والله اني من غلاها رحت واغليت المكان
 

كل ماطابت هجوسي قمت اسولف للزوايا
---------- عن فتاة كان يملا صوتها صمت المكان

عن فتاة غير كل اللي قرينا فالحكايا
------ صمتها طيش وقصيد وطيشها صمت وامان

باقي فيها من اللي في طفولتها بقايا
------ شيطنه ضحك وسوالف. رقه شعور وحنان

كم تزاعلنا وكلً ينتظر دمح الخطايا
---- ثم نسكت والقضيه تعتبر ضمن الرهان

لين ماتنهي زعلنا ضحكة بين الشفايا
----- ضحكة غابت ولكن،شانها مازال شان

ماذكرت الا عيوب وماتركت الا مزايا
----- سود الله وجه حظي والليالي والزمان

مترفه خلت دلعها صورة بين المرايا
------وين مالديت فيها شفت ضحكات الثمان

شفت شامه فوق جمره سوت بقلبي سوايا
----- ليتها تدري بقلبي وين كان وكيف كان؟!

بس ياذاك الخفوق اللي تلجبك الحنايا
---- شد عزمك لا تخاذل مايطيح الا الجبان

مالك الا ذكرياتك وانت مابين الهدايا
---- ساكن باعلى الاماكن غالي مايوم هان

كل ماخلت وراها غالي ريم الصبايا
---- والله اني من غلاها رحت واغليت المكان

مما راق لي واعجبني

°•|الساهر|•°


نايس ..
صح لسانك وصح لسان كاتبها..


يعطيك الف عافيه ..




كنت هنا

راق لي ما راق لك الساهر
أبيات جميلةة جدآ لوصف قصةة عشق باتت ذكريات
رائع انت في الأنتقاءء
تحياتي

قصييده رائعه ي الساهر
وانتقائك أروع
سلمت ٓ ...