ماشالله عليكم امتعتونا بمحاورتكم الشيقه والممتعه بغض النظر عن المعاء الي دار بين الشعرين المحاوره تركزت على معنا واحد المتمرد جمع الشيعه خطير والله لاكون انا من شيعة ايران اكيد حطني المتمرد ههههههههههههههههههههههه بكل صراحه امتعتونا المحاوره لو معناها حساس بقوه ولكن هذا طبيعه المحاوره دائم هذا المتمرد قال شيعة ايران الملاعين اليمن مستهدفينه والرحا لن قالها الله من عليهم مستديره ويش يحد الي لزمله بندقه تجرح يدينه ينتقز في معكره فيها جماهير وذخيره على معتقد ان الشيعه الشعار وانا من ضمنهم واليمن الشعر ههههههههههههههههههه رحنا فيها حنا يا الشيعه اعجبني إحساس في الرد هذا رد جميل بس المتمرد يلمس هههههههههههههه :/: لا يهمك من يطب البَحْر ما عنده سفينة من خباله يندفع للموج ويظنه جزيرة / ما يميّز من تعوّد يعمد أسواق المدينة وانت لا تاخذ بقوله واتركه والامر خيرة مشكوووووووووووورين ونتمنا تتحفونا مره ثانيه ولكن خلو المعا برا المنتدى تحيتي لكم |
الشاعر الي مايغرف من البحر .. يازينها ون لاذ با اليل وسرا الملعبه ماعاد له فيها لزووم .. والي عقد روس الحبال يحلها |
حنا نشوف السحب مافيها مطر ... ون رششت برشاش ماجاله ثرا والخير عند الله عسا خيره يدوم ,,, والي عقد روس الحبال يحله |
اقتباس:
يالشاعر اللي في ميادين الشعر...... يحسب حساب اللي كتب واللي قرا ترى المعاني مالها حكر ووسوم ..... واللي عقد روس الحيال يحلها اقتباس:
احذر من السيل ان حدر هد العقوم .... واللي عقد روس الحبال يحلها |
السوق قدامك ترا مابه تمر .. ماغير سوق جنينه بيع ومشترا ماياصله يكود رجلن له عزوم .. ولي عقد روس الحبال يحله السيل قطره فا البحر لامن هدر .. جاك الكلام الي مع رد البرا ابعد عن الأمواج والموج اللطوم .ولي عقد روس الحبال يحله |
يالشاعر اللي قمت تخلط في الامر وانته من اول في مكانيف الذرى لا بد تدفع للضرايب والرسوم واللي عقد روي الحبال يحلها ...... يا موج من تحتك براكين الخطر من هو جهل به ينشد اللي به درى لا تنشغل يانجم من بين النجوم واللي عقد روس الحبال يحلها |
ماشاء الله مبدعين صراحه متابعه :SnipeR103: |
اقتباس:
انا اعرفنك شاعرن مامن خطر ... لاكن شد الحيل لاترجع ورا مانته بعايش جو من حر وسموم .. ولي عقد روس الحبال يحلها انته زرعت الزرع تبغالك ثمر والي جنيته كلها صمغ وغرا مدري علامك ماتتوب والاتشوم ولي عقد روس الحبال يحلها |
ســلام يـالـشـعـار مـن بـطـن وظـهـر كـنـهـا مـقـابـيـس الـوغـى عـنـد الـكـرى مـن بـعـد ذيا الـعـلـم يـا تـيـكـم عـلـوم واللـي عـقـد روس الـحـبـال يـحـلـهـا /// آقـولـهـا والـصـوت مـسـمـوع وجـهـر والـسـابـقـه تـظـهـر ولا فـيـهـا زرى إخـوان مـا عـديـتـكـم ضـمـن الـخـصـوم والـلـي عـقـد روس الـحـبـال يـحـلـهـا ::: أعـتـذر عـلـى تـطـفـلـي فـهـذا قـاف بـيـن طـرفـيـن لا ثـالـث لـهـمـا إلا أنـهـا شـقـشـقـه هـدرت ثـم قـرت :: ســأكـون مـتـواجـد مـتـى مـا بـدأتـم بـقـاف آخـر |
ومـضـه .. للـزوار الأبـيـات هـنـا لا تُـحـمـل عـلـى ظـاهـرهـا بـل لـهـا مـغـزى آخـر يـتـشـاطـره أصـحـاب الـمـحـاوره |
اعطيتك الشارة واشوفك مستمر في غيّك اللي قادك لدرب الزرى قامت شواهين السماء فوقك تحوم واللي عقد روس الحبال يحلّها ..... اوهمت بحمولك مصافيق البشر واليوم طاح الحمل والكيس انفرى ولين ّ حملك غير كراثٍ وثوم واللي عقد روس الحبال يحلها |
اقتباس:
انته مجمعها على بيض وسمر حنا تـرانا عرفين الاسمرى لكن اباوردك يم ام الجموم والي عقد روس الحبال يحلها يلي طمحت انك تبا تصبح قمر يا بعدها مانت بوياه اخشرى انته طموحك خلها لم ارخوم والي عقد روس الحبال يحلها |
هههههههههه :: موترك قصّر ما وصل للمستقر جابت علومه من ضحى طلعة كرى خلك محلك وانتَ محمي و مْحَشُوم واللي عقد روس الحبال يحلّها ........ كثر الرمي ما يفيد وانتَ تحتضر ياللي لاجاك البرد تطلع ف العرا واليوم ما توقف مواقيف القروم واللي عقد روس الحبال يحلها |
اقتباس:
انته سوات الي ليا ردد جحر فيه العيون الشهب والذيل ازهرى مايعرف الفتنه ولاله هجوم والي عقد روس الحبال يحلها ماقدمك الا السيف والموت الحمر والمعركه فيها عواصف وغبرى المعركه فيها ترى فرك الخشوم والي عقد روس الجبال يحلها |
[quote=إحساس شاعر;902621]هههههههههه :: موترك قصّر ما وصل للمستقر جابت علومه من ضحى طلعة كرى خلك محلك وانتَ محمي و مْحَشُوم واللي عقد روس الحبال يحلّها ........ كثر الرمي ما يفيد وانتَ تحتضر ياللي لاجاك البرد تطلع ف العرا واليوم ما توقف مواقيف القروم واللي عقد روس الحبال يحلها نجم نجم انته سوات الي ليا ردد جحر فيه العيون الشهب والذيل ازهرى مايعرف الفتنه والاجاله هجوم والي عقد روس الحبال يحلها ماقدمك الا السيف والموت الحمر والمعركه فيها عواصف وغبرى المعركه فيها ترى فرك الخشوم والي عقد روس الجبال يحلها |
عقلي مقديني وقدري معتبر ما يطيح في الفتنة ولا سار وجرى وانتَ زبون المايلات من العلوم واللي عقد روس الحبال يحلها ..،... عينٍـ تميزنا وتشبح بالنظر لا بد نكحلها بجرحٍ ما برى والمعركة ماهي خرابيط وحلوم واللي عقد روس الحبال يحلها |
اقتباس:
الخيمه الي بابها لونه حمر ومسكره ياكود بابن منورى الي بناها حطها راحه ونوم والي عقد روس الحبال يحلها مانته مكحل جعل عينك لسهر لاعلها تبطي عيونك تسهرى عرضت نفسك للمخاطر وسهوم والي عقد روس الحبال يحله |
لفيتنا جيعان وعيونك صفر شايل معك زنبيل منزوع العرى وليا رفعته بينت منه الخروم واللي عقد روس الحبال يحلها ...... يا نجم عوّد واعتبر ثم اعتذر مالك ومال تحذّف اللي في القرى اللي هدم مبناك بالسيف الصروم واللي عقد روس الحبال يحلها |
ههههههههههههههه والله اني مسوي الاعتذار قبل بيوتك ع شان انهي المحاوره وجات با الصدفه تبغا الحقيقه فيك طيب وبك ظفر مغير نمزح معك مير المعذرى مغير نمزح با السوالف والعلوم والي عقد روس الحبال يحلها يااشاعر الي مانطق غير الدرر لطيب في وجهك مواري ونورى الله يطول عمرك وعزك يدوم والي عقد روس الحبال يحلها |
اخوي وعزيزي الغالي إحساس اعتذر منك حول ماجرا اعذرني ترى كلها انت منفوقها وحشاك منها بل مزح وطبيعه المحاوره كذا وانا ليسى بشاعر محاوره ولكن طبيت لكي التعلم معك ومنك وأول مره العب محاوره انا شاعر نظم فقط المحاوره لك علي فيها مافهمها زين مير المعذره دائم الي موب شاعر محاوره يصيب ويخطي المجال معك باقي لك رد ان بغيت توقف وان بغيت ترد لن الميل واقف عندك تحيتي وتقديري لشخصك المحترم |
والنعم بك يا نجم عالي ما اندثر له منزلة ما تختفي بين الورى شاعر وفــبحور الشعر غاص ويعوم واللي عقد روس الحبال يحلها ...... اسعدتني بالقاف والمعنى ممر والضيق والله في ضميري ما طرى بيني وبينك قن واعراف وسلوم واللي عقد روس الحبال يحلها .... أخي الشاعر المتألق نجم نجم. كم انا سعيد بمحاورتك ومجاراتك في هذه المحاورة الشيقة. وبيض الله وجهك على ما ردودك ومنكم نستفيد. ... ولا به غير الوناسة وسعة الصدر ومجال المحاورة يتطلب مثل هذه الإثارة والحماس. ويبدو انك متضلع في المحاورة ولديك القدرة الفائقة على مقارعة كبار الشعراء. لا كما ذكرت - تواضعاً منك - :) ًتشرفت وسعدت باللعب معك والمعطرة لو أخفق تقديري للمعنى أو قصّر الحرف وخرج عما يجب. تحيتي وشكري وتقديري لسموك. أسعدك الله وحفظك أخوك / إحساس شاعر |
اخي إحساس الرجل يعرف من كلامه ومعدنه وانا عرفتك من كلامك وعرفت ان معدنك من ذهب وانك اصيل والانسان من معدنه يعرف وتشرفت معك وبك كا شاعر وزميل واخو عزيز ع قلبي احب الانسان الرحب ووسيع الصدر والافيه انسان رحب ووسيع صدر الا الرجل الأصيل الي هو مثلك ومن معدنك الأصيل فيا هلا وغلا فيك اسعدتني وشرفتني اخوي العزيز تحيتي وتقديري لشخصك الكريم والمحترم |
الله يعطيكم العافيه ا وبيض الله وجيهكم وصحت السنتكم ابدعتوا فيما قدمتوا << يطالع في نجم هههههه يا نجم يانجم انا طالبك بالذات واجبك لازم مع استاذك تحله بفتح معك يانجم بعض الملفات واشرب من الكيف لو فنجال دله |
اقتباس:
هلا والله بشاعرنا الكبير ياخوي قلت ماني بشاعر محاوره شاعر نظم فقط لاتورطوني معكم المهم طبيت بس شف هي ع الاحن والا لا معرفت الحن انا مدرس على كل المجالات معي شهاده تحوز العلم كله افتح ملفك عساءمافيه غلطات وعطيك درسن صحيح ولاتمله |
ههههههههه الله الله على الرد ابداع عادي يا نجم الباب مفتوح اذا تبي تكمل فهذا شرف لي واذا ماتبي فهذا اختيارك اخوي بعض السواليف ما تلقى مطارات والدرب من كبرها........ لازم تزله بغيت اسجل لك ...املاك وعقارات لكن ............علتك يا المقرود عله هههههه نجم خذها من باب المزح والمداعبه |
اقتباس:
هذي طيارة بوينق 777 انا كلامـي ...صحيح بـدون لفات لاتتهمنـي ....حـرام ابدون ادله الملك للي... رفع سبع السماوات واملاكك اطيح لو جا الأرض خله لا اخوي وش دعوى في المحاوره لاعرفك والا تعرفني جيب مافي راسك معاد الكلام الي غير لايق وبعد المحاوره كنك اخو وعايد بعد 10 سنوات غياب بلعكس انا ابمسط ع الي يستقبل ويرد بصدر رحب ايذا بنزعل مارايح نلعب صحيح ونستانس محاوره مافيها شي جيب الي براسك وستقبل كذالك وبعد المحاوره ابي كن ماصار بيننا محاوره |
هههههههههههههههههه ما جيت ابعّد ولا ازيد المسافات وانته تعرف الامر... دقه وجله لو بيدي الناس سوة لي قرارات في صدورهم شي ما نقدر نصله |
اقتباس:
ماكل من حج يخذله حسانات حتى ولو فا الخشوع الدمع هله لا لا تريح ترى الدعوا سلامات الناس هاذي كذا طبع وجبله |
ياكثر مافي السما نجم ومجرات لكن ما كلها ........تبدي مطله اليا صدرنا على العالم عقوبات سيف المعادين في وجهي تسله |
اقتباس:
من حج مكه ويحرم من عرافات مهوب ميقات...... يعني ما يدله انته تفنت الهدف في وسط غابات حاولت امد النظر....خافي محله |
نجوى كرم يوم تنشر فا الاذاعات قولوا .....لكاظم تبا تتبطي تصله احلام يا ليتها ..... تقلي لقيمات وترتاح في بيتها ...والشكر لله |
المتمرد نجوى كرم يوم تنشر فا الاذاعات قولوا .....لكاظم تبا تتبطي تصله احلام يا ليتها ..... تقلي لقيمات وترتاح في بيتها ...والشكر لله نجم نجم نجوى كرم قلبها من حبها مات ماباقي الا لها .....ايامن مقله تباء تغني على المسرح بشيلات لكن صوت الغنا صعبن تشله |
اسف اخلف الوقف معليش بعدلها |
قامت تهدد تبا تاخذ علامات والحمل لن زاد ما تقدر تشله ياليتها ما بدت عندي ولا جات اخاف من درب تمشيه وتمله |
المتدمرد قامت تهدد تبا تاخذ علامات والحمل لن زاد ما تقدر تشله ياليتها ما بدت عندي ولا جات اخاف من درب تمشيه وتمله نجم نجم الموتر الي ترى مافيه لوحات ليا مشا كل ،،،،،،،طبلونه يهله وش دخلك لو يقطع فا الإشارات خل سايقه لاوقف يقف بضله |
صح لسانك يانجم شاعر بمنا تعنيه الكلمه من معنى كان لي الشرف الكبير وجودي هنا معك لنا لقاءات اخرى باذن الله تعالى احترامي لك |
محاورة رائعة وطاروق جميل .. اعتذر عن تأخري في المتابعة .. استمعت بحق .. يعطيكم العافية.. |
الشكر موصول لك انت اخوي المتمرد وانا كذالك ارتحت لك بهاذي المناسبه والمحاوره والله اني معك من المكتب مداوم من لاب تتب الوزارة واخم هاذي واخطي هاذي الموضفين مداومين ومراجعين هههههههههههه وانا كذا وكذا وتشتت فكري وذاكرتي |
اقتباس:
الرائع حضورك اخوي وعزيزي إحساس شاعر طليت وكنها طلت مطر الله يعافيك ويحيك مشكور يا شاعرنا المميز |
صبحكم الله بالخير شعراءنا .. وينك يالمتمرّد // ولا يهون بقية الشعراء .. ------------------- سلام ردة وفاء بالجد ماهي مزاح ........تنصى رجل في مقام العرف ماهو خلي / يا الشاعر اللي كما برق الحيا يوم لاح ...... في ساحة المعركة ما بين زيد وعلي :) انتظر ردك . |
الساعة الآن 06:23 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا