وش علاقتي فيهم ، انا و الـOuija .. ! - منتديات مسك الغلا

~~ي هوه~~ · 10-03-15, 06:45 AM

..

..

بسم الله الرحمن الرحيم -)
السلام عليكم ورحمة الله وبركاته

اخباركم ان شاء الله بخير -)

اليوم يوم جميل ، لاني بأنزل لكم قصه من تأليفي
طبعاً ، تعبت عليها ، واستخرجت كل حاقه من باطن عقلي .
اي ، وقبل لا انساها ، واجحدها ، الاخت - آسيرة حرف- .
كان لها فضل كبير ، بحيث هي اللي سوت الهيدر ، والفكره
، والاخراج انا وهي ، انا اللي سويته الكتابه واحداث القصه بس ،

يعني هي اللي رفعت معنوياتي ، وقالت انت شخص موهوب ، سوا لنا قصه.

وسويت هالشيء كـ مدخل تعريفي .
بخش ع طول في الموضوع ، يكفي المقدمه اللي فوق ^
القصه بتكون -رعب- ،
ولازم تركز في كل حرف ، وبرضوه عشان م تكون فاهي ،
وفي نص الاحداث منت مستوعب كيف وكذا ، يعني يبيلك شاي او كوفي او اي حاجه ،
تصحصحك معي ،
بالنسبه للشخصيات كل اللي اقدر اقوله :-
اساميهم : سعد ، خالد ، ريما ، كمال رنا .
الاسماءء من عندي طبعاً .
طبعاً ، فيه شخصيات ثانيه ، بس بتكون عابره ، او مو مهم تعرفونها الحين -)
بالنسبه لشخصيات ، يعني ايش يحب كم عمرهم وكذا:-
بأخلي عقلكم يتحرك شوي ، و ابي خيالكم يسرح شوي
وامم ، بالبدايه اقولكم : تراهم متغربين للدراسه ، يعني بالجامعه ،
ومحد يعرف احد - التقوا بالصدفه - مغير سعد و خالد اصدقاء .
اعطيتكم نبذه ، وان شاء الله تعجبكم .
وشيء مهم قبل لا انساه :
ترا بتكلم بصيغه انا ، يعني كأني انا احكيلكم القصه ، يعني انا اكون شخصيه من هالابطال . .
تحمسوا ، وبنبدا :
لحد يرد !

..

..

~~ي هوه~~ · 10-03-15, 06:46 AM

..

..

.بسم الله الرحمن الرحيم -)
السلام عليكم ورحمة الله وبركاته
اخباركم ان شاء الله كويسن .
ببدا :-
انا اسمي خالد ، شخصيتي انطوائي واحب الهدوء .
بعكس صديقي -سعد- ، ذا انسان عربجي ، ومو مهتم !
بس انجبر بعض الاوقات اكون معاه ، بس تراه مو سيء .
هو صديقي من ايام الثانوي ،
والحين حنا متغربين ، بجامعه .
انا م اعرف كيف قبلتنا الجامعه ، بس من اللي اعرفهم
-سعد -انقبل معي ،
الجامعه غريبه ، بس تكض بالناس ، وهذا اللي خلاني ارتاح ، بس حنا قابلنا ثلاث اشخاص،
كان اساميهم ((-رنا - كمال - ريما - ))،
كلن له شخصيه مختلفه ، اي هم من نفس ديرتنا ، فقطينا معهم ميانه ، بحكم انهم معنا بالكلاس و نطقطق ع خلق الله ،
في يوم :- 6 \ 3 \ 2015 م .

قالت ريما : ي جماعه ، اشتريت عطر ، شرايكم فيه ؟
سعد : اي اي ، ذكرتيني ، امس اشتريت لعبة ، مدري شكلها غريب ، بس متحمس حيل العبها ، وهي لازم اكثر من ثلاث اشخاص .

قلت : طيب من وين شريتها ؟
قال : اممم خلني اتذكر ........ اي ، من شخص كنت اشتري ايس كريم ، وعرضها عليّ .
قلت : طيب بكم ؟
قال : يوه ....... اشفيك م قدر اتذكر !
قال كمال : والله من الفقعه .
قالت رنا : تصدق سعد ، تحمست يلاه نلعبها -)
قال : لا لا ، مو الحين خليها ع الويكند .
قلت : ي عمي فكني ، م ابي العب معك !
قالت ريما : م عليك ، بتتحمس وتلعبها معنا .

انا كنت واعي ومركز ، م اعتقدت انه شيء زي كذا بيغريني ، ويخليني اغير رأيي ، لان بيوم الوكيند .
تجمعنا كلنا وبدينا نفكر وين نلعبها !
كانت الجامعه فاضيه ، ففكرنا انكون بالدور الارضي بس وين ؟ كنا في -المخزن - مع انه كان مغبر ومحد يدخله الا انا تحمسنا !

قال سعد : عيال ، روحوا ضبطوا لنا مكان .
قالت ريما : يع ، الدنيا هنا قرفف !

كان سعد اكثر واحد متحمس ، مع انه يخاف من هالاشياء !
وسعد ورنا سوو طقوسهم الغبيه .
كان معهم الشموع وكانوا اكثر الناس متحمسين !
قلت انا : هي سعد ، شسم اللعبه ؟

قال : اسمها - الويجا - !
خروج عن النص : اذ انت م تعرف وش هي الويجا ، فهي خشبه بيضويه ، او دائريه الشكل ، تكون عريضه في الاغلب ، مكتوب عليها الحروف الابجديه الانجليزيه ، والارقام من صفر الى تسعه ، وعليها كوب تحطه مقلوب ، وتبدا تقول طلاسم ، وبعدين تسأله سؤال ، ويبدا يتحرك الكوب ع الحروف ، وتكتب كلمات من حروف متقاطعه ، ع اساس الجن تحركه . !

قلت : اممم ، كمال تعرفها ؟
كمال : قد سمعت عنها ، بس ماني متأكد من ......
قطعه سعد وقال : يلاه يلاه ، نبدى !

بدينا وانا كان فيني خوف ، مقدر اقول لا خلاص م ابي اللعب .
شوي بدأت رنا وكمال وسعد يقولون الطلاسم !
م كنت مقتنع وكنت اشوفهم ،
شوي ريما تدقني ، لفيت بوجهي لها وهي تأشر على جدار المخزن ..!
كان فيه باب وذا الباب مقد شفناه ابد ، بس الغريب ان الباب مفتوح وفيه المفتاح من برا ..!

.
قال سعد : يلاه نبتدي نسأل سؤال -)
قالت رنا : خلونا نتفق ع سؤال واحد ، عشان م نكثر عليهم .
وهي تضحك !
بديت اخاف ، واقول : امممم ، شرايكم نسأل عن :-

ليش الجامعه مهتريه ، اصلاً وش قصة الجامعه ذي ؟

وكلهم ايدوني ع السؤال ، قلت بنفسي :-
ي الله ، ي ليت م ينبان خوفي ، ي ليت م يصير حاجه ، ي ليت ارجع للبيت !

جلسنا كلنا نقول الطلاسم ، بس لحضه !
م صار شيء !!
قلت انا: انا كنت متوقع انه م راح يصير شيء !
قالت رنا : يوه تحمست ... ليه م صار شيء !
قالت ريما : الحمدلله ، يلاه نرجع السكن ، فيني نوم !
كمال قال : هههههه ، سعد لعبتك فاشله ، هههه !
سعد .
سعد ؟

تخيلوا المنضر اللي شفته قدامي ، اي كان سعد عند الباب ، الباب اللي م شفناه من اول !

قلت : سعد ... سعد يلاه بلا استهبال !
سعد سااااكت !
قلت : ريما ، بسرعهه افتحي باب المخزن !
ريما راحت ، بس ايش ، ايش اللي صار ؟
ريما : هاه ! ، الباب ليش م ينفتح ؟

فذا الوقت انصدمنا كلنا ، وفتحنا جوالنا ندق بس اللي كان يرد :
عفواً ، ليست هناك شبكه !

لحضه لحضه ، من متى ؟ دايم ادق في الجامعه واقدر اتكلم ! قال كمال : خلاص دام م يمدينا نكسر الباب ، لان الباب من حديد ، فكرو بشيء ثاني !
قالت رنا : ااااااا ، الشموع وين الشموع ؟ مالها اثر .
ريما قالت : سعد ، وش اللي يصير هنا ؟
ضحك سعد وقال : مافيه طريق ثاني ، خلونا نروح مع ذا الباب !
فعلاً ، ماكان فيه خيار ثاني ، رحنا معاه وحنا خايفين .

اخذ كمال المفتاح ، وحطه بمكان قريب من الباب ، ومشينا وحنا خايفين ، بس اللي صار ان الممر كان ينقسم لقسمين :
قال سعد : يلاه ننقسم مع ابتسامه !
قال كمال : لا لا ، اسوا شيء انه ننقسم خلونا مع بعض !
قالت رنا : لا خلونا ننقسم ! من زمان عن الحماس والمغامره !
وانقسمنا وكنت انا مع ريما ،
وسعد وكمال ورنا مع بعض !
وحنا نمشي قالت ريما : الامور متلخبطه ، وممكن م نلقى طريق !
كلامها اقلقني ،

بس بأبتدي بالاحداث مع القسم الثاني :
قالت رنا : ابي الحمام !
قال سعد: طيب دقيقه ، انشوف لك مكان .
شوي :
قال سعد : شوفي ، هذا حمام ، ادخليه !

قالت رنا : طيب طيب ، بس خايفه .
قال كمال : خلاص حنا بننتضرك !
قالت طيب ، اهم شيء عندي منادل -)

دخلت الحمام : استغربت من ريحته ، والقرف اللي هناك !
كان فيه حمامين دخلت الحمام ، بس فيه شيء غريب !
هوا ليش فيه مويه ؟ مع انه محد فيه هنا !
اممم شكله تبع صنابير الجامعه -)
طلعت من الحمام ، بس الاغرب وين كمال !؟
سعد وين كمال ؟
قال سعد : اممم ، قال انه بيمشي قبلنا .
.........،.

نكمل الجزء الثاني بعد مشاركتكم
تتوقعون كمال وين راح..؟؟
وسعد ليه يبتسم لحظة الخوف ..؟؟
ننتظر الردود اذا حمستوني راح اكمل الجزء الثاني

..

..

~~عمرسليمان~~ · 10-03-15, 06:54 AM

~~يعطيك العافيه~~

~~عمرسليمان~~ · 10-03-15, 06:59 AM

~~في قمه الاهميه~~

**مرجانة** · 10-03-15, 08:03 AM

وناااااسة تجنن البداية اكشن

انا شكيت في سعد

شكله مخاوي هههههههههههه

رووعة القصة

دخلت جوو معها ، وكويس انها مع الصبح
يمكن لو كانت بالليل ما بنام >>> خوافه اقوى شي

ننتظر القادم بحماس

و يعطيك العافية انت واسيرة

القصة متكامله كذا مع الخلفية و الصور

**ضوء القمر** · 10-03-15, 08:52 AM

عشت الرعب مع الصور

وبعدين هم يوم يلعبون بالويجا ع اساس انها مغامره بجد اغبياء

سعد اشك ان فيه جني لانه الوحيد ماحس بالخوف

المواضيع المتشابهه للموضوع : وش علاقتي فيهم ، انا و الـOuija .. !
الموضوع	كاتب الموضوع	المنتدى	مشاركات	آخر مشاركة
تعقيب علاقتي مع هذا الشاب الى متى	مشكلتي	همومنا ومشاكلنا وإحتياجاتنا الشخصيه ( مشكلتي )	13	04-20-17 11:41 PM
علاقتي مع هذا الشاب إلى متى	مشكلتي	همومنا ومشاكلنا وإحتياجاتنا الشخصيه ( مشكلتي )	16	04-14-17 11:41 PM
علاقتي مع زوجي من سيء لأسوء	مشكلتي	همومنا ومشاكلنا وإحتياجاتنا الشخصيه ( مشكلتي )	5	07-31-16 04:20 AM
علاقتي معه لاادري مانهايتها	مشكلتي	همومنا ومشاكلنا وإحتياجاتنا الشخصيه ( مشكلتي )	8	05-26-16 12:30 PM
علاقتي بشاب كيف أنهيها	مشكلتي	همومنا ومشاكلنا وإحتياجاتنا الشخصيه ( مشكلتي )	18	04-08-16 10:19 PM

\| أصدقاء منتدى مسك الغلا \|
مدونة مسك الغلا	مدونات	خطوط عربية	تحميل خطوط	صور سكرابز	خطوط انجليزية
شات الرياض	شات الرياض الصوتي للجوال		شات حسبتك لي	شات تعب قلبي الصوتي	شات تعب قلبي الكتابي للجوال
شات فلة الخليج	شات فلة	شات السعودية	شات جوال	شات جفى	شات قلوب
شات القصيم	شات الغلا	شات الود	شات السعودية للجوال	شات الخليج
شات كتابي	شات سعودي للجوال		شات القروب	شات بنات السعودية	شات حب السعودية
شات شقى	شات جوال	شات للجوال	شات عربي للجوال		شات كرم الشام
شات احساس	شات فلة الكتابي	شات سعودي		شات تعب قلبي	شات حبي
شات الخليج	شات قلوب السعودية	شات غلا الخليج