|
ردي الثاني على المتمرد السلام عليكم ورحمة الله وبركاته صباحكم خيرات ومسرات لأخي الشاعر المتحدي المتألق : المتمرد قصيدة ضمن المحاورات الحماسية بيني وبينه وقد رد بالأمس على القصيدة التي رددت عليه فيها وهي على هذه الروابط : ( قصيدة المتمرد الأولى )* http://www.al2la.com/vb/t60539.html ( ردي الأول على قصيدته ) http://www.al2la.com/vb/t60586.html ( رد المتمرد ) http://www.al2la.com/vb/t62170.html وهذا هو ردي على قصيدته الأخيرة في إطار المحاورات بيني وبينه . وأريد أن أوضح أنّ هذا المجال فيه سعة والحماس قد يتطلب بعض الحدّة ولكنها لا تخرج عن الألفة والمحبة بين الطرفين ... الله يسلّم شاعر القاف لو كان ............... أبطى ولا جتنا عن غيابه أخبار / واليوم شرّفنا وله عندنا شان ..................ولكلّ كلمة عند الأجواد مسعار / ياللي تقول فلان والقصد حُقران ............... ترى البحر ما حدده كل بحّار / كم من يبي غوصه مؤمل وعجلان ............. في مركبٍ قاصر مجاديفه قصار / متهاون أمواجه غدا فيه غرقان ......... ساقه على موت الغرق صرف الأقدار / أشوف في ركابك بدت بعض الأوهان ........ ما عندها قدرة على طول الأسفار / تمضغ قوافيها كما علكة لبان ...................... وتردّها تجترّها بحد منشار / جرحك طري وأغراك للرد نسيان .............. نسيت يوم المعركة طعن وغبار / خمسين ليلة وانت منصاب حيران ...... بعد اختفيت في رجم مدري بطن غار / واليوم جيت وترمي الناس بهتان .............. بأوصاف ما هي للأجاويد مقدار / عيّرتهم وأصدرت تهمة وجرنان ............. من دون حادي ترفع الصوت تكرار / العار عند اللي رمى دون نيشان ........... وأخطا هدف مرسوم في نظم الأشعار / تبغى تشيّد بالأقاويل بنيان ........................ وتغيّر النظرة على كل نظّار / الواقع المفروض ما فيه نكران .................. والطبع ما يخفيه تمثيل الأدوار / واقعك رفع الصوت والحالة آمان ............ ما تسوق لك مغنم ولا تعقّب أضرار / الأولة جاتك وفاء مد الأيمان ............... حتى نكمِّل واجب الضيف والجار / واليوم متحدّي لنا ما انت قنعان ................. تتبع سراب الظن والظن غرّار / عندك هدف مخفي تحت طي كتمان................ لا بد ما يظهر وللطي نشّار / با مد لك مدّة على طيبة إنسان ............... اقلط على الترحيب شاعر وبيطار / والا ترى الميدان به رمح وسنان ............ ياللي برجلك جيت قصّاف الأعمار /// وسلامتكم تقبلوا تحيتي إحساس شاعر |
ابدعت في الرد وعزالله انك كفووووو وقدها شاعر فذ متمكن وطويل بال نفخر كونك بيننا مهما كتبت و وصفت لن اوفيك حقك ابدا تقييمي + الفايف ستارز تستحقها بجدارة |
- صَح لسانك ، وتسلم يمناك لاعدمنآ حرفك ! لاهنت () ! |
اقتباس:
يعطيك العافية .. لحضورك تميز ووهج على أبيات القصيد .. سلمتِ على هذا المرور تحيتي |
اقتباس:
صح بدنك .. ولا عدمت إطلالتك الرائعة .. ما تهونين إن شاء الله تحيتي |
ابدااااااااااااااااااااااااااااااااااااااااااااااا اااع ماشاء الله تبارك الله سلمت قريحتك الذويقه :81: احساس شاعر مبدع كعادتك :869: |
اقتباس:
الله يسلمك ويسلم لك الغالي والإبداع يكتمل بتشريفك هنااا يعطيك العافية تحييتي |
صح الله لسانه ولسانك تستآهل + |
كلمات قوية جداً يبدو أن الحرب وشيكة >> امزح امزح غاية في الجمال اخي احساس شاعر بارك الله فيك دام نبض قلمك و بوحك استمتعت كثيراً هنا |
ماشاءالله إحساس شاعر مبدع وقدير ومتميز |
با مدّ لك مدّة على طيبة انــســان ** اقلط مع الترحيب شاعر وبيطــــار والا ترى الميدان به رمح وسنان ** يا اللي برجلك جيت قصّاف الاعمار بيض الله وجهك ـ قمت بالواجب الترحيب أولاً فمن أنذر فقد أعذر طابت أنفاسك يا أحساسنا ، ليتني كنت فيها جذعاً ، وأنما اخذت السنون منا ما أخذت وابقت على ما أبقت وتركنا هذه المجاراة للشباب أمثالكم . |
جميل ي احساس اشعر بالفخر في كل مررة افتح قسم الابداع وارى الابداع الشعري والأدبي , وان انتمي لمنتدى يوجد به امثالكم ! صح لسانك لاهنت يعطيك العافية ربي يسعدك |
صح لسانك اخوي احساس وبيض الله وجهك على ما قدمت من ابداع لعلنا في قادم الايام ان شاء الله تعالى يفتحون الشعراء الباقين ميدان جديد وتحدي جديد اكتفيت بما قدمت معك ولا اقول الا صح الله لسانك بارك الله في امثالك وشرواك واثق خطوه كما يقال يمشي ملكا الشاعر شاعر في كل قاف وفي كل ميدان وفي أي اتجاه من يكتب بيت واحد موزون يستطيع ان يكتب 100 بيت موزونه وفي أي مجال تحيتي وتقديري لشخصك الكريم |
يا هلا والله وغلا أخي الكريم والشاعر الحكيم ,,, شاعر الاحساس والمشاعر المبدع ,,, احساس شاعر ,,, رد يشفي الغليل ويشرح نفس العليل ,,, كفيت ووفيت وما قصرت وجهك ابيض وفالك البيرق ,,, أجزلت ورب الكعبه ,,, لا خلا ولا عدم ,,, |
صح لسانك إحساس شاعر وأبدعت بالرد وغيير مستغرب على شاعر متمكن ومبدع وإحساس ينبض بالشعر لاهنتٓ ولاهانت حروفك ...:Dl3: |
عندك هدف مخفي تحت طي كتمان................ لا بد ما يظهر وللطي نشّار // إحساس شاعر .. يمشي الهوينا ويجي في الأولِ ..!! أبدعت في نظم الكلمات وبحروها وغُزر معانيها .. حتى لامست بجمالها الجوزاء ..!!! |
الله عليكك ي إحساس شاعر .. أقسمم بالله رد فِ الصميمم .. سلمت وسلمت اناملكك عَ م خطته لنــآآ . أعجبتـني القصيده جدا .. لا هِنت ي الغـآآلي .. أنتظـر جديدكك .. عَ أحر مِن الجمـر .. حَسُوسَـآآ :cupidarrow: |
لكل من حلّق بحرفه هنا وشارك بجمال حرفه وسطوع إطلالته . أنرتم وشرفتم . وكسوتم موضوعي حلة من بهاء وتاج من فخر .. بكم أسمو ويسمو حرفي وبإطلالاتكم تتوق النفس إلى الشروع في قصيدة أخرى من فيض الإحساس النابع من انطباعكم المشرف والمحفز دمتم أوفياء متابعين متذوقين .. للجميع أسعدني جداً حضوركم وتشريفكم حفظكم الله ورعاكم .. وعلى الخير نلقاكم إحساس شاعر |
اقتباس:
|
ماشاءالله |
يعطيك العافيه وصح لسانك ننتظر جديدكم ياحبذا بشي من الرومنسيه والغزل والايثاره:رحيق: |
صح لسانك شاعرنا أبدعت وتألقت سلمت ودام نبضك رد قوي تو المعركه بدأت هههه وننتظر الرد :MonTaseR_61: تحياتي وعبق وردي لسموكم |
| الساعة الآن 11:37 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا