يا الله لو نطلع سياحة على ادبي ** قبل الخطوبة وقبل كتب الكتابي . امس الضحى عــدّيـــــــت رجم ومطويّ ** رجــــــــــم طويل ولا رقت به دوابي وبيّحت من خــــافي الحشى كل ما اخفيّ ** وهلّت من العبرة دمـــــوعي صبابي ياللي تفلسف والسبب حرفـــــــــك الدّي ** ما تنفعك الفلسفة يا عــــــذابـــــــــي اترك لي حرف الــــــــدال واقول يا سيّ ** واجمع لك حرف الهاء ونونك ودابي تــعــــــــال وعــالــج جرحكم يا بعد حيّ ** جـــــــــرح عطيب وزاد فيه التهابي خفّف عليّه وطــــــــــــــأتك زادت شويّ ** خفّف عليّه لا يزيد الــصــــــــــوابي ودّي اتعلق في فــــــــــــؤادك ثم اشكيّ ** قبل اتعلق فيك يوم الحــســــــــــابي واســامــحــــــــك يالترف ما دام أنا حيّ ** وربي يعوضك يوم حسن الثــــوابي تـــعــــالــــي يمي جاي امشي ثم امشي ** مشي الـقـطــــــاة اللي تعاتب عتابي وكـــلامــنــــــــــا همسات باذنك وبذني ** لا يسمعونه الــمـــــــلا وكل هـــابي ما نقبل الـغـشـوة ولا نقبل اغـــــــــطيّ ** ولا نقبل البــرقــــــــع ولبس النقابي نــبــي الـبـــــــراءة يوم ذاك الزمــــانيّ ** نضحك براءة وانـتـعـــاطى التصابي قبل يموت ابوك وايــضـــــا أبي حـــــيّ ** ســاعـــــــــة وقفنا عند بابك وبابي يوم انشدوي وانت تعرف مـــانـــي عيّ ** وش عـنــدكــم وش عندكم يالعلابي رديت انا ثـــــــــــــم قلت نشرب لنا ميّ ** والـكـل منهم مبتســـــــــم وامتغابي يا اللـــــــــه لو نطلع سياحة على ادبي ** قبل الـخـطـوبـــــة وقبل كتب الكتابي يمكن نجدد بالـعــــلاقــــــــــة لو شويّ ** حيث السنين اللي جـتـفـتـنـا بـعـذابي ونوثّق الـمــيـــــــــــلاف في بثّنا الحيّ ** في مـنـتــدانـا وفـــي لابـــك ولابـــي وانـعـــــالــــــج الجفوة ثم انعالج الكيّ ** وانعوض الحرمـــــان وطول الغيابي وتشكي لي انت الحال وانا اشتكي شيّ ** ونقعد ونفضفض في دروب وروابي حتى يـحـسـدنـا بـلـيـس ويقول ذا غيّ ** حـــــــــرام يا اهل الغيّ هذا التصابي وانا مـــــــع انّي بليس ما ازاور ادبي ** خجلت انا من اللـــــه واخشى العقابي ما يدري الـشــيــطـــان انّي مع أوخيّ ** توّه صغير وما بلغنا الــشــبــــــــابي انعيش في عمر الـطـفـولــــة ولا شيّ ** ولا الـشـريـعـــة كلّفتنا الـخـطــــــابي من جديد / الخيّال التغلبي . |
يالله عليك التغلبي صح لسانك لاهنت شكراً لك ودمت بكل ود :MonTaseR_11: |
روعه يعطيك العافيه اخي ,,, الخيال التغلبي ,,, يسعدك ربي مثل ما اسعدتني بهذه الابيات ,,, لا خلا ولا عدم ,,, |
صح السانك وسلمت ايدك تقبل مروري |
الله عليك ياخيي أبدعت في كلماتك يعطيك العافية بنتظار جديدك ربي يسعدك |
الله يعطيكم الف عافية بدون استثناء على مروركم الجميل والعطر وكذلك التشجيع ـ احتراماتي . |
الساعة الآن 02:14 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا