صح لسانك علي كلامك العسل يسلموؤؤ

تقبلو مني هذه الابيات المتواضعه

من باب الدعابه لشعراء المنتدى

تحدي اخوه طبعا


###



قلبي واعرفه زين مرجوج وخبل
قد قاله إبن الذيب قبل آقوله
..
فن قنبعت لله موتي والأجل
بارد على العد الروي وآطوله
..
ماني بعجلن بك ولو إنك عجل
والكلمه المره مع المعسوله
..
إن كان لك في المدح وإلا فالغزل
اصدورنا مدهال لبعد جوله
..
لا للتراجع والتخاذل والدجل
على صفيح إمن النقى منقوله
..
اللي معك عطناه وكتب يا بطل
ماني بشاعر يستحي من طوله
..
لا مر زولك قلت بالله الامل
صبري على صبري يحث إرجوله
..
بيتين مليانه ولا جاها كلل
يلقى بها الطربان شف إميوله
..
واللي بلاه الوقت وارداه الكسل
فل ينظر لذا البيت واللي حوله
..
إن جات للإبداع ما فيها خلل
لا تقبل الجيد ولا المقبوله
..
ترقى على المشراف وتدك الجبل
وإن قالو الشعار كل منهو له
..
آشيل لوجيه الرفاقه ما حمل
ظهر الجمل وإن طولت محموله
..
ولا تعذرنا .....، ولا فينا وجل
وإذا وقفنا...... وقفتن معقوله
..
ناس تحسب إن القصايد من جهل
ما تعرف إنه سيس اكبر دوله
..
وداعة الله ... ما على الدنيا خجل
إلا إنك إتجاري عرب مهبوله

///

وسلامتكم

اخوكم هايم

هلا خوي اشكرك ع القصيده
الرائعه والمميزه
ولكن لي بعض التعليق عليها
او التحفظ ع البعض من تسلسها ونقد المفردات

انت وضعت قصيده تحدي
لاالشعار ع قولتك
ومن ياضع قصيده لازم تجي مفعمه بمعانيها وتكون مفهوه عن المطلوب يكون
تسلسله منسق مع توضيح الهدف المطلوب منها
اول شي البيت هذا
ماني بعجلن بك ولو إنك عجل

والكلمه المره مع المعسوله

عجز البيت لايتلايم مع صدر البيت
كل واحد في وادي
با الاصح توضيف العجز الي هو الشطر الأخير غير ملايم مع الشطر الي قبله وتوضيفه غير ضحيح
ثم خرج واتيت بهذا البيت
ان كان لك في المدح وإلا فالغزل
اصدورنا مدهال لبعد جوله..
لا للتراجع والتخاذل والدجل
على صفيح إمن النقى منقوله
..
اللي معك عطناه وكتب يا بطل
ماني بشاعر يستحي من طوله

طيب المنتدى فيه قصايد غزل ومدح
ايذا بيتك هذا وين رائح
المنتدى اكثره قصايد غزل وفيه مدح

ثم مشت القصيده حتى وصلن لهذا الشطر

ظهر الجمل وإن طولت محموله

الجمل مذكر وفي اخر الشطر محموله انت هنا قلبت من مذكر يلى مونث
فمايجي مذكر مع مونث بسم واحدومعنا واحد




اخوي وعزيزي
التمنا انك تقبل النقد بصدر رحب

وهذا حسب ماراه في القصيده
لنها جات بدرجة تحدي لا الشعار
والاكن ماعرفنا الهدف المنصوص لها
وماعرفنا عن ما ذا تبحث عنه
الي التقطناه من أهدافها شعر الغزل والمدح وذالك كان موجود في المنتدى وغير مفقود

شاكرا لك القصيده
وهاذا وجهت نظري ولكل واحد وجهت نظر
والشعار لهم بعد وجهة نضر
وممكن يتجاهلون الموضوع ان شافو فيه غموض وغير واضح

صح منطوقكك استاذنا وشاعرنا المبدع نجم نجم //نقدكك في محلّله ..رادار خطير انت هههاه
يشرفني نقد شاعر بمقامكك على ابياتي..! دمت متألقكك يامبدع 🌺🌺🌺

يا مراحب يالتغلبي

الله يحييك ويحيي تواجك الطيب

ولا امانع إذا تقدر تجاري القصيده جارها

الماسه

مرحبتين وصح بدنك


يا اجمل زرقاء

الف شكر