ما لوم قلبك صـــــــــار دايم ابو ليل ** تبي المنام لطيفها والمحاري
خلك معي ما ينفعك حلم يا ابخيل ** تبخل علينا وضيعوك القماري
تعال وخفف وحدتي تكسب جميل ** وصدقة واجوزك بس صر جاري

اهلا وسهلا فيك والاربع الــخــــيـــل ** واهــلا وسهــــلا فيك واهـلا بداري
بس افطن قبل تيجي سو التحـاليل ** تحليل يثبت انك توك قــــمـــــاري
وتشهد عجوزك مع التوقيع بالـحـيل ** توقيع واضح ما هو هرجة حــواري
والا انتورط بالرموش الــمــضــالــيــل ** واروح فــيــهــا ويزعلون الـجـــواري
الشمس غابت ودّها شوفة اسهيل ** تبي اليماني وتبي تبّع امــبـــاري
تبي الملوك وتبي شـــــرواك تمثيل ** واعرف انك كفو وباللوازم مــشاري
والــدلّــة اللــي مبهّرة وكـلـهـا هـيل ** هي بانتظارك والفشق والسواري

يا زين العاقل سوالفه دوم تفصيل ** يجيك هرجه دايم بالكمالي
والا الردي يذبحك يا حيل ابا الحيل ** لا ناشد عني ولا به جمالي
كفو يا بو ضاوي يا شيخ الرجاجيل ** روح ولا تنسى توقيع العيالي
توقيع اللي تدعج في عينها الميل ** بدنوها ما نقبل يا راس مالي