لا صار كلن يفتخر في خويه
محزم ظفر لاحدته سود الايام
ينخاه لاضاقت عليه البريه
ما عنده إلا كلمت أبشر وقدام
لي صاحبن بهالوقت ماشفت زيه
تعجز توفيه القصايد والاقلام
فيه الشجاعه والكرم والحميه
وفيه الوفا والطيب فارس ومقدام
ياجعل تفداه النفوس الرديه
انا اشهد ان خوته في صدري وسام
من راس عودآ مايهاب المنيه
وربعه على الشده طحاطيح وحزام
هذي حروف الشعر مني هديه
وتبقى الشهاده دايمه طول الايام
