حسبي الله عليهم من اخوان
 

السلام عليكم ورحمة الله وبركاته انا بنت وعندي 2 اخوان

اخواني ماعندهم احترام مايحترمون ابوي صارت هوشه وقام اخوي ورفع صوته على ابوي وعاد ابوي حنون وقدام امي الهوشه واخوي قام هاوش ابوي ورفع صوته وحرقو قلب أبوي الله يحرق قلبهم وامي تقول خليهم ربي بيعاقبهم انا الي قاهرني امي وبرودها قلت لها اليوم مااحترمو ابوي بكره مّاراح يحترمونك وقالها اخوي بوجه ابوي اصلن احنا محترمين امنا عشان تعطينا يعني محترمين امهم عشان الفلوس عاقين بالوالدين وكل يوم مشكله مع ابوي وانا والله قلبي يحترق على ابوي كل مااشوفه وقلت لاخواني ي جعل عيالكم يطلعون زيكم وقلت لهم اذا مااحترمو ابوي مّاراح احترمكم واجلس اتهاوش معهم حسبي الله عليهم والله كل يوم ادعي عليهم وأبكي 💔💔💔😭

ياليتني مادخلت صفحتك وربي
ياويل قلبي بس
قلبي عورني على ابوك
الله يهديهم ويصلح حالهم
انا ابوي كل شيء بحياتي علشان كذا تأثرت بمشكلتك
خلك حول ابوك ترا هو كل شيء بحياة البنت
طيبي خاطره وابعديهم عنه
الله يهدي سركم

اسمحي لي اخونك مريضين احسن م يعطيهم ولا الريال
كل واحد يكد ع نفسه

ربي م يخلي احد دعوه من ابوك تمحي وجودهم ع الارض

وعليكم السلام
ولاً /ادعي لهم بالهداية والصلاح ياما فيه شباب كانوا كذا
والله هداهم واصبحوا مثال للبر !
ثانياً /اطلبي من ابوك يكثر من الاستغفار والدعاء لهم بالهداية
لعل الله باستغفاره يهديهم !
ثالثاً / خبري عنهم احد اقربك يتكلم معاهم وينصحهم يمكن
يحتاجون للنصح والارشاد !
واكيد فيه خلل بالتربية من البداية علشان كذا اصبحوا
لايحترمون حتى والدهم !
او انهم يتعاطوون المخدرات ، اتاكدي من الشي وعالجوهم
اذا كانوا كذا ، حتى ماتقعون بمصيبة اعظم !

الله يهدي اخوانك ويجعلهم من البارين !

الله يهديهم ويصلح حالهم .
كان الله بعون الوالدين ع مثل هذه التصرفات
اصبح بهاالوقت لايكاد يخلو بيت من ابن عاق إلا من رحم ربي .
ربنا يستر الحال ويصلح احوال كل المسلمين .

وبإذن الله يرجعوا لصوابهم ويعرفوا
قيمة رضاء االوالدين .


قلبي معاكم والله .