|
شبية الريح.. شبيه الريح شبيه الريح حينما استنشقت حبك من بقعة هواء .. أصبت بداء الحب .. شبية الريح وش باقي من الآلام والتجريح..؟ وش باقي من الأحلام..؟ وش باقي من الأوهام غير اني .. الاقي في هجيرك فيّ.. الاقي في ظلامك ضيّ واوقد شمعتي في الريح شبية الريح .. اذا تسمح بغيب شوي ابجمع همي الباقي.. وادفن صبري الذابل في أوراقي و برجع لك اذا باقي بنفسك شي .. شبية الريح.. أنا مقدر أكدر صفوك العاصف .. شبية الريح أنا من لي سوى إحساسك الجارف.. بقايا زيف أشواقي سما أمطار أحداقي.. شبية الريح وش باقي...! ابي أعرف متى تسكن رياحك..؟ وابي أعرف غرورك هو متى يطلق سراحك ..؟ وابي أعرف متى تعصف ..! متى تعطف ..متى تنزف جراحك ..! وابي أعرف إذا باقي في بحرك موج اكسر فيه مجدافي .. وابي أعرف إذا باقي في همك هم ماشالته أكتافي.. وابي أعرف إذا باقي في هالدنيا حزن مامرني واستوطن أطرافي .. وابي أعرف إذا باقي من المعجز في هالدنيا سوى العنقاء.. والا الغول والا خلك الوافي ..! بقايا زيف أشواقي سما أمطار أحداقي شبية الريح وش باقي ؟! سنيني يم .. وقلبي المركب المتعب وانت الريح .. مجاديفي عذاب وهم وزادي الوجد والتبريح .. وصبري صبر بحّارة بغوا في اليم محّارة .. غشاهم موج كان من الغضب أغضب وكانوا للهلاك أقرب.. لولا كثروا التسبيح.. شبية الريح.. حبيبي الأصدق الأكذب عجزت اوصل شواطي طبعك الأعذب .. تعبت أنطر في وسط العاصفة قلب وشعور وعاطفة.. تعبت أجمع ألم كل الموادع في المواني وأحضن أطيافك.. تعبت السهد في ليل الشوارع والثواني تنطر انصافك.. تعبت الظلم واجحافك.. شبية الريح أنا ودي أكدر صفوك العاصف.. شبية الريح أنا كني نسيت إحساسك الجارف.. بقايا زيف أشواقي سما أمطار أحداقي.. شبية الريح كيف أسألك : وش باقي ؟ وأنا الباقي من إحساسي ذرته الريح.. |
سلمت ي الغالي ع الخاطرهه الجميلهه لا هنت |
كلمات راقيه سلمت أخي على نبض قلمك الراقي والمميز دمت بحفظ الرحمن |
تسلم الايادي ماقصرت موضوع اكثر من رائع |
|
سلمت ايديك |
| الساعة الآن 01:46 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا