المرجلة ما هي سوالف هبيلي .
 

واليانقطع وصالـهـم وش بـقـي لـي ** مـثـل الـيـتـيـم اللي تـيـتـم مع الـنـاس
دنــيــاك هــذي مـثل قيظ المحيلي ** ضـاع الـصمـيل ولا بقي من البشر ناس
لا واخـــلـــيــلــي راح لا واخـلـيـلـي ** وين الـصـديـق اللــي يخفف من الباس
الياضاق صدري وطـاح يالقرم حيلي ** وضـاقـت بـي الـدنـيـا على قل الاوناس
الـقـاه الـيـابـغـيـتـه والـقـاه حــولـي ** ما يـنـشـدن عن حــاجــتـي دوم فرّاس
اعـلـل الـنـفـس الـشـقـيـة بـلـيـلي ** عيني ســهــيــرة والـعـرب كلها انعاس
لا واغـلـيـل الـنـفــس لا واغـلـيـلـي ** لا واعـذاب الـقـلـب من كـل هـوجـــاس
الناس ما تدري وش اللي يجي لي ** نضحك مع الحيين والـــبــــــال محتاس
وكـم واحــد من العرب يشتكي لي ** اشــيــل هــمــه ما دري ويـش بالـراس
صـبـر صـبـرتـه يا عرب وش حصيلي ** دام الــحــصــاد اللي حصدته هو الياس
وين الـفـطـيـن اللي يـفسّر عويلي ** ويسمع قنيب الذيب من فوق الاطعاس
يـفـهــم بـلايـه ويـفـتـهـم بتحليلي ** ويفهم سبب بلواي ويـحـس الاحساس
جـرحـي عطيب ومن قـديـم نزيلي ** ولا هـمـنـي في مـقـصـدي كـل مـيّـاس
لي هـمـة ابـعـد من احرار جـيـلـي ** هــمــة ولــد مـا يا صـلـه كــل قــرنــاس
الياصاح صـيّـاح الـضـحــى بالنزيلي ** وضــاقــت به الدنيا على مـر الاتــعــاس
يـفـرح ان كـانـه بالعرب هو دخـيلي ** نـصـبـر على بـلـواه ولـو كـانــت اعماس
المرجلة ما هي ســوالـــف هبيلي ** ولا هـي عـلـوم سـطّـرت وسط قرطاس
الـمـرجـلـة يبي لـهـا صفوف ـخيلي ** وبـنـت الـحـصـان الـعايـزة وقب الافراس
والـمـرجـلـة يـبي لهـا المستحيلي ** بـذل الـنـفـيـس وبـذل مالك والانــفـاس

القارظ ـ العنزي

ما شاء الله أبيات رائعةة حقاً ..
فيها من الدروس الكثيرةة
صح لسانك أخوي القارظ ..

تحياتي لك

الابداع و انت ، وجهان لعمله واحدة
صح لسانك

صح لسانك يالشاعر
عدت لنا بإبداع متألق
أبيات رائعة جداً
أبدعت ما شاء الله عليك

دمت بود

:81:

ابدعت صح لسانك يا الذيب