عجزت وانا اكويها بحامي الفنجيل ** عيّت تروّض واتعبتني مع الناس . ان كان ابو جلاب يشكي من المـــــيل ** الميل يا ابو جــلاب مبطــي لنا داس ارجوك لا تشكي لي من خفة الحــــيل ** الحيل يا مشكاي ما هو على ســاس وربي يا لولا دلّـــــــة كلّها هـــيــــــل ** ومتربع ما بين نجر(ن) ومحـمــاس الياضاق صدري صرت بين المعاميل ** وسويت لي يالقـــرم مـا يقعد الراس خطر(ن) على عقلي تجيه الهرافـــيـل ** ويصيبه الهاجــوس بالفين وسواس ويرزم ارزام(ن) لامّهات المخــــــاليل ** خلــج(ن) تقفّوهـا على قـب الافراس أقفت مع الديّان مثل الجـواديـــــــــــل ** يسوطها قرم(ن) تقـل فــرخ قرنـاس وآهيلها بـمــراحــهــا دمعهم ســيـــل ** وكم خيّر(ن) من دونها طاح محتاس نفسي عزيزة وتبي علوم الرجـاجــيل ** وعلومنا دايـــــم على غير مــقـيـاس عجزت وانا اكويها بحامي الـفـنـاجيـل ** عـيـّـت تروّض واتعبتني مــع الناس من وسيط / الخيّال التغلبي . |
روعه أخي ,,, الخيال التغلبي ,,, جزله من جزل ,,, بيض الله وجهك ,,, لا خلا ولا عدم ,,, |
صح للسانك مبدع وللمسات مميزة الله يوفقك |
أخي نجم ـ عزوز ـ تحياتي لكم واشواقي الحارّة . |
ابيات حلووه شكرا لك ي التغلبي ربي يسعدك :27: |
شكراً سارا على مرورك الله يعطيك العافية . |
الساعة الآن 05:04 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا