|
قريبتي كرهت خواتها فيني عندي وحده قريبتي للاسف نمامه وغير كذا تسبب فتنه بيني وبين خواتها يعني قالت عني كﻻم ولفقت فيه حتى يكرهوني خواتها وﻻحظت هذا الشي من نظراتهم وصارو يكرهوني بشكل كني فعلت شي حرام واحلم في هاذي البنت بكثره الي سببت الفتنه والمشكله بعدها بفتره جت عندي البيت تطلب السماح وهذا مﻻحظتي من جيتها عندي ﻻنها قاطعتنا فتره بس ماقالت بلسانها سامحيني كبريائها ما يسمح المهم ما اعطيتها وجه اعتبرتها هي والكرسي سواء وسحبت عليها بعدها راسلتني على الواتس بعد ما حظرتني هي وخواتها وكرهت خواتها فيني راسلتني اشتقت لك وشفتك ماخذه بخاطرك علي المهم كرهتها ما قدر قلبي يسامحها والعفو عند المقدره بس ماقدرت وللاسف بيني وبينهم صلت رحم فمظطره اروح عشان ربي وسبحان الله معاد تهمني ﻻهي وﻻ خواتها ﻻنها جرحتني وسببت فتنه تنصحوني انتقم وﻻ اخليها على ربي هو الي بياخذ حقي وكيف اتصرف مع هاذي اﻻ شكال وليش سوت الفتنه رغم اني ماأذيتهم بشي ويعطيكم العاااااافيه:MonTaseR_25: |
تمت الموافقه ع المشكله :رحيق: |
انتي قلتيها ربك بياخذ حقك منها لا تعورين راسك معاها الدنيا دوارة وكل شيء سوته فيك رح يرجع لها لا تخلينها تاثر فيك ابد |
لا حول ولا قوة الإ بالله ماخرب البيوت ولا فرق بين الأخ وأخوه الإ الغيبة والنميمة لكن أنت هونيها وتهون وأنا أخوك وخليك اكبر واعقل منها ، ومثل ما قلتي إن البنت من أرحامك وأنه ندمانه وحست بخطاه تجاوزي عنه وسامحيه فمن عفا واصلح فأجره على الله .. الآية الله يصلح الحال ويسر أمرنا وأمرك |
كم مره راح تعيش ؟ العمر .. مره ! لاتضيع وقتك في رضاء الناس اللي يبيك بيسمع منك واللي ما يبيك لاتضيع وقتك عليه وتذكر .. أن السحآب ما ضاقت من نبيح الــ ك ــلاب فكن سحآبه |
مشكلتي النميمه مرض الله لا يبتلينا فيها يارب ويابخت من بات مظلوم ولا ظالم يعني انتي ربي يحبك لجل كذا سخر لك عباده يتكلمون فيك لجل يخففو عنك اليوم دنيا وبكره آخره واحنا محاسبين ع اعمالنا وكلامنا تملي صحيفتها بما تشاء انتي لايهمك انتي اكبر من كذا واحسن منها بكثير فوضي امرك لربي وقولي حسبي الله ونعم الوكيل هذه الكلمه قديره بان تاخذ حقك منها كوني مؤمنه بالله ان فعلها هذا سوف تجنين منه خير وخواتها العتب عليهم انهم يصدقونها او احد من قريباتك واللي يجهلك مع الايام بيعرفك ورضاء الناس غايه لا تدرك ولو دركت كان دركها الانبياء عليهم السلام الناس اصبح همها الناس لايراقبون الله في كلامهم ولا افعالهم يتهجمون دون وعي ويتحدثون دون حسبان ولكن هناك ملكان ع كتفهمها يدون كل شيء ليوم تتمنين فيه حسنه واحده تأتيك يعني لا تفكرين في انتقام ابداً ولا تحاولي تعاملينها بطريقتها طنشيها قدر المستطاع وتجنبيها فيما بينكم ولكن بين الناس خليك معها طبيعي وسلمي وسولفي بشكل مختصر ولايهمك احد ولا تهمك نظرة احد انتي واثقه من نفسك ان مايقال عنك تزيف لذلك خلي عينك ع ربي ولا البشر هم من تراب سوفت الفتنه يمكن تغار منك النساء طبع فيهم الغيره لانها تشوف اشياء فيك ودها تكون فيها ويمكن لانها تلاحظ الكل يحبك لجل كذا قررت تسوي كذا وتبعدهم انتي تطنشيها بينك وبينها بين الناس خليك عادي معها لاتحسسيهم ان بينكم اختلاف اذا هي تبي تحسسهم ماعليك منها وصدقيني لها يوم وكل اللي حولها بيعرفو هي وش سوت بتطيح من عينهم اجمعين ربي موجود وبياخذ حقك لذلك فوضي امرك لربي وماخاب من فوض امره لله الله يوفقك يارب ويسخر لك من الناس من يحبك ويغليك ولا يرضا بكلمه تنقال عنك ويصرف عنك كيد الكايدين دمتي بسعاده اختك آسيرة حرف |
| الساعة الآن 06:59 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا