09-20-15, 01:58 AM
| #1 | ||||||||||||
  
| 
قالت أحبك.. قلت شفتـي الطوابيــر؟؟ قالت أحبك.. قلت شفتـي الطوابيــر؟؟ صفي وراهم كلّهم ينطرونــــــي ما عاد لي فـ دروب حبك مشاويــر ما عادت ظنونك تخيب ظنونـــــي كنتي جناحٍ به من همومي آطيـــر كنتي (سحا..) لا والله كنتي مزونــي كنتي الكتاب الممتلـي بالتعابيـــر أقرأ عيونك وانتي تقري عيونـــي غمضت عيني طحت وسط المقاديــر ما قصروا أقل الوفـا كفنونــــي فتحت عيني ودي آشوفنـي غيـــر لقيتني عايش لوحـدي بدونــــي اللي رسموني يا شهد بالتباشيــر مدوا يديهم يا شهد وامسحونـــي مدوا يديهم للفؤوس المناشـيــر سموا على جذعي وبدوا يحطبونـي يوم ان مال الجذع واصطفت العيـر ما طاح جذعي لين طاحت غصوني طاحت غصوني قمت أسط العصافير ما باقي إلا صوتها في أذونـــي طحت ولقوا صوتي شرات الدنانيـر قاموا مع الميراث يتقاسمونـــي اللي شكت من ريحهم نفخة الكيـر اللي وأنا ميت عطش ما سقونـي اللي صوانيهم ذنوب ومعاذيــر إذا لقوني في عشاهم كلونــي وأنا لو إني من عيال الهواميــر ما كانت دموعي تبلل ردونــي وأنا لو إني من عيال الهواميـــر ما كان ريح الجوع تذبح صحونـي وأنا لو إني من عيال الهواميـــر ما حطت هموم البشر في متونــي هاتي يديك شوي.. شوفيني بخيـر؟ أيوا بخير وهيبتي في حصونـــي ساسي متين وهامتي تغري الطيـر ريح المنايا ما تزعزع ركونـــي وإذا لقيتي عزفين المزاميــــر قولي لهم خلف الضيا يلحقونــي والحين عذرا.. خلف ذيك الطوابير حرام صار لهم عمر ينطرونــي | ||||||||||||
| |
|
09-20-15, 02:24 AM
| #2 | ||||||||||||||||
 
| جميل ما نثرته هنا أخي ,,, إحساس خالد ,,, نقل عذب وراقي ,,, راق لي ما راق لك ,,, لا خلا ولا عدم ,,, | ||||||||||||||||
| |
|
09-20-15, 02:27 AM
| #3 | |||||||||||||||
   
|
هاتي يديك شوي.. شوفيني بخيـر؟ أيوا بخير وهيبتي في حصونـــي كلمات جميلة يعطيك العافية ربي يسعدك بنتظار جديدك | |||||||||||||||
| |
|
09-20-15, 02:54 AM
| #4 | ||||||||||||||
   
|
كلمات جميلة جدا أحسنت في الأختيار .. راقت لي كثيراً هذهِ السطور كل الشكر | ||||||||||||||
| |
|
09-20-15, 06:37 AM
| #5 | |||||||||||
  
|
يعطيك العافيه قصيده جميله عطاء مميز ومتألق يباري نجوم الابداع في طرحه راق لي ماوجدته في متصفحك واصابني هذا الانتقاء بالشوق للجديد منك سلمت يمناك تحياتي | |||||||||||
| |
|
03-16-16, 05:45 AM
| #6 | ||||||||||||
|
نجم ضاوي تغيرت معالم صفحتي .. بمرور فاق الوصف .. وطربت كلماتي فرحا .. بثناء فاق الثناء .. شكرا لتعطيرك متصفحي .. و اشراقك أرجاءه.. تحياتى .. واحترامي | ||||||||||||
| |
