لها ادويه وعطاها خالد وراح خالد يشتري الادويه تولين تنهدت وهي تتذكر ان امس نامت بحضنه وبتعب اخذت جوالها من الكوميدينا الي جنبها وفتحت الواتس ولقت رسايل من ريم و شهد ومن رقم غريب اول شي فتحت رسالة شهد وكا مكتوب
شهد : هيي ما قلتي لي عن ذي التطورات
ردت عليها : شهد تعالي عندي اليوم
وطلعت من المحادثه ودخلت محادثة ريم
ريم : يزينكم , الله يخليكم لبعض
تولين : امين ريم تعالي عندي اليوم
ريم ردت عليها على طول لانها كانت داخله : اوك بكلم امي واشوف
تولين : اوك
وفتحت رسالة الرقم
وكان مكتوب : Tulane hello miss you so much I want to see you dear, I love you
الترجمه :تولين مرحبا افتقدك كثيرا أريد رؤيتك يا عزيزتي ، أنا أحبك
تولين بعد الترجمه : عفوا من معاي
الرقم الغريب بعد الترجمه : هل نسيتيني يا فتاة انا حبيبك جون
تولين : اوه جون اني افتقدك بشده
جون : متى سوف تأتين لرأيتنا ؟
تولين : سوف اتي قريبا ولدي مفاجأه لك
جون : اوه مفاجأه ما هي
تولين : لن اخبرك الان
جون : حسنا عزيزتي الى اللقاء لدي عمل الان
تولين : حسنا
سكرت تلفونها وقامت بتعب وطلعت من الجناح وشافت خالد
خالد : وين ؟
تولين ما ردت وجت بتمشي بس خالد مسك يدها
خالد : وشفيك
تولين: ولا شي
خالد : وين رايحه
تولين : تحت يعني وين
خالد تنرفز منها : ادخلي داخل انتي تعبانه
تولين : طفشت داخل بنزل تحت
خالد تنهد وتركها ودخل الجناح ولبس ثوب وغتره وتعطر ونزل تحت
خالد : تبين شي انا طالع
تولين بداخلها ( اكيد بيروح لها بس والله ما اخليك تروح )
تولين بتمثيل : خالد وين بتروح خلك هنا والله طفشانه
خالد : ما اقدر بروح عندي شغر ضروري
تولين : خالد بلييييييز
خالد : تولين قلت ما اقدر
تولين : افففف خلاص روح
خالد لف وجا بيروح
تولين : خالد خالد
خالد لف عليها بدون ما يتكلم
تولين : عطني جوالك دقيقه
خالد : ليه ؟
تولين : جوالي فوق وابي ادق على ريم بشوفها بتجي عندي ولا لا
خالد مد لها تلفونه :بسرعه
تولين : وش كلمة السر ؟
خالد : هاتي احطها لك
تولين : لا قول ان بحطها
خالد : لا هاتيه
تولين : اخلص قول
خالد وهو يناظر فيها بيشوف ردة فعلها : فتون
تولين لفت عليه وهي تناظره بصدمه بعدين رجعت نظراتها على الجوال خايفه تدمع عينها وفتحت الجوال وشافت الخلفيه صورة بنت دمعة عينها ومدت له الجوال : خلاص اخذه بروح اجيب تلفوني من فوق وتركته وراحت
خالد ضرب جبهته : ليه اعطيتها الجوال
تنهد وطلع اما عند تولين طلعت فوق بسرعه قبل لا يلاحظ دموعها ورمت نفسها على السرير وبكت
تولين : حيوان حقير اهئ اهئ قامت وجلسة على السرير ومسحت دموعها : انا ليه ابكي خلاص لا تبكي هو ما يستاهل دموعك
اخذت تلفونها وشافت ريم مرسله لها : اسفه حبيبتي ما اقدر اجي عندك امي قالت بيجون ضيوف سوري .
تهدت واتصلت على شهد
شهد : الو
تولين : الو
شهد : تولين شفيه صوتك
تولين : شهد تعالي عدني
شهد : طيب قولي لي وش فيك
تولين بكت : تعالي واقول لك شفيني
شهد : اوك حياتي دقيقه واكون عند وسكرت
عند شهد
لبست بنطلون جينز ضيق و بلوزه سوده عليها كتابات بالاحمر وحطت كحل ومسكاره وروج واخذت عبايتها وجوالها وحطته بشنطتها ونزلت تحت
شهد : يماااا
ام شهد وهي تناظر عبايتها : هلا
شهد : يما ابي اروح عند تولين
ام شهد : روحي
شهد باست راس امها وكلمت السواق ولبست عبايتها وطلعت وبعد ما وصلت عند تولين نزلت بسرعه ودخلت حديقة القصر ودقت الباب وفتحت لها تولين وكانت عيونها حمر من كثر البكا دخلت شهد وضمتها
شهد وهي ضامتها : شفيك حبيبتي
تولين وخرت عنها وسكرت الباب : تعالي
ودخلو وجلسو
شهد : وش فيك ؟
تولين قالت لها كل شي من امس لما سمعته لين جت شهد
شهد ابتسم : تحبينه ؟
تولين بسرعه : لا
شهد باستهبال : يمكن انتي ما تكونين تدرين بس قلبك ينبض باسمه
تولين : كلي زق
شهد بجديه : ترا تصرفاتك تقول انك تحبينه يعني لو ما تحبينه ليه تبكين علشانهه يكلم وحده اكيد تغارين
تولين سكتت
شهد : امممممممم ترا اقدر اساعدك
تولين : كيف ؟؟
شهد : سهله حبيبتي خليه يحبك
تولين : كيف ؟
شهد : وش الي كيف صراحه انتي اليوم فيك شي
تولين : طيب وش اسوي
شهد : خرفنيه يا الغبيه
تولين : كيف
شهد :تولين شفيك معلقه على كيف حبيبتي غيريها وقولي طيب
تولين : انزين اتكلم جد كيف
شهد وقفت : قومي
تولين وقفت وشهد مسكت يدها وسحبتها لجناحها ودخلت غرفت التبديل وطلعت كل البيجامات وحطتهم بالارض وما خلت بالخزانه غير قمصان النوم الي تولين ما لبستهم ابد وخلت الفساتين ووطلعت كل البيجامات و البلايز و البلاطين الجينز وحطتهم بالارض
شهد : روحي جيبب لي عصير
تولين : وقتك الحين وراحت << مسكينه ما تدري وش بتسوي بالعصير
رجعت تولين وعاها كاست عصير اخذتها شهد وكبتهم على ملابسها وخلت شوي بالكاسه


 
مواضيع : إحساس طفله



قديم 09-07-15, 09:03 PM   #4
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



تولين شهقت : يا حيوانه وش سويتي
شهد : شوفي انا ادري لو قلت لك البسي قميص نوم ما رح توافقين فوسخت ملابسك علشان ما يكون عندك خيار ثاني
وايه صح " كبت العصير الباقي بكاستها على ملابس تولين " وهاذا علشان لا تنامين وانتي لابسه ملابسك
تولين : حيوانه
شهد : هاذي الخطوه الاولى ثاني شي قبل لا يجي خالد حطي مسكارا وكحل و ايلاينر و روجاحمر فاقع
تولين : طيب
شهد : تدرين لو ما حطيتي بقول لخالد ان تولين تحبك
تولين : لالالالا خلاص والله بحط
شهد : انزين قولي ذي الكلمه بدلع ( تبي احط لك عشا )
تولين : لاااااااا مستحيل اقول كذا
شهد : طيب اصلا مو ضروري بحت صوتك بلحالها تخرفن
تولين : شهد
شهد : نعم
تولين : خلاص ترا راسي صدع
شهد طيب خلاص بكره بنكمل
تولين : طيب الحين وش لون بجلس معاك وملابسي فيها عصير
شهد : اذا تبغين البسي من الحين قميص نوم
تولين : لا خلاص ببقى كذا
شهد : براحتك
نزلو تحت وجلسو يسولفون ويستهبلون لين الساعه 7
شهد : اقول تولين السواق برا
تولين : لا خلك طفش
شهد : الحين يجي خالد ويبطل طفش لبست عبايتها وسلمت عليها وطلعت وهي طالعه شافت خالد
خالد : السلام عليكم
شهد : وعليكم السلام اخبارك خالد؟
خالد : الحمد لله , وانتي
شهد : الحمد لله , يلا عن اذنك
خالد اذنك معك
راحت شهد و دخل خالد البيت
خالد : تولين
تولين وهي بالمطبخ : هلا
خالد : تعالي
تولين سمت بالله وسوت نفسها متضايقه واحت عنده : هلا
خالد شافها متضايقه وتنهد : انتي زعلانه علشان الصوره وكلمة ال
تولين قاطعته : لا مو علشان كذا
خالد : اجل
تولين : شهد كبت على ملابسي عصير بالغلط وما عندي شي البسه
خالد : كبت عليهم كلهم ؟
تولين : لا موب كلهم يعني ااااا
خالد : وش فيك
تولين : ولا شي
خالد : انا بروح اتروش
تولين طيب
وطلع فوق
تولين تنهدت وطلع
واخذت قميص كان لونه احمر و قصير فوق الركبه ومعه روب لونه احمر واسود
وراحت الحمام الثاني وتروشت ولبست القميص وحطت الكحل و المسكارا و الروج الفاقع وخلت شعرها مفكوك
وطلعت من الحمام ونزلت تحت وهي خايفه وجلست تناظر بالتلفزيون
عن خالد طلع من الحمام اكرمكم الله ولبس بيجامه وطلع ما شاف تولي نزل تحت شافها تناظر التلفزيون
خالد : تولين قومي سوي لي قهوه لو سمحتي
تولين : طيب ووقفت
خالد اول ما شافها بلم فيها وتولين راحت المطبخ وهو للحين يناظر المكان ال كانت واقفه فيه
خالد ( ملاك ذي ولا قمر مستحيل تكون انسان اكيد ملاك )
تولين من وراه : خااالد القهوه
خالد لف عليها : ها ايه شكرا
تولين : ابتسمت له وراحت جلست وهو راح وجلس جنبها
تولين : خالد
خالد وهو يناظر التلفزيون : عيونه
تولين توترت وسكتت
خالد لف عليها : وش تبين
تولين : امممممم خلنا نروح بريطانيه
خالد : ليه
تولين : ابي اشوف اهل ابوي من زمان ما شفتهم مشتاقه لهم
خالد : بحاول واشوف
تولين باسته على خده :شكرا
وتوها تستوعب وش سوت ووجهها صار احمممممممممر : ااا اسفه ما كان قصدي
اما خالد كان بحاله ثااااانيه كان متخدر وماهو معها بلع ريقه ولف عليها وابتسم : عادي ولف يناظر التلفزيون
تولين : هههههههههههههههههههههههههههههه
خالد : شفيك
تولين مسحت خده : حلم الروج
خالد خلاااااااااااص ذاب من لمست يدها
تولين طفشت وهي جالسه كذا : اففففففففف
خالد : اشبك
تولين : طفشت
خالد : وش اسويلك يعني
تولين : طلبت من شي انا اف ووقفت بتروح بس خالد مسك يدها
خالد : شفيك امزح اجلسي وسحبها وهي طاحت بحضنه
خالد يناظر بعيونها و هي تناظر فيه
خالد : تدرين عيونك فيهم شي يجذب وباسها بقوه
تولين دفته وقامت وراحت الجناح وسكرت باب الجناح بالمفتاح وجلست على الكنبه وهي تتنفس بسرعه
تولين ( مستحيل اخليه يلمسني دام انه ما يحبني ويحب وحده ثانيه )
تنهدت ودخلت الحمام وغسلت وجهها وطلعت وفتحت الباب وانسدحت ونامت
اما عند خالد تنهد ( انا وش سويت يا ربي ) وقف وطلع من القصر و راح عند فتون وراح الشقه الي مستأجره علشان تجلس فتون فيها << فتون عايشه مع اهلها بجده وكل شهر تجي الرياض تجلس اسبوع >> فتح الباب ودخل
خالد : فتون فتون
دخل غرفت النوم واننننننصدم
خالد بصدمه كانت نايمه مع واحد استغفر الله طلع من الغرفه ومن البيت كله وهو بصدمه كبيره وصل القصر حقه وطلع جناحه وشاف تولين نايمه ودخل غرفته ورما نفسه على السرير ونزلت من دمعه ايه دمعه وش فيها لو الرجال بكا ليش اهو ما عنده احساس اومشاعر عشان لا يبكي بكا على حبه الخاين والي كان بس من طرف واحد و الطرف الثاني كان يحب فلوسه وبس خالد وقف وبدل ثوبه و نام من كثر التعب


 
مواضيع : إحساس طفله



قديم 09-07-15, 09:04 PM   #5
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



في الصباح
صحت وظهرها يعورها قامت دخلت غرفت التبديل اخذت كل ملابسها وحطتهم بغرفة الغسيل
وطلعت ولبست فستان اسود نفاش ورفعت شعرها ذيل حصان وحطت روج وكحل ونزلت تحت وحطت ملابسها الي لونهم ابيض بالغساله وراحت الصاله ونظفتها وراحت المطبخ كان نظيف كانت تبي تشغل نفسها باي شي فطلعت المرسم ورتبته ونزلت تحت وجلست تكلم شهد
شهد : وش صار ؟
تولين : ولاشي
شهد : اما
تولين : ايه , الا شهد متى بيجي خالي
شهد : مدري
تولين : احد ما يدري متى يجي ابوه
شهد : ايه انا
تولين : وين امي ؟
شهد نايمه بالبيت << بيت ام تولين جنب بيت اخوها
تولين : طيب اذا صحت قولي لي
شهد : اوك
تولين : مع السلامه
شهد : مع السلامه
تولين انسدحت على الكنبه واتصلت على جون
تولين بعد ترجمه : مرحبا جون
جون : مرحبا عزيزتي
تولين : ما الذي تفعله ؟
جون : اشرب القهوه , وانتي ؟
تولين : لا شئ , اممممممممممم جون
جون : ماذا
تولين : اريد ان اتي اليك
جون : هل تريدين ان احجز لكي انتي و الدتك ؟
تولين : لا , سوف احاول ان اتي لك قريبا
جون : لوحدك
تولين : لا انا و مفاجئتي
جون : اووووووه هاذا يعني ان مفاجأتك شخص
تولين : نعم
جون : انا متحمس جدا لاراها
تولين : وانا متشوقه حتى ارى تعابير وجهك
جون : هههه هل تدرين اني احبك وكاني انا والدك وليس عمك
تولين دمعة عينها وهي تتذكر ابوها : احبك جون
جون : انا ايضا
تولين : حسنا اكلمك لاحقا
جون : حسنا عزيزتي انتبهي الى نفسك
نتعرف على جون : وسيم و معضل عيونه زيتيه و شعره كستنائي هو عم تولين ويحب تولين مررررررررررررره
وتولين تحبه وكانت وهي صغيره تناديه حبيبي جون وهو دايم يقول لها انا حبيبك جون حتى لما كبرت
ومسلم اسلم لما اسلم اخوه والي هو ابو تولين ولاما هم اسلمو ابوهم تبرا منهم والي هو جد تولين
وهو للحين موب متزوج .
نرجع للاحداث
تولين : اوك , مع السلامه
جون : مع السلامه
سكرة التلفون وتنهدت
خالد من وراها : من تكلمين
تولين نقزت : وجع خوفتني
خالد بحده : قلت من تكلمين
تولين : عمي
خالد ارتاح : اهاا , طيب جهزي شنطتي و شنطتك حق سفر السفر
تولين بفهاوه : ليه
خالد : موب انتي قلتي تبين تسافرين بريطانيا
تولين : ايه ؟
خالد : حجزت لنا وبكره بنسافر الصباح الساعه 7
تولين بحماس : احلف
خالد ابتسم : والله
تولين وقفت وضمته بقوه وباسته على خده وقالت : واااااااااه شكرا شكرا والله اني احبك وطلعت بسرعه على الجناح علشان ترتب اغراضها وغراض خالد وهي مستانسه
اما عند خالد قلبه يدق بقووووه
خالد : قالت لي احبك معقوله تحبيني لالالالا مستحيل اكيد من الحماس وراح عند المغاسل وغسل وجهه وراح غرفت الرياضه وجلس يلعب
عند تولين خلصت ترتيب شنطت خالد ونزلت تحت وخلصت ملابسها وكوتهم وحطتهب بالشننته واذت شطه صغيره و حطت فيهم مكياجاتها و عطورها وخلصت ونزلت تحت تصارخ : خااااااااااااالد خاااااااااااالد
خالد طلع من غرفة الرياضه و هو معرق و شعره طايح وشكله خخخخخخخخخققققققققههههههه
خالد : شفيك تصارخين
تولين : ابي اروح عن امي ابي اسلم عليها
خالد : طيب بروح اتروش تجهزي
تولين : اوك وراحت تجهزت وهو تروش وخلص و لبس توب وغتره وتعطر ونزل تحت
خالد : خلصتي
تولين : ايه ووقفت ولبست عبايتها و طرحتها و نقابها وطلعو
في السياره
تولين تلعب بجوالها وشافت بيسي من خالد وقرته وكان برودكسات عن ام ركبه سوده
تولين : خالد
خالد : نعم
تولين : وش ذا
خالد : وش الي وش ذا
تولين : وش ذا الي مرسله
خالد لف عليها ورجع يسوق : هاذا مرسله للجميع
تولين : ادري بس عن وش ؟
خالد فيه الضحكه بس كاتمها : عن ام ركبه سوده
تولين : لا ومن تقصد حضرتك
خالد : انتي
تولين شهقت : يا حيوان انا ركبي بيضه
خالد : طيب موب انتي اتكلم عن وحده ثانيه
تولين : منزينك عاد انت يا ابو سروال وفانيليه
خالد : من ابو سروال وفنيليه
تولين : انت
خالد : ههههههههههههههههههه طيب
تولين : طفشت شغل لنا اغنيه
خالد : لا مابي
تولين : ليه
خالد : كذا
تولين جلست تغني :
تيرا را تيرا را تيرا را ري رارارار تيرا را را
كلموني الناس عن وحدة قمر
قالوا عليها عيون تذوب الصخر
كل واحد يطالعها بس نظرة و يطاوعها
قلت انا ماشي لا اخليها تذوب
رحت انا ناطر على نار انتظر
قلت انا بشوف و بنطر هالقمر
بس شفت شي مو طبيعي
و الهوا حول ربيعي
صرت انا منهم ابي نظرة و بس
كلموني الناس عن وحدة قمر
قالوا عليها عيون تذوب الصخر
كل واحد يطالعها بس نظرة و يطاوعها
قلت انا ماشي لا اخليها تذوب
يا حب ما بعده حب
ولا اقدر احب حب ثاني من بعدك
بمشيلك كل درب لين اتعب
و اوصل انا لقلبك
يا حب ما بعده حب
ولا اقدر احب حب ثاني من بعدك
بمشيلك كل درب لين اتعب
و اوصل انا لقلبك
معاها احلوت الدنيا
ملتني حب و حنيه
واحس الدنيا وياها
ربيع و احلام وردية
خذتني بحبها كلي
و انا اللي غيرها من لي
تبون الصج يا عالم مثلها ماكو موليه
يا حب ما بعده حب
ولا اقدر احب حب ثاني من بعدك
بمشيلك كل درب لين اتعب
و اوصل انا لقلبك
يا حب ما بعده حب
ولا اقدر احب حب ثاني من بعدك
بمشيلك كل درب لين اتعب
و اوصل انا لقلبك
خالد يصفر ويصفق : اووووووووووووه وش ذا الصوت الي عليك ما شاء الله
تولين : ادري خرفنتك
خالد : هههههههههههههههههه ام الثقه
وقف سيارته
خالد : يلا انزلي
تولين نزلت وتركته وركضت لين باب بيتهم ورنت الجرس ومحد رد ورنت مره ثانيه وما رد ومشت عند باب بيت خالها ورنت الجرس وردت عليها شهد : مين
تولين : انا
شهد تستهبل : هلا انا وش تبي
تولين : يا زق افتحي الباب
شهد: هههههههههههههه اوك وفتحت الباب وسلمت عليها


 
مواضيع : إحساس طفله



قديم 09-07-15, 09:05 PM   #6
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



تولين : روحي البسي خالد معاي بيدخل
شهد : اوك وركضت دخلت
وتولين دخلت خالد وخالد دخل معاها وسلمو على ام تولين و ام شهد
شهد : وش تبون تشربون
تولين : سلامتك ما نبي شي
شهد : اقول بلا رسميه وش تبون
تولين ناظرت خالد وحركت راسها بمعنا وش تبي تشرب
خالد ابتسم لها : ما ابي شي
شهد : خلاص انا بجيب لكم
وراحت المطبخ وجابت عصير وحطت بكاسة تولين ملح وراحت واعطت تولين كاستها واعطت خالد
تولين : شكرا
شهد : عفوا
وجلست
ام تولين : اخبرك يا ولدي عسى مو مغلبتك تولين
خالد يناظر تولن بترف عينه : انا الحمد لله بس بنتكم مغلبتني
تولين شهقت : انا
خالد كاتم ضحكته : ايه تخيلي يا خالتي
اربعه وعشرين ساعه نايمه و مهملتني
تولين : كذاب يمه
ام تولين : تولين عيب تقولين عنه كذاب
تولين تناظر خالد بنظرات تخوف : حاضر يمه بسكت
خالد : هههههههههههههههههههههههههه امزح معاك يا خالتي اصلا يا حظي فيها امي داعيه لي لاني اخذته
تولين تهمس له : ايه رقع رقع
خالد : ههههههه
شهد : تولين ما تبين تشربين العصير
تولين ابتسمت لها وخذت الكاسه وشربت منها
تولين : كح كح كح كح
خالد يدق على ظهرها : بسم الله عليك شفيك
تولين : كح كح كح شهد كح مويه كحكح
شهد فاقعه ضحك عليها وراحت وجابت لها مويه : هههههههههههههههه خوذي
تولين شربت مويه :كحكح يا حيوانه وش حاطه بالعصير
شهد : هههههههههههههه ملح
تولين : انا اوريك يا
وقطع عليها فتح الباب ودخول ابو شهد وهو يجر وراه شنطت السفر
تولين اول ما شافته ركضت عنده وضمته بقوه لدرجت انه رجع لورا
تولين : اوووووووووووه مشتاقه لك يا بعد عمري
ابو شهد : هههههههههه وانا بعد مشتاق لك يا عمري
تولين وخرت عنه : ليه ما قلت لي انك بتجي
ابو شهد : انا اتصلت على شهد اليوم وقلت لها وافتكرت انها قالت لك
تولين : لا ما قالت لي
ابو شهد حط يده على كتفها ومشو عندهم
ابو شهد : السلام عل
وقف لما شاف خالد واستغرب ان ام تولين وتولين موب مغطيين عليه
جت شهد وسلمت على ابوها وجت ام شهد وسلمت عليه
ابو شهد وهو يناظر خالد وفوق راسه علامات استفهام : السلام عليكم
الكل : وعليكم السلام
وقف خالد وقرب عن ابو شهد وباس راسه : الحمد لله على السلامه يا عمي
ابو شهد : الله يسلمك بس من انت
خالد : انا
تولين قاطعته : هاذا زوجي
ابو شهد ناظر تولين بصدمه
تولين : خالي انا
قاطعها كف من ابو شهد
ومن قوت الكف طاحت
وخالد نزل لها ومسكها ووقفها
وتولين عيونها دمعت اول مره خالها يمد يده عليها
ابو شهد : وتقولينها بكل عين وقحه بعد
خالد : عمي لو سمحت افهم السالفه بس
ابو شهد : ولا كلمه انت اكيد لعبت عليها وتزوجتها
ام تولين : ولييد بس عاد انت افهم السالفه
ابو شهد : وش سالفته الي تخلي تولين تتزوج وانا ما ادري هاذا و انا غايب عنكم بس ثلاث شهور
ام تولين : روح اسأل اخوك محمد وش سوا
ابو شهد : وش سوى
ام تولين : اهل خالد جو وطلبو يد تولين من محمد ومحمد جا البيت وهو سكران وخلا تولين توقع على الملكه غصب
ابو شهد ناظر بتولين الي تبكي بصمت وحاطه يدها على فمها وطلع بسرعه
تولين اخذت عبايتها ولبستها
تولين وهي تشاهق : يمه انا جيت اودعكم لاني بسافر بكره لبريطانيه << طبعا هي تقولها مقطعه بس انا كاتبتها كذا
ام تولين : يمه خلك جالسه
تولين : لا يمه ابي اروح خلاص وودعتهم وطلعت وطول الطريق وهي ساكته وبس يسمعون صوت شهقاتها
وصلو قصرهم وهي طلعت الجناح وانسدحت على الكنبه وجلست تبكي
دخل خالد وراح عندها : تولين
لا رد
خالد : تولين خلاص قومي يلا بنروح عن ام و ابوي نودعهم بعد انا جبتك هنا علشان تهدين وتزينين نفسك
تولين جلست ومسحت دموعها : اول مره يضربني
خالد : من الصدمه اكيد , و الحين زيني الكحل ويلا تعالي ولا ما تبين تزورين اهلي
تولين ابتسمت : اكيد ابي ازورهم
خالد وقف : طيب يلا انا انتظرك
تولين : خالد انتظر
خالد لف عليها
تولين راحت عنده حطت يدينها حول رقبته ورفعت نفسها وباسته على خده : شكرا
وراحت للغرفه بسرعه وسكرت الباب واستندت عليه وحطت يدها على قلبها
وخالد يحس قلبه بيطلع من مكانه ابتسم ونزل وراح سيارته
وتولين زينت نفسها ونزلت وركبت وهي ساكته وراحو بيت ابو خالد وبعد ما وصلو ودقو الباب وفتحت لهم ريم وضمت تولين بقوه
ريم : من زمان عنك يا دبه
تولين : انا دبه
ريم : الحين لا بس قريباكيد بتصيرين كذا
تولين بغبى : ما فهمت
ريم : موب راح تحملين وتجيبين لنا بيبي ان شاء الله
تولين وجهها حمر
وخالد ضمها من وراها وقال : اكيد
ريم سحبت تولين : هيييه انت ما شبعت منها فبيتكم
خالد بداخله ( ليه انا لمستها اصلا ) : لا ما شبعت منها يا انسه ريم , بعدين انتي وش دخلك
ريم : على زق تبي تبقى واقف هنا
خالد : ههههه ادخلي
دخلو وسلمو على امه و ابوه وجلسو
ريم : شعندكم جايين
خالد : يعني تبينا نروح
ام خالد : لا وين البيت لكم و العتبه لنا
خالد ابتسم : على كل حال جايين علشان نودعكم لان بكرا مسافرين
ابو خالد : الله يوفقكم
خالد : امين
ريم وقفت : تولين تعالي معاي
تولين وقفت
وريم راحت ولقتها تولين ودخلو الغرفه وجلسو يسولفون
على الساعه9 روحو ونامو
الصباح الساعه 5
صحت تولين ودخلت الغرفه وراحت عند خالد
تولين : خااااااااااااااااالد خاااااااااالد قوم بسرعه قوم الساعه 7 وانت قلت طيارتنا الساعه 7
خالد قام بسرعه : اما الساعه 7 راحت الطياره علينا
تولين : هههههههههههه امزح الساعه 5
خالد : وجع وش مصحيك الحين وسحبها وضمها : نامي
تولين وجهها احممممممر : وخر عني
خالد : اقول نامي بس
تولين: خالد وخر عني ترا باقي بس ساعتين يلا قوم
خالد : ما ابي اقوم نعسان
تولين : طيب وخر عني
خالد وخر عنها
تولين قامت : انا بروح اسوي فطور خمس دقايق الاقيك صاحي فاهم
خالد بتسليك: طيب طيب


 
مواضيع : إحساس طفله



موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : رواية اجبرت بك و بالنهايه احببتك
الموضوع كاتب الموضوع المنتدى مشاركات آخر مشاركة
حين احببتك .. فوهة العدم ابداعات أقلام الاعضاء الحصريه للمنتدى ( أقلامُنا ) 8 12-02-16 04:02 AM
احببتك وان لم تكن لي.. إحساس طفله خواطر عذب الكلام ( أنَّات الخواطر ) •• 9 08-18-15 03:11 PM
احببتك واحببتك هدوء ملكة خواطر عذب الكلام ( أنَّات الخواطر ) •• 3 01-11-15 09:12 PM
نبكى نتالم بالنهايه نتعلم بيبى كيوت قسم العام للمواضيع العامه •• 10 02-16-12 05:37 PM


| أصدقاء منتدى مسك الغلا |


الساعة الآن 03:13 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا