انا على /خطا او على صواب .
 

السلام عليكم ورحمة الله وبركاته

انا نزلت هالموضوع اعتبركم اخواني لي وانا اخوكم الصغير وابغي وجهة نظركم :6:

انا خاطب لي 6 شهور تقريبا م شفت خطيبتي الا وقت الخطوبه اكيد اكلمها مكالمات

طبعا لي صديق لي خاطب له شهرين وجلس يتكلم على موعد الزواج وقالي يلا طلال تبغي شي
قلت بدري قال بكرا معزوم للعشاء عند خطيبتي استغربت صراحه قلت يعني تقابلها قال اي عادي
يكون معاها واحد من اخوانها او والدها انا صراحه جت في راسي ودي اكلم ابوي خايف يعصب
لئن م قد صارت بنفس عايلتنا م يشوفها الا وقت الزواج حتى لما قلت للبنت تفاجاة من طلبي

ابغي رايكم

هل من حقي اطالب اشوفها

ظنكم ابوي بيوافق لاكلمته

وعليكم السلام ورحمة الله وبركاته
تم الموافقة على مشكلتك ...!

على حسب بيئتك وعاداتكم وتقاليدكم ..!
مثلاً عندنا مستحيل وليس صعباً فقط أني أكلم خطيبي أو يكلمني ..!
فما رأيك اني التقي فيه او يلتقي فيني .
حاول تقول لأبوك ممكن يوافق واذا ما وافق عادي انسى الموضوع ..

وفكرةة اللقاء بين الخاطبين برأيي خاطئةة
لا بأس من المكالمات ما بين فترةة لأخرى إذا كان الطرفين راغبين بذلك
" ونظرة شرعيةة " كافيةة وهي من حدود الدين

و بالتوفيق لك

حنا وقت الخطبه مانشوف بعض والمكالمات مو كل احد يكلم
بس مو شرط ينطبق ع عايله ثانيه لازم تسويه انت لك عاداتك وهم لهم عاداتهم
انا صديقاتي عندهم شوفه شرعيه ووقت الملكه يجي يلبسها وحنا ماعندنا ولاطلبت ان اسويها
في عايله ب عرعر اعرف بنتهم يشربون شيشه مع بعض :138:
وتطلع معه عادي

نصيحه لاتطلبها تدخل عاده ب عايلتكم منت عارف لوين توصل
فانت ارضى ب عاداتك ولاتفكر ب الغير

والله يوفقك انت وصاحبك
تحياتي

و عليكم السلام )

اذا تمت الملكه و اهلها م عندهم مانع وهي ما عندها م يخالف >اما اذا للحين م تمت فالمفروض تنتظر و م تضغط عليها )

الله يوفقك و يسعدك )

تمت الملكه بس م قد صار الشي ذا بعايلتنا

ما عليك المهم انك م تخالف الشرع بشيء
انت جرب اسأل ابوك م راح يضر السؤال ان شاء الله )
بس لا تكثر الروحه و الجيه من عندهم عشان م ينقد عليك احد لا تروح الا لسبب )