يا بنت تراني غير يا بنت أنا غير؟ ** ماني من اللي بالملاقى اتهديه . الــبــارحـــة قضيّت ليلي مشاوير ** بين القرين وبين هــاجوسي وتيه انــــــــادي الشيطان لا وفقه خير ** ودي ايساعدني على شلعة البيه ودي يساعدني على رمية الطير ** اللي رمــــــــــاني رمية ما بها ليه يا ابـلـيـس يالملعون وين التدابير ** وين الـمـعـونـة وين ذيــــــك التآليه ارسلت لك بكتاب زين الـتـعـــابير ** عـجّـل عليه لا تـغـضـبـني ولا آتيه واقبل على ابليس مثل المعاصير ** ما هو الــحـــاله والشياطين تتليه بشرنـي با بشر ما تجيك العواثير ** ومن يزعلك يا جــــــــار حنا بلاويه قـــــــم انطلق عبّر من جمّة البير ** مثلي ومثلك ما تراعد قــوافــيــــه يا اللي تقول التغلبي ضيّع السير ** يا سير فعلي ذاك اللـــي خبرتيه والّا نســــيتي يوم درعم بك العير ** من كرّتي جـمـعـت الاول لـتـالـيـه هذي سلوم التغلبي والــمــعـايير ** كــبــي اهروج المزح يا بنت كـبيه يا بنت ترانـــي غير يا بنت انا غير ** مــاني من اللي بالملاقى اتهديه هيّا عطيني الحق يا نجمة امطير ** هيّا عطيني الحق والحق بــاغيه واّلّا رفعت الـقـــاف للشيوخ اتجير ** ساس المعزّة بين علوى مع ابريه حــمّــايــة الـتـالي وجمع الطوابير ** الياكلّش الشارب وبانت شــوافيه وحمّاية المجهم وذود الـمـغــــاتير ** يا ويل من حمران النواظر اتـعـاديـه جديد / الخيّال التغلبي . |
صح لسانك لاهنت على الابداع قصيده من الوزن الثقيل اثر قصيدك معك عفريت الجن ماتنتنا حا اجل محد يقدرك اجل اعتبر اطير مصيود من حزامك |
لا هنت يا الوليدة : نجم نجم ، نحن شياطيننا وجننا لا تستطيعك ، فأنت اكبر منا ومنها ـ تحياتي لك وشاكر لك مرورك وتعطير متصفحي بتقييمك الحلو والجميل . |
هههههههه اقرأ واضحك من ابليس صح لسانك واعتلى شانك قصيده في غاية الجمال وأداء راقي من إنسان راقي هكذا هم الكبار دمت بخير اخي ولك احترامي |
صمتي حكاية ـ بل أنا كلي حكاية ، شاكر لك مرورك الكريم واطرائك الجميل الراقي وراق لي ، تحياتي لك . |
التغلبي صح لسـآنكك و أعتلا شـآنكك .. قصيدهه قمهه فِ الروعهه انتظر جديدكك . لاهِنت ولا هَـآن قلمكك حَسُوسَـآآ :Dl3: |
الساعة الآن 10:49 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا