منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   يا التغلبي خلي قد حرمني وداده (https://www.al2la.com/vb/t63759.html)

إحساس طفله 11-05-15 09:29 AM

يا التغلبي خلي قد حرمني وداده
 
بسم الله الرحمن الرحيم

هذه القصيده إهداء بسيط من ( إحساس طفله ) للغـآلي ( التغلبـي )
وأرجو أن تحوز على إعجابه ورضاه .
ــــــــــــــــــــــــــــــــــــــــــــــــــ ــــــــــــــــــــ

أنا الوحيد اللي أنحرمت السعاده * * أنـا الـوحيـد اللـي باهلكـون مـحـروم

أمـشــي بـهــدنيـــا مــالــي إراده * * أمسي وأصبح ضايق الخلق مهموم

دمعـي على خدي وحالي نكـاده * * والـدمـع أحــرم نـاظــري لـذة النـــوم

يا التغلبي خلي قد حرمني وداده * * وألـصـبر حـملـنـي غـرابيـل وهـمــوم

صابر وأقول الصبر يخلف سعادة * * بس الصبر يا التغلبي باهلوقت معدوم

كـل ماخفـيت الدمـع يذرف زياده * * هـذي حـياة اللـي لـه الهـم مـقسـوم

مع تحيات
( إحساس طفله )

http://forum.sedty.com/images/smilies/rose.gif


الغيد 11-05-15 09:42 AM

ربي يبعد عن الجميع الهموم
قصيده رائعه وجميله
كلمات لامست الكثير بداخلنا
احسنتي غاليتي
ابدعتي في صياغتها
صراحه ابهرتني هالموهبه فيك
ماشاء الله تبارك الله

بشوق للجديد منك

تحياتي

نـجـم 11-05-15 09:45 AM

الله الله الله

وش المميز والرائع والجميل
اثرك شاعره يا مبدعه ومخفيه علينا

احسساس
ما اجمل مانثرتي واما اروعه
حروفك تترجم معاني الشوق والاحساس
نغمك له رونق وطابع يختلف بتميز ابداعك وحرفك الندي
راااقت لي حييييل

ويستاااهل التغلبي
والله يعينه ع المجاراه

مشكوووره حسوسه

الخيال التغلبي 11-05-15 10:27 AM

المقصود بنجم بالقصيدة هو راعي قصيدة الجمرة / نجم نجم والله يعينه على المشاركة في المجاراة ، وهذا طلب نطلبه من فضله ورضوانه ـ سامحيني يا بنيتي / الحسّوسا على قلة الابيات وتقبليها بقبول حسن وأنا اعلم ذلك منك مسبقاً ـ والى طريق الساعادة يا رب من اليوم ودوم اللهم آمين .


اهــــــلا هلا باللي شكت لي وداده ** بنت عزيزة وان نــخــتــنــي ابــــــاقوم
اللي شكت لي من الهوى والقرادة ** الله يجـــــــــــازي من غبنها من القوم
اثقل وخلّه يا بعد كل غــــــــــــــــادة ** أما يجي والا على وجــــــــــــــه ايعوم
خـلّـيـه يـكـبّـر يالحبيبة اوســــــــاده ** ويغنيك ربي من البشر شيخ شغموم
شيهانة صيدك من الناس ســـــادة ** ما انت من اللـــي صيدها شلّة ارخوم
وان كـــــان ودّك آصله في ابــــــلاده ** اجيبه حيًّ والا بالـــرمــــــــــــح ملحوم
قــولــــي وانا أليّنه من اعـــنـــــــاده ** والله لا اسهّر عينه ما يــــطــــري النوم
وش عندنا يا طفلتي من ســـعـادة ** الـيــاصــــار ما انت عندنا تضحكي دوم
لا شكّ هذا الـحـب ويلعن كــــــدادة ** قبلك يــعـــوم بــعـلّـتـه نــــجــم وايحوم
ياما شكى من جمرته والـنـكـــــادة ** ويامـــا تجرّع عبرته وســـــــــــط حلقوم

احمد11 11-05-15 10:43 AM

فصائد جميله

تلامس الاحساس

و لها رونق و تعبير رائع

صح لسان من قال

ســـارا 11-05-15 10:51 AM

الله عليك حسوسا
ربي يبعد عنك الهم

صح لسانك

ربي يسعدك


الساعة الآن 01:23 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا