|
أهاا يعني سببك هو : الخوف وخوفك متركز على نقطتين [الحوادث و رفقاء السوء] من ناحية تانية سبب قناعة عبدالعزيز القوية أول شيء اتعلم القيادة وشايف نفسه مستعد للسواقة والحصول على سيارة وخواله مؤيدين له ترى هو زعلان منك ومهو مقتنع من رفضك لأنه شايف ما عندك سبب وجيه ومقنع بينما الأسباب اللي في جانبه : عندك مآل كاف و خواله مؤيدين له و شايف نفسه مستعد و شايف نفسه محتاج لسيارة حابب أقللك في طريقتين لحماية شخص عزيز الطريقة الأولى : ابقاءه داخل محيطك عشان تحميه بنفسك وأسلحتك الطريقة التانية : تسلحيه وتدربيه لين يصبح مستعد وتتركيه يحمي نفسه بأسلحته خارج محيطك وأعني بالسلاح هو : سلاح العلم والمعرفة وغرس المبادئ والقيم والمفاهيم الصحيحة نصيحتي لك :- تعطيه شروط وتنصحيه بعدم الاحتكاك بأصحاب السوء وتجنب المخاطر والحوادث والمحافظة على شروطك بيني له من حقك تفلها بالسيارة لكن مو بالطريقة الخاطئة [زي مثلا تفحط وتتحدى سباقات ..الخ] بل تتمشى وتلفلف طالما ما تخالف قوانين المرور وشروطي اللي اشترطهم لك وترى مافي مراهق وما يخطئ لكن من حقه يتعلم من خطأه نحنا كأولياء أمور ومسؤولين عنهم نرشدهم ونعلمهم وبعدها يبقى الأمر بيد الله ثم باختيارهم ترى الارشاد الصحيح وغرس المبادئ والقيم الصحيحة له دور كبير وابنك في مرحلة يحتاج لارشاد ونصيحة من خواله واصحابه وابوه بالطريقة اللينة والرقيقة والمفهومة وانتي تبيني له اهتمامك وخوفك من اختياره طرق ما ترضي عليهم وتشرطي عليه بالاوقات اللي يقدر يطلع بالسيارة مثل : لمن يروح المدرسة او السوق او صلاة الجمعة ..الخ [بحسب ما تشوفيه مناسب لك وله] قولي له : انت الحين صحيح مستعد للسواقة وكل شيء وأنا أثق فيك طالما انت حافظت على ثقتي بك ، وانت في مرحلة اختبار وسنك غير قانوني بعد مثل ما أعرف حتى في سن الـ16 يعطوا تصريح للسواقة للي طوله مناسب ويعرف يسوق فأظن مو صعب يحصل على تصريح سواقة لغاية ما يوصل 18 شفت نصيحة لأحد الاخوان بخصوص انواع السيارة [كشراء سيارة مستعملة لكن محترمة تليق بـ عبدالعزيز] ونصائح أخرى مفيدة لك لا تنسي مثل ما قلت ما تقدري تجنبي شخص من الخطأ بإبعاده عنه بل بتسليحه ضد الخطأ يعني بدل ما تحرميه يطلع مع اصحابه تعلميه النهج الصحيح وبعدها هو بنفسه يتجنب رفقاء السوء أرجو إني أفدت بنصائحي والله ولي التوفيق في حفظ الرحمن |
كان الله بعونك .. حقيقة دور الأب في حياة كل أبن مهم جدا .. أخبري و الده و أن حبسة أو تهاوش معه .. فهو بالأخر لمصلحة الأبن .. جميع المراهقين بمثل تصرفات أبنك .. و لكن لا تجعليه يتمادى و يهددك بأنه يتأخر لرجوعه للبيت .. و أحرصي بمعرفة صحبته .. ومن هم . كوني له الام و الاب في غياب والده .. اقسي عليه عند الحاجه ليعرف مصلحته .. |
شكرا للجميع هوا ماشترط اش السياره اهم شي يبغي سياره توصله للمدرسه وتجيبه من المدرسه بروح انا وخاله اليوم بنجيب له سياره وان شاء الله يكون قد الثقه ومايتاخر عن البيت انا قلت له اذا بتتاخر او تسرع بسياره بسحب منك السياره وعدني ويحلف لي شكرا على ردودكم اونصايحكم يجزاكم الله خير قسم اسعدتوني بنصايحكم :ah11: |
أجل حلوين والله يجعله بار بيك وبأبوه ويرفع راصكم وشأنكم وسرنا نحنا بدورنا مشاركتك بالحلول :MonTaseR_61: دمتي بحفظ الرحمن |
16 سنه كبير مشاءالله ويفهم خلاص حسسيه انه رجال وانك وااااثقه فيه هذا اهم شيء انتبهي يسمعك تحكين مع احد انك خايفه عليه كذا تخلينه يثبت رجولته وكبر سنه بأشياء غلللط !! بعدين يااختي مو انتي الي بتحفظينه اذا خفتي عليه ربك الحافظ سبحانه توكلي على الله وادعي له ربي يحفظه ويهديه والله يسخره لك ويذوقك نفعه وبره يارب |
زواج زوجك ليس بالمشكله لأن ديننا السلام لايشرع شيء ويقرنه بشروط الا ويضمن نجاحه بأذن الله انا اشوف انك تجلسين مع عبدالعزيز وتتكلمين عنه هي القضيه مش بسياره بكره يطلع غير السياره وواضح انه يفتقد لغة الحوار بينكم افهميه ، واذا لها داعي فليش لا ..ولكن بضوابط ربنا يهديه ويخليه لك |
| الساعة الآن 05:47 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا