العلم واسع ما يحيطه ابو الكيف ** اللي على الزلّات دايم رهاوي العلم ضاع وضيعوه الــمــلاقــيــــــف ** لا والله الا ضاع بين الحــجــــــــاوي يا حيف يا علمي غدا حيف يا حيف ** يا ليتني ما عشت عــلـم الخلاوي العامري العجلان ما هي تــخـــاريف ** مثبت ما هي خروص وهـــقـــــاوي مخاوي الكردة مع الرمح والـســيـف ** وعزّ الله انه للمراجـــل مـــخــــــاوي ويا ما تجمّل واكرم الجار والـضـيـــف ** ويا ما تحمّل من كــبــــــــار البلاوي والجاهل اللي حدّره يمّة الـســيـف ** واصبح يظنّه بالنسب خوش شاوي وشلون يميّز بين صدق وتـــــحاريف ** وشلون يميّز خـطـوته بالخــطـــاوي العلم يا مـشـكـاي ما هو خـــواريف ** وســوالـــف البدوان فـــــوق النزاوي العلم صبرك في بحوث وتــصــانــيف ** وتدفع فلوسك كـــــان تبي القراوي ولا تمل مجالس الشيخ غـطـريــــف ** ولا تململ مع كثير الشــــــكــــاوي واقطف زهر من كل مذهب وتألـــيف ** واول ما تبدأ في كتاب الــــنــــواوي ورياضه اللي كنّها روضت طـريـــــــف ** الياربعت وارتـــاح رجل شـقـــــاوي ولا تنسى قبله كتاب ربك هو الريف ** وعليك باللـــي كنزهن للــفــتـاوي سبع السور وطوال وايــضــا مرادـيف ** ما تفترق ايلين يرفــع ســــمـــاوي وايضا العقيدة علمها صعب ومخــيف ** ما يقدره اللي ما بحالـه هــقــاوي العلم نايـــــــف واللي يقرا به منيـف ** وباقي الملا ما بين ثرد وخـــبــاوي وقالوا قديم فــــاقد الشي ما شـيف ** ولا ينفعك من ضـاع علمــه عـزاوي الفارغ اللي راح عمره تــعــــــــاريـف ** لولا ختوم الشــيـخ مــالـــــه براوي الياصار ما لك علم وما لك موالــيـف ** تقعد مع الجهال مـثل الـحــســاوي لا قدروا شــرواك ولا جيتهم ضــيـــف ** ولا حددوا منزلك بـين الــقـــهـــاوي العلم واســــــع ما يحيطه ابو الكيف ** اللي على الزلات دايـــم رهـــــاوي ولا يطولـه غير رجــل ما هو طــيـــف ** صبّار بالقعدات رجــل لـــحــــــــاوي يصبر على عــلــمــه ولو يكرد الّلـيف ** ولا عاب ابن عباس خـبّ المهـاوي يا ما قعد في باب شيخه مع الهـيف ** يصبر الياما الشيخ يطلع ضــحـاوي هذي هي السيرة وفضل التصـانـيف ** للي على جمع المعـارف شفــاوي وصــــلاة ربي عدّ من صلى بالـخيف ** بين المشاعر والحـرم بالتـســـاوي على شفيع الخلق في يوم مخـيف ** يوم به المغرور يـنســــى الـعــراوي من جديد / الخيّال التغلبي . |
رووعه .. جميـــل مــاسطرت .. ابيات ذووق ..يسلم ذوقك ويسلم احســااسك .. لا هنت |
يخليك ربي يا برنس وصاب . |
سلمت الايادي على الطرح الراقي وبانتظار كل جديد بكل شوق الله يعطيك العافيه تحياتي وتقديري |
صحيح مايحيطةة//صح لسسانكك 🌺 |
لو حاطنا بالقلب واللــه نحيطه ** مير البلا قلبه حديــــد وصوّان متى يرف القلب وياصل بخيطه ** ويكتب لنا عنده رموز وعنوان صح أحاسيسك يا هند ـ تحياتي . |
الساعة الآن 10:53 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا