منتديات مسك الغلا | al2la.com - أقسمت بالله ما عشق غير مطنوخ ** والا الردي وش عرّفه بالعشاقة

أقسمت بالله ما عشق غير مطنـوخ ** والا الردي وش عرّفه بالعشاقة
يلبد على اللي ريحة ابطه لها فـوخ ** واليافقدها صارت عنده اشفاقــة
مدمن عليها سمّها ســـــــمّ زرنوخ ** عنده مناعة ما تجيه الاعـاقــــة
لولا العشاقــــة ما سقط كل مدروخ ** دريخ قلب من هوى البال عـاقة
ولولا العشاقــــة مارقا كل شمروخ ** كل ابلج جاب القوافي حـذاقــــة
اللـــــــــه من قلب بـه الهم ممروخ ** مرخ الصويب اللي تعثّر بساقــة
من شوفتي غرو انهوده تقل خوخ ** اللي رماني وعذره ماله عـلاقــة
اشقر عفر من معدن الزين منسوخ ** لاواهني من حاش زينــه وذاقـه
يستاهل المزيون من لبسته جـــوخ ** شيخ الشيوخ اللي يعز الرفاقــة
شيخ ولد شيخ ومن عزوة شيــوخ ** شيخ ثقيل ولا اذكروا به طفاقـة
والـيـبـتـلاه من العرب عود ملطوخ ** يضحك احجاجه كله حلم ولباقـة
ما هو من اللي شيخــــته بس للوخ ** بشت يجرّه واستراحة ونـاقــــة
واليانخيته لحاجـــــــتك قال مربوخ ** اصبر عليّه مابي اليوم طــاقــــة
له مجلس مليان بخبول ودلــــــوخ ** يالله دخيلك عن شيوخ الحمـاقــة

من جديد / الخيّال التغلبي .