11-17-15, 10:26 PM
| #19 | ||||||||||||||||
   
|  الجزء الثاني  ... أول ما خلصنا إجراءات الدخول وأخذنا الشنط وكل شي الحين نبا نعرف كيف نوصل للفندق وكان الوقت وقتها ساعة 4 بتوقيتهم فرحنا استفسرنا وقالو لنا ان اسهل طريقة هو المترو وع قولت اخوي نبا نكون من عامة الشعب فكان المترو هو وسيلة مواصلاتنا طول الرحلة فخذينا بطاقة المترو ويكون ب 12 دولار وهالبطاقة تبقى معاك وتعبيها عقب متى ما خلص هذي البطاقة  وصلنا الفندق  ورتبنا اغراضنا وكل شي نزلنا نبي نتعشى وبصراحة أكلهم مأعرف لان مو حلالاو مأعرف شو بس ريحتة استغفر الله ابد مو حلو كل ما مريت من مطعم مو حلال يكون جي المهم نحن ما كان عندنا حل غير برجر كينج تحت الفندق وحلال والمكان راقي ونظيف لا تسألوني عن الأكل لان كله بيكون هذا هههههههه  وانتهى اليوم الأول بدون احداث مشوقة ... اليوم الثاني وكان يوم الإثنين تاريخ 17/8/2015 هذا المنظر من الفندق - دايما اقوم واشوف هالمنظر اقول لهم يلاااا نطلع الجو وايد حلو  فطورنا يكون في الفندق وبعدها نطلع اول يوم في شوراع سنغافورة والأمطار تقول لنا حياكم الله نورتوا ههههههه  هذا اليوم كان مخططنا ندور في شوراع سنغافورة ف رحنا لشارع بوغس وهذا شارع معروف بضاعتهم رخيصة زحمة 24 ساعة والي يبا يشتري souvenirs فما له غير هالشارع واعذروني ما عندي صورة لهالمكان وبعدها كملنا الطريق وحصلنا المتحف National Museum of Singapore    عقب رحنا لشارع اورشارد وهذا شارع كله محلات تجارية (مولات) وفيه أكثر من 20 مول يعني اطلع من واحد وادخل في الثاني هههههه دخلنا يمكن 4 مولات بس نبا نشوف شو المميز فيهم وطلع ان كل واحد يختلف بتصميمه اما المحلات فهي نفسها فأي مول  وهذي بعض المجسمات في هالشارع   بعد ما تكسرت ريولنا من المشي رجعنا بالمترو صح اذا مقررين تروحون وترجعون بالمترو خلو معاكم خريطة المترو في تليفوناتكم عشان تعرفون وين المحطة لان عادي تحت المول يكون في محطة ردينا الفندق تسبحنا وتعشينا كالعادة في برجر كينج ونمنا ليوم ولا أجمل ... اليوم الثالث الثلاثاء 18/8/2015 هذا اليوم مخططنا نروح جزيرة سانتوسا وبالتحديد يونيفرسل استدويو مدينة ترفيهية طبعا المنظر دايما يكون حلو صباح الله وبعد المطر امس قلنا اكيد كل يوم بيكون جي بس لو تعرفون في هاليوم قطرة مطر وحدة ما نزلت والشمس قاعدة فوق رؤسنا خدعنا المنظر الصبح كان وايد حر ورطوية خلنا نبدأ بهاليوم صح بقولكم ع سر خطير انا خوافة درجة أولى من المرتفعات والالعاب الخطرة قلبي ضعيف هههههههه عشان لا تنصدمون من الاحداث في هاليوم الين ما وصلنا لطريق الجزيرة ركبنا اظن امممم 3 متروات وكان الطريق من داخل المول ومن هني تقدرون تشوفون الجزيرة  اذا دققتوا شوي بتشوفون قلعة شريك ... شفتوووه وهذا التلفريك يوديك للجزيرة  انا يوم شفته قلبي طاح في بطني واخوي بدأ يستهبل علي لان شافني مصدومة وانا اشوفه فقال : بعض الناس قالو بركب هذا وذاك ما بخلي شي ما بجربه وسوت لنا سالفة .. تعرفونها ؟؟ هههههه لساني يباله قص بصراحة تحمست انا وقلت بجرب كل شي بس الخواف خواف قلت له: لو يعطوني مليون ما اركبه ما ابا اموت ههههههههه قال لي اقول امشي امشي لا تصيحين علينا عشان توصلون للجزيرة في 3 طرق اما الموت مع التلفريك او خنقة المترو او المشي مع إطلالة البحر ونحن او انا الي اخترت المشي ووافقوا علي ومشوا قلت لهم يركبون هم بس ما رضوا يوم وصلنا قريب  كنا نشيطين ومتحمسين رغم ان الجو ما يساعد ووصلنا يونيفرسل - في كل تقرير قراته قبل عن سنغافورة لازم الكل يتصور عند الكرة هذي  هو يفتح ساعة 10 لل 6 المساء ونحن وصلنا قبل 10 بشوي ولو تشوفون الزحمة اقول في نفسي انتو عايشين هني فليش كل يوم ياايين ما عندكم شغل بس كلهم سياح من الصين وماليزيا ومأعرف وين شو اسوي كلهم يتشابهون ههههههههههه نحن اشترينا تذاكر اونلاين فما اضطرينا ننتظر وهذي التذكرة  وهذي صور متفرعة من داخل اليونيفرسل  d.png)  ce.png) هذي سفينة مادغشقر وهي لعبة اصلا  اما هذي قلعة شريك وبعد لعبة 3D هذي لعبة بوس ان بوتس قطار  في تقريبا 15 لعبة وانا لعبت بس 6 هههههههه في لعبة خطيرة قطار بس وايد يخوف قلت حق اخوي لا تلعبه يخوف قال لي حسافة التذكرة الي دفعته عليج هههههههههه لاني ما لعبت شي يذكر ما علينا منه هو مو صاحي انا عاقلة لعبنا وتعبنا وخسنا من الحر وقلنا خلاص الحين بنتغدا وهناك مافي غير مطعم واحد حلال وهذا أكلهم  بس تدرون أبدا اكلهم مو حلو الدياي نيء قلت يمكن وجبتي لكن الكل نفس الشي فأشك أنه حلال او يمكن المشرف كان سكران يوم عطاهم علامة الحلال مأدري عاد المهم كلينا البطاط نسد يوعنا وشربنا بيبسي نبرد ع أعمارنا وقعدنا شوي هذا باقي صور     كان في لعبة نبي نلعبها بس كل ما نروح صوبها مكتوب ان وقت الانتظار 100 دقيقة عجبني هالشي عشان تعرف اذا تبا تنتظر انتظر واذا ما تبا ارجع بوقت ثاني المهم خليناه اخر شي ومع هذا كان بعده باقي 100 دقيقة فإنتظرنا وانتظرنا وانتظرنا هي اللعبة في عالم الديناصورات لازم تلعبونها اذا رحتو لعبة مائية ما تخوف بس فيها اثارة في هاللعبة بندخل في مكان ظلام ابد ما ينشاف شي وتخيلو معانا ناس راكبين سألت اخواني انتو هني قالو لي لا هناك اسكتي فضحتينا قلت لهم عادي ما يفهمون علينا هههههههه تسبحنا وطلعنا وبعد ما خلصنا رحت شرينا كم من شي وطلعنا للفندق وانتهى هاليوم باقي الصور  .png)  أتمنى ينال ع إعجابكم وإن شاء الله لي عودة مع الجزء الثالث  ღ...إمبراطورة البحر...ღ | ||||||||||||||||
 |
