الشعر يامجلس الشعار حاله كسيف
يحتاج له جبر خاطر من بعيد السلام
يصحى ويغمى عليه وداخليه نزيف
طبيب الانعاش يركض مع طبيب العظام
الوضع مزري ولادري ليش هذا وكيف
الشعر عقد ونظمه انتثر ياحرام .
خاطرة وليدة اللحظة ..~

بورك فيك اخي حطاب

من منزل ن عالي جذاب ومريف
نرسل جواب الشعر منقول حوااام

خطي على القرطاس مهوب تزييف
حرفي كتبته يدهل القلب صماااام

الشعر ياحطاب منطوق تعريف
ياصل على الوافين من باب الافهااام

مثل المطر لى حل وجو المصاييف
وتغيرت كل الاماكن والاعلام

خذاني الي كل هرجه عجااريف
حربه ضروس كل عام ورى عاام

صرفني المجمول بكل التصاااريف
حال القدر والشر من كل نمااام


سلمان

. اختاروا لها عنوان
اسوق حلو المعاني للي يفهمها
واللي مايفهم معناها لبد يسأل

معاني تصعب على من يجهلها
ومن حللها بغير معناها يخجل

لوترى ما كل جاهل يلقى حلها
وإن حلها صدفه لصعوبة الحل

تلقاها مثل الحبال النادر لفلها
والصعب على المتمكن بيسهل

أنا اشهد إن الخالدي من أهلها
فل احبالها ولقى للصعيبة حل

والرجل لأشتدت يقول ازهلها
ماهوب اللي يقول اتركه وخل
الشاعر/ حمد بن فهد المخالده السبيعي

الشعر ياعالم عالم ثاني
انا كذا اعيش به واحسه
الهام مثل الوحي الرباني
ينزل على فكري ونبضي يجسه
فوق العواطف وفي عمق وجداني
تصوير نفسي صادق في حسه

خاطرة وليدة اللحظة ..~

حي القصيده ومن حمد مانهملها
تشبه رقيق الروح ابو شامه ودل

حروف السبيعي مثل بنت ندللها
مثل العسل ماخوذ من وسط منحل

كل الاراضي من سحابك مجللها
وحرفك من الاشعار وهاج يستل

عطورك الي على القصايد يبللها
يسقي ضمى الولهان من بير منهل

اخيك سلمان

حييت ياحطاب من قلب سلماااني
من خطي الاصلي وعليك ما ادسه

من بيتنا في الخرج لى حدود عماني
والخاطر الي منك يشتاااق واحسه

حسبك على الشعار والقلب فهماني
لا تجرح المجروح بالحرف والهمسه

سقاني المجمول من طعم رماني
واقفى وخلاني مع الهم والرسه

وادعني زين الناس في غب الازماني
وعقبه طوال الليل مع الامن والعسه


اخيك سلمان