11-07-15, 12:20 AM
| #1 | |||||||||
  
| 
وصية الشريف بركات الســلام عليــكم ورحمـة الله وبركـاته[read] أمـــــــــــــا بعــد : نقــلت لــكم إخواني الكرام هـذه القصيـده الرائعة والوصية العظيمة للشاعر المرحوم بإذن الله تعالى وهو/ الشريف بركات بن عبدالمطلب من أشراف مكة وهذه قصيدته المشهورة بوصيتة لإبنه مالك حيث يقول يالله ياللـي كـل الأمـات ترجيـك ...............يا واحـدٍ مـا خـاب حـيٍ ترجـاك يا مرقبٍ بالصبـح ظلّيـت اباديـك ...............مـا واحـدٍ قبلـي خبرتـه تعـلاك وليت يا ذا الدهر ما اكثـر بلاويـك ...............الله يزودنـا السلامـة مـن أتـلاك ياللي على العربان عمت شكاويـك ...............وليت يا دهـر الخطـا ول مقـواك واليـوم هالكانـون غـادٍ شبابيـك ...............تلعب به الأرياح مـن كـل شبـاك يا مالك اسمع جابتي يـوم أوصيـك ...............واعرف ترى يا بوك بامرك وانهـاك وصيـةٍ مـن والـدٍ طامـعٍ فيـك ...............تسبق على الساقه لسانـه لعليـاك أوصيك بالتقوى عسـى الله يهديـك ................لهـا وتدركهـا بتوفيـق مــولاك الله بحـق أجـدادك الغـر يعطيـك ................رضاه مع كل ما تمنى مـن امنـاك احفظ دبشك اللي عن الناس مغنيـك ................اللي إلى بان الخلـل فيـك يرفـاك واعرف ترى مكة ولاها ابن اخيـك ................لو تطلبه خمسة دواويـن معطـاك اجعل دروب المرجلة مـن معاليـك ................وادراج سيّسها على العـز مرقـاك لا تنسدح عنهـا وتبغينـي أعطيـك ................جميع ما يكفيـك مـا حاصـل ذاك احذر امـر ليعـات أبيهـا لتاليـك .................ايضا ويرخص عندها قـدر مـأواك أدّب ولدك إن كـان تبغيـه يشفيـك .................واستسعفه من بعـد مربـاه بـالآك أما سمج واستسمجك عنـد شانيـك .................ويفر من فعله صديقـك وشـرواك وإلاّ بعد جهله تـرى هـو بياذيـك .................لو زعلـت أمـه لا تخليـه يـالاك واحذر تضيع كل من هو ذخر فيـك .................معروفه لا تنساه واوفـه العرفـاك ترى الصنايع بين الاجـواد تشريـك .................إلـى طمعـت بركزهـا لا تـعـداك واحذر سرور بغبة البحـر يرميـك ................ولا عنده افلس من تجزعك وابكـاك واوف الرجال حقوقها قبـل تعنيـك ................لا تعتمـد بالعفـو فالحـق يقفـاك وهرج النميمة و القفا لا يجي فيـك ................واياك وعرض الغافل ايـاي وايـاك تبدي حديث للنـاس فيـه تشكيـك .................وتهيم عند الناس بالكـذب واشـراك واذا نويـت احـذر تعلـم بطاريـك ..................كم واحد تبغي به العـرف واغـواك واحذر شماتة صاحب لك مصافيـك ..................والى جرا لك جـاريٍ قـال لـولاك ولا تحسـب إن الله قطـوعٍ يخليـك ..................ولا تفرح إن الله على الخلـق بـداك إن اشتهى حط الطمع فـي تواليـك ..................لو ما لقيته يا فتـى الجـود يلقـاك والضيـف قـوم لـه حيـن يلفيـك ..................مما تنوشه يا فتـى الجـود يمنـاك اكرم قبالـه فانهـا مـن شواديـك ..................وابذل له المجهـود مـا دام يعنـاك واحذر تلاقي الضيف مقرن علابيـك ..................خله محـب لـك صديـق إذا جـاك وأوصيك زلات الصديق إن عثا فيـك ..................ما زال يغطاها الشعر فاحتمـل ذاك راعه ولو ما شفـت انـه يراعيـك ..................عساك تكسر نيّتـه عـن معـاداك واحذر عدوك لو بقا بـي يصافيـك ..................عود الجنـا واطعنـه حينمـا جـاك لا تامنه فاطلـب مـن الله ينجيـك ..................ويكفيـك ربـك شــر ذولا وذولاك شفني أنا يابـوك بآمـرك وانهيـك ..................عن التعرض بين الاثنيـن حـذراك وإذا حضرت طلايـبٍ مـع شرابيـك ...................اسع لهم بالصلـح والـلاش يفـداك ابذل لهـم بالطيـب ربـك ينجيـك ...................لا تجضع الميـزان مـع ذا ولا ذاك أما الشهادة أدّهـا إن دعـوا فيـك ...................بيّن عمود الدين لا عميـت اريـاك بالك تماشـي واحـد لـك يرديـك ...................طالع بني جنسـك وفكـر بممشـاك رابع أصيل فـي زمانـك يشاكيـك ...................وإلى شاف خملاتك عن الناس غطاك واحذر عن طرد المجفـي حذاريـك ...................عليك بالمقبـل وخـل مـن تعـداك ثم العـن الشيطـان ليـاه يغويـك ...................تـرى إن تبعتـه للشّرابـيـك وداك واوصيك لا تشكـي علينـا بلاويـك ...................أنت السبب اخـذك عيونـك بيمنـاك واعرف ترى اللي وطا الفهر واطيك ..................ولا أنت أعز من الجماعة هـذولاك المسك يا راسي عن الذل واخطيـك ..................واحذر تكلـم يـا لسانـي حـذاراك والطف بجارك ثم قـم دون عانيـك ..................وافطن إلْما يعنيك عن ربعة أخـواك يا ذيب وان جتك الغنم فـي مفاليـك ..................فاكمن إلى حيـث الرعايـا اتّعـداك من أولٍ يـا ذيـب تفـرس بياديـك .................واليوم جا ذيبٍ عن الفـرس عـداك يا ذيب عاهدني وأعاهدك ما رميـك .................مرميك أنا يا ذيب لـو زان مرمـاك والنفس خالف رايهـا قبـل ترميـك .................ترى لها الشيطان يرمـي بـالادراك ومن بعد ذا لا تصحب النذل يعديـك .................وعن صحبة الأنذال حاشاك حاشـاك ترى العشير النذل يخلـف طواريـك .................وأنا أرجي إنك ما تجـي دون آبـاك والهقوة انك ما تجـي دون أهاليـك .................ولا ذكر عود الـورد يثمـر بتنبـاك والحر مثلك يستحي يصحـب الديـك .................وان صاحبه عاعا معاعات الاديـاك لا تستمع قول الطرف يـوم يلفيـك .................بالكذب يقضي حاجته كل مـا جـاك من نم لك نم بك ولا فيـه تشكيـك .................والاَّه قــد أزرا رفيـقـك وأزراك عندك حكا فينا وعنـدي حكـا فيـك .................وأصبحت كارهنـا وحنـا كرهنـاك ما اخطاك ما اصابك ولو كان راميك .................واللي يصيبك لو تِتَقّيتْ مـا اخطـاك مير استمع مني عسـى الله يهديـك .................النصح يـا مالـك لـك الله مـولاك عنـدي مظنـة مـا تمثلتهـا فيـك .................واطلب لك التوفيق من عند مـولاك [/read] | |||||||||
| |
|
11-07-15, 07:29 AM
| #2 | ||||||||
  
|
أدامك اللـــــــــــــــــــــــــــــه ، وأدام لواءك ـ لواء الحق ـ ما احلا حضورك الجميل ، ونقلك الذي ما له مثيل ـ لقد أتحفتنا في هذه القصيدة ، وهي من أمهات القصيد ، أو ما يسمى بلغة اليوم ـ بالشيخات ، ففعلاً هي إحدى الشيخات ، ولقد أخذت من التاريخ ، واخذ منها ، اشكرك على ذوقك العالي وذائقتك الرفيعة ـ تحياتي لك دائماً ، وأراك دوماً متالقاً ان شاء الله تعالى .
| ||||||||
| |
