منتديات مسك الغلا | al2la.com - وانا عيبي ما انجامل بالخراب ** والكرامة ما بها بيع وسوم

ليه بجــوابـــــــــــك ذا زودت العتاب ** وبعض السوالف ما لهـا عندي لزوم
ما كل ما قــــــالـــوه يالغالي صواب ** لا تفتح اذنيك لهــرجــــــات الرخوم
اللي عنده شي يبعث لي خــطاب ** وحنــا انفهمه ويش في نيات البوم
الوفـــــــــــاء ضيعته بالقول السراب ** كلمتين ضيعت طــيــب يــــــــــدوم
ما هقيت اسمعها منكم بالـعــتــاب ** وما هقيت اسـمـعها منكم يالقروم
الوفــــاء وفاي يوم بعض الناس ذاب ** حافظت لك عليه وانت بلحظة نوم
انشد الاســـبــــــاب وانشد الاقراب ** تلقى الحقايق عندهم وقت اللزوم
ما قصدتك بالــــقـــــوافــي والعتاب ** مير انت اللي طار في عـجـة القوم
وانا عيبي ما انـجـــــامـــل بالخراب ** والــكـــرامـــــــــة ما بها بيـع وسوم
والتواصل بالــمــــــــــــلا ما به تباب ** الا عند القين ومن شـــــرّه يـحــوم
وش عــلامـك هم وفيك ســم داب ** الــعــــلاقــــة بيننا فــيــهــا سمـوم
وانا اللي خــــــابرك رجل وفيك ناب ** ما تضعضع تصدمك ســــــود العلوم

القارظ ـ العنزي