تهددني
 

داخله علي الله ثم عليكم


ساعدوني.

في وحده تهددني بنشر صورتي بالتويتر اذا ماشحنت لها 300

انا غلط. صح وتبت هي بويه تكفون ساعدوني. خايفه

مادامها تهددك بنشر صورتك ( تحملي خطأك ) وطنشيها ولا تهتمين لها

ألغي صداقتك بها فوراً بدون البحث عنها لاحقاً

وإتركيها تصارع سوء تربيتها بنفسها وتأكدي بأن لها ضمير سيحكمها ..


( إن شحنتي لها هذي المره تأكدي ستبتزك مراراً أخرى لتشحنين لها )

وعليكم السلام

انا مع اللورد يحيى
لانك انتي المسؤوله وتماديتي وصادقتي بويه !!!!
ونشرتي صورك ايضا رغم التحذيرات من هذه المواقع المشبوهة
طنشيها ولتفعل ماتريد
الغي حسابك ولا تردي عليها

لا حول ولا قوة الابالله
طبعآ اللي حصل حصل
ماراح ازيدك واقولك الغلط بالبدايه منك ! خاصة مع هالنوعيات
لانها تبي تبتزك وتضغط عليك بالصور وتنفذي لها اللي تبي
والحل الآن تتصلي على الهيئة وتشرحي لهم اللي حصل لك
وهم يقدرون يوجهونك ويساعدونك أن شاء الله ..
أهم شيء الان تتصرفي بحكمه وكوني واثقه بالله
ولا تخافي ولا تردي عليها نهائي
والله يستر عليك وعلى جمييع المسلمين ..

طنشيهاوقولي لأهلك عشان لو سوت اللي في راسها ماينصدمون

اما انك تشحنين لها غلطانه لأنها راح تستغلك

تحملي غلطك مااقدر افيدك باكثر من كذا

او اذا وصلوها لرجال الهيئه وهي راح تتخذ الاجراءات

:MonTaseR_56:
كيف بالله عليك تخلي احد يملك صورتك
اختي وهي اختي ماقد رفعت جوالها بي ولا صورتني
قسم بالله الا اكسر يدها لو تسويها هذا وهي اختي
ولاقد فكرنا نملك صور بعضنا

اجل شلون صحباتي وبويا
صاحيه انا اخلي احد يمتلك طرف بسيط مني يستخدمه عليه في يوم من الايام

لاتقولين واثقه بها عيني الثقه وش سوت بك

الثقه لها حدود

شوفي لو بجد هي تمتلك صورتك فيعني راح تنشرها لك لو تشحني لها ب 3 الف مو 300
ماعندك الا حل واحد

تعرفين اهلها تزورون بعض
من مدينتكم هي

ماعندك الا تروحين لا اهلها اذا تقدرين طبعاً بوجود واحد من اهلك او خواتك او امك
وتتفاهمون مع اهلها خل يأدبونها

اما اذا علاقة نت ما اقول الله يصلحك

حاولي تنسحبي عنها بهدوء بحيث تقطعين جميع التواصل
وتغيرين كل حساباتك ورقمك اذا هي تمتلكه
وبكذا باذن الله ماتقدر تنشرها لانها موب عارفه لك طريق لجل
تكلمك وتهددك في نفس الوقت
لانها ممكن تمتكل سلاح ولكن لاتعلم طريق هذا السلاح
وبكذا ماراح تستفيد من نشرها ابداً

واذا انتي تايبه عن فعلتك من جد فوضي امرك لربي وباذن الله ربي بيكون بعونك

وخليها حلقه في ذااانك
صورتك هي حياتك كلها لاتخلين مخلوق ع الارض يمتلكها حتا لو زوجك في المستقبل فاهمه

ولا تفكري تشحني لها لان معالجة الخطأ بالخطأ بيخلي الموضوع يكبر
انسحبي من حياتها بهدوء

معليش عصبت عليك :0741:

اسال الله العلي العظيم ان يسترك وان يبعد عنك شرها ويجعل كيدها في نحرها


تقبلي ردي وعبق وردي مع خالص احترامي
آسيرة حرف