رحلتي لمدينة الأسد ... سنغافورة بسم الله الرحمن الرحيم حبيت أشارككم برحلتي لمدينة الأسد "سنغافورة" :نبض: بما إن عندي وايد اشياء ابا اوريكم وأقولكم فراح أخليه ع أجزاء عشان اقدر افصل ع راحتي. ** اعذروني اذا الصور مو وايد واضحة وقليلة لان اكثر الصور مع الاهل وهذا كم من صورة حصلتهم في تليفوني واخوي مصور وايد بس اكيد منزلهم في الانستغرام وحبيت صوري تكون حصرية للمنتدى. ** واسمحو لي أتكلم بلهجتي بس اذا حبيتوا أحول أحول للفصحة بس احس جي بأخذ راحتي أكثر. ... معلومات عامة عن سنغافورة العاصمة: سنغافورة وهي اكبر مدينة الموقع الجغرافي: جمهورية تقع على جزيرة في جنوب شرقي آسيا. اللغة: الإنجليزية(هي اللغة الرسمية) ، الصينية ، التاميلية ، الماليزية العملة: دولار سنغافوري ... 1SGD= 2.5 AED الشعب: طيب ولطيف ما له دخلhttp://cdncache-a.akamaihd.net/items...rrow-10x10.png بالناس كل واحد مع نفسه ( يعني حتى لو طحت ع ويهك محد بينتبه هههههه) نشيطين جداً ويطبقون القوانين وهذا احلى شي فيهم الإنضباط مافي أحد يتعدى على دور الثاني البلد نظيف جدا ً نظراً لان القوانين تطبق فأي ورقة ترمى عليها غرامة 500 دولار سنغافوري مستوى المعيشة عندهم عالي لهذا البلد غالي لكنه يستاهل الزيارة نادر ما تشوف الشرطة في الشوارع لان في كاميرات في كل مكان اما عن الجو هذي قصة ثانية بقولكم عنه بعدين بس بشكل عام حار ورطوبة لانها دولة استوائية والامطار ع مدار السنة (هذي النقطة انا ضدها) معالمها السياحية جداً جميلة والكثير قالوا يكفيها 5 او 6 ايام بس نحن خذنا 9 ايام (متحمسين ههههه)وما كفانا الصراحة في وايد أماكن ما رحنا لها. ... تفاصيل الرحلة عدد الاشخاص : 5 ( أنا وأخواني) تاريخ المغادرة والعودة : 15/8/2015م – 24/8/2015م (9 أيام) خطوط الطيران: القطرية للطيران خط السير : دبي – الدوحة – سنغافورة / سنغافورة – الدوحة – دبي ... تخطيط الرحلة ما كان وجهتنا الرئيسية سنغافورة فكان في بالنا كوريا بس تكنسلت لان طلع مرض الكورونا فيه ووزارة الخارجية منعت السفر له عقب قلنا اليابان وتكنسلت مأعرف ليش الصراحة نسيت ههههه والكثير قالو روحوا تركيا بس نحن كنا نبا نروح نلعب ونغير جو وما حسيت تركيا حق هالشي بالعكس زين حق شهر عسل اكثر. فإستقرينا على سنغافورة من الي قرأنا عنه وحبيناه. التذاكر وغيرها من الامور كلها كانت بيد أخوي الله يحفظه هو الليدر مالنا كان وضبط كل شي وكان مخلي علي شي واحد اني اسوي جدول للأماكن الي بنروح له لكني شاطرة ما سويته فكنا نقعد كل ليلة بعد ما نرجع نخطط شو بنسوي بكرا بس بصراحة حلو بدون تخطيط ما تلتزم بوقت او شي بس الشي المو حلو انك يمكن او اكيد ما بتقدر تروح لكل الاماكن الي قرأت عنها. ... الأماكن الي زرناها في المدينة : Orchard Roadشارع الحي الصينيChina Town Wak Hai Cheng Bioمعبد الحي الهنديLittle India حديقة الحيوانات Singapore Zoo National Museum of Singapore Bugis street Singapore Flyer Marina Bay Sands في جزيرة سانتوسا: يونيفرسل استيديو الترفيهية Universal Studios المدينة المائية Adventure Cove Waterpark يتبع إن شاء الله مع الجزء الأول من الرحلة أتمنى ينال ع إعجابكم :81: ღ...إمبراطورة البحر...ღ |
تقرير رائع ومشوق لكن لم تظهر عندي الصور بانتظار الجزء القادم عزيزتي تحيتي لك |
, , , موضوع جميل ,. / متابع ! 9 ايام ولفيتو هاللفة ماشاءالله الظاهر الصور مع الجزء الثاني زياده تشويق .. ^_^ الحمد لله ع السلامة . |
بدايه مبشره بالخير هههههههههههههههه اهم شي انبسطتوا بالاكل؟؟هههههههههههههه |
اقتباس:
اتمنى ينال ع إعجابج ربي يسعدج دمتي بود :81: |
اقتباس:
ههههه هيه وما كفانا هيه ان شاء الله مع الاجزاء الياية بحط صور الله يسلمك يارب دمت بود :81: |
اقتباس:
لا والله وردة هذا الشي عانينا منه وايد لان اكثر المطاعم مو حلال والمطاعم الحلال كله الاكلات السريعة الموجودة عندنا دمتي بود :81: |
الجزء الأول :نبض: ... رحلتنا كانت ساعة 12 ونص المساء بتوقيت الامارات ونحن وصلنا للمطار على 9 ونص عشان نخلص أمورنا وعن الزحمة وبعد ما تخلصنا من الحمل (قصدي الشنط هههه) خذينا أمي وأبوي عشيناهم وتعشينا معاهم الين وقت الطيارة . تسجيلhttp://cdncache-a.akamaihd.net/items...rrow-10x10.pngالدخول كان على 11 ونص ودعنا امي وابوي ودخلنا خلصنا الإجراءات ودخلنا للطيارة. http://www.al2la.com/up/uploads/imag...ن الإدارة).pngهذي الطيارة من برا ( أمانة تصوير اخوي ما كان عندي صورة حلوة ) http://www.al2la.com/up/uploads/imag...7ad006b554.png هذا خط السير من دبي للدوحة هذا الsnacks الي عطونا اياه بس ولاحد منا أكله لاننا كنا متعشين وهني وصلنا قطر. وصلنا قطر ونزلونا من برا مو من الممشى الي داخل فحسينا كأننا شيوخ قاعدين ننزل جي هههههههه مو صاحين المهم عقب ركبنا الباص ودخلنا للمطار. المطار كبير ما شاء الله بس فاضي مو مزدحم نفس دبي او يمكن لانه ساعة 1 نص الليل مأدري. هذا كان في استقبالنا في قطر ههههههه درنا شوي في المطار وكل شوي نشوف لوحة العرض عشان لا نتأخر ونعلق في قطر ويوم فتحت البوابة توجهنا لهناك ونحن خلاص تعبانين نبا ننام. http://www.al2la.com/up/uploads/imag...745b020a9d.png http://www.al2la.com/up/uploads/imag...ن الإدارة).pngهذا شاشة العرض ومنها عرفنا واتجهنا للبوابة الطيارة من الدوحة لسنغافورة طارت على 2 وربع تقريبا بتوقيت الدوحة. الصراحة تعب كان 7 ساعات عشان نوصل وما تعرف تنام عدل بسبب المطبات الهوائية تخلي قلبك يروح فوق وينزل ههههههه حاولنا ننام وبعد تقريبا مرور 3 سااعات نبي نشوف برا الا والشمس يسلم علينا وع طول يتنا المضيفة تقوول لنا لا سكروا الشباك مأعرف ليش اصلا ما ينشاف شي وبعده يابونا الغداء ع قولتهم وكان هذا غداهم امممم لا باس به بس ما كلينا وايد لان اصلا الطيارة مسوية سواتها فينا هذي الصورة من الجو ( وايد تعجبني هالصورة) من الخريطة يبين اننا قربنا هذي سنغافورة من الجو وصلنا سنغافورة ساعة 3 وربع بتوقيتهم يعني 11 ونص في الامارات وهذا مطارهم وهذا من داخل المطار مطار القادمون ما فيه شي مميز بس المغادرين وااايد حلو يوم بنغادر بوريكم ... نهاية الجزء الاول أتمنى ينال ع إعجابكم وان شاء الله لي عودة مع الجزء الثاني :81: ღ...إمبراطورة البحر...ღ |
ماشاء الله التقرير جميل و متكامل والصور جدا جميله شكرا على المشاركه و نتطلع لجديدك |
ماشاء الله جميل جدا أصلا الجو من المطار يفتح النفس يعني لو تجلس في المطار يكفي ! تسلم ايدكـ .. ننتظر الجزء القادم |
تقرير رائع ومشوق لكن لم تظهر عندي الصور بانتظار الجزء القادم إن شاء الله لكن أهم شيء الصور أذبحك لو ماظهرت ههههههههاي امزح |
اجمل مافي السفر لجنوب شرق آسيا في اثناء التحليق الطائرة هي الغيوم الملبدة والكثيفة وكأنك تعبرين للجنة .. تصوير جميل عزيزتي والمهم انك استمتعي :MonTaseR_11: |
جميل جداااا يعطيك العافية متاابعة |
اقتباس:
الأجمل إطلالتك سعدت كثيراً ربي يسعدك :81: دمت بود |
اقتباس:
ههههههه صدقك الجو وايد حلو يوم وصلنا الله يسلمك ... سعدت كثيراً بتواجدك ربي يسعدك إن شاء الله بنزله اليوم دمت بود :81: |
اقتباس:
افا مع اني انزله من موقع تحميل المنتدى ان شاء الله تظهر لك الصور في الجزء الياي ههههههههههههه ان شاء الله شاكرة لك تواجدك سعدت كثيراً ربي يسعدك دمت بود :81: |
اقتباس:
شكرا لكِ الأجمل إطلالتك البهية فديتج سعدت كثيراً بمروركِ ربي يسعدج دمت بود :81: |
اقتباس:
الأجمل إطلالتكِ ومتابعتكِ لي سعدت كثيراً ربي يسعدكِ دمتي بود :81: |
الجزء الثاني :نبض: ... أول ما خلصنا إجراءات الدخول وأخذنا الشنط وكل شي الحين نبا نعرف كيف نوصل للفندق وكان الوقت وقتها ساعة 4 بتوقيتهم فرحنا استفسرنا وقالو لنا ان اسهل طريقة هو المترو وع قولت اخوي نبا نكون من عامة الشعب فكان المترو هو وسيلة مواصلاتنا طول الرحلة فخذينا بطاقة المترو ويكون ب 12 دولار وهالبطاقة تبقى معاك وتعبيها عقب متى ما خلص هذي البطاقة http://www.al2la.com/up/uploads/imag...137c65aa8d.png وصلنا الفندقhttp://cdncache-a.akamaihd.net/items...rrow-10x10.png ورتبنا اغراضنا وكل شي نزلنا نبي نتعشى وبصراحة أكلهم مأعرف لان مو حلال او مأعرف شو بس ريحتة استغفر الله ابد مو حلو كل ما مريت من مطعم مو حلال يكون جي المهم نحن ما كان عندنا حل غير برجر كينج تحت الفندقhttp://cdncache-a.akamaihd.net/items...rrow-10x10.png وحلال والمكان راقي ونظيف لا تسألوني عن الأكل لان كله بيكون هذا هههههههه http://www.al2la.com/up/uploads/imag...ff89b74c79.png وانتهى اليوم الأول بدون احداث مشوقة ... اليوم الثاني وكان يوم الإثنين تاريخ 17/8/2015 هذا المنظر من الفندق - دايما اقوم واشوف هالمنظر اقول لهم يلاااا نطلع الجو وايد حلو http://www.al2la.com/up/uploads/imag...ef495b8735.png فطورنا يكون في الفندق وبعدها نطلع اول يوم في شوراع سنغافورة والأمطار تقول لنا حياكم الله نورتوا ههههههه http://www.al2la.com/up/uploads/imag...cf0b08b688.png هذا اليوم كان مخططنا ندور في شوراع سنغافورة ف رحنا لشارع بوغس وهذا شارع معروف بضاعتهم رخيصة زحمة 24 ساعة والي يبا يشتري souvenirs فما له غير هالشارع واعذروني ما عندي صورة لهالمكان وبعدها كملنا الطريق وحصلنا المتحف National Museum of Singapore http://www.al2la.com/up/uploads/imag...5919f741ae.png http://www.al2la.com/up/uploads/imag...a940c2c981.png http://www.al2la.com/up/uploads/imag...b56724b728.png عقب رحنا لشارع اورشارد وهذا شارع كله محلات تجارية (مولات) وفيه أكثر من 20 مول يعني اطلع من واحد وادخل في الثاني هههههه دخلنا يمكن 4 مولات بس نبا نشوف شو المميز فيهم وطلع ان كل واحد يختلف بتصميمه اما المحلات فهي نفسها فأي مول http://www.al2la.com/up/uploads/imag...3b658dca5f.png وهذي بعض المجسمات في هالشارع http://www.al2la.com/up/uploads/imag...129ba69a55.png http://www.al2la.com/up/uploads/imag...c00e1df93c.png بعد ما تكسرت ريولنا من المشي رجعنا بالمترو صح اذا مقررين تروحون وترجعون بالمترو خلو معاكم خريطة المترو في تليفوناتكم عشان تعرفون وين المحطة لان عادي تحت المول يكون في محطة ردينا الفندق تسبحنا وتعشينا كالعادة في برجر كينج ونمنا ليوم ولا أجمل ... اليوم الثالث الثلاثاء 18/8/2015 هذا اليوم مخططنا نروح جزيرة سانتوسا وبالتحديد يونيفرسل استدويو مدينة ترفيهية طبعا المنظر دايما يكون حلو صباح الله وبعد المطر امس قلنا اكيد كل يوم بيكون جي بس لو تعرفون في هاليوم قطرة مطر وحدة ما نزلت والشمس قاعدة فوق رؤسنا خدعنا المنظر الصبح كان وايد حر ورطوية خلنا نبدأ بهاليوم صح بقولكم ع سر خطير انا خوافة درجة أولى من المرتفعات والالعاب الخطرة قلبي ضعيف هههههههه عشان لا تنصدمون من الاحداث في هاليوم الين ما وصلنا لطريق الجزيرة ركبنا اظن امممم 3 متروات وكان الطريق من داخل المول ومن هني تقدرون تشوفون الجزيرة http://www.al2la.com/up/uploads/imag...54c1f1a9a3.png اذا دققتوا شوي بتشوفون قلعة شريكhttp://cdncache-a.akamaihd.net/items...rrow-10x10.png ... شفتوووه وهذا التلفريك يوديك للجزيرة http://www.al2la.com/up/uploads/imag...3a398a12bb.png انا يوم شفته قلبي طاح في بطني واخوي بدأ يستهبل علي لان شافني مصدومة وانا اشوفه فقال : بعض الناس قالو بركب هذا وذاك ما بخلي شي ما بجربه وسوت لنا سالفة .. تعرفونها ؟؟ هههههه لساني يباله قص بصراحة تحمست انا وقلت بجرب كل شي بس الخواف خواف قلت له: لو يعطوني مليون ما اركبه ما ابا اموت ههههههههه قال لي اقول امشي امشي لا تصيحين علينا عشان توصلون للجزيرة في 3 طرق اما الموت مع التلفريك او خنقة المترو او المشي مع إطلالة البحر ونحن او انا الي اخترت المشي ووافقوا علي ومشوا قلت لهم يركبون هم بس ما رضوا يوم وصلنا قريب http://www.al2la.com/up/uploads/imag...08586c525b.png كنا نشيطين ومتحمسين رغم ان الجو ما يساعد ووصلنا يونيفرسل - في كل تقرير قراته قبل عن سنغافورة لازم الكل يتصور عند الكرة هذي http://www.al2la.com/up/uploads/imag...5f3b43218c.png هو يفتح ساعة 10 لل 6 المساء ونحن وصلنا قبل 10 بشوي ولو تشوفون الزحمة اقول في نفسي انتو عايشين هني فليش كل يوم ياايين ما عندكم شغل بس كلهم سياح من الصين وماليزيا ومأعرف وين شو اسوي كلهم يتشابهون ههههههههههه نحن اشترينا تذاكر اونلاين فما اضطرينا ننتظر وهذي التذكرة http://www.al2la.com/up/uploads/imag...ea7080aaf8.png وهذي صور متفرعة من داخل اليونيفرسل http://www.al2la.com/up/uploads/imag...533dbe8d3a.png http://www.al2la.com/up/uploads/imag... الإدارة)d.png http://www.al2la.com/up/uploads/imag...cf6d05e8e6.png http://www.al2la.com/up/uploads/imag...الإدارة)ce.png هذي سفينة مادغشقر وهي لعبة اصلا http://www.al2la.com/up/uploads/imag...b5de666593.png اما هذي قلعة شريكhttp://cdncache-a.akamaihd.net/items...rrow-10x10.png وبعد لعبة 3D http://www.al2la.com/up/uploads/imag...31d9ba4486.png هذي لعبة بوس ان بوتس قطار http://www.al2la.com/up/uploads/imag...2d91bf2e5f.png في تقريبا 15 لعبة وانا لعبت بس 6 هههههههه في لعبة خطيرة قطار بس وايد يخوف قلت حق اخوي لا تلعبه يخوف قال لي حسافة التذكرة الي دفعته عليج هههههههههه لاني ما لعبت شي يذكر ما علينا منه هو مو صاحي انا عاقلة لعبنا وتعبنا وخسنا من الحر وقلنا خلاص الحين بنتغدا وهناك مافي غير مطعم واحد حلال وهذا أكلهم http://www.al2la.com/up/uploads/imag...13ea8c052e.png بس تدرون أبدا اكلهم مو حلو الدياي نيء قلت يمكن وجبتي لكن الكل نفس الشي فأشك أنه حلال او يمكن المشرف كان سكران يوم عطاهم علامة الحلال مأدري عاد المهم كلينا البطاط نسد يوعنا وشربنا بيبسي نبرد ع أعمارنا وقعدنا شوي هذا باقي صور http://www.al2la.com/up/uploads/imag...fe5dc07aeb.png http://www.al2la.com/up/uploads/imag...a829d0efb0.png http://www.al2la.com/up/uploads/imag...9e6ee71fd7.png http://www.al2la.com/up/uploads/imag...5b21b88e1e.png كان في لعبة نبي نلعبها بس كل ما نروح صوبها مكتوب ان وقت الانتظار 100 دقيقة عجبني هالشي عشان تعرف اذا تبا تنتظر انتظر واذا ما تبا ارجع بوقت ثاني المهم خليناه اخر شي ومع هذا كان بعده باقي 100 دقيقة فإنتظرنا وانتظرنا وانتظرنا هي اللعبة في عالم الديناصورات لازم تلعبونها اذا رحتو لعبة مائية ما تخوف بس فيها اثارة في هاللعبة بندخل في مكان ظلام ابد ما ينشاف شي وتخيلو معانا ناس راكبين سألت اخواني انتو هني قالو لي لا هناك اسكتي فضحتينا قلت لهم عادي ما يفهمون علينا هههههههه تسبحنا وطلعنا وبعد ما خلصنا رحت شرينا كم من شي وطلعنا للفندق وانتهى هاليوم باقي الصور http://www.al2la.com/up/uploads/imag...2f29efa643.png http://www.al2la.com/up/uploads/imag...ن الإدارة).png http://www.al2la.com/up/uploads/imag...e8af6e98af.png أتمنى ينال ع إعجابكم وإن شاء الله لي عودة مع الجزء الثالث :81: ღ...إمبراطورة البحر...ღ |
الساعة الآن 08:33 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا