((يا روح روحي يا بعد كل ذاتي))
 

يا بنت ابـوهـــــا عندي سرّ بـحياتي
ودي نـبـثـّه وكـــــــــــان تقـبل نجيبه
الـمشكلة سري في اقصى لـهاتــي
جــامــــــد ولا بد من شهدكـم يذيبه
حـتـى تـشـوفـي علتي يـا غـلاتــي
وتـسـحـب بـلاهـا بـالــغـــلا يالحبيبة
جــهّــز لــي الـتـخـديـر وغرفة مـباتي
وجهّز لي المسحة وكل شيء جيبه
ومثلك كبير ومن بـــنـــات الـــذواتــي
ومن يـدفـع الــمــصــروف ربــي يثيبه
شكيت لك هـمـي وغـمـي وآهـاتـي
حـيـثـك جـرّاح الـقـلـب وطـبّــه وطيبه
ومكـانتك يـالـروح فـوق الــصــفــاتــي
ومن ينكر الـــفــزعـات ربـي حسـيبه
يـا روح روحــي يـا بـــعـــد كـل ذاتــي
الـحـق عـلـيّـه والا صــــارت مـصـيـبـة
وخـفـف عـلـيّـه مـن الّلـتـيّـا ولاتـــــي
وعجّل لـي الـمـوعــد وشوف الطبيبة
والا شكيتك للــــي يقـبل صـــلاتـــي
ربــــــي رحـــوم ويحتميني يـا ذيـبــة


من جديد / الخيّال التغلبي .

جديد مميز ورائع

صح لسانك
والا هنت التغلبي
مشكووووووور

راقت وطابت لي هذه الرائعه
شاعرنا المتألق
صح السانك وعلاشانك
قصيدة رائعه
يعطيك العافيه ولاهنت
تحياتي

انت المميز دايم يا نجم نجم ـ وربي يديمك لنا ويديم حضورك ومرورك ومعزّتك ـ تحياتي لك.

روح مبعثرة ـ رآق لي مرورك والله يحفظك ـ تحياتي .

اشكرك لتميزك الراقي