منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 01-12-16, 06:49 PM   #1
general

الصورة الرمزية general

آخر زيارة »  03-02-24 (09:28 AM)
المكان »  في ظل سلمان الحزم
الهوايه »  قصص العالم الاخر ( الجن )

 الأوسمة و جوائز

افتراضي قصة أرشيف الموتى



قصة جديدة بعنوان:" أرشيف الموتى".

أنا إبراهيم حمد .. شاب زي أي شاب عمري 22 أو 23 سنة بينهم يعني ! ماراح أطول عليكم أنا زي أي أحد في الدنيا .. إنسان بحاله وماله أي علاقة ب الماورائيات والحاجات هذي ! اللي أنا نفسي كنت أقول عنها خرافات ! لكن غيرت رأيي ! ليش ! لأن الأشياء هذي موجودة وأي شيء نعرفه عن العالم الآخر ! هي نقطة ببحر الحقيقة ..

بدأت قصتي لما توطفت في مهنة حارس مشرحة !!!
أو زي مايقولون بعض الناس عنها " شرشورة " !

إي إي ! حارس مشرحة أو شرشورة ! أو سيكيورتي فيها ! وأخدت هالمهنة وراثة من ابوي اللي توفى من حوالي أسبوعين ! وكان لازم يشوفون حارس جديد ومالقوا أحسن مني لأني الوريث والمستفيد الأول .. وخصوصاً إنّي تخرجت من الثانوي بنسبة خايسة ومافي وظيفة قبلتني ! هي مإكانت حراسة مشرحة بالمعنى الحرفي ! لأن لفظ حارس مب حلو شوية .. أنا مجرد سيكيورتي أو ضابط أمن زي ما أحب اسمّي نفسي !

قبلت الوظيفة بصدر رحب ، زي أي إنسان عادي توظف بوظيفة مافي غيرها ولا راح يلاقي غيرها ! وخلص أول يوم بشكل روتيني عادي جداً ..

قاعد على كرسي على باب المشرحة لابس البدلة الميري وقاعد إشرب شاهي .. وكان يوم عادي جدا ..

لكن اليوم التاني ! هنا كانت المشكلة !!

أو المصيبة أو الطامة الكبرى اللي عمري ماكنت أتخيل أني ممكن إشوفها أو أسمعها أو حتى أمرّ فيها !

لأني كنت في ذا اليوم ب حراسة ليلية ! وباليل يا عزيزي المستمع زي ما انت عارف الدكتور الشرعي يروح بيته !

ومايبقى غير السيكيورتي اللي هو أنا والممرض بس ! وأي حالة وفاة تجي عندنا يدخلها الممرض بالثلاجة عشان الدكتور أو الطبيب الشرعي يجي يشرحها ويطلع شهادة آلوفاة باليوم الثاني ..

طبعا اعترضت بالبداية إنّي اتناوب العمل في الليل .. مو خوف .. بس ! عشان كل يوم كنت متعود أسهر مع أصحابي بصراحة ! بس إيش نسوي ! الشغل ! يعني شغل ! ومحد يقدر يقول للشغل لا .. ومسكت الدوام بالليل ..

قعدت ساعتين تقريبا .. وكالعادة ف يدي كاسة الشاهي .. لين طلع لي الممرض وقال :
- يا ولدي راح أنام شويات في الغرفة اللي جنبك ! ولو جات أي حالة ، تعال صحيني بسرعة !

إبتسمتله وقلتله :
- أبشر يا عم ربيع ، بس عدّ الجمايل ..

وغمزت له بعيني ! طبعا عارفين هذه السياسة اللي تكون بأي عمل ! لأن ممنوع أحد ينام بفترة الليل ! لكن هذا رجال كبير بالسن وماينفع أقوله لا !! وغير كذا ! إنّي لو سمحت له ينام هالمرة ! راح يعطيني هو صلاحية أنام وهويقعد ! الشغلة أننا بنشيل بعض بعدين ! فما كان فيه مشكلة بالنسبة لي ..

بس بعد مانام عم ربيع ! بدأت أسمع اللي ماكنت حاب إني أسمعه بحياتي ! سمعت صراخ ! وكأن فيه ناس تتعذب جوا المشرحة !

طبعاً أنا ابوي الله يرحمه كان مفهمني انه متعود ع الأشياء هذي .. وكان دايم يحكيلي عن إشياء تخوف وقال انها حصلت معه ؤأنا عمري ماصدقتها ! بس معقولة تكون هذه الأشياء حقيقية !

وتذكرت كلمة ابوي اللي قاللي إياها وإللي عمري ماراح أنساها :
- يا ولدي شغلي هذا يباله واحد أطرش ! أو أحد يسوي نفسه أطرش .. وماله دخل بأي شيء ! ومو أي شي يسمعه يمشي وراه ! إسألني أنا ياولديّ ..

بعد ماتذكرت الكلام هذا ! قعدت مرة ثانية على الكرسي ! ، لكني سمعت الصوت ثاني مرة ! وكان أحياناً يخرم أذني من قوته ! وبعدها بدأ يتغير الصوت ! وبدأت أسمع أصوات تزوم وتئنّ ! واصوات كثير متشابكة فبعض ! وتتراكم عند أذني ! صوت بشع !

قلت بنفسي :
- لاإاااااا ! لازم أعرف ! هي وحدة من اثنين ! يا أعرف يا أتجنن !

وثاني يوم رحت لصاحبي محمود والطبيب الشرعي بنفس الوقت ! وسألته عن كل اللي مرّيت فيه وعن كل اللي سمعته وقاللي أشياء كثييييير مرة ! صدمتني ..

قاللي :
- قبل انت تجي بيوم واحد ؤتمسك دوامك ! جات حالة وفاة عندنا ! غريبة ! جالنا يا إبراهيم ساحر ومحروق !

قلت له :
- إيش !

قاللي :
- زي ما إقولك ! جا ساحر محروق ولقيوه ميت في بيته ومخبئه المندس عن الناس ! وكان قدامه كتاب ومبخرة ! الغريب يا إبراهيم أن هو الوحيد اللي انحرق ومافي أي نقطة بالبيت مستّها النار غيره ! وحاولنا نعرف حكايته بس محد عرف شيء !

بعد ماسمعت كلام محمود الطبيب الشرعي ! تحمست وصابني الفضول ! وبدأت أبحث في أراشيف الوفيات اللي تشرحوا في المشرحة بحثاً عن أرشيف ذا الساحر ! وبعد طول بحث ، لقيته وأخيراً .. وفتحته !!..

لقيت جوات الإرشيف ملف تحقيق الشرطة وشي ثاني غريب مو من المفروض أنه يكون جوا ذا الإرشيف !

لقيت كتاب !!!!!

كتاب لونه بني محروق ومكتوب على غلافه ..
" خلف أسوار المعاجم "

اللي فهمته أن ذا الكتاب من تأليف الساحر نفسه !
لأن الاسم المطبوع في الكتاب هو نفسه اسم الإرشيف الخاص بالساحر ، ومافيه داعي أقولكم اسم الساحر ..

المهم قررت أني احتفظ بالكتاب ! أبي إشوف وش محتواه ! وماقلت لأحد على موضوع الكتاب ! وأخذته معي البيت !
وحطيته على المكتب حقي ! وأخذت شاور على السريع ونمت !!

وطول الليل ! نايم أحلم بكوابيس بسبب ذا الكتاب ! حلمت أن فيه أطياف واجسام سودا تطلع من الكتاب هذا وتدخل بجسمي ! وكأنها بتستحوذ عليه ..

وهذه الكوابيس هي اللي خلتني أتردد في فتح الكتاب من الأساس !!!

لين جا يوم قررت أخيرا أني افتح الكتاب ! وفتحته ( مؤثرات : باب يقفل بقوة

سمعت نفس صوت الصراخ اللي كنت بسمعه وآنا في المشرحة ! ناس بتتعذب أو بتتقتل أو بتتحرق !!!!!!!!! صريخ داخل في بعضه ومزعج بطريقة بشعة !

لا تسألوني كيف ! بس ؤأنا وسط كل الأصوات هذي ! حاولت إنّي اقرأ اللي جوا الكتاب ! بس ماعرفت ! لأن اللغة أول مرة إشوفها ! لغة غريبة مرة ! جلست أقلّب بالصفحات ! لكن نفس الكلام ! مافي ولا كلمة عربية ! لا لا ! كان فيه كلمة وحدة عربية ! اسمها إ إ .. " قربان " !!!!

قفلت الكتاب ! واول ماقفلت الكتاب وقف الصوت المزعج حق الصراخ !

وفأقل من ثانية ! سمعت صوت شخللة في المطبخ ! ركضت على المطبخ إشوف من وين هالصوت ! لكن دخلت ومألقيت شيء ! والتفتّ بسرعة لما سمعت صوت الشباك حق الحمام ينفتح ! دخلت الحمام بسرعة ولقيت الشباك مفتوح ! أنا انذهلت ! عمري مافتحت شباك الحمام أبد ! ؤالحين إشوفه مفتوح ! كيف !! قفلت باب الحمام بسرعة من الخرشة ! ولما هديت فتحت الحمام بحذر ! ولقيت الـ ش ش شباك مقفل !! قفلت باب الحمام ورحت على غرفتي ومددت على السرير ؤأنا إلهث من الرعب ! وفجأة ! صارت الطامة الكبرى !!

الكهرب انقطعت فجأة ! وشفت مربع لونه أبيض جاي من بعيييد ! وكأن غرفتي صارت كبيرة مرة ! مع أن الجدار مابيني وبينه إلا متر واحد إلا أن المربع ذاك جاي من بعيد مرة ! ولقيته هالمربع يقرب مني ! ؤأنا مإني عارف شسوي ! ! راح أموت من الخرعة ! والموقف لا أحسد عليه ! وفجأة سمعت من هالمربع الأبيض نفس أصوات الصراخ اللي سمعتها ب المشرحة وب البيت قبل ! الصوت المزعج نفسه ! طالع منها وهي تقرب مني ! ووسط هالأصوات لقيت أجسام سودا جوا المربع هذا ! ولقيتهم كلهم جالسين يخشون ببعض وكل ما يخشون ببعضهم يكبر حجمهم ويصيروا كائن واحد بس كبير وكل ما يخش واحد يكبر حجمه أكثر ! عملية الاتحاد هذي استمرت ربع ساعة قدامي ؤأنا قاعد اتفرج ع المنظر الغريب اللي قدامي .. وألاصوات لساتها مستمرة !

لين ما لقيت صورة كاملة متكونة قدامي جوا المربع الأبيض !
كائن أسود غريب المظهر !! لازم أوصفلكم شكله عشان تعرفوا المأساة اللي كنت فيها قدام المنظر هذا !

جسم أسود بشع ! مليان شعر أسود ! .. تعرفوا المستذئبين ؟ هو كان كذا ! ووجهه وجه غريب ! أقرب ماينقال عنه انه أشبه بوجه الخفاش أو الوطواط ! وعينه حمرا ! كان طالع بنصه آللي فوق وباقي جسمه كان جوا المربع ..

وقرب مني هالمربع والكائن المشوّه هذا مازال موجود ! لين لين ماصار بيني وبينه شعرة !!!! قريب مني لدرجة أن أنفاسه تصدم بوجهي ! وحسيت وقتها أن وجهي كله ينحرق ! من زود السخونة ! وتكلم الكائن هذا وقاللي بلغة عربية بحتة :
- أنا شاك ! .. لقدت عقدت اتفاقا معي بقرائتك للتعاويذ الموجودة بالكتاب ! وعليك أن تقدم قرباناً ! وإلا سيكون مصيرك ! كالذين سبقوك ! كل ليلة ساتي إليك منتصف الليل لإحصل على قربان بشري ! نستحوذ على جسمه وفي المقابل سأكون خادمك وولائي لك .. وان لم تقدم القربان فستكون قد اخترت مصيرك !!

- قربان إيش ! أتركني بحالي ! حرام عليك ! أنا مابي أحد يخدمني ! أتركني !

ما رد ! اختفى فجأة ! والنور رجع ! وكل شيء رجع لطبيعته !

وأختفى المربع ! والكائن اللي اسمه شاك ! ! ؤأنا مإني عارف إيش أسوي ! أكيد ماراح أقدم قربان والكلام ذا ! لآلا ! أبدا ! أنا مانب مشعوذ ولانيب ساحر ! وجلست أنكر فكرة تقديم القربان ! لين جا ثاني يوم وجات الساعة ١٢ منتصف الليل بالضبط ! وجاني شاك ! ا ا ا أنا مأقدمت قربان ! الله يستر !

المربع جا من بعيييد ! وقرب بسرعة ! أسرع من أمس بكثير ! وقاللي شاك :
- انت لم تقدم قربان ! هذا يعني بأنك قررت أن تكون القربان !

قلتله :
- أرجوك أنا مابي أموت ! وإلله أني نسيت ! صدقني بكرة بجيب لك ! سامحني !

هز راسه فوق تحت وكانه يقول اتفقنا !

حسيت أن ( شاك ) رضى عنّي ! وكان لازم أني أجيبله القرابين اللي يبيها ! وألا أنا اللي بروح بداهية وبموت !

وبدأت رحلتي بتقديم القرابين ! صورت صفحات من الكتاب ! ونشرتها بالمواقع والمنتديات وبتويتر ! وقلت اللي يعرف ترجمتها ياليت يفيدني ! وطبعا هذي كلها فركشة بس عشان يشوفونها وبكذا يكونوا قرابين !!

وكانت النهاية .. إنّي !

قدمت كل أصحابي على الإنترنت ! كقرابين ! وكل أصحابي أللي أعزهم صاروا قرابين ! كنت أوريهم بأي طلعة من طلعاتنا التعاويذ على أنها رسالة من ملك لملك ثاني وانها قديمة وبلغة ثانية ؤزي ما قلتلكم هذي فركشة بس ! عشان يقرونها ويجيهم شاك بمنتصف الليل ويستحوذ على أجسامهم ! أنا خلاص ! ماصرت إنسان ! أنا صرت وحش ! بدون قلب ! روتيني اليومي صار عبارة عن أني أقتل الناس ! كل يوم ! أنا أصحابي كلهم خلصوا ! وزملائي حقين المدرسة زمان وإللي لي علاقة فيهم للحين خلصوا ! كلهم ماتوا وهم قرابين من تحت يدي أنا ! أنا الحين بلا قلب ! راح تصدقوني لو قلت لكم أني قدمت أهلي اللي هم أهلي كقرابين !!!!!! إي ! زي ماقلت لكم ! أنا ماصرت إنسان طبيعي ! خوفي على نفسي وعلى حياتي خلاني أضحي بكل شيء ! حياتي صارت جحيم ! ، إنت ياللي تسمع ! أو تقرأ قصتي ! لين توصلك هذي القصة ! إعرف أني مو عايش بهالدنيا ! أنا أكيد بكون ميت ! ليش ؟ لأني ؤأنا قاعد أكتب قصتي هذي ! وبهذا السطر بالتحديد ! الساعة ١٢ إلا خمس دقائق ! وخلاص ! ماعاد فيه قرابين ! أنا القربان هذي المرة ! وهذي هي النهاية اللي استحقها ! هذا هو ! شاك جااه ! هذا هو المربع الأبيض يقرب مني ! وشاك قاعد ينظرلي بنظرات خبث ! ويبتسم ! صدقوني أنا دموعي تنزل الحين على الورقة اللي أكتب فيها .


 


قديم 01-13-16, 01:20 AM   #2
إحساس طفله

الصورة الرمزية إحساس طفله

آخر زيارة »  11-21-23 (09:06 AM)
المكان »  بِـ مملكتـي
الهوايه »  آلشِعـــــر ..
- يَآربَ أسآلكَ رآحَه تِستوطِن
- قلوبنآ بعرضِ سمَآئك .!,
MMS ~

 الأوسمة و جوائز

افتراضي



يعطيك الف عاافيهه يَ الغـآآلـي ..
قصهه قِمهه ف]ـ آلـروعهه .
بس سؤآل ..
هَل هِيـآآ مِن إبـدآآع قلمكك ..




 
مواضيع : إحساس طفله



قديم 01-16-16, 01:03 PM   #3
ضوء القمر

الصورة الرمزية ضوء القمر

آخر زيارة »  09-29-22 (10:28 PM)
‏ماتربينا على كسر الخواطر
لو خواطرنا من العالم تنكسّر
امزحوآ بكل شي إلا المشاعر
جبرها يبطي و يمكن ما تنجبّر💕

 الأوسمة و جوائز

افتراضي



كل مواضيعك عن الاموات والعالم الاخر


 


قديم 01-16-16, 02:34 PM   #4
general

الصورة الرمزية general

آخر زيارة »  03-02-24 (09:28 AM)
المكان »  في ظل سلمان الحزم
الهوايه »  قصص العالم الاخر ( الجن )

 الأوسمة و جوائز

افتراضي



ياحسوسة اذا رحتي لاول قصة طرحتها راح تعرفين اني قلت السلسلة منقولة


وياضوء القمر اغلب مواضيعي عن العالم الاخر

يسعدني مروركم


 


قديم 01-17-16, 03:29 AM   #5
معلم فله

الصورة الرمزية معلم فله

آخر زيارة »  10-19-18 (09:45 PM)

 الأوسمة و جوائز

افتراضي





روووعه القصه
الله يعطيك العافيه على مجهودك

انتبه بس من شاك يجيك اليوم



 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه للموضوع : قصة أرشيف الموتى
الموضوع كاتب الموضوع المنتدى مشاركات آخر مشاركة
خيال الأنثى جميلة الشرق ابداعات أقلام الاعضاء الحصريه للمنتدى ( أقلامُنا ) 12 04-17-17 09:43 PM
يوم الموتى!! الليلَ وآخرهہ معلومات عامه - كتب ومناهج تعليميه - لغات - تاريخ •• 7 11-20-15 05:55 AM
الآنثى لها مع الجرح حكاية !!!! مهند ال سعيد قسم العام للمواضيع العامه •• 8 05-04-14 12:59 PM
الموتى لايسيرون E7şαs 3άsнεq قصص - روايات - Novels stories - روايات طويله •• 3 04-11-14 08:47 PM
هي الأنثى أيها القاسي مربوشه هلاليه قسم العام للمواضيع العامه •• 12 08-25-12 07:38 PM


| أصدقاء منتدى مسك الغلا |


الساعة الآن 12:27 PM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا