منتديات مسك الغلا

 


موضوع مُغلق
 
LinkBack أدوات الموضوع انواع عرض الموضوع
قديم 01-17-16, 12:53 PM   #55
القارظ العنزي

الصورة الرمزية القارظ العنزي

آخر زيارة »  03-13-24 (07:13 PM)

 الأوسمة و جوائز

افتراضي



اليانعيتك انعى نفسي ......... مع الليل
وش تسوى الدنيا دونك وانت العويني
لولاك ما قعد واجلس . واكتب مواويل
يمديني شلت القاف ... بوسط البطيني
يا راس مالي وعزوتي ..... بالرجاجيل
ان كان براسك .... تاصل ذاك الخديني
جهز الموتر جهز ......... دلة والفناجيل
والبن الاشقر مع اابهاره ......... كيليني
ونبي ندور ....... ابو الرموش المظاليل
وابيك من شوفها ........ تكحل العيني
وغير الشوفة . ما هي بسواة المشاكيل
حرام بالسنة .............. ودينك وديني
ومن عقبها تاخذ لك .... معيه تحاويل
لديار محبوبي ........... ورمان وتيني
تبي تسمع باللولشة........... والتهاليل
وكم وحدة تبوسك ... وسط الجبيني
ولولا غلاية ..... ما تشوف المحاصيل
تقعد تناظر ثم ............تزيد الونيني

اذا ودك تغير القاف او تطلع بقصيدة مستقلة ما فيه مشكلة


 


قديم 01-17-16, 01:42 PM   #56
نجم ضاوي

الصورة الرمزية نجم ضاوي

آخر زيارة »  02-06-24 (10:25 PM)
المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



نخيتك يا القارظ .. وجمالي معاقيل
وانـا ادري إنـك .. مـن أهـل الحميه

ياخو عنيزه .. تعبت ارسل مراسيل
معزتك يا القارظ تـرى ماهي شويه

تكفى وتـرى تكفـى تهـز الرجاجيل
عيد النظر بأمـري ولا تقسى عليه

إن بغيت حقـوق جبت لك المعاديل
قبيلـي تـرى مانـي مجهـول الهويه

أفتخر بشماغي مو بلبس البناطيل
ولانـي من اللـي .. يعملـون الـرديه

وش قـولك فاللـي دمـوعه همـاليل
مشقـي الـروح .. حُـب ذيـك البنيه

واضعه في دروبـي شـوك وعراقيل
أحبهـا يـا القـارظ والله محبـه قـويـه

ماهقيت اوصـل .. لهـذي المواصيل
ولا هقـيـت .. إن الـحُـب أكـبر بليـه

أبي صدق النصيحه مو هرج واقاويل
دام ربي اعطاني أخوتك أكبر هديه


 


قديم 01-17-16, 07:47 PM   #57
القارظ العنزي

الصورة الرمزية القارظ العنزي

آخر زيارة »  03-13-24 (07:13 PM)

 الأوسمة و جوائز

افتراضي



قـلي بالـفـطّـر هـي والا الـمـخـالـيـل
والا هي الــبــكـــــرة بـسـنّ الـثـنـيّـة
يا صــاحـبـي اشرح لي كل التفاصيل
وانـا مـعـك بـالـروح وكــــل الــهــويّــة
ان كـانــهــا بـالـجـاه جـبـنـا الرجاجيل
وان كــانــهــا بـالـمـــال خذني هديّة
اعـواك يـعـذبـنـي وزود الــمــواويــــل
مـــا كــانــك الا ذيــب فـوق الـهـبـيّـة
يـرجـي عـشـاه ويـقـنـب بتالي الليل
ويـخـشـى من الـلـي يـنقل البندقيّة
عذبتني بــعــواك يـا نــافــل الـجـيـل
عــجّــل عـلـيّـه ويـنـه عـجّـل عـلـيّـه
واجيك انا يا صــاحــبــي بـأول الخيل
والـوايـلـي مـا قـالـوا ينسى خــويّــه
أما تجي معنا برآس الــمــحــاصــيـل
والا تــرورح الــروح لاجــلــك ضـحـيّــة


 


قديم 01-18-16, 01:05 PM   #58
نجم ضاوي

الصورة الرمزية نجم ضاوي

آخر زيارة »  02-06-24 (10:25 PM)
المكان »  السعوديه / جده
الهوايه »  الشعر + الطرب والوناسه
خذنـي يقـايـا انسان .. وفاتـه يـوم ميلاده
حنوطه دمعة عيونه واكفانه اسى واحزان
MMS ~

 الأوسمة و جوائز

افتراضي



كفو يا راعي النخوه .. والخِـل الاصيل
ياشاعر محنـك .. وعلى الراس جنيه

يا اخوي ويا صديقي ويا اصدق خليل
ياطيب الاصـل ياللي ما ينسى خويه

القلب بـه شي من التعب ماهو قليل
ذا اليوم جوي تعكر عكرته ذيك البنيه

ابغـي اشتكي لـك سهـر ظلمة الليل
وليش النـوم يا خـوك .. مجافى عِنيه

كـان عنـدك حـل .. قـوله لـي بتعجيل
ترى مليـت .. من هـذي الحياة الرديه


 


قديم 01-18-16, 03:56 PM   #59
القارظ العنزي

الصورة الرمزية القارظ العنزي

آخر زيارة »  03-13-24 (07:13 PM)

 الأوسمة و جوائز

افتراضي



تشكي لمثلك شاف كل البهـاذيـل
ودمـوع عـيـنـي تـقـل وبــــل ابرديّة
من ظرف وقـتي يا صديقي تـهـاويل
ما من صــديــق بالـلــوازم حــذيّـــة
قلّت يابو ضــــــاوي علوم الرجاجيل
وصارت علينا يالـسـنـافــــــــي بليّة
يا شين وقتي كـانـه أقبل بي الليل
تقفل على صدري ديــــــــــار فضيّة
ولا ذبـحـنـي غـيـر كـثـر الـتـنـابـيـل
الـلـي عـنـد اللوازم دايم هــفــيّــة
يالقرم انا ودّي أشـوفــك مع الخيل
نبي نـتـطـــــارد بالفضى لنا شويّة
ونوســــّـــع المضمار لمطول الذيل
للي تجرّه خلفها جـــرهــديّـــــــــة
تلقى الـوصـــايــف يرفعونه زماميل
يخشى على الشيخة تطيح بهبيّة
يمكن يجي معهم جميل الـتماثيل
اللي بـشـوفـــه لك حـيـاة هـنـيّــة
يمكن تشوفك وفي ايدينك مناديل
من النوع اللي عطيته ذلك هـــديّة
والكل منكم يشتكي حــالـه وحيل
وتقعد تفضفض مع ســــلام وتحيّة
ويا سعد يومي يوم نسمع مواويل
من بينكم عـجّـت أصوات شـجـيّـة


 


قديم 01-27-16, 03:58 PM   #60
قيس

الصورة الرمزية قيس
Ensan 3aDy

آخر زيارة »  06-12-16 (02:56 AM)

 الأوسمة و جوائز

افتراضي



يقـربنـي مـن الـواقـع يحـطـم حـاجـر التمثـيـل
يـسـريـبـي مـعـاك لـدنـيـة الافـراح والـمـغـنـى

هنا فقط استطيع ان ارى جمال ماكتبت بكل ماتعنيه كلمة جمال
فعلا اذا انعدمت جميع قيم التمثيل وأٌحيينا الواقع فقط ستكون النتيجه (الفرح)

مميز دائما وتستحق التقييم


 


موضوع مُغلق

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة



| أصدقاء منتدى مسك الغلا |


الساعة الآن 11:04 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
بدعم من : المرحبي . كوم | Developed by : Marhabi SeoV2
جميع الحقوق محفوظه لـ منتديات مسك الغلا