أن لمحت اسمي ترفّـق بـه وبادلـه المبـره !*
 

-


لا تسل عن ضيقـة ايامـي وقلبـي لا تمـره
ضاعت دروبك على اخر ليل وجروحي عطايب


وان لمحت اسمي ترفّـق بـه وبادلـه المبـره
كثر مابادلك شوق وكثـر مـا ودّعـك هايـب


لك على يمة عروق القلـب يالمغـرور جـره
ماتواريهـا السنيـن ولا تغيـرهـا النـوايـب


والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب


ماقدرت اتوب عن ذكرك وعن حلـوك ومـره
ليه عن ذبح الغلا ياصاحبـي مانتـه بتايـب؟


هـاك ميـزان الجـروح وقيسهـا ذرة بـذرة
ماوزنت الا غـلاك ولا طعنـت الا الحبايـب


كل مايطري علي ظلمـك تشـب الكبـد حـره
كن في صدري رماح القوم وسيوف وحرايـب


كيف ابنسى ليلة زعزعـت قلبـي مـن مقـره
انفرت كبدي وخفاّقـي غـدا قبـر ونصايـب


هلـت دموعـي وحلّفتـك بربـك الـف مـره
يابن آدم خف من الله مـاورا ذبحـي كسايـب


أنت شخصٍ ماقدرت استوعبـه خيـره وشـره
من عرفتك والدموع دمـوع والخفـاق ذايـب


لا تصدق كذبـة الايـام فـي وجـه المسـره
دمعة في عين طفل وعبرة فـي قلب شايـب


وان تذكرت الهنوف اللي على صوتـك تشـره
ضمها في صدرك الموحش وعرّضه الهبايـب


انكسر حلم الليـال وطاحـت نجـوم المجـره
أبتدت شمس وتوارت شمس وجروحي عطايب



انت ماتـدري ولاعنـدك مـن الاحسـاس ذرّه
أشهد ان مصيبتى بك من عظيمـات المصايـب


للعذبه / أبعاد آلتركي '

والله ان قربك يسر الـروح وفراقـك مضـره
وأنت علّة خافقي وأنت القريب مـن القرايـب

...................

صح لسان شاعرتها
وسلمت يمين ناقلتها
ماراق لك راق لي ايضا
شكرا على هذا الاختيار العذب

صح للسانك
رائعة
ربي يسعدك

بالنيآبه عن الشآعر صح بدنك ؛
ربي يسلمك ،
منور |:نبض:

صح بدنك ؛
مرورك الاروع ،
امين جميع~
منور |:نبض: