10-14-15, 10:38 PM
| #1 | |||||||||||
  
| 
مشكلتي مع اهلي  بسم الله الرحمن الرحيم السلام عليكم مو عارفه كيف ابدا بالموضوع لكن انا اواجه مشاكل بسيطه بالبيت و مو عارفه كيف اتعامل معاها اهي مشاكل بسيطه بس مشكلتي مو عارفه كيف اتعامل معاها اول شي بقولكم ان اخواني اللي اكير مني كلهم متزوجين ف انا اكبر وحده فالبيت و فيه اصغر مني ولدين و بنت مشكلتي الاولى مع امي يعني ماادري امي الحين تشوفني صغيره و ماافهم ولا ايش يعني تكلمني كانها تكلم وحده عمرها عشر سنوات مع العلم انا عمري عشرين سنه يعني لمى اقول لها شي تستهين فيه و لمى احد يجي يقول لها نفس الكلام اللي قلته تاخذه بعين الاعتبار ماكاني قلته لها من قبل 😅 وجلست مع امي اليوم و تكلمت معاها قلت لها اني فقدت ثقت بنفسي من تعاملك معاي صرت مااعرف اتكلم مع الناس مااعرف افتح موضوع مع احد وصرت هاديه و تشوفين الناس كلهم يقولون لي انتي هاديه لا انا مو هاديه و كل احد يقولي انتي هاديه اضحك بوجهه بس من داخل اتقطع يعني ماادري متى بتشوفيني وحده كبيره ووعايه و فاهمه .......الخ ايش تتوقعون ردت فعلها ؟ 😅 قالت انتي ليش هاديه مع الناس انا ماقطعت لسانك تكلمي و قالت ان انتي عاديه يعني بس تقوين ترفعين صوتك علي انا و تهزيء باقي كلامها ان ليش تقولين ان انا السبب بعدم ثقتك بنفسك زبدة الموضوع ان امي ما استوعبت كلامي و للحين تشوفنس غلطانه مشكلتي الثانيه مع اختي الصغيره هذي عرها 11 سنه هذي انسانه عديمة احترام و قليلة ادب بكل ما تحمله الكلمه من معنى اقرب مثال سوت شي غلط فاتفاهم معاها انو ليش سوت كذا و بدت ترد علي ب قلة ادب و الفاظ بذيئه و ماقدرت اسكت و مدين يدي عليها يعني انا كنت ساكته و ساكته لكن ايش النتيجه مافيه احترام جربت اتقرب منها و نصير مثل الصحبات فتره بعدين رجعت لطبعها و قلت ادبها تعاملت معاها بلين ولا فاد تعاملت معاها بشده ولا فاد مو عارفه كيف اتعامل معاها😕💔 مشكلتي الثالثه اخوي اللي اصغر مني في ثاني متوسط اخوي هذا صار لي اربعه شهور ماتكلم معاه و السبب مشكله تافهه نسيتها بعد 😂 المهم انا قصيره طيب 😂😂😂💔 ف لمى يشوفني يرمي كلام طبعاً ما يوجهه لي يقول القزما و القصيره و كلام من هذا القبيل 😂 و لمى امر من عنده يقول يعع فيه ريحه ولا ينزل راسه ويسكر خشمه 😂 على قد ما يضحكني قد ما يضايقني و اليوم صار لي موقف معاه امي كان معاها ورقه و مدت الورقه لي ع اساس اخذها جيت باخذها ويجي اخوي هذا وياخذها و سحبت الورقه و قال يالقززما 😂😂😂 مالكم بالطويله هذي مشاكلي اللي تضحكني و تضايقني بنفس الوقت ياليت تساعدوني و نعطوني طرق تعامل 😂😂💔  | |||||||||||
| |
|
10-16-15, 01:53 AM
| #2 | |||||||||||||||||
  •~ رونق التوليب ~•
|
هههههههههههه ربي يسعدك حبيبتي بالنسبة للوالدة الله يحفظها ، ما اشوف انها مشكله تستاهل تضايقين نفسك عشانها ممكن امك جافه معك شوي ، بس مو مشكلة تحمليها انتي سوي اللي عليك اقتنعت او ما اقتنعت براحتها ، و ما يحتاج تضايقين اذا اقتنعت بنفس الكلام من احد ثاني تحصل معنا كثير ، ما اشوفه شي يزعل لدرجة تروحين تعاتبين امك بالنسبة لاختك و اخوك ما ادري وش اقول لك انا كذا علاقات اخوية تحيرني ، قطيعة 4 شهور!!! الله يهديكي ، هذا وانتوا في بيت واحد حرام عليكم!! تصرفاتهم طبيعية من مراهقين ، لكن ما اقدر افيدك بحل معهم الله يكون بعونك ويساعدك | |||||||||||||||||
| |
|
10-16-15, 01:55 AM
| #3 | |||||||||||||||
   
| وحده وحده بنسبه لـ آمك الام او الاب مهما كبر آبنهم بيضل في آعينهم صغيرهم .. يعني لاتستغربي الشي هذا بيوم إن شاء الله بتكوني آم وبتعرفي هالاحساس والشعور لاتناقشيها آبداً في هالامر وتقبلي الوضع .. ان طلبت هي مشورتك قدميها بدون فرض رائي ومن خلال منطقك وفكرك .. راح يثبت لها مع مرور الايام بأن عقليتك واعيه وسوف تبقي صغيرتها ذو العقل الراجح فيما يخص اختك تقولي انها في الحاديه عشر من عمرها آي طفله .. اضربيها وبخيها حتى لو اظطررتي لـ عادة تربيتها السن هذا لسه طفل وتربيته آسهل . انا مع ضرب الطفل لتعليم حتى تنضج عقليته .. ما دام في الضرب مصلحته فلا مانع عند سن الرابعه عشر او الخامسه عشر .. تكون قد بدآت الاستيعاب حينها يستبدل الضرب بالكلمه فيما يخص اخوك هو في سن مراهقه الان . يحتاج للآحساس بانه رجل وكبير .. فقط حسسيه بهذا الشي بطريقه التاليه اجلس معه سولفي له عن ثقتكم كا عائله فيه وانه رجل البيت وانكم لاتخشون من شي في ضل وجوده وتثقون انه بيحميكم بعد الله لانه رجل كبير طبعاً بآسلوب لافيه تكلف او تصنع مثال / ياخوي انت كفو ورجال وانا واخواتي وامي مانخاف من شي لانك معنا بتحمينا وتغار علينا . حنا شعرات وجهك وعرضك وشرفك الحمد لله اللي رزقنا فيك رجال وسبع وقادر تحمينا هو بهذا السن يحتاج يسمع هالكلام .. يحتاج يحس برجولته حسسوه بهذا الشي .. وبتلاحظي انه مع الايام .. يبدا يخاف عليكم ولايرد لكم حتى طلب ويحترم ويقدر ويحب ويعطف لانه يبدا يحس بالمسؤوليه * وبتلاحظي انه هو من بيصير يحمي اختك منك وقت تضربيها لتعليمها الادب  وبالاخير .. لو نجحتي مع اختك و اخوك بتلاحظي كيف ان آمك بتتغير معك , لانها بتشوف دليل مادي امام اعينها على نضج عقلك والله يساعدك إن شاء الله | |||||||||||||||
•
:. Come To ASK Me .: [ سآلفـَة قـ لمْ ] • :. ابجديآت رجُل .: [ سآلفـَة قـ لمْ ] • :. سـآلفـَة قـ اـمْ .: [] يوميات [] |
|
10-16-15, 02:48 AM
| #4 | ||||||||||||
|
وعليكم السلام ورحمة الله وبركاته من جهة أمك أهم شيء تزرعين أنتي بنفسك الثقه لا تنتظري من أحد يعطيك الأهتمام والثقه كوني مع أمك حريصه على أنتقاء العبارات الهادئه والجميله فقد تكون أمك بحاجتك وبحاجة الكلام الحلوو لاتنتقدي تصرفاتها معاك ولماذا فعلت وفعلت لأن هذا يجرك للدفاع عن نفسك فتفهم الموضوع بأنه جدال وصراخ عليها ! الأم تحتاج لرعاية أبنائها حتى لو ماتكلمت افعلي الاشياء المحببه لها تقربي لها بالهدايا وأحتسبي ذلك عند الله لا تجعلي بينك وبينها حاجز وأدعي دوما لها ولك بالهدايه والصلاح أما أختك وأخيك فشيء طبيعي تصرفات هذا الجيل الا ماندر الكثير يتلفظ على الكبير ولايقدره او يحترمه لكن كوني حازمه بالرد دون الضرب حتى لا تزيد المشكله والكراههيه بينكم واعذري صغر سنهم وقدمي لهم أشياء يحبونها وأنك أختهم الكبيره و تحبينهم ألعبي معاهم وأخرجي معاهم لمكان أو حديقه تمشوا مع بعض وعلميهم أن المسلم لازم تكون الفاظه نظيفه وبعيده عن قلة الادب والاحترام والله يجمعكم على رضاه .. | ||||||||||||
| |
|
10-16-15, 02:49 AM
| #5 | ||||||||||||||||
 
|
هلا مشكلتي اكيد الام لو يصير ولدها شايب بيكون في نظرها صغير فحاولي تتعودي ع كذا وليه تتضايقي من هالشيء والله احلا شيء لمن تكوني بعيونهم صغيره من حبهم لك واهتمامهم بك لو انتي بنظرهم كبيره مادورو وراك ولا اهتمو بك ولا سألو عنك في الاساس امك اللحين يومها انتي بنظرها صغيره افقدتك الثقه في نفسك انتي شكلك مو اجتماعيه اساسا الاجتماعيه تعرف تفتح مواضيع مع الناس وتسولف معهم وتحاورهم وتعرف ترد ولا تزعل ولا تتحسس ولا تدقق في كلام غيرها واثقه من نفسها وفي الكلام اللي تقوله انت هادئه وهدوئك غلب عليك وشكلك تستحي كثير مو معقوله فقدتي ذاتك من كونك صغيره في نظر امك بصراحه امك معها حق وشوله تقولين لها انها افقدتكي الثقه بنفسك هي شسوت من ذنب يومك صغيره بنظرها للامانه 20 صغيره تعتبري مو معناته خرجتي من 18 هذا يثبت انك كبيره الكبيره بعقلها مو بسنها تأقلمي ع شيء واحد هو انك بعين امك لو تشيبي صغيره وحاولي تثبتي لها انك كبيره بعقلك مو سنك وهذا يظهر في تصرفاتك وحكمتك وتعاملك في ابسط الامور واصغر التفاصيل وشلون تحلينها وشلون تتعاملين معها هذا الشيء الوحيد يثبت انك كبيره مو اقول يمه شوفي هالمشكله انا حليتها لا خليها هي تشوف دون مايكون قصدك تنبيها انتي قديره بهالشيء واكبر دليل تفكيرك في عرض هذه المشكله والبحث عن حل لها ------------------------ مشكلتك الثانيه اختك اللحين عمرها 11 قليلة ادب بكل ماتحمله الكلمه زي ماتقولي وانتي عمرك 20 رفعتي صوتك ع امك عادي جداً انا فاهمه انك عصبتي وانقهرتي ليه تتجاهل كلامك وتاخذه من غيرك عشان كذا ردة فعلك كانت عليها كذا بس لازم ماتعيدي هالشيء اذا حسيتي انك بتعصبي وصوتك يعلا انسحبي لين تهدي وارجعي من جديد افتحي معها الموضوع اختك صغيره بالفعل اش تبي تبي من يفهمها بدون هواش من يسولف معها بدون تعقيد تبي من يحتويها بعدها صغيره وتتأثر بصحباتها كثير والصغير ملسووون بالمعتاد يعني لازم تأديب بالصلاة ع النبي مهوب دبج يذكر ويأثر عليها بشكل سلبي تفر منك وتبحث عن بديل وتزيد قلة ادبها لو تفهميها زين وتحتوينها كأخت صغيره بالفعل صدقيني بتتغير معك وبتكسبيها بصفك بيني لها حنانك مو تعصيبك وامانك مو تنفيرك ------------ مشكلتك الثالثه ابااااااااااو اربع شهور ماتسولفو متوسط عليها هذا بعدو صغير مايعرف الزعل وش دعوه قاتله عليه احد مو معقوله اربعه شهور لا تاكلو مع بعض ولا تسولفو مع بعض وانتو في بيت واحد اربعه شهوووور تسبب بينك وبين اخوك حاجز وتنسي سبب مشكلتها !! يعني قلك القزما يعني تكلم معك قولي له انا سنفوره مزيونه ي عمود الكهرب بيسكت ويبطل يقولها لك تبيها بالمختصر انتي بالفعل فقدتي ذاتك ولازم تستعيديها اذا تتضايقي من كلمة قزما وانا طويل وانتي قصيره ومن هالكلام هذا شيء مو حلو يعني انتي حبي نفسك بطولك وشكلك وصفاتك واسلوبك وراح تنعكس محبتك لذاتك في عين الاخرين يعني ليه تزعل من خلقة ربي اذا انتي قزما ع قولته نهاية العالم مو يقولو القصيره فاتنه اذا انتي البنت الفاتنه ترا بالفعل مع الناس بتسمعي كلمات ثانيه المفروض ماتتحسسي هذا الشيء بيأثر ع حياتك ونفسيتك اذا اهلك واتضايقتي من كلماتهم الاغراب وش بتسوي تجلسي تبكي مشكلتك يا مشكلتي اخوانك الكبار طلعو من البيت وانتي خلاص حطيتي ببالك انك الكبير اسمعوني واحترموني ترا انا الكبيره هم مايشوفو كذا لان في اكبر منك حتا لو طلعو من البيت يظلو هم الاكبر الله يكون في عونك يارب هذه بدايه حلوه منك انك تحاولي تبحثي عن حل لمشكلاتك الصغيره وانا متأكده انك بتكوني قد عمرك وتثبتي لهم انك كبيره بعقلك وراح تغيري اخوك واختك وحتا امك الله يحفظكم لبعض ولايفرقكم عن بعض ويصلحكم يارب تقبلي ردي مع خالص احترامي آسيرة حرف | ||||||||||||||||
| |
|
10-16-15, 03:02 AM
| #6 | ||||||||||||
 
| وعليكم السلام ورحمة الله اولا عزيزتي اتضح لي الان من مشكلتك بانك لستي ضعيفة شخصية ولم تفقدي ثقتك بنفسك لانك تحاولين ان تجدي حلول وهذا اول طريق للايجابيه باذن الله نبدا في والدتك ... خذيها قاعدة دائما الاهل لاياخذون بكلام ابناءهم ويشوفونهم صغار وتجاربهم محدوده بهذه الحياة اعطيك مثال بسيط انا والدتي الى الان تقول لي انتي لا تعلمين شيئا !! في كل موضوع اناقشه معها تقول لن تكوني افهم مني ولا اعرف مني والى الان تنتقد اسلوبي في تنوع الاكل والتغذية وموعد النوم واعلم ان هذا كله من محبتها لي ولكن لا تقتنع بسهولة بانني كبرت يعني الى الان تعتقد باني الصغيره وامك تفعل نفس الشي واكاد اجزم بان جميع الامهات متشابهات ^_^ هوني عليكي مثال اخر تناقشنا في موضوع ما وكانت هي على خطا وقلت لها الطريقة الصحيحة ولم تقتنع وعندما تحدثت هي مع خالتي اقتنعت بكلام خالتي وهو نفس الشيئ اللذي قلته لها لهذا لا تكترثي عزيزتي لاتناقشيها واظهري لها الاحترام يوجد نقطه مهمه وهي اسلوبك معها اختي العزيزة اسلوبك كان خطئ وهجومي وبشكل مباشر لانك اتهمتيها بانها سبب في فقدانك لثقتك وانك هاديه وماصرتي تعرفين تتكلمين مع الناس بسببها وهذا شيئ طبيعي يقودها للغضب ان كنتي تريدين التحاور معها وتفهمك اكثر تكلمي معها بعقلانية وبعيدا عن الاتهامات والسلبيات قولي لها مثلا انك معجبه بافكارها وانها رايها سديد وانك اخذتي هذا الشيئ منها وقولي ان زميلاتك يستشيرونك في كثير من الامور لانك ورثتي عقليتك من امك وبهذه الطريقه سينعكس عليها ايجابيا وسوف تبدا بالاستماع اليك لانها ستظن ان عقليتك فعلا ورثتيها منها هكذا هم الامهات عنيدات قليلا ولن نكبر في اعينهم ابدا ^_^ اما النقطة الثانيه هو اخوك المراهق ... سوف اخبرك طبع ادم لن يتغير يتلذذون باستفزازنا وهذا يعتبرونه نوع من المرح وخفة الدم  ويضحكهم كثيرا ردت فعلنا الغاضبه هو لا يدرك انها اذية مشاعر لك وانك تتحسسين من هذه المزحات لهذا لا تبيني له ابدا ان تصرفاته تضايقك ان قال لك قزمه اضحكي وانخفضي اكثر وقولي له الحمد لله اني لم اصل الى هذا المستوى وان قال لك ريحه ويغطي خشمه ويفعل هذه الحركات اقتربي منه اضحكي واضغطي خشمه بيديك سويها انها مزحه واضحكي قولي وشش رايك توقف التنفس وتموت احسن طبعا انتي امزحي وانتقمي بنفس الوقت فهمتيني ههههه ^_^ صدقيني التعامل سهل جدا فقط اتركي الحساسية قليلا هو مراهق تصرفاته غير متزنه لانه يعتبر مازال طفلا ولا تعاقبيه باربع شهور من القطيعه هذا خطا اجعليه يشعر بالذنب وانتي بادري بالحديث معه وهذا يكون بفعل اي شي يحبه سواء اكله معينه اطبخيها له او شريط بلاي ستيشن ان وجد او رساله جميلة تقولين له بان يكتفي القطيعه بينكم وانك اشتقتي له يرافقها اعتذار جميل حتى ولو لم تكوني مخطئة فهو مازال صغيرا وعقليته لم تنضج بعد ضعيها بجانبه واذهبي سيتملكه الفضول ويفتحها ويقراها وصدقيني ستؤثر به كثيرا وهو سياتي الى عندك ويعتذر اذهبي اليه واعطيه هديته وكلميه قولي له انك اشتقتي لمشاكسته سوف تمضي السنوات وتشتاقون لهذه الايام الجميلة وستكبرون وتتذكرون تفاهات الحياة ومواقفها ... لاشيئ يستحق عزيزتي فقط كوني اكثر راحه واقل تحسسا ناتي للنقطه المهمه هنا وهي اختك الصغيره بصراحه هي اكثر وحده ازعجتني جدا فوق تصورك ان اعتادت هذا الاسلوب بهذا العمر 11 سنة فانها سوف تتعب كثيرا في مراهقتها وتزداد تمردا وربما انحرافا لا قدر الله خاصه وانها على مشارف دخول عمر المراهقه قلة الادب والالفاظ البذيئة غير مقبوله ابدا ابدا حذريها مره مرتين ثلاث بعدها اخبري والدتك بتصرفها ان زادت في قلة ادبها لا تضربيها ابدا لانه سيتحول الى كره وحقد فقط قومي باغاضتها وترويضها بشكل غير مباشر خبئي اغراضها اللتي تحبها احرميها من وقت تسليتها اجعليها في وقت فراغ لتتقرب منك اكثر ولا يكون لها ملجأ وتسلية الى اليكي انتي ولا تخبرينها بانك انتي من خبئ اغراضها اشغليها عن كل شيئ ولا تجعلي امامها الا انتي فقط خبئي العابها سواء العاب او اي باد وعندما ترينها جالسه لوحدها اذهبي كلميها بشكل لفت انتبها وانك تعانين من مشكله سوف تسالك ماهي المشكلة قولي لها ان احدى صديقاتك تعاني من مشكله مع اختها الصغيره لانها قليلة ادب وذهبت الى المدرسة واشتكت لمعلمتها وقالت بان يعلمونها الادب ويخبرون صديقاتها ويحرجونها امامهم واصبحت المشكلة كبيره بين البنت واختها قولي لها الحمد لله ا ننا نحب بعض ولا توجد بيننا مشاكل وانتي تحترمينني والا لو كنت فعلت نفس الشيئ واشتكيت لمعلتمك وذهبت الى مدرستك واضحكي قليلا وضميها لكي تطمئن وتعرف انها لديها اخت كبرى تحبها ستتقرب منك اكثر وسوف تحترمك وتكبرين في نظرها ولكن ابتعدي عن العنف نهائيا سواء في كلام او افعال ان شاء الله اكون ساعدتك ولو بشيئ القليل تحيتي لك .... | ||||||||||||
| |
