|
وعليكم السلام انا برايي تحاولين تلفتين انتباهها باي شيئ تحبه غير الاجهزة والجوالات وبصراحه انتم غلطانين يني بنت بالمتوسط تعطوها جوال وبرامج بي بي ؟؟؟ لا تقولون كل البنات الان يستخدمون جوالات اذا كان اكثر الاهل متساهلين مع بناتهم ويعطونهم جوالات لماذا تفعلون مثلهم ؟؟؟ اول خطوة للمراهقه خاصه البنت امنعي عها الانترنت والجوالات لكي لاتتمكن من التواصل كثيرا مع صديقاتها وتركز اكثر على نفسها ودراساتها ثاني شي انقليها من المدرسة رح تكره هذا الشيئ من البداية وتعاندك لكن طنشيها لانها سوف تحاول لفت الانتباه وتبكي وتقول راح اموت نفسي او انتحر و و و تاكدي اللذي يهدد لا يفعل شيئ وهذا معروف عند علماء النفس بعد ذلك حاولي تتقربي منها تكلمي معها عن المدرسة اذهبي للتسوق معها قولي لها ذوقها يعجبك وتريدينها تختار لك مثلها وكانها تختار لنفسها انزلي لمستواها قليلا سواء في اللبس او اللعب او الاهتمامات خصصوا يوم تلعبون فيه وتتعلمون تسون مكياج لبعض بالبيت وتطلبين منها تصفف لك شعرك على طريقتها اجعليها تشعر انها بدات تكبر وانك تحتاجينها يوجد حلول كثيره لابد من التدرج قليلا . موفقه باذن الله تحيتي لك |
وعليكم السلام ورحمة الله وبركاته لا تكبري الموضوع بينك وبين بنتك ولا تطلعيها من مدرستهاا عشان هذي البنت السخيفه هذا لن يحل المشكله ابدااا بل تتمادا للأسوا من ذلك هي لا تدرك ولا تفهم ماتفعل وبنت الثانيه ممكن تعاند وممكن جد هي سيئه. هنا يجي دورك بصبر وتفهم وحلم شاركيها كل امورهاا اشغليها في البيت واخونها وتطلع معك علميها فنون البيت وكل شي ادعي لها امامهااو من خلفها بصلاح وخير حسسيها انك تخافين عليها كثير وانك تبيها في افضل حال واحسن بنت كوني قريبه منها كثير ولا تعاتبيها على كل شي بل ازرعي الثقه بينك وبينهاا والله يعينك وهي في مرحله صعبه جداً فلابد من ادراك هذا منك. |
وعليكم السلام أعانك الله أختي ،، الأبناء في هذا السن يحتاجون للأهتمام والحب أكثر وقد لايجدونه الا خارج المنزل وبعيدآ عن الأهل !! حاولي تبني بينك وبينها صداقه وفهميها بطريقتك حتى ترتاح للكلام معاك ولو تعرضت لمشكله تلجأ لك لا تعامليها بشده أو بطريقه رسميه ولا يخفى عليك نوعية بعض البنات في هذآ الزمن والتمرد الحاصل أهتمي بها كثيرآ ولو في عائلتكم بنات في مثل سنها تثقين فيهم كوني بينهم صداقه وزيارات راقبيها دون أن تشعر أهم شيء أزرعي بداخلها الثقه وأنك تعتمدي عليها ،،، وقبل كل هذآ ألجيء في ثلث الليل الأخيير وأدعي لها وحصني أبنتك دومآ من شرور البشر وفقك الله ... |
كلامكم جميل وريحنى كثير وانا تكلمت مع بنتى واتفاهمت معها المشكله فى البنات الى فى المدرسه ايش اسوى معاهم اروح للمدرسه واكلم المرشده او المديره عنها وشكرا لكل من نصحنى |
حبيبتي حاسة فيكِ انا درست مع بنات مثل هالنوعية و طالما صديقتها ما كلمتك بتهذيب و تعاند وتتعمد تضايقك وتقول وبضمها كمان فهي نوعيتها بانت! لو كنت منك بواجه بنتي بصرامة .. لان لو كلمتيها بهدوء ما بتحس بخطورة الأمر ، علميها الصح من الغلط ، مراهقة بعدها صغيرة تحتاج توضيح للصح و الخطأ مدري حسيت بنتك مدللـه! الشدة مطلوبة ، وضحي لها ان صاحباتها مو محترمات و لازم لاتحتك فيهم كثير شوي شوي تقطع علاقتهم فيها وهذا اجباري وانتي استخدمي معها اسلوب التهديد مو هي اللي تهددكم لان هذا الوضع الطبيعي الصحبة السيئة تجر كثير لحاجات مو زينة الله يريح بالك ويصلحها ويبعد عنها اصحاب السوء |
هلا فيك مشكلة بعض الأمهات من كثر الخوف والواقع الذي تسمع عنه ، اي تصرف يخرج من بنتها تحمله غالباً محمل الظن السئ ولا تُلام في ذلك ابداً ! الواقع مخيف ، مجتمع المدارس والجامعات نحس انا في جهاد لحد مانتخرج ! تكلمي مع بنتك وانصحيها بس بشكل غير مباشر كأنك تتحدثين عن احد غيرها ! احتويها قدر استطاعتك ! لاتحسسين بنتك بمراقبتها ابداً ابداً انا مؤمنة ان الأم هي من تُشكل. شخصية بنتها ! ربي يحفظها لك ويصلحها ويرزقك برها ! |
| الساعة الآن 10:22 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا