07-24-16, 08:41 PM
| #43 | ||||||||||||||
  
| 
مساء الابتسامه واختي المبرطمه  داخله الغرفه تفتش وتقربع ضيعت ابو الافكار . . تعرفون شعور اللي مو عارف شيبي؟ او هو ليش عايش ؟ شعور اللي يسوي الشيء ومايدري ليش سواه؟ شعور اللي يصر يروح مكان ولا يعرف ليش رايح؟ الاحداث كثيره لا اريد الخوض فيها لكن بإختصار طيفي لم يعد ملكي بل اصبح ملكا لغيري  . . نكتفي بالقليل لحين آخر  | ||||||||||||||
 |
|
08-06-16, 03:40 AM
| #44 | ||||||||||||||
|
رأيته حزينا مهموما والمرض قد اسقط دمعه فقلت يا أخي اخبرني لعلي استطيع المساعده ؟ فقال لن تستطيعي ولو فعلتي وبعد تكرار وجدال اخبرني فعزمت النيه ان اساعده فلما لا استطيع ؟ وقدر الله ان يفرج همه ومع ضجة الفرح التي برقت في عيناه وبعد ان تم كل شيء علمت انني كسرت قلبا اخر الاثنان وقعا في غرام فتاه واحده وتنازل بحبه ﻷجله لكنه حينما استفرد بنفسه انتحب ونشج حبه الضائع اسعدت قلبا واتعست اخر اشعر بتأنيب الضمير منذ تلك اللحظه وقلبي يعتصر الما من يصدق انني كنت ارجو الله ان يسعد قلبه فأجدني كسرته وحطمت احلامه؟ 2/10/1437 | ||||||||||||||
| |
|
08-10-16, 01:18 AM
| #45 | ||||||||||||||
| 
كل الاسئله لها جواب الا السؤال عني وعن حالي  يسئلوني ماشاء الله ياقوى قلبك كيف نسيتي ؟ ابتسم وكني من الهم خالي واقول الله كريم لكني بالحقيقه مانسيت ولو تناسيت ماقدرت ع غيابك  وماقويت انساك واعيش طبيعي انت حاضر بعقلي وبغيره وبكل شخص قال لي يشهد الله اني حبيتك ؟ اشوف نفسي انت وانب نفسي وارجع واقول مابي اصير مثلك أتعس لحظاتي لامن هاجسك بوحدتي سرى بي اصير انا والمجنون واحد  واكتشفت انك صرت مجرد ماضي راح ومارجع والايام والحاضر يبعدني عنك اكثر وجرحي لو خفيته عيوني تفضحه  آخ بس ليت وليت وياليت كل الطرق اللي جمعتني فيك ماكانت ليت اسمك ماحاصرني بيوم وليت الظروف اللي ابتلني تمحيك من عالمي | ||||||||||||||
| |
|
08-20-16, 04:18 AM
| #46 | ||||||||||||||
|
مساء الخربشه اليوم صحيت ع حدث غبي الظهر واضطريت اماشيهم واتخلى عن نومي قلنا يلا معوضين خير  ولمن اجى وقت الغدى تفاجئت بزوجة اخوي جالسه بتتغدى معنا جلست اشاور نفسي اتغدى ولا انسحب ؟ حكمت عقلي وقلت بلا بزرنه وجلست اتغدى وليتني قمت ماتهنيت ابد مدري ليش اتضايق لمن اشوفها مع ان اذكر بعرسهم فرحت كثير وعديتها اختي واعاملها زيهم لكنها الله يهديها بتصرفاتها بنت حاجز مابيني وبينها لكذا صرت اتجنبها لدرجة ماكأننا عايشين ببيت واحد واعترف الغلط مني هنا لاني مااسامح بسرعه  العصر رحت لاخوي وقلت له طلعني قال وين قلت اتسكع ضايقن خلقي وافق ماامداه يطلع الا وخالي متصل مدبر لنا طلعه والبسيطه صارت كبيره هذا الشيء فرحني واسعدني  المغرب نزل مطر ورقصنا واستهبلنا تحت المطر ورحنا لمزرعه انشرح صدري من مناظر العشب والريحه الزكيه ريحة المطر ع الارض العشاء غيرنا المكان ورحنا شرينا عشى وكذا وعند الدوار اعترضت سياره طريقنا ومسك اخوي بريك قوي بغى يطيرنا وبما اني قدام فما جاني شيء لاني متمسكه وخشتي لورى اطلب اختي جوالها الشيء اللي شفتو سياره خاشه بالعرض والحمدلله عدت ع خير لكن الجو توتر عندهم .gif ":فطسه:") وجلسنا نتعشى وكذا لحد الان الجو جميل بالنسبه لي  وبالرجعه تعلقت مع اخوي ومع السرعه والهوا طير ابو الضيقه لمن وصلنا البيت مستغربه من نفسي سويت فلم هندي وكبرت سوء تفاهم بسيط وتصرفت بهمجيه وزعلت ناس ليش كذا ياانا ؟  قبل ثلاث ساعات من الان طلعت ع المساحه والمفروض بهالوقت مااطلع لانها مو امان طلعتها مع اختي وتمشينا وبجلسة مصارحه تكلمت عن طيري ونزف قلبي لطاريه وهي تكلمت لين معالم الراحه بينت عليها كنت اسمع كلب الحراسه حقنا ينبح عند البوابه لكننا طنشنا وجلست اتلفت شوي الا اشوف ظل ع الجدار ويقرب كان ظل ناقه 🐫 لمن شفت الظل صرخت وركضت للباب الداخلي لكنه ماانفتح الا غصب واختي الدلخه استوعبت ببطيء وفكرته رجال رحنا ومن حظنا شفنا اخوي صاحي قلت له اءءاممماءءء واشر للباب ولحقت اخوي لزومن من اللقافه ويالطيف ماشفت واحده لا كانت مجموعه الرعب الحقيقي واكتشفنا ان البوابه مفتوحه من قبل ومشرعه  اتوقع اني لو نمت بحلمها بكابوس وهي تطاردنيى   يلا قلت اسجل يومياتي لهاليوم ماعلينا هذرت كثير وقربت الصلاه | ||||||||||||||
| |
|
09-04-16, 11:46 AM
| #47 | ||||||||||||||
| 
صباح الروقان  احيانا يعتريني هدوء صامت حد الإختفاء وأحيانا يسكنني جنون مزعج حد الثرثره  وبينهما أغرق في بحيرة الحيره  | ||||||||||||||
| |
|
09-09-16, 10:24 AM
| #48 | ||||||||||||||
|
أنتهت رحلتنا بكوكب أكشن أمس العشاء أخوي كان فاضي وطبخ مكرونه وبالطريقه اللي أحبها وعزمني سئلته فيه فلفل؟ قال لا وأروح أحط بالصحن الشكل لايقاوم والطعم يمي يمي وأكلت ثلاث ملاعق ومطنشه الحراره والمشكله أنه حاط من البهارات الهنديه الفلفل الأحمر ولا ياكلون ومبسوطين وكمان يحطون شطه حاره مره ويقولون أبالغ قلت ماشي بتعود ع الحراره ماتحملت حسيتني أحترق وأخذت عصير بارد يخفف الملعقه الخامسه تركت الصحن وأنا اللي معروفه ألهط أبو الصحن لاكان مكرونه حسيت بوهن المرض والحراره حرقتني مدري كيف حتى قلبي أحترق ههههههههههههههه  وللحين أحسني مسخنه والحراره أتش وماليش نفس اعمل حاقه  . . كلما أقترب هذا اليوم 17/9/2016 أختنق لسى ما تهيئت للصدمه بالرغم من حنة خالتي إلا أروح لكن للأسف ماأقدر أسعد شخص ع حساب نفسي حاليا لذا قررت من اليوم لين يفرجها ربي ويعدي هاليوم ع خير وأقل ضررا بأعتزل الفن أمزح بعتزل طرق التواصل مع البشروأبتعد عن كل مايقربني ويذكرني وأكذب إذا قلت ببعد عشان أراجع نفسي لأني عارفه أن البعد مايزيد ألا هم وغم وأسبح في فضاء الأنسكاب ورفيقي وونيسي محبره وورق أظني عوضت الكتمان وبحت بما فيه الكافيه حان وقت النوم والنسيان بس مو قبل الفطور طبعا هيا معسلامه  | ||||||||||||||
| |
