الله معاي و معاك ... http://www.esyria.sy/ecal/sites/default/files/555.JPG نسيت أو تناسيت لهيت أو تلاهيت ابتسمت أو تبسّمت بكل الأحوال يبقى السؤال عنوان كل مرسال : تحبني ؟ ما أحتري جواب .. و لا باقي في نفسي عتاب .. من بعد هالسكوت .. و شح نفسك عن السؤال و الوصل لاجل خاطر قلبي .. و ذيك الايام .. صرت أجاوب نفسي .. و ابتسم .. و في العين دمعة أغلبها و ألف تنزل .. تغلبني .. و اقول : مو مشكلة باجر يبرى قلبي .. و ترضخ النفس و لا ملام .. لا ملام و اذا لي في الدنيا شقا أطول من هالشقا .. لا تشقيني يا قلبي معاه .. لا تجدد رجاك انه يرجع .. و لا تحسب الأيام و التواريخ و تنطر يوم ماله موعد ... وعد !!.. انا مليت و انا أوعد نفسي فيك .. و انت من رسمت طريج البعد بديته بخطوة و تجاوزت الألف .. طال طريجك و صار أبعد من إني أتبعك و امشي وراك ... أمشي و اقول يمكن تلتفت وراك .. تأشر لي بقلبك .. تعالي مكانك يتحرى شوفتك و ناطر جيتك .. عجّلي .. بس آنا وقفت بأول طريج اللي رسمته .. و ضعت .. تعبت و انا اشوفك و ما اسمع نداك ... لاهي ! مشغول أو امتشاغل .. مسجون في الغربة .. آنا تغربت مثلك و انا بين اهلي .. من صرت انت ديرتي و ناسي و أرضي .. من ناديتني و جاوبتك : هلا و لبيك .. آمر كلي فداك ... يمكن .. تناسيت تلاهيت .. بكل الاحوال الله معاي و معاك .. |
خاطرةة رائعةة غاليتي سريالية فضفضةة مشاعر راقت لي كثيراً أبدعتِ |
كلمات موجعة ترجمت مشاعر الألم و الوجع! جميلة سريالية بكل الألوان ممتعة سلم قلمك و نبضك دمتِ بخير |
جميله ي سرياليه :x117: |
حروفك كانت رقيقة المعنى وسيرالية المغنى بِـ قدر ما سعدت بـ هذا الابداع ../ شكرا* لقلبک ولروحک النقيه..~ :m42: |
نثر جميل وخطاب صريح مع النفس وعميق في الحس صح بوحك وأبدع قلمك :ورد: تحياتي :ورد: |
الساعة الآن 07:16 PM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا