طقّها واركض وراها ** لعن ابوها من حياة طقّها واركض وراها ** لعن ابوها من حياة هنيت مثله من لقاها ** ما تلبّس في شقاه ما نقل همّ اقصراها ** وما نقل همّ اقصراه ولا تورط في هواها ** يدفع الدّم وحشاه ليت مثلي ما لقاها ** ليت مثلي ما لقاه جيّتها ورّاد ماها ** ليتني ما جيت ماه شكّت بقلبي غلاها ** واتشرّف في غلاه يا هنيّك يا غطاها ** يا هنيّك يا غطاه يا هنيّك يا هواها ** ياللي تنفّس معاه ليتني من مسّك فاها ** واتلثّم في شفاه واكتب القصّة معاها ** قصة حب مع فتاة ودّعتني يا حلاها ** تعتذر من قلّ ماه تعتذر من قلّ ماها ** انا ماها وش وراه ما حلاها يا رعاها ** ما حلاها يا رعاه ما حلاها في غطاها ** ما حلاها بالعباة ما تلفّت من وراها ** عينها في درب اخطاه ولا تدري من تلاها ** من البشر منه وراه الشرف كله سماها ** وارضها واللي خباه والحشا كله حواها ** وقلبي تعطل قواه استحيت امشي قفاها ** خفت افضحها في ملاه سبحان اللي هو عطاها ** هو صنعها هو عطاه ربها ربي حباها ** بالحلا والله حباه ربي يجمعني معاها ** بالدنيا مابي سواه والجنة هي منتهاها ** بالجنّة وانا ويّاه وصلاة الله على طه ** نبي ربي براه جديد / التغلبي . |
مبدع يا التغلبي راقت لي كثيراً ابياتك هذهِ رائع انت دائماً تقييمي وتحياتي لك |
صح لسانك ويسلم منطوقك احساس رائع تحمله كلماتك يعطيك العافية تحياتي لك |
كالعاده مبدع يعطيك العافية بنتظار جديدك ربي يسعدك |
تحية واجلال وإكبار لمرورك الكريم السيدة / رويدا محمد ـ قد تشرف متصفحي المتواضع بطلّتك البهية والقديرة على قلبي ، يحفظك ربي يا استاذتي الكريمة المتميّزة دائماً . |
ما شاء الله عليك شاعرنا التغلبي كل يوم تتحفنا بإحساس جديد قلمك مبدع ومتميز كعادته راقت لي جداً دمت بود :81: |
الساعة الآن 05:37 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا