منتديات مسك الغلا | al2la.com - الشيب لاح وصادفني جواري ** من الي رمني بالهوى ذات مرّة .

الشيب لاح وصادفني جــــــواري ** من اللي رمني بالهــوى ذات مرّة
مرن وصدّن لابسات الخـــــزاري ** يا من يعزيني بــصــوابــــي وأبرّه
أدخلتني يا بو زبون الطــــــواري ** وردّك شلع قــلــب العـنا من مقرّه
تريدني ابحث في خوافي الغداري ** وانوح نوح الورق واسجع واجرّه
وش عاد لو نصبغ بصبغ تجـاري ** ما تقبله خطو الهنــــــــوف وتقرّه
ما تنجح الخدعة بجذب الـقـماري ** شعــــاع عيون الريم يكشف مقرّه
ولا ينفع المطبوب راقي وقـــاري ** ولا ينفعه يا كــــــــود خشّفه يمرّه
ينقذ حيـاتــــــــه والليالي عواري ** وقيمة حيـــاتــــه شوفته والمسرّة
يا بو زبون القلب صابر وضاري ** ما هـي جديده طردتــــــه والمغرّة
ياما رماني ابو العين الحــــواري ** وياما رمــانـي ما التفت في مجرّه
حتى انقلوني العرب للطــــــواري ** عساه يخفف من على القلب حـرّة
واللي رماني ما نشد عن خباري ** يقول شــــايــــــب نقهـره ثم نحرّه
ما هو من طيور القطا والحباري ** متلولح يا اللـــــــــــه يقوم ونجرّه