القاف نازعني وانا اصيح واقول ** عجّل عليّ والنفس لا تمتحنها هذه القصيدة ليست بعيدة فقط من سنتين ، وقد كتبتها بصهري زوج ابنتي / وهو ناصر بن عايض الحبحوب العاصمي الحجدري القحطاني ، ولو قيست بما هو عليه من المراجل والوفاء والطيب ، لما جاءت بمعشار معشار ما هو عليه من المراجل والوفاء والسؤدد ومكارم الأخلاق ، ويستاهل ابو خالد . القاف نازعني وانا اصيـــــــــــح واقول ** عجّل عليّ والنفس لا تـمـتـحـنـهـا اما تجي باللي نريده على طـــــــول ** والا ترى جـــبــنــاك باللــــــي لعنها قال استحي واخاف نقصر عن القـول ** وتشره عليه العرب فــــــي لـحـنـها قلت انتظم عبّر وانا اليوم مــســـؤول ** رســــــــــالـــــــــة للي بثقله وزنها يم الصديق اللــــي به الطيب مآمـول ** وجــمــــــــايـلــه بالناس كل بخنـها وجـــمـــايـله تنطق مع الناس بفعول ** ويــاقــلّ واللــــــــه من يسدد ثمنها ومعروفه اللـــــــي بين الاجواد منقول ** وصل لــحــــدود الصين واحدود بنها للي نقل حمل الحـــمــايل وش اقول ** غير المراجــــــل سلمت له رسنـها يقودها وتتليه بالعرض بالــطــــــــــول ** ما تلتفت لعفون نـــــــــــاس غبنها اقـــــــــــولــهــا ولاني بالانذال مكفول ** كــــم لحية تــــفــداك شفنا عفنها مسكين من يشناك مسكين يا حوّل ** اكبر اهــومــــه عيشــته ما ضمنها يا الــنــادر اللــــي مثلك اليوم مقلول ** ويا قلّهم في شـآمــــــها مع يمنها يالـجـحـدري يالـعـاصمي فعلك ايهـول ** يا دوحة الحبحوب واللــــــــي زبنها لك همّة كـبرت قــبــل يـكـبـر الـــــزول ** قبل الـبـلـوغ وهــــمّـــهــــا زاد منها يشهد لك وقـت مضى كنّـه الغـــــــول ** يوم اللـــــــيالــي عوكستك بزمنها ضربتها بالــكـــــــــــــايدة بحد مصقول ** وقلب يهدّ الـــــــجال ما حدت عنها ذكرتني بالضيغمي وقـــوله الــقـــــول ** عليك بفعل الكـــــــــــايدة واختزنها قاف لابن رشيد ما كان مـجــهـــــــول ** ونفسه على فعل المراجل شحنها شلت الحمول الكايدة وفوقهـا احمول ** ومثلك هو ســاس الطيبة وامعدنها وحشت المراجـــل كلها ومثلك ايـنول ** وكل المراجــــــل في جبينك وطنها يا ناصر العايض عسى عمرك ايـطـول ** ومثلك يعزّ الطــــــــــــايـلة ما مهنها يفداك عفن مجلســه كله اخـــبــــول ** الضوّ طـــــــــــــافي والمراجل دفنها ان جيت بيته ما ينولك امــنه نـــــــول ** لحيـة خسيس بالشحم ما دهنها وصــلاة ربي عد قـــول على قــــــــول ** على نبيّ للــشــفــاعـــــة ضمنها من وسيط / الخيّال التغلبي . |
كلمات رائعةة حقآ وربما سطرت في من يستحقهآ مشاعر فيآضةة .. أبدعت الخيال التغلبي تحياتي لسموك |
أكيد في من يستحقها ! فنحن لا نعرف الملق والنفاق سيدتي ، شاكر ـ مرورك الكريم واتحافك لنا في الكلمات الجميلة . |
صح لساانك والاهنت ع الرائعه والجزله ابدعت في ماتكفلت به من ابداع ومدح ويستاهل ناصر بن عايض والله يعطيك العافيه ماقصرت اوفيت وكفيت |
كلمات بمنتهى الجمال راق لي كثيرآآآ ما قرأت ... سلم لنا يا الغالي واحساسكـ دمت بهذا العطاء في منتدى مسك الغلا ننتظر الجديد والمزيد من هذا الابداع |
الاستاذ الكريم / نجم نجم ـ أنت الجزل المبدع يا سيدي ـ وما نحن الا تلاميذ عندك وعند أمثالك ـ شاكر لك مرورك الكريم وكذلك التقييم ن دمت بود وعافية . |
الاستاذ المبدع الكريم ـ البرنس وصاب ـ الله لا يحرمنا من حضورك المميز دائماً ـ لك مني كل احترام وتقدير دائمين آبدين . |
الساعة الآن 01:45 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا