|
العنصريه القبليه ، شـ \ قبيلتك ؟! .. السلام عليكم ورحمة الله وبركاته :31: اخباركم كلكم ، ان شاء الله بخير :) مسائكم | صباحكم ، خير وموده :نبض: اليوم بتكلم معكم بشيء ، خلاني افكر فيه كثييييير . ايه هو - العصبيه القبليه -. عشان اوضح للي م يعرف : العصبيه القبليه كانت من زمان موجوده . حتى قضى عليها النبي محمد صلى الله عليه وسلم وقال : (دَعُوهَا فَإِنَّهَا مُنْتِنَةٌ ) وبمعنى اخر : اتركوها فأنها كريهه ! قضى عليها النبي محمد ، ولكنهآ رجعت وبقوه . ولكن ذلك كان في سليف الزمآن ، واستمرت معنا - العصبيه القبليه -. جميعنا لديه قبيله ، يفتخر فيها ومن هالاشياء . لدرجت ان الفزعه تكون من نفس قبيلتك ، حتى لو انك م تعرفهم ! وسببت مشاكل كثير كثير كثير ! بقولكم موقف صار لي بالمدرسه :- كنت جالس مع ربعي في الصف ، يعني الفراغ اللي م بين الحصص . وكان فيه طالب جديد ، يعني صار له تقريباً اسبوع . استغربت انه محد جاه ولا تعرف عليه ، قلت خلاص بتعرف عليه ! جيت اسلم ومن المقدمات ذي ، الى ان وصلنا الى - ايه من وين انت ؟ - . جالس يطالعني بنضرات ، استغربت انا منها ! :200: ضحكت وقلت اشفيك ؟ ، قالي - شقبيلتك ؟ - . قلت له زهراني ، وانت ؟ قلي موب لازم تعرف ! على انا كبار وعقلنا كبير ، بس ه الردود مالها داعي ! المشكله ، واذا انا مو من قبيلتك ، خلاص تكرهني ؟ صاير الولد ذاك ، ولا كأنه يشوفني . ولا حدث ثاني صار في الحاره حقتنا ! قبيلتين يتهاوشون ، وكلن يجيب فزعته ! وبرضوه فيه واحد بالفصل ساحبين عليه الناس ، عشانه مو من السعوديه ومن اليمن ! هالموضوع نرفزني كثير ، وودي اكتب اشياء بس ضيق الوقت م يسمح . الحين ماهوا رأيك بالعصبيه القبليه ؟ وهل ترضى ان ابنك يعيش في هذا التعقد ؟ واسباب العصبيه القبليه ؟ وقول اي شيء عن العصبيه القبليه :) ............................... اسف طولت عليكم ، والموضوع مهو باللي كنت ابيه بس مستعجل ابي اشوف الردود :) وعليكم السلام ورحمة الله وبركاته :رحيق: قال الله تعالى: (إنَّمَا المُؤمِنونَ إِخْوَةٌ فَأَصْلِحُوا بينَ أَخَوَيْكُمْ). (الحجرات: 10) (يَا أَيُّهَا الَّذِينَ آمَنُوا لا يَسْخَرْ قَومٌ مِّن قَوْمٍ عَسَى أَن يَكُونُوا خَيْرًا مِّنْهُمْ وَلا نِسَاءٌ مِّن نِّسَاءٍ عَسَى أَن يَكُنَّ خَيْرًا مِّنْهُنَّ). (الحجرات: 11) (إِنَّ أَكْرَمَكُمْ عِنْدَ اللهِ أَتقَاكُمْ) (الحجرات) (وَاعْتَصِمُواْ بِحَبْلِ اللّهِ جَمِيعًا وَلاَ تَفَرَّقُواْ وَاذْكُرُواْ نِعْمَةَ اللّهِ عَلَيْكُمْ إِذْ كُنتُمْ أَعْدَاءً فَأَلَّفَ بَيْنَ قُلُوبِكُمْ فَأَصْبَحْتُم بِنِعْمَتِهِ إِخْوَانًا). (آل عمران: 103) قال تعالى : ( يا أيها الناس إنّا خلقناكم من ذكر وأنثى وجعلناكم شعوباً وقبائل لتعارفوا إن أكرمكم عند الله أتقاكم إن الله عليم خبير ) الحجرات |
وعليكم السلام ورحمة الله وبركاتة . . الحين ماهوا رأيك بالعصبيه القبليه ؟ ضدها تمامآ .. وهل ترضى ان ابنك يعيش في هذا التعقد ؟ طبعآ لا .. ولا يرضيني أن يتصرف ابنى بتعصب لقبيلته من حقه أن يفتخر بها ولكن بحدود وليس على حساب غيره واهانتهم والتكبر عليهم. واسباب العصبيه القبليه ؟ الجهل،النقص ،تقليل قيمة القبائل الأخره أو الغير قبيلي الكبر وقول اي شيء عن العصبيه القبليه .. ياهوه اتمنى تقبل وجهة نظري وابى اتكلم بصراحة أنا من قبيلة كبيره ومعروفه بسعودية اهلي ماربوني اكون عنصرية وبالأصل المنطقة اللى كنت ساكنه فيها مايتكلمون بهالامور ومافي اي عنصرية او عصبيه لما انتقلت للقصيم شفت العنصرية بانواعها بس بالعكس كنت مع بنات مو قبليات وكانو يقللون من قيمة قبيلتي بنكت والسخريه رغم أن ماعمري تعصبت عليهم او قللة من قيمتهم و رغم أنهم يخطؤن على وعلى قبيلتي كنت كاتمة غيظي وكانت في بنت واضح من شكلها انها من اصول زنجية وكانت تضايقني حيل كل ما مرت قالت يابدويا الى ماوصلت معاي وقلت بدويا لي اصل وفصل ولا عبده مالى اصل وفصل طبعآ هالبنت اخذت درس لليوم انا مو عنصرية انا ضدها تمامآ لكن في ناس تغلط ولازم توقف عند حدها الغلط والتعصب مو بس من القبليين لما شخص مايتعصب وما يقلل من قيمة غيره ماله داعى الغير قبلي يغلط عليه ويقلل من قيمة قبيلته ويسمعه النكت عن قبيلته لا تحدون الحليم على مايكره.. احترامي لك ياهوه طرح جميل :رحيق: ............................... |
يعطيك العافيه ع الطرح |
موضوع جميل أخوي ي هوه مافي منا ما يفتخر بأصله بس اهم شي ان هالتفاخر ما يوصل للتقليل من شأن الأخرين نحن أبناء بلد واحد مهما كانت تفرعاتنا وأصولنا كلنا عيال أمة واحدة أمة محمد صلى الله عليه وسلم .. لذا لنرتقي دمت بود :81: |
الحين ماهوا رأيك بالعصبيه القبليه ؟ تخلف وضيق عقول وهل ترضى ان ابنك يعيش في هذا التعقد ؟ هم وحظهم انا لن افكر لاني اعيش اللحظة وهم وحظهم في هذه الدنيا لكني اعتقد انهم سينجحون حتى ولو كانو يعيشون في بيئة معقدة لاني انا عشت في بيئة معقدة ونجحت والحمد لله وسأكون اما ناجحة ايضا باذن الله واعلمهم كيف ينجحون ويتجاهلون من حولهم واعزز لهم قوة الثقة بالنفس والشخصية والاعتزاز بالنفس مهما كان :85: واسباب العصبيه القبليه ؟ قلت لك ضيق عقول وتاثير بمن حولهم وقول اي شيء عن العصبيه القبليه :1: بئسا لكل متعصب ان النار تنتظركم ايها المتعصبون ^_^ شكرا لك تحيتي |
جميل ياهوه بصراحه انا ضد العنصريه انا من قبيلك كذا وانت من قبيلة كذا شنو هذي السخافه كلنا اصلنا ابن ادم ومسلمين المفاخره ليست النسب والحسب والقبيله الفخر هنا بالاخلاق . (لافرق بين عربي ولا اعجمي الا بالتقوئ) انا اعتبرها تخلف وقلة عقل ، |
| الساعة الآن 04:42 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا