01-02-16, 07:18 PM
| #1 | ||||||||
  
| 
يضيق صدر ولا تضيق الوسيعة بين القصيد وبين مفهوم الابداع لوحة فكر تظهر بصوره بديعه كثر التجارب علمتنا بالاقناع آن الحرار تروس ماهي تبيعه الطبع يغلب مايفيد التطباع غيّر جبال ولاتغّير طبيعه رجلن ليامنه فزع يفزع بساع ورجلن على الفزعه تقل فيه ميعه المرجله يبغالها لسان وذراع لاتشتم العالم بليا ذريعه مانقبل العيله لوصدورنا وساع ولانطوف الزله لاصارت شنيعه خل اللكاعه وش تبي بالتلكاع بذات لاجيت الرجال اللكيعه اقضب لسانك عن مدورة الاطماع ماكل علمن لاسمعته تذيعه النفس آماره والانسان مطواع بس العقل ماكل شين يطيعه تجارب الاجواد تشرى وتنباع بس الظفر بالتجربه مانبيعه لاصرت راس و ساس لاتنزل القاع اكفخ جناحك في علو الطليعه محدن كسب حب الاوادم بالاجماع حتى الرسول اللي هدى ل الشريعه لاتبلش بعمرك ترى العالم انواع والناس يامتواضعه ياوضيعه لاتحتري من ناقص الراي الاسناع من شاور الغاوين يبشر ب ضيعه العين سد العين والصاع ب الصاع لايرهبك عوي السباع المجيعه الذيب ماياكل من الجيف لو جاع شبحه بعيد وعظم ساقه سريعه خلك مع الاجناب محزم وفزاع وخلك ل بن عمك حصونن منيعه وليا لحقك الضيق من بعض الاوضاع هلل وكبر ودع ربك وطيعه لاتشتكي للقوم وتزيد الاوجاع يضيق صدر ولا تضيق الوسيعه حوادث الايام مادونها شراع تبّكي الشيبان مثل الرضيعه شعرن ليامن قيل تطرب له اسماع وشعرن يعّل ولايجمل صنيعه آعيدها من باب تكريس الابداع ماكل علمن لاسمعته تذيعه | ||||||||
| |
|
01-02-16, 07:20 PM
| #2 | |||||||||||
 
|
قصيده رووعه ،، صح لسان شاعرها و شكراً لك | |||||||||||
 |
|
01-02-16, 10:14 PM
| #3 | ||||||||
|
تشكراتي لمرورك وتشريفك صفحتي مشكورة يالغلا | ||||||||
| |
|
01-03-16, 09:33 AM
| #4 | ||||||||||||||||
   عزيز نفس وعزتي مالها حد
| رووووعه راقت لي ابداع كالعادة لايستغرب صح لسان شاعرها وسلمت يمين من نقلها | ||||||||||||||||
| |
