منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   قل للحبيب اللي تعكّر وغرّة ** الطيبة اللي حطّموها البغيضين (https://www.al2la.com/vb/t66163.html)

القارظ العنزي 01-06-16 09:24 AM

قل للحبيب اللي تعكّر وغرّة ** الطيبة اللي حطّموها البغيضين
 
قــــــــل للـحـبـيـب اللي تـعـكّـر وغـرّة
الـطـيـبـة اللي حـطّـمـوهـا الـبـغيضين
اما تـــمـــوت بــعــزّ مــا بــــــه مـضـرّة
والا تــعــيــش بــعــز بــيــن الـعـزيزين
وترى الـوفــي شـرواك يــحــري بـكـرّة
يا خـــــذ بـهـا طـوف وطـوف وطـوفـيـن
ياطا على خشم الــســعــالـــي بحرّة
ويا طــــــا على خشم الردي والرديين
والله وربي خــــالــــــق شمس ومجرّة
يا قــلّــهــم في ذا الـزمــــــان الوفيين
وترى الــســعــادة والـبـشـر والمسرّة
ما تــجــتــمــع يا ســيــدي بالـعريبين
مــرّة تـجـي مـعـنـا ثــم تــغــيــب مـرّة
ونوب يــجــيــك الرزق ونــــوب حـراذين
والا الــــــــردي مــــــــــا بيـن درّة ودرّة
له ترعة دخّـــــانــــهــــــــا بالسماكين
مـــــا عــلّــمــه جـدّه بطـــيــبــه وبــرّة
بين الــقــرايــــــــب والا بيـن البعيدين
وزود عـلـى دنــــيــــاه يــمــلــك مـبـرّة
يسرق من الـصـدقات ورزق المساكين
عجّل عــافــــاك اللـــــــــه واعلن بكرّة
تــشــفــي بها غـلـيـلـنـا والـمـحـبـيـن

القارظ ـ العنزي

نجم ضاوي 01-06-16 02:10 PM

صح لسانك وعلا شانك أخوي القارظ العنزي ,,,
شاعر وما فيك حيله ,,,
لله درك ,,,


ترى الردي .. إبلـيس يا خـوك غـره
وخـلاه من ضمـن .. النـاس الـردين

للردى والـذل .. وأذيت الناس جـره
ياما دعو عليه من ظلمه مساكين

لاكف خيره عن الناس ولاكف شره
ولا له صاحـب .. أبـد ولا له محبين

يا كـم فـرق .. بين الاحبـاب بفِكـره
إهِـب هباه الله من مـوسً وسكـين

القارظ العنزي 01-06-16 03:27 PM

صح بدنك يا بو ضاوي ـ وما عليك زود ـ واظني انا اللي ورطت نفسي معك ـ مزحنا معك نحسب ان السالفة طاروق طاروقين ، واثرك بحر ما له شاطيء ، الله يمدك بالصحة وطولة العمر :

يا طيبك من الناس ومع كل مرّة ** تـطـلـع عـلـيـنـا في بـيـوت ســكـاكين
قــافـــك يقص القلب ويزيد حرّه ** كل ما بغيت ارتــــــــاح انا جـاني البين
خخف علي الـقـاف زاد المضـرّة ** ولا عندي شك انك على العهد والدين

الشيخۃ الفلآنيۃ 01-07-16 09:01 AM

صح الله لسآنك ي العميد ؛
قصيدة ف منتهى الذوق ،
لا عدمنا ذوقك وفنك ~
يعطيك الله العآفية |:نبض:

القارظ العنزي 01-07-16 09:35 AM

أهلاً بالشيخة الفلانية ـ لولا أني أخالف السائد ومعرّفك الذي ارتضيتيه لنفسك وجمهورك ، لقلت لك ـ انت شيخة الشخيات ـ ولست مجرد فلانية ـ شاكر لك مرورك الكريم القيّم ـ وتقييمك المميّز ـ تحياتي واحترامي لك .

نجم ضاوي 01-07-16 12:57 PM

يكفي أشعلة .. داخـل القلب جمـره
أطفيتها يا خـوك .. من عـدت سنين

وسالت يا القارظ .. على الخـد عبره
ذكرتني باللـي .. على القلب غالين

والـعـقـل فكـر آهـ .. وتـاه فـي فِـكـره
غـدابه الهـوجاس .. يـم اريـش العين

تـعـال فـي مـوتـري .. ناخـذ لـنـا فـره
تروي ظما روحك من شِعري بقافين

الـقـاف الاول .. يـتِـل القـلـب ويـجُـره
ويطـري علـى بالـك ذكـرى المحبين

وقافـي الثاني يسبب بالـروح حسره
يكوي فؤاد اللي في هواهم مساكين

يا الله طلبتك تجـبر كل قلـبً بكسره
واللي يحـب .. وأحبـاب قلبـه عنيدين

أسألك يا الله تجـزى كل صـابر بصبره
وتعوضه في جنتـك .. بحـوراً من عين


الساعة الآن 12:09 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا