|
اشتقت لك ياوليدي ثمان سنين ياوليدي ابعدت جنتك عن دروبك كابرت واعلنت شموخك عاندت وابطيت بعنادك ........... ثمان سنين ياوليدي عن رد السلام تثاقلت وبقايا افعالك تماديت وعن حزني ودموعي تغافلت .......... ثمان سنين ياوليدي وضحكتي من الفم مكبوته ودمعتي من العين مصحوبة والنوم بالليل محرومة ......... ثمان سنين ياوليدي بذمتك ماحنيت بذمتك مابكيت بذمتك ماندمت اقول بكرة يجي تائب اقول بكرة يجي فاهم اقول بكرة يجي نادم ............ ثمان سنين ياوليدي مرت وانا بخاطري سؤال اصعب من الجواب كم تسوى ضحكتك مليون مليونين وابشر بدبلها ......... اه ياوليدي ياضناي يابكري ياضحكتي وبكاي ياعزوتي لاصاروا ينادوني بام فلان .......... ثمان سنين ياوليدي اناجي ربي بتالي الليل على منبر صلاتي يهديك يالله ابشكي لك من وليدي اناديه لامر زوله قدامي ياوليدي ياوليدي ياوليدي يوقف مايلتفت لي ياشر بيدينه خير بس فقدتك ياوليدي قلت اسال عن احوالك يرد بكل صوته انتي انتي فاضية !!!! ويمشي قافل الباب بكل قوته بوجهي اه ياوليدي اخاف عليك من بكرة واخاف عليك يوم الحساب والعقوق الي بتهديه لي لابد يجي يوم وتنرد الهدية .......... ماهمك كيف حملتك ببطني وعانيت وقلت بكرة بكري يعوضني التعب مادريت ان اقسى المخاليق بكري مافاد فيه ضيمي وحناني .......... الله واكبر متى قلبك يلين متى يرجع لي طفل حنون الله اكبر متى تفهم ماعلموك بالمدارس ان الجنة تحت رجولي تكون ......... اشتقت لضحكتك وبسماك واشتقت لسوالف معك تنسيني اوجاعي واشتقت لكلمة يمة منك تناديني يمه يمه يمه لبيك يااغلى من سكن حشاي !!!!! |
ابداع ماشاءالله كﻻم في قمة الروعه سلمت اﻻيادي:MonTaseR_222: |
" ضاقت انفاسي " هلابك و هلا بالكلام الجميل تسلمين :m42: |
| الساعة الآن 02:21 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا