02-13-16, 04:52 AM
| #7 | ||||||||||||||||
   
|  / ، اليوم الثاني.. بالمحكمه..بحضور بو حمدان والشهود الباقين.. تمت الملكه.. و اصبحت توق زوجة حاكم على سنة الله ورسوله.. خرجوا من المحكمه وحاكم بيده دفتر "عقد النكاح" الاخضر..ولا يعلم ماذا يخبئه القدر.. الكل ذهب بعدما بارك له وهنأه.. بو ناصر ابتسم على مضض/مبروك يا حاكم.. حاكم بابتسامه صغيره/الله يبارك فيك عمي.. بو ناصر/منتظرينك انت وجدك والاهل علشان تحديد الزواج حاكم خائف من نقطة الاهل وبالذات جده لو عرف/اكيد يا عمي اكيد… يلا فمان الله بو ناصر/فمان الكريم. .،. . ، ركب سيارته ..ادار محركها.. والتفت على يمينه وابتسم.. كانت تجلس هنا.. ياترى هي توق او غيرها.. هي زوجتي او لا.. ألف سؤال وتخيل في مخيلته.. كلها تتبخر ويبقى التساؤل.. (وش اسوي لو طلعت وحده ثانيه).. تنفس بعممق واكمل طريقه. ، . . بيتهم.. دخل بو ناصر وهو يحاول يبتسم ومعه اولاده و كل واحد فيهم عابس وعاقد حواجبه.. بو ناصر اتجه لها بابتسامه ابويه حانيه/مبروك يا توق.. صرتي زوجه يا حبيبت ابوك توق تجاهلت نظرات اخوتها التي تتهمها بالخيانه واتجهت بعينيها لابيها/الله يبارك فيك يبه اتجه ابو ناصر بتعب صوب السلم يبي يصعد لغرفته/بروح اقيّل شوي لا احد يزعجني. ، عم السكوت لحظات.. … شعرت انها انها يجب ان تذهب لغرفتها وتتركهم.. فالجو المتكهرب بين اخوتها لم يناسبها فكل منهم بعيونه لوم واتهام… عبدالرحمن بغيض اتجه لها بنظراته وهو يعض على اسنانه/مبسوطه اللحين؟.. نزلتي راسنا عند العايله.. خليتينا سالفتهم توق استغربت هالكلام، لماذا يلومها ووالدها هو من عرض الزواج على حاكم وهي تحملت و نفذت كلامه/سالفة من؟!! عبدالرحمن انت وش تتكلم عنه بجاد حاول ابعاد عبدالرحمن عنها/يا ولد ابعد عنها هالكلام معاد منه فايده، هي صارت زوجته عبدالرحمن تكلم بحده من بين اسنانه/بتدفعين الثمن يا توق.. وبتندمين بعد توق شعرت بغصه وهو يكلمها بهذه النبره/ماتعلمني اي ثمن اللي بدفعه؟!. عبدالرحمن وهو يرمقها بغيض/ماقاهرني الا انك مستهينه في اللي سويتيه ومستسهله الموضوع توق نفد صبرهامن هذه هالاتهامات السخيفه/انتم شفيكم علي كل اللي سويته اني وافقت ابوي وما احرجته.. اصلا ابوي اعطى الرجال كلمه قبل لا انا اوافق.. والبنات كلهم رفضوا.. مستحيل اني افشل ابوي.. افهمووني عبدالرحمن بنظراته الناريه/اعجبك شكله هاه؟!.. كل الخطاب تتشرطين وترفضينهم وهم من قرايبنا وناس تسوى.. وبالنهايه تتزوجين ولد البراك بسهووله وبهالسرعه الله يفشلك يا شيخه توق اكتفت من حرق الاعصاب منه وقررت تركه ماتجادله العقيمه.. عبدالرحمن اشتاط غضباً وهي ذاهبه/وين رايحه تعالي مابعد انتهيت..اسسمعيني ززين يا وويلك ان ماطلبتي منه الطلاق، توق توقفت والتفتت عند كلمة طلاق و نظرت اليه مستغربه انه يراها لعبه او قاصر تفعل ما يملى عليها، و تكلمت بعقلها/طلاق ماني طالبه من حاكم طلاق.. اتق الله، كيف تبيني اطلب منه هالطلب بدون سبب شرعي مقنع؟! عبدالرحمن حط عقلك براسك ..واترك هالموضوع ازين لك ولي..انا ما راح اوطي راس ابوي علشانك بجاد اقتنع بكلامها ولكنه ما أبدى رأيه.. قرر يسكت بسلبيه.. عبدالرحمن بوعيد/اووعدك يا توق ماراح تتهنين بهالزواج اووعدك.. توق تجاهلته واكملت طريقها لغرفتها وقفلتها متجاهله العالم.. ما زال والدها بصفها. لن تفكر في احد. . كل ما تفكر فيه حالياً… اللحظه التي ستبدأ فيها حياتها الجديده، وبقلبها خووف لا تستطيع انكاره من قادم الأيام.. كيف ستتزوج شخص لا تعرف عنه شي!! كيف لها بعد كل من تقدموا لها كلهم تتزوج ولد البراك!! شعرت وكأن القدر يسوقها نحوه،… . ، . ، . بمكان ثاني.بالمستشفى… * في غرفة الانتظار امام العياده.. يجلس تميم و ينتظر خروج جده من غرفة الاشعه.. وسمع نغمة هاتفه ونظر الى الرقم ببتسامه ورد/هلا يمه بالجوال/السلام عليكم تميم تميم عرف نبرة صوتها وعقد حاجبيّه/خير يا صيته ليش متصله صيته/تميم بغيت استاذن منك.. ابي اروح للـ.. تميم قاطعها/مافيه صيته/تميم انا اقصد. . تميم قاطعها بصرامه/صيييته.. انقلعي ورجعي الجوال لأمي يا وويلتس لو شفت مكالمات لغير رقمي عند أمي.. وعلمي اختتس لاجي امردغكم اللحين.. صيته بضييق/طيب.. تميم سكر الجوال بدون ان يسلم… اعاد الهاتف المحمول لجيبه وهو يكتم غيضه وغضبه،يستحيل ان يثق في بنت مهما كان ،تميم نوع خاص من المتشددين،.. تذكر الذي حدث البارحه بينه وبين سلهام ومكالمتها.. وجملتها التي جعلت عقله "يودي ويجيب" وهي تقول بوقاحه وقلة أدب [هيثم حبيبي.. وقرريب بيجي وبروح معه] تمتم بداخله وهو يرص على اسنانه( الله لا يخليني. كان خليتك على هواك يا سلهام) ، . . ، قاربت الشمس على المغيب.. بعد مشوار وتعب طريق.. وصل حاكم لأهله.. أوقف سيارته وضل جالساً فيها قليلاً وهو يفكر هل يخبر جده عن زواجه الآن ام لا!! لو قال له هل سيغضب؟.. ام انه سيتفهم السبب والظرف الذي تزوج بهما. شعر ان تفكيره اصبح مشوش.. خلع شماغه بضيق وغلغل اصابع يده في شعره .. في البدايه سيذهب الى عمته.. ما دام ان الجد ليس متواجد في خيمته ولا حتى "الصفيف".. اتجه ناحية الخيام وهو يخلع نظاراته.. توقع انه سيلاقيها هذا الوقت تُعد الشاي او "الكرك" في المطبخ.. دخل وهو يرى اخرى غيرها واقفه وهي تدير ظهره وتلبس بنطلون اسود وبلوزه بيضاء واسعه وشيلتها على رقبتها وشعرها منثور على ظهرها.. لم يصدق نفسه وخرج بسرعه بعد نظره خاطفه. تحنحن وكأنه وصل حالاً وهو يجهر بصوته/يا عممه.. يا عرررب!! سلهام ألتفتت وهي خائفه،خافت ان يكون تميم المرعب" و رفعت "الشيله" على رأسها وهي متوتره لم تتعود بعد على العيش هنا، لكنها تأكدت انه ليس تميم/لا تدخل ،عمتي عند الابل حاكم استغرب انها تقول عمتي وتساءل (من هاللي جااء من اعمامي وجايب اهله معه هالوقت؟!! )، تركها ومشى.. سلهام وضعت يدها على صدرها وهي تحاول ان تهدي نفسها، شعرت برغبه في البكاء.. لكنها تعبت من كثر ما بكت وكرهت انها فقط تبكي؟.. يجب ان تكون قويه مثل السابق، الغضب والاعتراض والدموع لن تنفعها بشيء.. تنهدت(الله يهديك يبه،بالله هذي حاله راميني بوسط ناس ماعرفهم).. سمعت صوت شيهانه ترحب بعالي صوتها، و ذهبت من خلف الرواق لترى من هذا الذي ترحب به عمتها.. تنهدت سلهام وهي تقول بداخلها (هذا بعد واحد غير تميم الخايس الله لا يوفقه!..شدعوه،مافيه جنس بنات يجون هنا!! *شعرت بالظلام يخيم و دخلت.. ، . شيهانه بابتسامه/وووينك يا وولد خوفتني عليك حاكم وهو يشد الفروه على نفسه من البرد/مريت ربعٍ لي سلمت عليهم وحلفوا علي الا امسي عندهم..وخبرتس ماعندي شغل امسيت عندهم شيهانه وهي تتخصر بيديها/اللحين انت ماخذ اجازه علشان تحوس في هالبران حاكم ببتسامه/هواي البر يا عمه شيهانه/انت منت قايلي انا وامك ندور لك على عروس.. خلاص العروس و لقيتها انا حاكم بارتباك/هااه.. عروس؟! شيهانه ضحكت من ردة فعله/شفييك كأنك استحييت حاكم حب يمازحها لأنه يعرف انها تكره موضوع زواجها/لا والله.. استحيت هااه!! .. خليتيها سالفتك.. انا هونت ماني متزوج لين تتزوجين انتي شيهانه وهي تمد لسانه وتحارشه/ماعلي منك ،منت قادر تغيضني.. وزواج راح ازوجك غصب عنك وارقص بعرسك بعد اقبل الشاص يسوقه تميم ومعه الشايب.. حاكم انبسط بشوفة جده/ارررحبووواا… هذا جدي وصل وبيفكني منتس شيهانه/لا تفرح وااجد ، لي معك حكي طوويل اوقف تميم السياره ونزلوا وسلموا.. الشايب بوجه مستبشر/حي الله حاااكم يا مررحبا حاكم بابتسامه/حي الله السمي تميم وهو يسلم على حاكم/شلوونك بو براك حاكم بابتسامه/زاان لونك شيهانه/ادخلوا عن البرد تراني شبيت الضو ..وجهزت القهوه وحميت الحليب.. تميم وهو يضغط باصابعه هلى جبينه/امممما القهووه ياهو راسي موجعني منها.. تكفين الحقيني بها.. الشايب/ياكثر عيارتك يا هالولد.. من اصبحت وانت تقهوى حاكم وهو يضحك/مدمن قهوه الله يشفيه تميم ضربه على ظهره/تعال انت وش سويت عند الـ.. حاكم غمز له يسكت وقاطعه/بخير ابشرك.. ينشدون عنك *شيهانه لاحظتهم تلخبطوا وكأن بينهم شي يخبون.. بس سكتت وهي تدخل الخيمه مع ابوها.. حاكم التفت على تميم بنظرات تهديد/خبل انت.. بغيت تجيب العيد قدام جدي تميم وهو يضبط "نسفة شماغه"/نسيت.. بس ماقلت لي وش صار حاكم/بعدين اقوولك خلني اروح لجدي لا يحس بشيء وانت يالله ارفع الآذن لصلاة المغرب وتعال داخل خلنا نصلي. تميم وهو مستغرب خوف حاكم/طيب ،بس الله يستر شكلك انت اللي جبت العيد. حاكم تجاهل حديثه ودخل.. ، . ، . ، . ، في الدمام* بيت جديد راح ندخله ونستكشف قصصه وحكاياته.. بالمطبخ تجهز الضيافه وكل لحظه تمر على الفرن وتنتظر الكيكه تخلص علشان تطلعها .. دخلت اختها دلال تستعجلها/صيته خلصتي؟ صيته/خلاص تقريبا خلصت.اخذي هالصحون. وش فيتس مستعجله كذا دلال اتجهت للصحون وهي تكلمها/ترى زوجة عناد وصلت مع خالتي ام عناد وبنتها سبرا صيته بابتسامه سخريه/زوجته الجديده.. دلال وهي تتأكد من الضيافه قبل توديها/المسكينه شكلها ماتدري عن زواجاته الثنتين اللي راحوا صيته تكره تصرفات الرجال التي بنظرها تظلم البنات/وبااقي عنده زواجات ثانيه هالمزواج.. ابو النسوان يا كرهه دلال/هههه خلصي تعالي لا ينتظرون صيته/طيييب خلصنا الكيكه وطلعتها تبرد شوي.. امشي قدامي نودي اللي بيدينا.. .. عند الحريم وبعد تقديم الضيافه.. سبرا تهمس لصديقتها صيته/رووعه الحلى صيته وهي تكتم ضحكتها/خبله انتي تهمسين علشان تمدحين حلى.. ترى ماهو اختراع سبرا/ههههه مشكلتك دووم تقللين من قيمة ابداعك صيته تجاهلتها وهي ترى نعومة زوجة عناد ورقتها وتهمس لصافيه/ماشاء الله على فطوم زوجة اخوتس تهبل.. اظن اللحين بيعقل وبيكتفي من الطلاق والزواج سبرا بشك/ماظنتي.. صيته/حراام عليتس بااين حليووه وطيووبه سبرا/هذا بلا بوك يا عقاب..هي حليوه وطيوبه ورومانسيه بعد ياعيني ..بس اخوي يطير بالوحده اول اربعه شهور وعقبها يسحب عليها صيته باشمئزاز/يمه منه ..يهبا.. ابي اعرف وش يبي بالضبط هالمزواج سبرا ضحكت عبى ردها العفوي/.. صيته وهي تنزل الفنجان من يدها/انتي اخوك مزواج.. وانا اخوي تزوج مره و طلق ومن عقبها تعقد من جنس الحريم لدرجة قفل علينا شوفة عينك.. سبرا رحمتها/الله يعينك اخوك احس مزودها حبتين.. ام تميم وهي تنظر لصيته وترفع حاجبها حتى تقدم الضيافه الباقيه، لكن صيته لم تفهم فقررت تتكلم/صييته ..قومي صبي الشاهي صيته بابتسامه على نبرة امها واضح انها تنرفزت ،بس هي مافهمتها/ااامررري يمه.. ، . ، . ، بعد مرور ايام ع الاحداث السابقه* الدمام.. " الساعه 8:30 كعادتها منذ شهرين منذ ان استلمت وظيفتها الجديده.. كانت تقف امام مرآتها وتربط شعرها الطويل بشكل ذيل حصان و وتتأكد من لبسها الرسمي بنطلون اسود وقميص ابيض وجاكيت اسود.. و تضع بطاقة اسمها على الجاكيت كلمسه نهائيه وهي تمتم باذكارها التي حرصت انها ترددها دوماً.. فهي مؤمنه بأن الذكر سيحفظها من شر كل ذي شر.. اخذت عبائتها على ذراعها و شنطتها و خرجت وتفاجأت به يقف امامها لم تستطيع اخفاء رعبها منه،و هي تتساءل مالذي جعله يصعد فوق والى جناح البنات الذي لم ضل فيه غيرها والكل تزوج/بسم الله!! حمد وهو يتكئ على الباب/بسم الله عليك خفتي!! توق وهي تتحاشا ننظراته و كأنها لا تعرف نواياه السيئه لأن بمجرد التفكير بهذا الشيء تضيق ذرعاً فمن الصعب ان تبوح عن حركاته لأحد..لكن تدعو ربها ان يكفيها شرّه/عمي لو سمحت ابعد وراي دوام مابي اتأخر حمد وهو يمد يده لخدها بنعومه/انا بوديك.. اشتقتلك لي يومين ماشفتك توق ابعدت وجهها قبل ان يلمس خدها/هذا انت شفتني يلا انا رايحه مع السايق.. سلام حمد مسكها مع انه تعود على جفولها منه/توق حبيبي توق سحبت يدها بقوه و ذهبت/معليش مستعجله اشوفك بعدين نزلت بسرعه تحت ولبست عبايتها وهي تمشي وخرجت مسرعه لا تريد ان يلحق بها…وتلعنه بداخلها. ام ناصر شافت حمد ينزل من الأعلى ويمشي خلف توق واستغربت وهي تلثم بطرف شيلتها/بسم الله.. حمد متى جيت الله يهداك حمد/اعذريني ماشفت احد قدامي.. وصعدت فوق ام ناصر وهي تنتقد على تصرفه/الله يصلحك ثاني مره تحنحن، دستوور طلع حمد وهو منحرج من ام ناصر ولم يستحي من نفسه .. ام ناصر شافته طلع وفكت لثامها وتكلمت بحسن نيه/الله يهديك يا حمد من حبك لبنت اخوك لازم تصبح بها وتمسي.. ، . وصلت البنك لم تكن مصدقه انها قد تملصت من حمد التي عرفت مؤخراً نواياه القذره، تمنت لو لديها الجرأه كي تصارحه بأنها ليست غبيه وتعرف ما يلمح له..لكت حياها يمنعها من ذلك.. ستصطبر علّه يكف أذاه عنها. اتجهت لمكتبها في القسم النسائي بعدما سلمت على زميلاتها/.. اقبلت صديقتها المقربه وبنت خالها وهي تتبسم وفرحاانه/توووق حبيييبتي توق انبسطت بشوفتها وقامت تسلم/هلاااا جود جود/توو مانووور المكتب توق/تسلمين ياعمري جود/ايه تذكرت.. راحت مكتبها واخذت علبه زرقاء ومعها بوكيه ورد. واتجهت لتوق/مبررووك الملكه حبيبتي.. هذا شي بسسسيط بهالمناسبه.. توق ابتسمت بامتناان وهي تشوف رفيقتها تذكرتها بهديه بينما من تملكت ماشافت هديه وحده من احد حتى من زوجها، شلون تفكر انه ممكن يجيها هديه من هالبدوي/ الله يبارك فيك حبيبتي جود ماكان له دااعي جود/كيف ماله داعي وانتي بزواجي احسن هديه جتني كانت من عندك.. بعد محد يهدي طقم ذهب وساعه بـ6000 وتذاكر سفر لتركيا… انا يدوب جبت لك طقم ذهب.. لكن ابشري بالزواج بيجيك مفاجأه تستاهلين.. توق وهي تخزها ة/طيب ليه ما زرتيني وجبتي الهديه للبيت هااه جود/اسكتي بهذلني زوجي ..قال نروح لاهله بالحسا وهدذي رجعتي من هناك من يومين.. سد نفسي من حرتي عليك توق ضحكت/اممم خلاص عذرتك، روحي قابلي شغلك.. ترى اللحين بتجي عفااف وبتسوي لنا محاضره اقبلت عفاف/بناااات وش صااير كل وحده كتمت ضحكتها واتجهت لمكتبها.. جلست توق وهي تحاول تتذكر ملامح حاكم، وتضارب افكارها وحيرتها من هالزواج.. ويضيق صدرها من نظرات الكل بالعايله.. ماعدا حمد اللي صار يوريها وجهه كل يوم.. واليوم تشوفه عند جناحها مسنتر.. وصارت تمتم ( الله يكفيني شره ) . ، . ، .، . كانت جالسه تناظر بالتلفزيون بهالخيمه وضايق صدرها و هي تحس انها انتهت وان حياتها صارت بدون قيمه في هالصحراء كمية البكاء والصراخ والاعتراض مانفعوها بشيء ،خلاص يوم وراء يوم اعصابها بردت و غصب تتقبل الوضع الجديد.. كانت جالسه تطالع وهي متذمره ومتملله.. سمعت صوت عند خيمتها ينادي بنبرة صوت تريحها/سلهاام سلهام لقت نفسها تقوم وتتجه لباب الخيمه بسرعه/هلا جدي جدها لاحظ لبسها وهو ناقد بس عذرها كونها جديده وتربية ولده سعود ما تعجبه، ابتسم بحنيه/من امس ما شفتك ،شلونتس يا بنتي سلهام ابتسمت تجامله/بخير يبه.. تعال اجلس تونا حاطين القهوه وعمتي جايه الشايب لاحظها انحف منها اول ما جتهم/شفيك نحفانه انتي مريضه والا تشكين شي يا بنتي سلهام ترددت/لا سلامتك مافيني شي..انا بخير الشايب/عسى عسى.. طيب محتاجه شي تبين شي؟ تراني بالشوفه سلهام ترددت انها تقوله عن اللي سواه فيها تميم بس خافت وترددت ..لانه اكيد بيسأل عن السبب وواضح انهم يعزون تميم وحاكم بالحيل وما راح يصدق فيهم الشايب/هاااه وش تبين لا تخشين بقلبتس شي سلهام/ابيك توريني الابل.. وو بعد ابي اشوف الخيول وتعلمني وين حنا فيه..زهقت وانا بهالخيمه الشايب ابتسم على طلبها/ابشررري ما طلبتي شي.. البسي عباتك وشيلتتس وتعالي معي.. بوريتس كل شي هنا. سلهام استااانست لأول مره من جتهم/ثواااني بس ، . ، . واقفه مع جدها عند مربط الخيول وهي مستغربه ابتسامة ونشاط جدها وسوالفه وقصصه اللي يحكيها لها.. سلهام بعد تردد/جدي الشايب/سمي يا سلهام سلهام بدلع مسكت يده/انا بنتك والا لا الشايب/الا بنتي ونص افا يا ذالعلم سلهام مدت بوزها بدلع/طيب ليه كل واحد هنا عنده حصان وانا لا الشايب/انا ابوك يا صبي..اللي تبين من هالخيول اخذيه ولا يكون خاطرتس الا طيب سلهام باسته في خده/فددديتك الشايب/ياززينكم يالبنات الله يصلحكن سلهام ضلت متمسكه بيد جدها وهو يمشيها بين الحلال ويحكيها قصص المكان..ارتاحت معه غير مصدقه ان هذا الرجل النبيل يكون ولده ذلك المدعو "والدها".. اقبل من بعيد و رآها متكشفه وتحنحن/تسسستررري يا بنت سلهام تكره نبرته المستفزه وكأنه يتعمد ان ينغص عليها دائماً ما يقول لها "تستري" وكأنها تمشي "عريانه"، لفت اللثام وصغرت فتحته.. الشايب يحب غيرة تميم لكن لا يعلم عن خباياه وعصبيته وثورته المدمره/هلا تميم.. تميم وهو يرمقها بنظرات احتقار/هلابك جدي.. الشايب/وش عندك .. تميم/حبيت اجي اسلم واستاذن… بروح لاهلي الشايب لاحظ نظراته للبنت، الكل يظن ان نظره "ضعف"/طيب سلم على بنت عمك والا ماتشوف تميم يكرهها فكيف يسلم عليها وهو يحتقرها،فهي بنظره لا تساوي حفنة تراب /هلا سلهام.. شلونتس؟ سلهام بضيق "لا تطيق منه كلمه" هو لانه لا يحترمها و نظراته التي تحتقرها تكرها خاصةً بعد ذلك الموقف/بخير الحمدلله.. وانت؟ تميم ما يشيلها من ارضها/ الله يهدي الجميع سلهام انقهرت من هالنبره وهالجمله الاسقاطيه/والله ياخذ ابليس واعوانه تميم كان مقفي والتفت صوبها بنظراته الناريه واكمل طريقه مره اخرى، هو يعرف انها تُلمح له.. (قصدها اني بليس الوصخه هذي..معليه) !! الشايب لاحظ النبرات الغريبه لكن لم يفكر بأي شي سيء.. كان يفي "البعير" وينادي سلهام/سلهام يابوتس تعالي أوريتس الشامخ.. سلهام استغربت تظن انه اسم شخص/من هو الشامخ هذا شيهانه اقبلت وهي تضحك/الشامخ أسم الفحل حق الحلال هذا كله.. سلهام استغربت وهي ترى ضخامته/يعني قصدك انه هذا ذكر والباقي كلهم اناثي شيهانه/هههه الله الله.. الشايب/شوي شوي وتعلمين وتصيرين احسن من شيهانه شيهانه بحماس تكلم سلهام/انا بحلب الخلفات اليوم بدال العامل تجين معي؟ سلهام تحمست، مع انها ماتعرف معنى خلفات /يلا.. الشايب توقف مكانه وهو يتابع البنات و مبسوط..ويتمتم بخاطره(الله يحفظكن ويسعدكن) / / / / / / الدمام.. عند أمه مستلقي وراسه في حضنها وهي تلعب بشعره وتتبسم وهو مسترخي ومغلق عينيه.. … ..كان متردد "يقول لها.. او لا يقول لها". طالت المده اكثر من اللازم.. وهو لم يعود لاهل العروس ولا قال لأهله عن ملكته... بظنه ان اليوم الذي سيقول لعائلته عن زواجه من بنت الصارم سيكون يوم صعب جداً والارجح سيواجه مشاكل.! شعر ان راسه فيه مليون "شغله".. و ما يشغله الآن شي وهو ما يربكه..! ام حاكم لاحظته اطال السكوت وابتسمت بحنان/في خاطرك شي يا قليبي حاكم يحب دلعها له يشعر وكأنه يرجع طفل اذا جلس مع أمه/احبتس يمه.. ام حاكم وهي تقرص خدوده/لو تحبني صح هالاجازه ماترووح مكاان خلك عندي يا بعد من لي حاكم/بس تخبرين جدي ما يستغني عني ام حاكم/ماعليع بس شوي هنا وشوي هنا.. حاكم وهو يفكر بالبنت اللي تزوجها و تركها.. غير قادر على ان يفاتح جده واعمامه ولا حتى أمه بموضوع زواجه من ال صارم..و لا يصح ان يذهب اليهم بدون اهله…من الواجب ان جماعته يكونون معه فالبنت من قبيله وهو من قبيله اخرى، .. اقبلت وصايف ومعها السفره/يلا يا جماعه العشاء صار جاهز تبونه هنا والا بالصاله.. ام حاكم/ حطي بالصاله.. يلا حبيبي قوم تعشى يلا.. حاكم وقف بابتسامه واتجه لوصايف/لحظه وصايف بساعدك وصايف بابتسامه/يلا مانرفض المساعده. / / / / / / في بيت ثاني من بيوت الدمام.. * بيت فهد.. بوناصر.. الكل جالس على سفرة العشاء .. بو ناصر وهو يلتفت لمكانها/وين توق؟ ام ناصر كانت بتتكلم.. قاطعتها توق وهي تجلس/هذا انا وصلت.. السلام عليكم الكل/وعليكم السلام بو ناصر ببتسامة حنيّه/كيف كان دوامك بعد الاجازه توق بادلته الابتسامه/حلو. عبدالرحمن ناظرها بطرف عينه/ما بعد عرفنا راي ولد براك اذا دري انك موظفه.. اخاف بكرا يمنعك وتقعدين تكرفين عنده توق تذكرت انها لم تطلب شروط بالعقد، فهي "رد جميل" ..سكتت لنعلقت/.. بو ناصر ندم انه لم يخبر حاكم عن وظيفتها علّه يتفهم،قرر تغيير الموضوع/يلا سموا بالله ابتدأوا بالاكل.. ولكن عبدالرحمن لم يكن مع فكرة زواج اخته من ولد براك،احب ان يبدأ بمشكله/الا شخبار العريس ما طرأ عليه يجي يسأل ولا يحدد زواج ولا شي.. بوناصر بضيق/لا ما اتصل عبدالرحمن بسخريه/الله يهديكم يبه شكلكم احرجتوا الرجال و زوجتوه توق غصب عنه. والدليل انه للحين ما جاء ولا اتصل.. بس رميتوا عليه البنت من الباب للطاقه .. توق شعرت بغصّه وقامت بسرعه وتركت الاكل.. ما دام هذا كلام اخوها "سندها" اذاً كيف كلام باقي العائله!! بو ناصر/تووق ما اكلتي شي توق وهي مقهوره من تصرف اخوها/خلاص شبعت.. اسمح لي يبه … ..ذهبت غاضبه* بو ناصر التفت على عبدالرحمن بعصبيه/انت لسانك متبري منك.. ماتحترمني.. انا اللي زوجتها لهالرجال وحاكم كفو ويستاهلها.. ليش انت تقلل من قيمته واحترامه.. خلاص هذا صار زوج اختك وانت لازم تحترمه عبدالرحمن وقف غاضب ومعترض/يخسي ويعقب.. خرج وتركهم.. ام ناصر بحزن/الله يهديه هالدحمي.. ضو شابه.. من تملك اخته وهو مطفشها بو ناصر وهو متضايق/انا اكثر منهم ضيقه.. بس لا تنسون انه غصب عني زوجتها له وهو كفو لو انه بس مب من ال براك.. لو بيدي اخلص بنتي منه بس مابيدي حيله ام ناصر/الله يعين قام ابو ناصر/الحمدلله ام ناصر/تبي الشاهي اللحين ولا بعد شوي بو ناصر/مابي شاهي بروح انام وراي سفر للرياض فيه شغل لازم اسويه.. ام ناصر/يووه منت حاضر زواج ولد اخوي بكره.. بو ناصر/انا تعذرت منه ووصلته العانيه.. شغلي ضروري مقدر أأجله.. قوموا بواجبهم وروحوا ام ناصر كتمت زعلها بابتسامه/تروح وتجي بابتسامه.. . . ، .* | ||||||||||||||||
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
02-13-16, 04:57 AM
| #8 | ||||||||||||||||
| ، دخلت غرفتها على مضض واتجهت للأريكه التي على يمينها ، جلست وهي تلتقط انفاسها واحساسها بالضيق يزيد من تعبها . الجميع في العائله يضغطون عليها بالكلام..و هي تتساءل لماذا هي تواجه اللوم لوحدها ؟ هذا ليس عدلاً...هي نفذت أمر والدها و لم ترتكب معصيه..اصلا لم يتبقى لها خيار آخر غير انها توافق على عرض والدها لأنها لو لم توافق ستسقط هيبته امام الرجال وهي لا تحتمل ان تكون سبباً في ذلك..! وحاكم ليس بذلك السوء.. وان كان ابن قاتل عمها.. لكن مع ذلك"هي تفكر جدياً ان تطلب منه الطلاق" لترتاح من كلامهم الذي يسمها بالهمز واللمز.!! هذا الذي فكرت به"توق" ..شعرت انه حل سيريحها و يريح اهلها، اسندت جبينها على يدها وهي تخاطب نفسها( بقول له ان هذا زواج وما كتب ربي انه يتم).. ستريح اهلها من هذه العلاقه التي جعلتهن متوترين وجعلت بقية العائله تأخذ منهم موقف..!! رفعت رأسها وسقطت عينيها على مرسمها الصغير في ركن الغرفه البعيد.. فوالدها بعدما تزوجت اختها ذوق فتح غرفتها على غرفة توق و اصبحت غرفه اشبه بصاله بسبب كبر مساحتها ،هذا المكان تعتبره عالمها الخاص. اتجهت للمرسم و وقفت تتأمل رسماتها القديمه و هي تبتسم من جمال و بساطة خيالها.. لم ترسم منذ مده طوويله. منذ ان فتحت استوديو التصوير الخاص بها.. ومن ثم توظفت منذ بضعة شهور.. انشغلت تماماً عن الرسم.. فهي تعشق كل ما اسمه رسم وتصوير فوتوغرافي.. رغم ان دراستها كانت ادارة اعمال فتحت استوديو تصوير نسائي وهذا الشي اثار جدل طوويل في العائله وقتها، ابتسمت لان الكل تقبل استوديو التصوير الخاص بها، وبعدها بفتره توظفت ببنك و لم تغلق الاستوديو بالعكس كانت تعشق هذه الهوايه التي احترفت بها و اصبحت تُعد دورات للبنات في التصوير الفوتوغرافي.. فتحت الدرج و اخرجت الألوان واخذت علبة الفرش وصفتها كلها فوق النضد.. ووقفت تتأمل فيها وتفكر بأي فرشاه ستبدأ..ولكنها تراجعت وهي تعجز عن رسم شيء، ليس لديها الرغبه وبالاحرى ليس هناك ما يدفعها للرسم .. . ، . في بيته الذي الكائن في حي اخر من مدينتها… …… .من جهته كان يُفكر جدياً في هذا الزواج من بنت ال صارم.. هذا الموضوع سيُغضب جدّه منه.. سيضيق صدر والدته و سينقض جروحٍ قديمه، قرر انه سينهي هذا الزواج ولكن بدون ان يجرح البنت وبدون ان يُغضب أهلها الذي يتضح ان احداً منهن لا مرحب في هذا النسب، ..وابتدأ بالحل فوراً سيُطلق البنت قبل ان يعرف جده انه تزوج...!! ،، , . , اليوم الثاني.. * صاحت على بناتها بالمطبخ وهي تستعجلهم بتجهيز الفطور لولدها الحاد الطباع.. فهي تخاف ان يعصب على اخواته/بناااات خلصوا بروح اصحي تميم للفطور وراه دوام صيته واقفه عند الطاوله وتضع كاسات الشاي وهي تهمس لدلال/يا هالتميم اللي مسبب لنا أزمه دلال بابتسامه/خلصي لا يسمعك بس صيته ببتسامتها الشقيه/شلون يسمعني.. الا اذا كان بتعلمينه انتي!! هذا شي ثاني دلال ضحكت على حماسها/ياحبي لتس ياختي وانتي متفائله بالحياه صيته ببتسامة تفاؤل/الحياه أمل … كملت الشاي وحطته بالصينيه مع الكاسات وطلعت.. وتفاجأت به يقف امامها وصرخت/يمااااااه تميم كان يدوب يفتح عينيه وواضح فيه النوم ،خاف صيحتها/وووووجععع وش فيييتس دلال لحقت بها وامها ايضاً حضرت/وش فيتس صيته دلال رآت تميم وعرفت السبب فسكتت من خوفها.. تميم كان هو بنفسه خائف لم يستوعب مالسبب الذي صرخت لأجله، مسكها يهديها/صيييته بسم الله عليتس، علامتس وانا اخوتس.. صيته ارتاحت و شعرت انه يصل لتوه و لم يسمع شي سكتت وهي تلتقط انفاسها/مافيه شي بس كنت مسرحهه وطلعت انت بوجهي فجأه تميم تبسم بحنان الأخ وهو ياخذ الشاهي منها/الله يسامحني.. شكلي مسبب لتس ازمه صيته تسايره دامه مرووق/يعني والله حبتين تميم التفت عليها وهو رافع حاجبه الايسر وببتسامه/هااتي الخبز ولا تفلّينها وااجد صيته راحت وهي تهمس/يممااا منه الواحد ما يحاكيه ام تميم كانت جالسه ع الارض جانب السفره وتبتسم بعدما رآت ولدها الغالي/تميم وانا امك متى وصلت ..البارح نمت وانا انتظرك يا قلبي تميم جلس جانبها و قبّل يدها/يالبى قلبتس يمّه..اعذريني ما سريت منهم الا متأخر ام تميم/بشر وشلون الشايب وشيهانه و وش علوم البر والحلال البنات وضعوا باقي الفطور على السفره.. وجلسوا يفطرون تميم/والله كلهم بخير ابشرتس.. وهالسنه خبرتس امطار يارب لك الحمد ام تميم/الحمدلله.. دلال بابتسامتها العذبه/تميم.. الله يخليك ودنا البر اشتقنا لعمتي وجدي والوناسه.. صيته تأيدها/اي والله تميم تذكر سلهام وخاف على اخواته منها/معليه مب اللحين بعدين ام تميم بإلحاح/ليه يا وليدي.. والله كلنا متشفقين نطلع البر.. ملينا من الحكره بهالبيت تميم اضطر يوافق علشان أمه ما يقدر يقول لها "لا" / خلاص ابشروا.. نهاية هالاسبوع اطلعكم معي.. الا ماقلتوا لي وين صقر ؟ ام تميم بضيقه وانزعاج اتضح على ملامحها/مارجع الا الساعه 3 الفجر وللحين نايم، اخوك هذا الله يصلحه من قام يطلع مع عيال عمك هاجد وهو متغيير معاااد نشوووفه ابددد.. يا وليدي شفلك صرفه.. خله يتعدل ابوك معاد فيه شده.. تميم يؤلمه وضع أمه وعلاقتها مع والده.. تنهد وهو يخاطب نفسه (قصدك معاد يعطي هالبيت وجه ودايم مسافر عند زوجته الاجنبيه، مسكينه يمه من طيبتك تحاولين تغطين على ابوي وماتبينين تقصيره ، تحسبين محد يعرف ان زوجك متزوج عليك) صيته تذكرت اللي صار لها البارحه ومن فتره بانزعاج، وقررت إخبار اخيها لأنها لو لم تفعل لن يكون الوضع لصالحها او لصالح اختها/تميم تميم التفت لها بنظره ورجع يكمل فطوره/خير صيته تخاف من نظراته الاتهاميه/مو خير والله تميم وضع كاسة الشاي من يده و التفت اليها باهتمام/انا اخو صيته وش العلم وانا اخوتس ام تميم تهمس لها تسكت/اسكتي خليه يفطر بالاول تميم انزعج فاخلاقه الضيقه لا تسمح له ان ينتظر/صيييته تكلمي والا والله لأكب هالشاهي على راسك صيته بلعة ريقها من الخوف،اخاها مجنون ويفعلها،للحظه ندمت انها فتحت سيره/شف لك صرفه مع نواف ولد جيراننا تميم وقف واتجه لها بنفاد صبر ومسكها من عضدها، هو يعرف مدى حقارة نواف/وش سوى انطططقي ام تميم/يابن الحلال اجلس مايحتاج تقووم صيته وهي تتألم من مسكته/كل يوم يكشفنا رايح جاي فوق السطح ويطل ويقط كلام مثل وجهه وانت عارف ان بيتهم يطل ببيتنا.. خله يقلع هالحمام.. وانت عارف كل يوم طالعه لغرفة الغسيل برا، اذا ماشفت لك صرفه دوروا لكم وحده تغسل لكم ملابسكم تميم صار وجهه احمر من شدة احتقان الدم وكأن عرق براسه سينفجر افلت يدها بقوه.. لدرجة انها صرخت من قوته/انتي السبب انتي.. الكل/!!! تميم اكمل بصراخ/ليه تطلعين الحوش بدون تغطين هاااه لييييييه ام تميم وهي تحاول تهدئته/يا وليدي انت عارف خواتك.. من زمان مانطلع الحوش الا متحجبات.. مع انه حوشنا..بس هالنواف هذا لسانه بذيء دلال خافت وضلت مكانها… تميم قام وهو متنرفز وعفاريت الدنيا كلها تتحاشاه من شدة غضبه/انا أوررريه هالسكير ام تميم التفتت على صيته معصبه وثائره/انبسطتي يوم زعلتي اخوووتس هاااه.. انتي انهبلتي تقولين له؟ صيته وهي تمسك عضدها بألم وتحس ان كتفها انخلع/وان شاء الله تبيني اسكت عن نواف لين يتبلانا بمصيبه؟..لا يمه.. السكران ما ينسكت عنه. اذا حنا ببيتنا ماسلمنا من لسانه وعيونه.. بكره يجيب لنا فضيحه واروح انا واختي ضحيته.. اسسفه ماراح اسكت ام تميم سكتت وهي خائفه من تهور ولدها..مع ان كلام صيته صحيح.. هذا الولد "الصايع"الذي يُدعى نواف زودها كثير.. ، طلع من البيت متجه لبيت الجيران وكأنه بركان بقمة ثورته يرتدي قميص النوم الابيض المقلم بالخطوط السوداء.. اتجه لباب الجيران وضربه بفوضويه و ضغط على الجرس وازعجهم.. خرج في هذه اللحظات ولد صغير عمره 6 سنوات وبلع ريقه من خوفه من تميم، سبق وان ضربه لأنه كسر "لمبات بيتهم بالكوره" /تميم! تميم مسك الولد من ياقة بجامته وهو يرفعه و يصرخ بوجهه/وين اخووك نواااف يا احمد ووينه احمد وهو مثل الارنب بيد تميم/اااا نواف نايم بالمقلط تميم بغضب/رررروووح ناده لي بسررعه والا والله والله يا احمد لاربطك بسيارتي بحبل واسحبك على هالازفلت فااااهم احمد وهو يتلعثم بالكلام/ط طيب طيب تميم رماه بقسوه/يلاااا انقلع ناده لي احمد نهض،من الارض وهو يمسك ظهره و ذهب يركض.. وعند الباب الداخلي اصطدم في اخيه "نواف" الذي مسكه وهو يادوب يفتح عيونه وشكله كان مزري و بملابسه الداخليه "فانيله وسروال" احمد وهو يلهث/تميم هذاك هو عند الباب يبيك تميم شافه وهو يجهر بصوته/نووويفااان ..يالكلب نواف رفع راسه و رأى تميم/خييير وش جاايبك مع ذالصبح تميم ماتمالك اعصابه/تكلمني وانت داخل مثل الحريم يالزلابه نواف ضل واقف مكانه غير قادر مبالي بتهديداته/ماني فاضيلك.. روح ورااك بس تميم زم شفتيه بغيض لم يتمالك نفسه ودخل بسرعة الصاروخ وشده من عنقه و ضربه بقوه وبشكل متكرر على وجهه ومن بعدها ألقاه أرضاً وهو يثبته و يهدده بغضب عارم وكأنه قتل اهله.. بهذه الاثناء تدخل ابو نواف وفرقهم ويادووب قدر يبعد تميم.. ، تميم وهو يصرخ/فكني عليه هالرخمه فكني عليه نواف لم يكن قادر على الحركه. ابو نواف وهو يستعر من ولده السكير لابد وانه أخطأ بحق تميم/خلاص يا ولدي ذبحته بالضرب.. وشهو مسوي بعد هالمغضوب تميم بتهديد/شووف يابو نواف.. ولدك هذا ان ما كفيت بلاه عني وشال هالحمام من فوق السطح ذبحته، محارم العالم ماهي لعبه ان شفت والا بس مجرد سمعت انه مأذي اهلي او بس نط فوق السطح والله مايحصل له و لكم طيب و انا تميم يابو نوااف و انت تعرف ززين وش يقدر يسوي تميم بو نواف خاف من تهديده.. لأنه "راعي شر " و لم يحلف على شيء الا ويفعله/من هاللحظه بطرده من البيت وينقلع يسكن في الجبيل مكان ما يشتغل ولا له قعده بهالبيت تميم بلامبالاه/بكييفك تذبحه تطرده تحرقه تسوي به اللي تبي لكن لا يتعدا حدوده.. سلام خرج تميم بعدما داس على قدم نواف الذي مازال مرمي على الارض.. بو نواف التفت على ولده وهو ذليل/حسبي الله عليك من ولد عاق وسكير ومفشلني عند خلق الله.. اطلع بررااا ولا اشوفك . ، . ، . في منزلها.. ..، نزلت من اعلى السُلم وهي غارقه بتفكيرها.. منذ بضعة أيام لم تكْن ولم تهدأ ستنتقم من من رفضت اخيها سابقاً لتتزوج بعد ذلك بمده بقاتل ابيها.. كانت في السابق تتقبل رفض "توق" لأخيها.. لكن ان تتزوج بقاتل ابيها.. هذا شيء لا يغتفر.. و لن تسمح له بالحدوث.. رفعت "منال"هاتفها لتبحث عن رقم تريده.. ثم ابتسمت بخبث/ان ما نفعت هذي.. فيه مليون حل يا توق… وماظن ان هذي راح تعدي اللي سويتيه على خير.. يتبع.. | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
02-13-16, 05:01 AM
| #9 | ||||||||||||||||
| 4))عِشق بِلا قُيود.. . لابد وان يُنهي هذا الشيء قبل ان يكبر في داخله.. لن يسمح لمشاعره ان تقوده..هو في حيره من أمره لكن يجب ان يُنهي هذه العلاقه، من اسلم الطرق..اهلها لا يستسيغونه وهو سيحاول نسيانها.. ستجد والدته عروساً غيرها و سينسى تلك التي لم يراها رأي العين.. ولكن سمع صوتها ورأى شجاعتها التي قادته للتعلق بها..!! ، بصحبة أخته الوحيده في احد المولات الكبرى في الدمام يستحثها لشراء ما تريده وما تتمنى هو هكذا مع اخته كالأب الحنون والصديق الوفي/وصايف ماشريتي شي؟ قلت لك خذي اللي تبين رغم انها تُلبى رغباتها فوراً وطلباتها تُعتبر أوامر وتفوق بنات عمومتها في كل شي، إلا انها مؤدبه جداً وخجوله ومتفوقه بدراستها وجدااا قنووعه/خلاص ياخوي والله اكتفيت اخذت اللي احتاجه وش تبيني آخذ بعد حاكم رأى أمامه محل الذهب وابتسم والفكره تأتيه/طيب تعالي انا في خاطري اشتري شي وصايف استغربت وهم يدخلون محل الذهب/ليش جايبني هنا انا ذهب مابي والله عندي ذهب وش كثره يا حاكم انت ماتقصر حاكم ابتسم/هه اذا اخذتي لك اسواره وحده زياده مب متهاوشه مع باقي ذهبك وصايف/اوكي خذ راحتك انت الخسران حاكم وهو يرى الأطقم المعروضه، في حيره مما سيختار/شرايك بهذي الاسواره لك؟ وصايف/حلوه حاكم/طيب اختاري لأمي خاتم بعد.. وصايف/اوكي.. وبعدما اشترى لاخته ولأمه ..جاء دور الزوجه المجهوله.. التي تناساها الفتره الماضيه.. قرر تعويضها عن الطريقه التي تزوجا بها..لا يُريد ان يُشعرها بأنها هدية رد جميل.. وصايف استغربت انه مازال يختار/حااكم وش تبي تشتري بعد؟!! حاكم وهو يصرّف الموضوع/هديه لعمتي شيهانه وصايف ابتسمت له/والله كذا بنفلسك حاكم ببتسامه/يابنت الحلال فدوه.. اختار طقم حلو نااعم وفخم بنفس الوقت واهتم بطريقة تغليفه .وكان دقيق في هذا الشيء. واخذ خاتم ناعم في علبه اخرى.. وفكر بشيء مميز آخر غير الذهب لكن لا يعلم ماهو هذا الشيء المميز ..ولا يعلم سر اهتمامه بأن يكون مميزاً.. وصايف ابتسمت وهي ترى اهتمامه وحرصه ع اتقان التغليف واستشكت في الوضع.. "بدا وكأن هناك شي غلط هذه الهديه ليس صحيحاً انها لعمتها!! " حاكم التفت على وصايف/يلا نمشي وصايف/يلا.. ، . ، . نزل من الطائره وكان معه أبنه عبدالرحمن.. انتهوا من اجراءات المطار و خرجوا . بهذه اللحظات رن هاتف بو ناصر ورد عليه باهتمام/هلا .. حاكم عبر الهاتف/السلام عليكم يا عمي بو ناصر استغرب/وعليكم السلام هلا حاكم.. كيف الحال؟ حاكم/بخير طال عمرك.. انتم كيف احوالكم.. المعذره يا عمي طولت بالغيبه دون قصد لكن الظروف اجبرتني بو ناصر/ماعليك يابن الحلال معذور.. حاكم قرر الدخول بالموضوع بسرعه وبدأ حديثه….. / / / / / / / تقف أمام مرآتها بكامل اناقتها وانوثتها الطاغيه، وجمالها البدوي العربي المترف الممزوج بأناقة الحضاره، ونقاء بشرتها التي يحسدها عليها بنات جنسها.. وشعر قد انعم عليه الخالق بطول وكثافه. باختصار و مثلما يقولون الباديه "زين بدويه وسحر العرب بعيونها" مدت "توق "يدها المزينه بنقش نااعم واظافر مصبوغه باللون الاحمر واخذت قلم الروچ و وضعت على شفاهها منه بنعومه.. الليله زواج ابن خالها واكيد ستكون من اول الحضور.. و يجب ان تُبكر في الحضور بطلب خاص من زوجة خالها .. ، سمعت ضرب خفيف على الباب لأنها اصبحت تقفله،لم تعد تثق في حمد.. اصبحت كلما تدخل جناحها تُغلق الباب بالمفتاح لترتاح.. وسمعت أمها تناديها/توووق.. ذهبت لتفتح الباب ورجعت مجدداً للـ"التسريحه" تبحث في صندوق مجوهراتها شيٌ يليق بهذه الليله/شفيك يمه؟ ام ناصر كانت مستعجله لكن توقفت وهي سعيده بابنتها فقد كبرت و اصبحت عروس/بسم الله عليك يا بنيتي.. حصني نفسك لا تنسين توق ابتسمت براحه لوالدتها الحنون/ابشري يمه.. وش عندك جايه على اخر نفس فديت انفاسك ام ناصر تذكرت موضوعها بربكه، فهي لا تعرف مدى تقبل توق للفكره/ايه تذكرت شبقول.. توق ابتسمت وهي ترى ربكة أمها/سمّي ام ناصر /ابوك تووه متصل اللحين ويقول ان حاكم بيجي بعد ربع ساعه خليك جاهزه تراك انتي اللي بتستقبلينه توق تركت كل شيء كان بيدها والتفتت على أمها مُتفاجأه/وشوو يمّه؟!.. انتي اكيد تمزحين، شلون اطلع للرجال الغريب لحالي؟! ام ناصر قربت منها وهي ترى فستان بنتها مكشوف من اعلى،/هذا ماصار غريب عنك ..اللحين هو زوجك سترك وغطاك يعني اقرب رجل لك.. بس الافضل لا تطلعين له اللحين من دون شيله، غطي راسك.. يلا خلصي ..محد من اخوانك موجود،.. بعدين هو ماراح يطول شعرت ببعثره لم تتوقع هذه الزياره المفاجأه/هي وقفت على شعري يمه!! شلون اطلع بهالفستان؟وبهالزينه وهو مابعد شاف وجهي اصلاً ..مايصير من اولتها اطلع له متكشفه بهالشكل يمه.. والله اسستحي ام ناصر ابتسمت وهي ترى وجه توق تحول للون الوردي/تدرين شلون اطلعي له باللي تبين.. هو شرعاً زوجك وانتي حلاله .. بعدين ترى ماهو مطول كلها دقايق وبيطلع و بعدها بنروح بيت خالك نساعدهم … من شدة ربكتها جلست على الاريكه وهي تهف على نفسها بيدها،خجله من مقابلته ولوحدهم..هذا يعني انه سيستفرد بها! هي الآن حلاله..لا تعرف ماذا من الممكن ان يحدث..اذا كان عمها "الوااطي" يحاول عبثاً استغلالها. ام ناصر وهي تربت على كتفها/لا تسررحييين مو وقت سرحانك ،يلا جهزي نفسك بروح المطبخ اجهز الضيافه.. وابخر المجلس..ألحقيني.. خرجت ام ناصر بسرعه... ضلت مكانها وهي تشعر بأن حرارة جسمها ترتفع ..رغم برودة الجو.. وقفت وهي تحاول تقوية نفسها وهي تمتم بداخلها ايات من القرآن تبعث لروحها السكينه وتدعي "ربِ اشرح لي صدري ويسّر امري" اتجهت للمرآه وهي تلقي نظره بانوراميه على شكلها بطولها الفارع وجسمها المتناهي في التناسق وطول رقبتها وشعرها المسدول كالليل العتيم.. ددقت في رسمة الكحل بعينيها الواسعه وعدستها السوداء اللامعه..يجب ان تزيل هذا الكحل الثقيل ..! ابتسمت بثقه بشفاهها الرقيقه رغم اتساعها قليلا الا انها تمتلك ابتسامه ساحره وحضوراً له كاريزما طاغيه.. بانت غمازتيها وهي تتصنع القوه بابتسامه( انا ماني خاايفه ولا متوتره.. اوكي).. حاولت جاهده تجاهل ميول مشاعرها لخطيبها "اغمضت عيناها على مضض وهي تتمتم بداخلها (تجاهلي كل شي يا توق) لا شيء يدعو للخوف..فكرت جديّاً في تغيير فستانها، فهو يبدو عارياً بالنسبه لأول لقاء بزوجها.. ماذا عن خجلها كفتاه عذراء تقابل رجلها لأول مره،هي لم تتجاهل هذه النقطه. اتجهت لخزانتها على عجل لتختار بديلاً لهذا الفستان اختارت واحداً بأكمام.. ومسحت زينتها ووضعت كما تضع كالعاده كحلاً داخلياً وماسكار.... هكذا افضل..شيئاً داخلها يدفعها لفعل ذلك، لا تريده يظن انها قد تزينت لأجله! ماذا سيفكر به هو لو رآها بكامل زينتها في اوول لقاء..! ارتاحت قليلاٍ بعد تبديل الفستان. ثم عادت لترتبك مجدداً. لم تستطع ان تكون كما تُريد.. الارتباك والتفكير بأول لقاء وانطباعه عنها..شي يشغل تفكيرها لا إرادياً، .. ، . ، . أوقف سيارته عند الباب ونزل و هو يحمل بيده الهدايا.. وجد الباب مفتوحاً بالتأكيد تركوه مفتوحاً له.. دخل واتجه للباب الداخلي، و قرع الجرس مرتين.. فتحت له الخادمه/نعم بابا حاكم وهو يرى فخامة المنزل/وين مدام توق؟ الخادمه وعينيها على الورد/سوي ويجي.. ادخل هنا مجلس دخل المجلس و استقبلته رائحة بخور العود الازرق التي زادت من رونق المكان… و هو يفكر كيف شكل هذه العروس المجهوله،ومن هي فيهم هل هي اللي كانت تجلس جانبه وسلبت فؤاده بشجاعتها ام هي احدى الجالسات في الخلف؟ وضع اكياس الهدايا على الطاوله و بجانبها باقة الورد الكبيره..و من ثم جلس هو ينتظرها، ماذا بعد؟! .. اخذه الملل فمرة يعيد ضبط شماغه ومره ينظر الى ساعة معصمه ومره ينظر الى الباب..! بعد لحظات دخلت بخطوات صغيره وكأنها تحسب خُطاها ونغمة كعبها تسبقها ، تمشي كالطاووس بشموخ كعادتها تمشي وظهرها ممدود مع رقبتها عكس مابداخلها من خجل وخوف وربكه..لدرجة ان يديها تجمدتا، تكلمت بصوت انثوي يغلفه الخجل ونظرات كساها الحياء/السلام عليكم أوقفته نبرة صوت التي حلم بها وهو يرى تلك الفاتنه التي تدخل من الباب ..فتاه ملامحها "تصرخ انوثه" و بكامل أناقتها رغم عدم تكلفها بالزينه ، فستان ناعم ازرق ملكي باكمام ..يرسم ملامح جسدها الممشوق القوام" و طول شعرها الذي قد تمرد على "شيلتها" بمساافه لأسفل اردافها..و روجها الاحمر الصارخ..مع رائحة عطرها الفواح الذي سيطر على جو المكان. بقي المهم والذي كان يريد رؤيته "الجرح الذي بذراعها الأيسر" ..ابتسم حينما وقعت عيناه على الجرح الذي قارب على الإلتئام وهي ترفع كمها عنه ،وتأكد انها هي التي أسماها "الشجاعه"، هو عشق صاحبة الصوت قبل رؤية وجهها.. فالأذن تعشق قبل العين أحياناً.. شعرت وكأنه تجمد مكانه لانه لم يرد عليها السلام اقتربت حتى اصبح بينهما مسافة طاوله كبيره نوعاً ما/احم.. السلام عليكم حاكم بابتسامه اخذ منديل من جيب ثوبه ومسح حبات العرق من على جبينه/وعليكم السلام..يا هلا توق لاحظت الطاوله التي تفصل بينهم وهي ترى كمية الهدايا ومعها باقة ورد كبيره"انصدمت" لأنها لم تتوقع منه هذا الشيء، ظنته بدوي "جلف"حياته صحراويه لا يعرف شي من هذه الأمور، تأسفت بداخلها بشده فهي "ظلمته"..!! اتضحت الربكه على ملامحه وتصرفاته تذكر واخذ بوكيه الورد و اتجه لها، لم يخطط لشيء، كل شي يحدث بينهما بعفويه/مبروك علينا هالزواج.. توق بيدين مرتجفتين اخذت الورد و جلست من ربكتها وخوفها من جاذبية حضوره، لم تستطيع إنكار احساسها الجارف تجاهه،رجولته وشهامته بعدما فعله لها ولبنات عمها ..و احساسها بأنوثتها في حضوره احساس تعشقه،لكن تغطيه ببرودها، وضعت الورد جانباً وتكلمت وهي تنظر لعينيه/ما تظن انه تو الناس على كلمة زواج؟ جلس قبالتها باحترامه ورزانته.. ولكن لم يستطيع ان يبعد عينيه منها، فهو لا ينكر انه زاد تعلقاً بها فـ مع جمال الصوت والخُلق وحبه لها اجتمع حُسن الصوره،اي حظ تملكه يا حاكم/صرتي بكرت العايله ومكتوب جنب اسمك زوجه ..يكفي الحكومه تعترف بهالزواج وش تبين اكثر؟ توق وهي ملاحظه قوة حضوره تغطي على رغبتها في كلامها الذي تنوي قوله، بالإضافه لأناقته ورائحة عطره التي اصابتها بالخدر ونظرات عينيه الحاده وهو يحادثها لاحظت انه قد خفف ذقنه كثير عن السابق ،بلعة ريقها بصعوبه محاولتاً تجنب مشاعرها وصدت وصبت له فنجان قهوه ومدته له/سم حاكم اخذ منها الفنجان وهو يهيم في رقتها ويرى نقش الحناء بهذه اليد الناعمه التي تصب له القهوه/سم الله عدوك.. توق صبت لنفسها فنجان وضلت متمسكه به وسكتت وهي تلتهي به، فكل شي أرادت قوله لم تعد تريد قوله/.. حاكم اخذ جرعه من الفنجان وعينه عليها.. انتهى ومد الفنجان مرّه أخرى لها/..تقهوي اضطرت تنزل فنجانها وتمد يدها لـتاخذ من يده الفنجان مسكت فنجانه وتفاجأت انه متمسك بالفنجان ورفعت عينها له وهي ساكته وكأنها تستفسر ..! حاكم استغل الفرصه وبصوت فيه بحه مع صوته المميز،همس لها بابتسامه/ما شاء الله سبحان اللي صورك باجمل صوره ازدادت حرارتها وشعرت وكأن وجهها يشتعل من شدة خجلها تركت الفنجان بيده/.. حاكم رغم رغبته الجامحه فيها إلا انه يستحيل ان يقترب منها بدون موافقتها، تناسى موضوعه الذي جاء من اجله و تردد وهو يود يسألها السؤال الذي يكرهه لكن رجولته تلح عليه السؤال/غصبوك؟ توق رفعت راسها عند هذا السؤال واستغربته/..!! ترك الفنجان على الطاوله و بدأ يداعب سبحته مُحاولاً إخفاء ربكته وخوفه من الجواب/ما جاوبتيني يا توق!.. غصبوك؟ توق وهي تداعب خاتمها وتلفه باصبعها، نظرت اليه و بشبه ابتسامة/تهمك الاجابه؟! حاكم وعينيه بعينيها لحظه.. وعلى شفاهها لحظات/جداً. رفعت عيناها لعينيه بشموخ و هي تعطيه نظرة ثقه/اجل حط ببالك معلومه مهمه "توق بنت فهد" ما تسوي شي ولا تقدم على خطوه الا برضاها.. اراحته اجابتها، ولكن هذه "الشيله" التي تضعها على رأسها،تضايقه.. وتحجب عنه كمال متعته، كيف خلف تلك الشجاعه المحتشمه فتنه ابدعها الخالق/الله يتمم لنا بخير. توق تذكرت سب منال بنت عمها و رفضها للزواج من ابناء عمها وعداوتهم ..يجب ان تذكره بان ماحدث بالماضي لم ينسوه بعد.. فهي تراه "متفاءل" قررت الحديث معه بواقعيه/حاكم لازم تعرف ان قبولي الزواج منك ما ينفي وجود المشاكل الحاصله بين اهالينا. حاكم بهدوء رجل وواقعيه/وليش نعيد الماضي وهو انتهى.. الحديث عن اللي صار في الماضي نقصان عقل.. ما نقدر نغير القدر بالكراهيه واظن المشكله انحلت من زمان واصحاب الحق اخذوا حقهم توق يعجبها اتزان عقله لكن واقع حديث اخوانها وقرايبها عكس تفاؤل حاكم، سقطت شيلتها وهبطت على كتفيها ولم تنتبه لسقوطها،فهي منشغله بمحادثته/تصنعك اللامبالاه ما ينهي هالمشكله يا حاكم، حط ببالك ان المشاكل مانتهت للحين وهم مانسوا، حط ببالك انك بتتعب،ترى الكل يدورن عليك الزلّه حاكم تاه بها وهو يرى ماخفي من الشعر المنثور على كامل ظهرها وجمرتي الشفاه التي تتحرك تدعيه لها/يقولون قلب العاشق يدمح الزلّه و يشوف عيوب خله بين المخاليق ميزه. هنا انخرست وزادت ربكتها وهي ترى بريق عينيه يحكي قصص العشق والرغبه، تمنت لو انه لم يعترف لها بالعشق الصريح، هذا الشي اثقل عليها وافقدها العزم انها تكمل خطتها وتنهي هذه العلاقه، توقفت وهي مازالت بمكانها/هذا اعجاب عابر؟! اقترب اكثر و صار بينهم سنتيمترات بسيطها وهو يسألها بإلحاح/لا والله ماهوب عابر.. جاوبيني تبيني مثلما انا ابيك؟ بخجلها كانت تحاول الابتعاد عنه خطوتين للوراء بخرس مؤقت، فجواب عينيها نعم. ولسانها يعجز عن نطقها/.. فهم بريق عينيها و سكوتها، الخجل الذي يكتسيها يجعلها اجمل مما يراها احد/انتي لي لو فيها قبايل توق طرأ عليها السؤال بدون ان تشعر.. كانت تخاف من المستقبل، تخاف من اخوتها واعمامها وابناء عمومتها الكل يقسم ان لا يتم زواجها ماعدا والدها/لين متى بيستمر زواجنا؟ حاكم استغرب سؤالها الآن ونبرتها التي توضّح مدى خوفها من فراقه، ورد بعفوية عاشق/لين الموت يا الاميره.. منتي حي الله بنت و انتي بنفسك قلتي محد غصبك على القبول بالزواج.. ليش اللحين احستس خايفه؟! توق بغصه وهي تتذكر اهلها الذين يكرهونه وتحرشات عمها الوقحه و المستمره، وبنفس الوقت هي لا تنكر ميولها وعشقها لهذا الفارس البدوي الشهم بنظرها رفعت عينيها اللامعه له وكأنها تترجاه ان لا يتركها/الله يستر من بعدين أراد تطمينها لانه اتضح الخوف عليها، خصوصا انه هو ابن براك الذي حدثت المشكله بسببه، هو يضيق ذرعاً من اتهام الناس لوالده لكنه يحتسب الاجر له/مهما حصل بالماضي انسيه ولا تفكرين بأحد..صار اللي صار و انتي اليوم حلالي.. ابوتس عطاني اغلى واجمل بنت وانا شاري قرب هالبنت وابيها.. غير هالشي ما يهمني،اوثقي بكلامي عينيها اللامعتين تعلقت بعينيه وهي تضم كفيها ببعضهما/اتمنى يا حاكم ان زواجنا فعلاً ينهي الخلاف وينسيهم الماضي … ابتسم وهو يرتاح لنبرتها التي يتبين من خلالها "القبول به"والتفت على كيس الهدايا و أخرج منها علبه سوداء صغيره يحيط بها شريط فضي. اتجه لتوق وفتح العلبه امامها و اخرج الخاتم الألماسي و مد يده بصمت و كأنه يستأذن ليمسك بيدها/.. توق رفعت يدها له لا شعورياً،كيف ان كل شي فيه يجذبها له وهي التي كانت تنوي ان تحدثه عن الانفصال!!كل الامور تنفلت منها وحاكم هو الذي يسيطر عليها حالياً /.. ألبسها الخاتم وهو يبتسم بسعاده وترك يدها وهو لا يود تركها لكنه رجل متزن عاقل،لم يحب ان يخيفها منه في أول لقاء، تصرفاته كلها كانت محسوبه،.. رفع عينه بعينها وتكلم بعفويه/ما اكذب لو قلت اني ماني مصدق اني اللحين واقف قبال بنت بكل هالذوق والجمال،كيف انتي بالذات من بين هالبنات صرتي حلالي. ابتسمت بخجل وهي تحاول ان لا تنظر لعينيه،ضلت تسمعه بسعاده وهي تداعب خاتمها بإصبعها و الخجل يكتسيها/ اكمل حديثه بسعاده لم يكن يتوقعها/ياما حلمت فيك من قبل اشوفك ومن قبل اعرفك.. وهذا انا شفتك وزاد التعلق.جبتي فيني العيد يا توق. توق كانت قريبه منه لدرجه سيطر عليها،مستغربه انه لم يستغل الوضع و لم يحاول لمسها لمسه واحده حتى،مع انها حلاله! .. هذا الشي رفع قدره عندها اكثر.. ابعد بهدوء وثقل/احمم.. انا ماشي ..تامرين بـ شي؟ طلبته بنبره فيها حياء وخجل/اجلس كمل قهوتك.. حاكم ناظرها واستقرت عينه على شفاهها وهي تتكلم وبلع ريقه وهو يحاول ان يمنع نفسه و لا يتهور/مشكوره يالاصيله. ماقصرتي بس لازم امشي بهذه اللحظات دخل عليهم.. و رآى توق تقف بالقرب من حاكم ومن الواضح انهما منسجمين، اشتعلت الغيره بقلبه واتجه لهم/ما شاء الله.. ما شاء الله !! حاكم غضب من دخول هذا الارعن في هذه اللحظه وهمس لتوق/غطي راسك و رووحي.. توق خافت من نبرته و نفذت أمره ورفعت الشيله بسرعه/هلا عمي حمد حمد تقدم مستعجل حتى فصل بينهما.. حاكم لم يحتمل تواجده بحضرة توق و أمرها/توق اخذي هالكيس و ادخلي بسرعه، بسعاده لم تتوقع ان تشعر بها بعد مقابلته، اخذت الكيس من يد حاكم و ذهبت لتدخل. . حمد استغررب اكثر انه يأمرها وهي تسمعه وتنفذ بدون اعتراض/خير يا بن براك اشوفك عندنا حاكم كرهه من اسلوبه الهمجي/ماجيتك ببيتك.. انا جاي بيت انسابي اشوف زوجتي… مفهوم؟ زووجتي << وشدد عليها حمد غطى قهره بابتسامة خبث/اي هيين.. حامض على بوزك تتزوجها ،شووف عيينك حظ غيييرك حاكم لاحظ نبرته فيها شي غريب/حشمة لنفسي ولأبو ناصر و زوجتي بمشي بدون ارد عليك حمد بعصبيه غير مبرره رفع صوته/وليه ماترد،علي يعني هاااه حاكم وهو يقف عند باب المجلس بدون ان يلتفت اليه/ما على السفيه حرج <<<خرج وتركه .. حمد جلس وهو يغلي من تجاهل حاكم، كلما يتذكر نظرات توق لحاكم يشتعل من داخله،( توق حقتي انا و انا اولى بها ). ، . ،، . عادت الى غرفتها وكانت بحال مغااير لقبل الخروج منها.. وضعت كيس الهدايا على السرير واخذت الورد وضلت تحتضنه بكفيها وهي تفكر (هذا اللي يسمونه السحر الحلال يا توق.. ..وش صار لي؟! نسيت وش كنت بقول! ..كيف اشغل لي كل حواسي فيه و ما قدرت اقاوم حضوره الطاغي !!..) تركت الورد وقامت بعد دقايق لتكمل تجهيزاتها قبل صلاة المغرب.. بعد ساعه و بعد تأديتها لصلاة المغرب .. قطع عليها ترديد اذكارها صوت الخادمه من خلف الباب/تووق توق بابتسامه للخادمه الفلبينيه التي تعمل لديهم منذ 13سنه تسافر وتعود لهم/ادخلي يا فاطمه دخلت فاطمه التي اصبحت تتكلم العربيه تقريباً/توق هبيبي هذا يجي لك توق وقفت واتجهت لها، استغربت/وش هالكيس بعد!! الخادمه/زوجك.. رجع مره ثاني ويعطي السواق هذي علشان انتي توق استغربت اكثر ماذا هناك غير تلك الهدايا طقم وخاتم الماس ووورد/خلاص فاطمه شكرا روحي فاطمه بابتسامتها/انا نسيت قولك مبروك زواجك توق بابتسامه لان فاطمه الوحيده التي باركت لها غير امها من هذا البيت/الله يبارك فيك شكرا فاطمه خرجت فاطمه .. … بلهفه فتحت الكيس و اخذت العلبه التي كانت مغلفه وفتحتها واكتشفت انه جوال من احدث الاجهزه و مُلصق فوقه ورقه مكتوبه بخط يد. . اخذتها بفضول وبدأت تقرأها بإبتسامة رضا [جوال بأسمي بشريحه مفوتره و الرقم موجود على بطاقة الشريحه.. وقبل انسى ترى رقمي في جهات الاتصال سجلته بدون أسم ..هالجوال خاص فينا خليه لي ولك وبس، راح انتظرك تفتحين الجوال وتتصلين بي في اقرب وقت.. .. زوجك] شعرت بدموعها تنزل من شدة سعادتها غير مصدقه ما يفعله هذا البدوي الذي استهونت به !! اخذت الجوال بيدها وفتحته و رآت الشريحه موجوده وكارتها موجود، كان قد جهز و خطط لكل شي.. ترددت في انها تشغل الجوال الآن. لكنها تراجعت و راحت تضعه في الخزانه بعدما سمعت صوت امها تستعجلها للخروج.. اخذت عبائتها الساتره التي تضعها على الراس.. ولبستها واخذت قفازاتها ولبستها وارتدت جواربها، ستذهب للقاعه و من المؤكد انها بجانب رجال، لابد لها ان تكون متستره و جمالها لا يراه سوى صاحب النصيب.. كانت ترتدي عبائتها وهي فقط تفكر به.. متأكده انه ينتظر منها تشغيل الجوال و اتصالها،..لكن هي متردده، يجب ان لا تكون مندفعه له في البدايه مهما كان انجذابها له، لابأس لو تركته ينتظر قليلاً !! ، . ، . ، . الساعه التاسعه ليلاً.. يجلس على الكورنيش وهو يغلق جاكيته عليه والهواء البارد يلفحه.. كان كل لحظه يُلقي نظره ويتأكد ما اذا كان متصلاً بالشبكه أم لا..! خاف ان تكون غضبت من "هدية الجوال"، ولكن لماذا تغضب"هي زوجته وحلاله".. لم يفكر يتزوج قبلاً ..و حينما تزوج ارتبط بـ بنت غريمه ويتزوجها بالصدفه الاجمل بحياته.. احتار من هذا الارتباط والامور التي حدثت معه بسهوله، و سحر اللقاء الأول ..! زواج بدون خطبه وبدون تخطيط.. لكن هذا الزواج منحه اجمل عروس..وكأنها "حلم وتحقق" او كأنها "دعوه مستجابه" صحى حاكم على صوت صديقه المقرب هزاع/ووين وصلت يا بو براك حاكم ابتسم له/حوولك هنا مارحت بعيد هزاع بابتسامه جانبيه/ههه من يومنك جيت من عند أنسابك وانت رايح وطي حاكم بتنهيده/ياليتني مارحت لهم يا هزاع والا اني عن درب الهوى حولت رجليه هزاع استغرب/مافهمت قصدك! حاكم وهو يفتح شماغه الذي يلتثم بها عن البرد/يا هزاع انت عارف من هم انسابي وعارف اللي صار بيننا من زمان.. كنت بروح وامهد لقطع العلاقه ولكني تولعت بها من غير ماحس هزاع ابتسم/يمكن خيره ونصيبك مكتوب عندهم.. يا ولد متى تزوج نبي نضحك عليك ونتزوج حاكم ابتسم/والله انه ودي هاليوم ..بس انت عارف اني من قبيله والغضي من قبيله.. لازم عرس وربعي وربعها كلهم يحضرون.. وانا شاايل هم جدي واعمامي لو عرفوا.. وانسابي بعد مارتحت لهم محد بارك لي غير ابو العروس. هزاع بعبوس/انت كذا ضيقت صدري، امورك كلها مشربكه حاكم وهو يُخرج هاتفه للمره الألف ليتأكد هل اتصلت ام لا/الله يزينها بس . ، ، | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
02-13-16, 05:03 AM
| #10 | ||||||||||||||||
| . في نفس الليله ولكن بمكان آخر.. وبالتحديد بـ قاعة الافراح.. كانت تجلس مع بنات خالها و تشعر بسعاده ورضا، هذه الليله كل شي يدعيها للابتسامه لكنها مستغربه لماذا تشعر وكأن،بنات اعمامها يتحاشونها،.. الوحيده التي جاءت لتسلم عليها هي مها.. ومها ملتزمه وتخاف الله وعاقله مع انها اصغرهن.. انتبهت لبنت خالها وصديقتها الروح بالروح تناديها/ جود وهي ترى خاتم توق وتغمز ببتساامه/مااشاااء الله هذا شكله جديد ااوول مره اشوفه بيدك، رايحه من وراي السوق توق وهي تتبسم وتتذكر لحظة لبسها الخاتم/لا ،هذا من خطيبي اليوم زارني جود اتسعت عينيها بحماس و نغزتها بيدها وهي تغمز بعينها/وااانااا اقوووول ليش اليوم مووورده والدم يضخ بوجهك اثااريك شايفه الخطيب اليوووم!! سمعتها منال وهي تمر من امامهم و رمقتها بنظرات ناريه وهي ذاهبه.. توق ارتبكت من الواضح ان منال سمعت/ااسسكتي فضحتيني جود وهي تنظر المكان الذي تنظر له توق/وانتي شعليك من منال هذا صار زوجك وحلالك.. وانتهى الموضوع..محد يحق له يعترض.. لا تسمحين لهم يضايقونك دام ابوك زوّجك بهالرجال وانتي حابته ماعليك من احد توق التفتت على جود بترجي/جوود اسكتي تكفيين، وش حاابته ذي، جود ناظرتها بنص عين/قلت حبيتيه بالمعنى المجازي لانك وافقتي عليه.. شفيك استنكرتي كلامي هههه توق وهي تلتهي بشعرها المنثور وتجمعه كله على جنب وتحاول تشتت الموضوع/مو مشكله.. وين راحت اختك هذي طولت جود ابتسمت ابتسامه صغيره/اعجبتني التصريفه.. تعرفين كيف تقفلين المواضيع توق لم ترد عليها… جود بفضولها قربت لها وهمست/هو حلو؟ توق هذه المره التفتت عليها بنظراتها الحاده/جووودوووه ان ما سسكتي كبيت هالعصير على فستانك، سكري ع الموضوع،لين نجلس لحالنا وبقولك كل شي جود وضعت يدها على فمها باستهبالها/سكتنااااا ، . ، . ، . . بعد عدة ايام ع الاحداث السابقه.. بالصحراء.. * كانت نائمه اغلب وقتها لأنها تعجز عن النوم ليلاً من خوفها ..استيقضت بانزعاج على اصوات الاطفال خارج الخيمه.. لم تصدق.. ظنت انها تحلم، لانها تفتقد جو الاطفال والازعاج!! خرجت لترى وهي تلبس ترنق رمادي وملتفه بالشال.. وقفت عند باب الخيمه لان جدها وضع "رواق" بمعنى سور شراعي حول خيام النساء وبذلك هي تاخذ راحتها… فجأه الاطفال توقفوا عن الركض وهم يرون هذه الغريبه التي تنظر اليهم بغرابه..!! سلهام ابتسمت فجأه وهي ترى كمية البراءه/انتم مييين يا حبااايبي واحد منهم /انتي اللي مييين.. هذي خيمة عمتي شيهانه سلهام انفجرت ضحك" ماشاء الله كل هذول اولاد عمي/هلااا بالعياااال. اقبلت شيهانه مبتسمه ومعها بنتين/السلام عليكم سلهام وهي متفاجأه من نظرات البنات لها/وعليكم السلام شيهانه بابتسامه/اخيرااا قمتي يالكسلانه… اعرفتس على صافيه و جازا بنات عمانتس وهذولي اخوانهم سلهام شافت قد ايش نعومات وصغيرات وبسيطات/هلابكم بنات ..اعذروني شكلي مبهذل كنت نايمه.. صافيه بابتسامه/عادي.. شلونتس سلهام؟ سلهام/بخير.. جازا بضيق ويدها على بطنها/انا حابه اجلس يا سلهام وبعدها اسولف معتس سلهام رحمتها لانها حيييل صغيره ،ليش حامل/حياكم تعالوا اجلسوا هنا علبال ما ادخل ابدل لبسي واعدل نفسي .. جازا وهي تدخل/لبى قلبتس ..محتاجه ارتاح.. دخلوا.. .، . ، بعد صلاة العشاء اجتمعوا البنات حول النار و يتبادلون الحكايات وقصصهم واخبارهم ، و سلهام جالسه تضبط ابريق "الكرك"/بنات من تبي كاسة كرك شيهانه/كلنا نحبه.. صبي لنا.. مدري عن جازا تنهدت جازا وهي تعدل جلستها/صبي لي بعد.. يا رب رحمتك تعبت خلاص ابي اولد سلهام لم تستطع ان تمسك نفسها و لا تتساءل عن وضع جازا/الله يعينك جازا .بأي شهر انتي؟ جازا بضيق/الثامن.. سلهام حززنت من شكلها يتبين انها صغيره جداً على هذا التعب/هذا اول بيبي لك؟ جازا بلا مبالاه وكأن الامر لا يعنيها/اي.. واظنه يكون الاخير سلهام استغربت من يأسها وهي صغيره/بعيد الشر ..ليش تتفاولين بهالشكل جازا ضحكت من تفاعلها… شيهانه ضاق صدرها وهي تتذكر طريقة زواج جازا/جازا ارتاحي شوي… مو لازم تسهرين معنا جازا قامت وهي مثقله بهمومها التي تكتنزها بداخلها/اي والله حاسه بارهاق يلا عن اذنكم بروح اريح شوي واروح دورة المياه صافيه فيها قهر على اختها وساكته/.. سلهام رآت جازا ذاهبه و التفتت على شيهانه/حرام شلون عمي هاجد يزوج بنته وهي صغيره مره كذا شيهانه ضاق صدرها.. صافيه أجابت عنها بحرقه/ومو كذا بعد.. جازا متزوجه رجال اكبر من ابوي.. سلهام سكتت مصدومه.. وتذكرت كلام جازا وهي تقول اظن يكون الاخير.. شيهانه/الله يصبرها.. سلهام عقدت حاجبيها/وهي ليش تسكت.. عمرها 16سنه.. انا بعمرها كان تفكيري كله منصب على اللعب و والاستهبال واقصى همي اول ثانوي. شلون عمي يقتل برائتها بهالشكل؟حراام صافيه بواقعيه لأنها هي سبق وان ذاقت الامرين في زواجها السابق ولم يرضى والدها ان تكون "مطلقه" الا بعد تدخل شيهانه التي ساعدتها في اقناع والدها/اذا حكم عليك ابوك يا سلهام. . من بتحتمين فيه غيره؟!! سلهام بلعة عبرتها وهي تتذكر تخلي والدها عنها هنا وابتسمت بانهزاميه/فعلاً ..اذا تركني ابوي من لي غيره سوى الله.. مع ذلك انا ماحب الضعف، الوحده لازم تكون اقوى. شيهانه اكثر من يعرف خبايا هذه العائله.. لم تحبذ المناقشه وقررت إنهائها/اذكري الله يا سلهام وقوموا خلونا نتسنن ونوتر وعقبها ننام شرايكم؟ سلهام ابتسمت لعمتها،التي شعرت معها براحه وسكينه افتقدتها بحياتها السابقه/عسى ربي يذكرك الشهاده. شيهانه/امين.. صافيه ببتسامه/يلا ، . ، . الدمـــام.. ** في مجلس الرجال… تميم دخل ومعه حاكم وهو ينادي/يا صقررر هات القهوه والقدوووع … . جلس وهو متردد من الكلام الذي سيقوله ومن اللازم ان يقوله.. دخل صقر بالقهوه والضيافه وسلم/ارررحب يا حاكم .. ..وقف وسلم عليه/هلابك صقر… وينك يا ولد معاد نشوفك صقر/الدراسه اشغلتنا تميم وهو يرمقه بنظراته الحاده/والله قومك السعسعه في الشوارع على هالموتر.. امما الدراسه سافطها على جنب صقر/لاززم تفضحناااا ههه حاكم/هههههه الله يصلحك.. تميم وهو ينظر له بحده/صب القهوه يا صقر و طس ذاكر صقر بابتسامه وهو يصب لهم القهوه/ابششششر تقهووا ..وراح صقر.. تميم وهو يلتفت على حاكم/هاااه.. وش عند الحاكم هالايام، لك فتره. منت على بعضك ودايم تسج حاكم بدون مقدمات/تملكت على بنت تميم علّق وجهه، ورد بغباء/كذا..!! حاكم بجمود/كذا… تميم استوعب وعقد حاجبيه/تتزوج من ورانا؟ ماخبرناها ذي.. بعدين من هاللي زوجك بدون اهلك حاكم عقد حاجبيه هو الآخر/ليه انا قاصر والا بنت علشان اتزوج بولي امر!! .. تراني رجال ابو 33سنه ..بعدين لا يكون تبي تتزوج معي تميم عفس وجهه بقرف/اتفلها من فمك.. اعوووذ بالله من الزواج.. حاكم لا يعجبه تزمت تميم و سبه للنساء ولكن لا يستطيع منعه من كراهيته لهن/طيب يا المعقد تميم بنظرات غير مطمئنه/ماقلت لي يعني من بنته العروس؟ حاكم تنهد/هنااا مربط الفرس يا تميم.. تميم خاف/وش قصدك حاكم بدون مقدمات/العروس هي بنت فهد الصارم تميم فتح عيونه ع الاخر مستنكر وتعزوا بأخته كعادة البدو يفخرون باخواتهم/انا اخو صيييته.. مناسب غريمك؟!!!. شلون وافقوا يعطونك بنتهم و بيننا دم!! حاكم بضيق/تميييم انت ماتعرف وش السبب تميم وهو يقطّب حاجبيه بغضب/يا بررووودك يااخي ماخبرتك كذا حاكم بهدوء مصطنع/انا بقوولك كل القصه اللي خلتني اتزوج توق تميم استغرب ان حاكم قال اسم زوجته ببساطه وتغاضى عن هذا الشي لان نطق اسم الزوجه بالنسبه له عيب<<<متشدد في نقطة الاهل.. وحاكم خرجت منه عفويه ولم يشعر بها اصلاً.. انتهى حاكم من سرد ما حدث ونظر لـ تميم/هاااه فهمت ليه الرجال زوجني بنته تميم سكت وهو في حيره من الأمر/الرجال عرض عليك بنته رد جميل لانك حفظت لهم عرضهم وانت واضح انك مرتاح لها وتبيها حاكم لم يعلّق، ضل ساكتاً يفكر/… تميم بعد تفكير بسيط/شوف يا حاكم ،جدي ماظنتي انه بيوافق، انت عارف ان عمي براك كان قرريب من جدي ويحبه مثلما الكل يحبه.. ماراح يقبل بنسب هالناس. حاكم بضيق فتح ازارير ثوبه من اعلى/وش السوات يا تميم..افزع لي تميم ببساطه/طلقها وارتاح.. حاكم حس بشوشره وضيق من هذا الاقتراح/هذا مب حل يا تميم.. تميم استنكر ردّه/كيف مهو حل؟..عجزان تطلق ؟!! ترى سهله وخل وجيه ال صارم تطيح مع بنتهم حاكم تنهد الضيقه/افهم ماقدر اطلقها يا تميم تميم استغرب/ابداً ترى سهله ليش مستصعبها.. هذا انا طلقت زوجتي ومرتاح.. وبعدين اذا انت فجأه حبيت فكرت الزواج، البنات تراهم واجد واكثر من الهم على القلب بعد حاكم اطلق تنهيده وهو يتذكر لقاءه الأول بها بعد الملكه و رؤيته لها وفنجان القهوه من يدها المزينه بنقش الحناء، جن جنونه لو طلقها و تزوجها غيره، هذه الفكره لم تدخل مزاجه ابداً/بس "توق" ماهيب حي الله بنت يا تميم تميم لم يستطيع ان يسكت اكثر من هكذا/هييي انت خبل..شلون تقول اسم زوجتك قدامي كذا، استح على وجهك كل شوي تووق تووق اسسستح بكره تمشي وتقول اسمها بالمجالس بعد حاكم يعرف حساسية تميم من هذا الموضوع .فكثيراً ما يتحسس هذا التميم.. و ابتسم على عصبيته الدائمه/هههه اسفين يا ولد مزنه نسينا انك متعقد تميم فتح عينيه على اتساعهما فيه/زين اللي محد موجود.. والا كان توطيت ببطنك، حاكم يضغط عليه محاولا رفع ضغطه وممازحته/تعقب تميم رفع كمه يمثل التهديد/من اللي يعقب؟ حاكم تكى وهو يشرب قهوته ومطنشه/انت اللي تعقب من غيرك قدامي بالمجلس يعني تميم هدأ وجلس وهو يتبسم/دام مافيه غيرنا خلاص بسامحك حاكم/هههههه لا صدق يا ولد تعااالج من هالعصبيه.. تميم وهو يصب لنفسه فنجان قهوه وبلا مبالاه/ماني عصبي.. حاكم انزل فنجانه وهو يرد عليه/تذكر اخوك صقر يوم مديت يدك عليه وخليته مجبس 3شهور .. وتذكر يوم تعصب على سيارتك لانها مبنشره في نص الطريق وحنا راجعين من البر وقتها كسرت القزاز الخلفي من موجة غضب الثيران تميم وهو يشرب قهوته بدون اهتمام/لحظات غضب عاديه وش فيك تدقق حاكم بجديّه/عاااديه هاااه!! اهم شي لا تاخذ معك بسيارتك سلاح لانك وقت ما تعصب تنسى نفسك وتغدي ثور هايج محد يقدر يوقفه. تميم بجديّه/خلك من ذالكلام ..وقول لي متى بتقول لجدي عن زواجك من بنت فهد الصارم حاكم تذكر هذا الموضوع الثقيل الذي يُطوق الهم على عاتقه/بكره باخذ اهلي معي وبنطلع لنجد.. وباذن الله بقول له تميم انبسط/زززين حتى انا ناوي اطلّع اهلي لنجد. نغمة جوال تصدح في المجلس وتقاطع حديثهم.. تميم أشر لحاكم/يا ولد ماتسمع انت؟.. رد على جوالك حاكم انتبه لجواله ،لكنه انقطع الاتصال وانتبه للرساله التي وصلته من التي انتظرها كثييراً .. وهو منذ ايام يسرح وينسى من حوله. من شدّة انشغاله بتلك التي الى الآن لم تتصل به!! .. خاف ان تكون لا تريده رغم انها قالت بنفسها و "أقرت بعدم ارغامها على الزواج منه.. اسئله كثييره تفقده صوابه وتجعله مشغولاً بها. اتسعت ابتسامته وهو يرى الرساله ومن دون ان يستاذن من تميم خرج مستعجلاً وهو عازم على ان يتصل بها ويسمع صوتها الليله.. تميم رآه يخرج بهذا الشكل واستغرب/حاااكم وين رايح؟ حاكم اكتفى بالاشاره بيده " يعني سلام'.. خرج وتركه ..! تميم بنظره ناقده/هالمشيه بلا شعور يا حاكم وراها بنت اكيد هي بنت الصارم مافيه غيرها.. ، . ، . يجلس بسيارته و يقرأ الرساله للمره الخامسه وهو يتأملها.. [مافيه غير الحياء يحول مابين وصلك وبيني!! شفني كل ما جيت بفتح الجوال ترجف يديني!!] ابتسم حاكم، لم يشعر بنفسه وهو يتصل بها و اسند رأسه على المرتبه..احب ان يسمع صوتها بالاول.. على الطرف الآخر بصوتها العذب،وبلهفه مكبوته/الوهه. حاكم كان يستمتع بصوتها الذي يعشقه و لم يتكلم/.. توق نادته للمره الثانيه كانت تظن ان الشبكه سيئه/..الوهه حاكم تسمعني؟ حاكم ابتسم وكأنها تراه وبصوته الهاادي/لبيه يا توق يقولها قلب حاكم قبل لسانه .. هنا انخرست من الخجل، .. حاكم أكمل بتنهيده/مرت الايام علي طويله وانا انتظرتس تفتحين جوالتس، لدرجة اني كرهت الجوال. ناويه على موتي انتي؟! توق بعفوية/بسم الله عليك حاكم أوقف سيارته على جانب الطريق من شدّة بعثرته بعد سماع صوتها، لن يركز على الطريق والسياره وهو يحادثها/تأخرتي علي حييل توق برداء الحياء والخجل،فضلت السكوت تسمعه،.. حاكم اكمل وهو يسمع صوت انفاسها المضطربه/ظنيت انتس بتكلميني ذيك الليله..لكنتس ماتصلتي! توق تنهدت وهي تسمعه اكثر منها تتكلم تشعر بضيقه .وماتقدر تعبر. حاكم ببتسامه وهو يتذكر المسج،احب فقط ان يفتح معها موضوع/المسج اعجبني، شكلتس شاعره؟ هذا السؤال دائماً ما يتردد عليها لكنها تخفي جوابه، و صدرها مثقل.. من علاقتها التي اصبحت مضطربه مع عائلتها/لا.. بس اكتب شعوري لحظتها ما اسميه شعر.. شعر ان نبرتها تخفي همّاً/متضايقه من شي؟ ردت وهي تحاول اخفاء ضيقها/ممم لا .. هو يعرف ان ظروف زواجهما لم تكن مناسبه رغم توافقهما/لا تنكرين ياتوق.. انا شايف رفض الزواج في عيون خوانتس وعيال عمانتس.. حتى محد بارك لي منهم..اخاف انهم ضايقوتس وانتي تخبين علي، تكفين قولي تذكرت كلام اخوها عبدالرحمن وتلميحات عمها حمد و كلام منال المسموم وقررت قرارها/المهم عندي ابوي والزواج تم باختياره ورضاه حاكم اعجبه ردها/... ضلوا يسولفون.. / / / / في البر بعد منتصف الليل.. استيقضت وهي تشعر بحركه غريبه في خيمة المطبخ القريبه منها.. وقفت وهي تسمي بالرحمن… اتجهت للدولاب الذي بجانبها واخذت البندقيه الهوائيه هي تظن انها ناقه في داخل المطبخ او كلب ضال..و خرجت متجهه للمطبخ دخلت وهي تصرخ/برراا صرخت شيهانه وهي ترمي ابريق الشاي من يدها وينكب/بسسسم الله الرحمن الرحيم وشش بلاااتس علي تالي هالليول سلهام نزلت السلاح بسرعه وهي تتنفس بسرعه وكأنها كانت تركض/اسفه عمتي ظنيتك ناقه زي العاده شيهانه كتمت ضحكتها/دكيتي في عقلي حسبي عليك ظنيتيني ناقه"!!..طيب واذا نااقه جايبه السلاح ليه ..تبين تذبحين حلالنا ههههه سلهام وهي تبعد شعرها خلف اذنها باصبعها/شدراااني بعد خفت ..بعدين انتي وش قاعده تسوين هنا بعد نص الليل شيهانه وهي تاخذ الابريق وتغسله لتعد الشاي من جديد/جايه اتسحر.. بصوم سلهام استغربت/وش صيامه؟ للحين ما صمتي حق رمضان شيهانه/لا يالخبله.. بكره الخميس صوم تطوع يعني تصومين معي؟ سلهام ابتسمت لها، وهي تشعر بأن عمتها غييير عن كل شخص عرفته، انسانه عفويه صادقه حنوونه،عقلها اكبر من سنها، تمنت لو تصبح مثلها/ماشاء الله..ياليت اقدر اصوم معك بكره شيهانه تذكرتها/ايه نسسسيت انك معذوره. سلهام اتجهت لها و طبعت قبله على رأسها و اخذت الابريق منها/اجللسي انتي تسحري و انا اللي بسوي لك الشاهي شيهانه بابتسامه/ههه مانقول لا .. / / | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
02-13-16, 05:04 AM
| #11 | ||||||||||||||||
| تتمة الفصل الرابع.. اليوم الثاني بالبر.. وصل الجميع .. سلموا على الجد الذي يسعد دوماً برؤية احفاده… ام حاكم وام تميم ضلوا عند الجد يحتسون معه القهوه ويتبادلون الاحاديث والبنات ذهبوا عند شيهانه.. اما الشباب ذهبوا لرؤية الحلال .. عند مربط الخيل* ضلا واقفين يتحدثان عن أمر يبدو انه مهم..كيف سيخبر حاكم جده . هذا كل ما يشغلهما الآن..فبالرغم من أن تميم ليس متحمس للموضوع ولكنه يؤمن ان حاكم يستحق من يقف بجانبه، هو كان الأخ له قبل ان يكون ابن العم .. صقر الذي يقف عند الخيول لاحظ عددها الناقص/يا عيال كأن سفاح مب موجود؟ والا!! تميم التفت صوبه لأن "سفاح" اسم حصانه/وش تقول انت؟ حاكم وجد ما يسليه وقرر ان يستمتع باستفزازه/انحاش منك هههه صقر/ولا يكون باعه جدي تميم وهو يفتح الشماغ وينسفه للأعلى مره اخرى/اخووو صيييته!! حاكم بابتسامه تغيضه/يا ولد شكل سفاح صدز انحاش منك تركهم هذا الغاضب واتجه للجد وهو يتحنحن/يا عرررب الشايب عرف انه غاضبٌ من نبرته المعروفه/تعااال يا ولد تميم دخل وهو يكبت غضبه/جدي وين سفاح؟ الشايب بلا مبالاه/اخبر ان بنت سعود عند الخيل قبل شوي وعلمتها باساميهم وسولفنا عندها واظنها اعجبها سفاح قالت بتاخذه وعطيته لها الحريم استنكروا هذا الشيء "عيييب" فهي بنت!! تميم باشمئزاز/وشهوو..هي تعقب دون سفاح.. مالقت غيره! الجد بنبرة تحدي، وكأنه اعجبه استفزازه/إلحقها وردها كان فيك خير الحريم سكتوا مستغربين حديث الجد الذي يتضح انه يستفز به تميم!! تميم اصبح كتلة نار مشتعله من شدة غضبه من تصرفها الذي يعرف تماماً قصدها منه…هو يكرهها لا يطيقها فهي بنظره ارخص فتاه.. تركهم و عاد للشباب عند مربط الخيل.. وقف قليلاً محاولاً ان يهدأ ولكنه لم يهدأ .. حاكم استغرب جموده/تميم علامك يا ولد ..لم يعد يقوى على الصبر و كلمات جده المستفزه تتردد في أذنيه، ربط الشماغ على راسه بشكل محكم و اخذ احد الاحصنه بدون ان يرد على احد وانطلق مسرعاً بالاتجاه الذي رآى اثار حصانه يمشي به.. صقر/شفيييه ذااا حاكم وهو يكتم ضحكته من تصرفات تميم.. فهو حينما يغضب لا يعرف ماذا يفعل/يا ولد فكنا منه.. خله يروح يفك حرته في مكان بعيد عنا.. تعال يا صقر نروح لجدي… صقر/هههه في ذي صدقت اعووووذ بالله من عصبيته اشهد اني مجربها هههه حاكم/الله يعينكم عليه صقر/هههههههههه / / / يسابق الريح وهو ذاهب باتجاهها.. براكين غضب تتقد بصدره ويحدث نفسه (اكيد هربت هالوصخه، اكيد لقت لها حرامي ينحّشها .. والله ان اوريها وان تعرف ان الله حق.. هي متعمده تاخذ حصاني بالذات علشان تغيضني.. ان ما وريتها.. دامها ما تستحي انا اللي بربيها).. . ، . كانت تتمشى بصحبة الحصان بهدوء لان ظهرها يؤلمها لو ركبته بحالتها هذه.. خلال ايام قليله تعلمت من جدها وعمتها ركوب الخيل لكن نادر تركبها واليوم ماتقدر تركبها .. تنهدت وهي تمسح على ناصية الخيل"لولا جدي طيّب وخاطره وسيع والا كان انا اللحين ميته من قهري وغبنتي".. "ابتسمت بخبث وهي تدلل الخيل وتحدثها " هذا حصانك يا تميم. ههه هذا هو معي وراح يوصلك الخبر اكيد يالحمش ساعتها ينفجر فيك عرق من قهرك.. وبعد راح تشوف شي يجننك لو حاولت تأذيني .. شي يخليك تندم انك كسرت جوالي وحرمتني من هيثم..ماراح استضعف لك يا مستقوي". سمعت صوت عدو خيل يأتي من صوب جهة الخيام. .وخافت.. "لا يكون هو!!.. والله ما اخليه يستفرد فيني والله. اقبل وهو يجهر بصوته بصراخ/سلهااااااام سلهام انرررعبت من النبره، يتضح ان هذا الوحش قادم لقتلها ولا أقل من ذلك/والله ماعطيه فرصه يستفرد فيني. أمتطت صهوة الحصان بسرعه و انطلقت هاربه منه،غير مباليه بحجابها لانها اصلاً متهاونه به. فلم تكن تتحجب اصلا.. الا عندما تنزل السعوديه و ايضاً حجاب مهمل و بدون غطا.. انطلقت بسرعه ..وهي تشعر بنشوة النصر.. تميم زاد غيضه وهي تهرب منه، حاول يقترب منها/قلتلك ووووقفي يالـ… سلهام وهي تُغيضه اكثر رفعت صوتها حتى يسمعها/اوول مره اتعلم الخيل و اسوي سبق و سبقتك ههههه موووت احسن لك مووووووت .. اصبح خلفها بالضبط لم يتسنى له تجاوزها او ان يكون بمحاذاتها على الأقل.. لم يتقبل رؤيتها تهزمه بدون ان يفعل لها شي ،اخذ عقاله من شماغه وبكامل حقده عليها وقوته رماها في ظهرها بقوه.. لدرجة انها صرخت وهدأت من سرعتها، لا تنقصها اوجاع ظهرها ايضاً ليزيدها بضربه.. بعدما هدأت سرعتها اصبح بمحاذاتها وهو يرمقها بتهديد/انزززلي يا حيوااانه سلهام نظرت اليه بحقد وهي تفكر بمكيده، فلن تستسلم له بهذه البساطه، لم تعتد الهزيمه/طيب.. هدأت سرعتها.. الى ان رآت تميم يترجل من حصانه ويتجه لها.. هنااا شعرت ان الوقت لصالحها.. انطلقت من جديد بسرعتها وهي تضحك من اعماق قلبها على شكله المذهول وهي تهرب وتتركه.. ..رغم انه ضربها ضربه مؤلمه الا انها يستحيل ان تُريه نفسها وهي تتألم.. .. توقف مذهول من ما فعلت به..كيف لها ان تكون بهذه الخباثه والمكر. ..صرخ بغضب في مكانه وركب الحصان ولحق بها ولكنها ابعدت كثيرا و لم يعد باستطاعته اللحاق بها..تجمد كل شي بداخله وهو يرى فتاه مثلها تسخر منه.. ، . وصلت سلهام وهي ترى حاكم الذي يثير اعجابها برجولته واحترامه.. نزلت بعيده عنهم وتلف شالها الشتوي على راسها بسرعه قبل ان ينتبهوا انها بدون غطاء رأس.. حاكم الذي يغض بصره دائماً التفت لجهة صقر/افاااا سبقته البنت صقر ابتسم بخوف/اللحين تميم فيوزاته ضاربه ..بنحاش حاكم بابتسامة شماته/اقووول اقعد خلنا نتفرج عليها، قسم انها فرصه نطقطق عليه صقر/اممااا اطقطق عليه وصل تميم و ترجل من حصانه وهو محبط.. رآى حصانه مكانه.. وسلهام ذاهبه من بعيد.. حلف بالله أيماناً مغلضه ان لا يتركها بدون عقاب.. وان انتقامه سيكون بشكل هي لن تتخيله.. حاكم وهو يضحك على تميم فهو يعرف حساسيته من البنات ،ضل يتشمت ويمازحه/لقط وووجهك لقطه ههههه.. ياااااااووو فازت عليه البنت تميم نزل ع الارض واخذ حجر وهو يرجم حاكم/علي الحرام ان ما سكتوا لفقع وجيهكم صقر/هههههه خسررراااان خسرراااان تميم انطلق ناحية اخيه الذي هرب.. وضلوا يمازحونه و يسخرون مما حدث له.. ، . ، . توقفت قليلاً قبل ان تدخل الخيمه فضربت تميم لها "أوجعتها كثيراً" ..تمنت انها لم تصطحب الخيل اليوم.. لأن تميم لحق بها وأرغمها على الركوب هذا الشي ارهقها مع مغص بطنها شيء مؤلم .. بعد دقائق دخلت على البنات وهي تستغرب الوجوه الجديده.. كانت تمسك بظهرها ويتضح انه يؤلمها ،اسطنعت الابتسامه وهي تقول بداخلها "الظاهر اعمامي مالهم وظيفه غير التفقيس.. واااجد عيال عماني ما شاء الله كل يوم يجون ثجيه جديده" /السلام عليكم الكل وقف للسلام عليها/وعليكم السلام.. . صيته ودلال و وصايف قاموا وسلمو عليها وهم مبسوطين بمعرفتها. شيهانه وهي تلاحظ تغير لون وجهها/سلهااام وين رحتي ع الخيل؟.. حيل طولتي وانتي.. <<<سكتت ماتبي تحرجها سلهام ابتسمت بمكر وهي تحدث نفسها (فرصه افشّل تميم)/ابد كنت اتمشى و نسيت نفسي.. لين لحقني تميم.. الظاهر كان يبي يسوي سبق معي .. بس فزت عليه ما امداه صيته استغربت جرأتها على الحديث وابتسمت بشماته/احححلفي انك فزتي على اخوي سلهام/اسألي اخوك واخوك الثاني شفته واقف مع حاكم.. شهدوا على خسارة تميم شيهانه وهي تضحك/والله بحياته محد غلب تميم غير حاكم ..انتي الاولى. دلال البنت النعوومه/هههه من جد ماني مصدقه، اللحين اخوي نار شابه.. لحد يكلمه هههه صيته اتجهت لها بخفة دمها وهي تجلس جانب سلهام/خلاااااص من اللحييين انتي صديقتي دامك فزتي على تميم وخليتيه يعصب.. فأنتي فزتي و تعديتي مرحلة الوحش يالقويه سلهام اعجبها تفاعلها معها وضحكت من قلب/شكله باط كبودكم هالتميم بس اعجبك لا تخافين قهرته هههه صيته وهي تعبس/الا دااايم معصب وما يمسك اعصابه اذا زعل..والا اخوي رجال وكفو بسم الله عليه سلهام تذكرت صراخه بوجهها تلك الليله وتكسيره لجوالها وكلماته الموجعه.. وتذكرت ضربه لظهرها بالعقال وهي فوق الخيل..وهي تتمتم بداخلها" إلا شرس حسبي الله عليه اخاف بس تعلّم ضربة العقال بظهري" شيهانه استغربت ان سلهام تمسك ظهرها باستمرار.. يتضح انها تتألم.. رحمتها كعادتهت/سلهام يوجعك شيء يا قلبي؟ سلهام ابتسمت لها بحب/لا ..مافيني شي.. هاتي القهوه خليني اصب عنك، انتي صايمه يا عمه وصايف وهي تاخذ الدلّه من عمتها/لا انا اللي بصب القهوه انتي تمسكين ظهرك يا سلهام شكله يوجعتس سلهام ابعدت يدها عن ظهرها و تتظاهر بأنها بخير/لا بس يمكن علشاني اول مره اطول ع الخيل وكذا ماتعودت شيهانه لم تصدقها وخافت من لونها الذي اصفر ّفجأه..! لحظات ودخلوا أم تميم وام حاكم.. وسلموا.. ام حاكم ناظرت سلهام بابتسامه/انتي بنت سعود اللي يمدحتس الشايب سلهام وقفت لتسلم بابتسامه "فددديت هالشايب"،كانت تشعر بدوخه/الله الله انتي شلونك خالتي.. ام حاكم/بخير الحمدلله.. انا ام حاكم سلهام/هلابك خالتي ام حاكم ام تميم تناظرها ونااقده عليها وهي تثبت برقعها بيدها/يا عيباااه يا سلهام راكبه الخيل!! سلهام خافت من نظراتها الحاده وشعور الدوخه يزيد معها/هاه!! شيهانه ماقدرت تسكت،/ههههه والله حتى انا اركب الخيل اصلا انا اللي دربتها ام تميم ابتسمت وهي ترى سلهام تغير لون وجهها/لا تخافين خذي راحتتس انتي بالبر صيته/ههههه روعتيها يمه سلهام فهمت ان هذه السيده هي أم تميم وعرفت لماذا قلبها انقبض منها، شعرت بشي ثقيل ينزل منها أحست وكأن خاصرتها ستتقطع من شدة الألم، ستتعذر بأي عذر للذهاب لوحدها قليلاً/عن اذنكم انا رايحه ازيد الفناجيل.. ، . ، . في المطبخ المجهز بكل شي حتى الثلاجه التي تعمل على الغاز.. فتحت الدرج وهي تاخذ كاسه وتوقفت من شدة الألم الذي تسبب فيه تميم ،،تفكر ماذا سيفعل هذا الرجل لها.. والله لن يدعها بحالها ابداً . شعرت بيد تهبط على كتفها وبسررعه أدارت نفسها و هي تشهق و يتضح خوفها/تميييم! شيهانه ابتسمت بحنان وقد فهمت السبب/وش سوالتس تميم هااه.. قولي لي واروح اغسل شراعه تراني امون عليهم كلهم. سلهام خافت تكبر المسائل بدون داعي/وانتي ليه تظنين انه سوالي شي يعني؟! شيهانه بهدوء/لاني عارفه عصبيته ما يعرف يمسك اعصابه اذا زعل ..قلت يمكن زعل وتمادى معك لانك اخذتي حصانه سلهام وهي تبتسم على مضض/لا لا ما سوالي شي ابددد ، بس انا شوي منحرجه منه وكنت افكر بالموقف عشان كذا قلت اسمه بعفويه لا اكثر شيهانه/اكيدد؟!! سلهام/ايه اكيد.. ويلا لا نتأخر على الناس. شيهانه ابتسمت/وكأنك تعودتي على المكان سلهام ترتاح لعمتها لانها تُشعرها بالامان و دائماً ماتقف بجانبها/لازم اتأقلم.. بعدين العيشه معك ومع جدي تخلي الواحد ينسى اهله..اصلاً انتم اهلي الله لا يحرمني منكم شيهانه/لبى قلبتس..اجل يلا مشينا للحريم سلهام هنا توقفت لم تعد قادره على المجامله اكثر..فهي وصلت للحد الاعلى من التحمل.. الدوخه أعمتها مع هذا الشي اللي ينزل منها بكثافه.. / / ، في جلسه رائقه حول النار ..تفوح رائحة القهوه العربيه ممزوجه برائحة حطب "السمر" مكونةً رائحة تُريح الاعصاب. تميم يمد لجده فنجان القهوه ويبادله الاحاديث ويتشاوران على عزيمة كبيره تجمع العائله تكريماً لسلهام ولن يكون والد سلهام من ضمنهم.. بينما حاكم على الطرف الآخر و عقله شارد في شي آخر.. الجد بابتسامه/حاكم !! لم ينتبه له..!! تميم رفع صوته قليلاً لينتبه له/حاااكم.. جدي يكلمك حاكم التفت عليه/سم يا جدي الجد بابتسامه حانيه لأقرب الأحفاد لقلبه/شكل منت حولنا.. وش بلاك لك ايام منت معنا حاكم شعر انها الفرصه المناسبه لمصارحة جده وابتدأ ببيتين شعر تصف حالته/ انا مابلاي الا غزالٍ عيونه سود= خذا القلب من بين المعاليق واقفابه وانا لي عشير كل يوم غلاه يزود= وحب العرب ينقص وهو زاد بحسابه تزايد غلاها والهوى تابعه مقرود = الا واهني اللي هوى الترف ماصابه وانا سامح مادام هو بالوطن موجود= وهل العباير خوفي الترف يغدابه.. الجد ابتسم دلالة على انه فهم مقصده/ابشر بها يا حاكم..منهي بنتن له بس؟.. نتعنى لها لجلك ونخطبها لك ونبذل مهرها لو هو حيل غاالي حاكم ارتاح بشكل مبدأي/عساك تبشر بالجنه ياجدي.. تميم يراقب الوضع بسكوت و يترقب ردود الفعل لما سيقوله حاكم بعد قليل.. الجد بفضول.. فحفيده طلب الزواج اخيراً . وقد تأخر كثيرا بطلبه/بس ماقلت لي من هي بنتن له يا حاكم؟ حاكم بدأ يقص له ما سبق و حدث وكيف تزوج ابنت غريمهم السابق… وانتهى/هذا اللي صار يا جدي.. الجد ضل صامتاً وهو يعقد حاجبيه، واتضحت على ملامحه رسوم الغضب و بدا كل شي يزعجه وكأنه لمح صورة بنت بلغت من الجمال ماجعلها عرضه لحديث جيلها مضت سنين من عمره ولم ينساها لمحها الآن تقف امامه بعينيها الواسعتان وبريق العشق في عينيها تقف امامه بجوار مورد الماء و يسمع صوتها الذي لطالما عشق نبرته وهي تعده قبل رحيله مع أبله لمراعي اخرى (رووح يابن براك بنتظرك لو غبت سنين ..والله مانزع يدي لين تنزعها).. وكأن سماعه حديث حاكم و قصة زواجه من ابنة ال صارم قد بعثر امامه شيء من الماضي الذي حاول جاهداً نسيانه.. حاكم خاف من طول صمت جده.. فهذا يعني عدم رضاه/جدي تكلم ليش سكتت.. صدقني هذا اللي صار.. تميم همس لحاكم/جدي شكله عصصب ،قلت لك طلقها قبل تقول له حاكم رمقه بنظرة ناريه وعاد ليستجدي الجواب من جده/جدي..طلبتك لا تسكت، قوول اي شي انفداك الجد استقام واقفاً وتحدث بصوته الأجش/وش تبيني اقول يا سميي؟..انت ولد الضحيه اللي استهانوا بدمه قبل سنين..وش تبي بنسب ناس ماحترموا الصداقه والوفاء..نسيت اللي صار لابوك؟! حاكم يتذكر الذي حدث لوالده جيداً لكن لماذا يُصر عليه الجميع ان لا ينسى وان لا يتجاوز احزانه فلا احد بلغ حزنه على فقد ابيه.. وقتها كان في الكليه الامنيه/لا يابوي مانسيت.. لكن هذي سالفه وهذيك سالفه.. يبه انا تزوجت بنتهم وهي عطى منهم وبنات العرب ماتنرد الجد خاف و رمقه بنظرة ناريه/دخلت بها؟ حاكم بغصّه/تملكت عليها.. وانتظرك تروح معي نحدد الزواج ونتكلم في تفاصيله انت لازم تكون معي انا ماقدر تزوج بدونك يا عزوتي تدري انها من قبيله وانا من قبيله الجد بضيق وغضب/وش نبي في ناس بناتهم عوب،،العوبا كذاابه و ما تنوخذ زوجه حاكم انصدم من رده/وش قصدك يا جدي؟!! الجد باصرار/يعني اطلب الله هالزواج ماني راضي به.. وهالبنت مانبيها.نسب ال صارم مايشرف، واذا انت بالحيل تبي الزواج.. شوف بنات عمك وش كثرهن حاكم باصراره هو الآخر/وان قلت لك اني ما ابي غير بنت فهد الصارم وش بتقول الجد بجديّه اتضحت في ملامحه ونبرة /لا انت حفيدي ولا اعرفك حاكم بضيق/بس يا جدي انت كذا تجور علي.. الجد بصرامه/قفل السيره ولا عاد تطريها علي.. تبي الناس بكره تقول هذا نسى اللي صار لابوه وتزوج من بنات غريمه.. وقف وهو يحس باختناق، يتضح له الآن انه بطريق مسدود.. الجد أوقفه بصوته/على وووين؟ لا يكون رايح لهم حاكم بدون يلتفت عليه/تطمن يا جدي ماني رايح لهم.. الجد أمره بصرامه/طلقها حاكم شعر بغصّه وخرج مسرعاً ،قبل ان يجبره جده على ما يكره.. خرج مسرعاً وهو صامت اتجه لسيارته و هرب.. تميم رآى بعينيه انهيار حاكم وسكوته،قرر ان يلحق به ولكنه سمع صوت عمته شيهانه تنادي وتستنجد وتعزوا بعزوته المعروفه/اخووو صيييته الجد تناسى ما قال حاكم و تعكز على عصاه وذهب معه/وش العلم.. . ، . يتبع قراءه ممتعه* | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
|
02-28-16, 12:38 AM
| #12 | ||||||||||||||||
| لا يغرّك خُبثك الموجود في ثنايا خصامك. ثق بأنني املك قلباً في مواجهتك اقسى من الصخر..!! أوليس قد تحدث القرآن عن عِظم كيدي؟! فلو جعلتك تربح جولة في معركه..هو "فضل مني" و ثق تماماً ان من ستربح الحرب هي أنا. عذابك واغاضتك هما الآن هدفي حتى لو اضطررت للتضحيه بنفسي!! فكرهك الاعمى لي ، نفسيتك المريضه، حقارة تعاملك.. كلها لا تعنيني! تأكد انك في مواجهتي ستكون (اكبر الخاسرين).. ،.،.،.،.،.، ، . اتجه مسرع لمصدر الصوت من اتجاه "خيمة المطبخ".. وكان خلفه الجد. تميم رأى اخته صيته و مسكها من ذراعها ونفضها بقوه/وين عمتي علامها تنادي؟. صيته وهي مرتبكه/سلهام طاحت مغمي عليها وماقدرنا نصحيها.. تميم هدأ ولا اهتم/وبسس ظنيت صاير مصيبه، عساها تموت صيته انقهرت من رده البارد/حس يااخي حسس البنت فاقده الوعي تميم/اقوول انقلعي عن وجهي لا اوريتس شغلتس الجد التفت عليه بحده ودخل الخيمه وهو ينادي/شيهاانه شيهانه كانت ترفع رأس سلهام محاولتاً إقاظها.. و تذكرت الدوره اليوم، وركوبها الخيل وظهرها الذي تمسكه منذ ان نزلت من الحصان.. الجد توقف عندها وهو قلق/وش فيها بنيتنا؟ شيهانه ودموعها تنهمر/يبه الحقني مدري شفيها الجد/غطوها وجيبوها للسياره بسرعه وديها انتي و خلي صيته تساعدك بتوصيلها للسياره وروحوا مع تميم.. صيته دخلت/تميم راح و رافض يوديها. بدأت تصحصح مع قطرات الماء التي بللت وجهها من يد شيهانه.وسمعت من صيته "رفض تميم لمساعدتها" و شعورها بالضعف يسري بجسمها، همست بصوت ضعيييف/عـمتي.. الجد انقهر اكثر من تصرف تميم و خرج له وناداه/تمييييم ..كان متجه لسيارته و تاركهم بلا مبالاه..(ما عليه منها وعساها بالحريقه) اصلاً هو سعيد بما اصابها ..!! ..سمع صوت جده والتفت عليه/سم يا جدي.. الجد بنبرة أمر/بسررعه قرّب سيارتك للخيام.. بتاخذ سلهام مع شيهانه.. تميم استنكر هذا الطلب/وشهووو؟!! الجد عصب من اشمئزاز تميم/ماني خابرك قليل مرؤوه يا تميم عجز عن الرد ، فليس له بُد من ان يوصلهم/انا رايح اوديهم وامري لله.. ، اتجه بسيارته لهم،وهو يرى شيهانه وصيته يسندونها و كأنها بنصف وعيها. وطولوا.. و بدأ يتأفأف ويتذمر/خلصووووني شيهانه/تعااال ساعدنا شوي تميم بسخريه/والله معاد الا هي ،شرايكم اشيلها بعد صيته انقهرت من بروده/مافيها شي ياخي..حاله انسانيه، البنت مغمي عليها وحالتها الله يعلمها، تميم بنبرة زجر/صيتاااان ان ما سكتي قصيت لسانتس * تسمع صوته المستفز وهو يرفض مساعدتها وهي بالاصل كارهه ان يوصلها هذا الناقم المتعجرف.. لا تستطيع ان ترفع صوتها لتُسمعه ماتريد قوله.. لاحظهم طوولوا ومل من الانتظار.. ونزل واتجه لهم/ابعدي عنها يا صيته بساعدها انا الكل استغرب تفضله عليها/!! تميم حاول يسندها وطلب من عمته ان تتركها له وتأتي بجوالها وعبائتها هي.. ذهبت شيهانه.. وتفاجأ هو بهمس "سلهام" له/افضّل اموت عطش بهالصحراء وتاكل جثتي السباع ولا انك انت تساعدني يا تميم *حاولت افتكاك يدها من يده لكن قوتها المتواضعه لم تسعفها. الكل غير مصدق ان تميم تنازل، لكنهم يعرفون انه يريد ان ينهي الموضوع لأجل الجد فقط "ويفتك"... تميم تحولت نظراته العاديه الى شرارات غضب تلهبها.. زم شفتيه بغضب و دفعها عنه بقوه و بقسوه لتسقط ارضاً و تركهم... متجاهلاً نداءات جده وشيهانه.. والجميع.. ركب سيارته وانطلق مبتعداً وقد بلغ من الغضب ما يُعمي قلبه. هذه السافله لن يرتاح حتى تبتعد من هنا.. لن يرحمها ولو ماتت ..سيُحرق جثتها..هي بنظره تستحق الموت!! . ، . من جهة اخرى، عند حاكم.. كان يقود سيارته بدون هدف تائه في معمعه ودوامه لا يستطيع الخروج منها، فـ جده يرفض الذهاب معه، سيرفض الجميع بالتأكيد لرفض جده، و فكرة ترك "توق" اصبحت مستحيله.. والاكيد ان قربها سيصبح اصعب ، كيف سيواجه اهل توق بدون اهله وهو قد وعدهم ان يأتي بحضورهم.. فهي ابنة عائله وقبيله اخرى غير قبيلته،ليست من بنات عمه ..مما يعني ان الزواج يجب ان يتم على اصوله المتبعه.. حيره ما بعدها حيره.. امسك بهاتفه وهو يبحث عن رقمها ليرى اسمها يريد محادثتها و سماع صوتها، سيشعر بتحسن، هو متأكد من ذلك.. رُغماً عنه ضغط زر الاتصال وانتظر صوتها يصله، لم تتأخر بعد على الرد ولكنه يتوتر حينما لا ترد عليه بسرعه.. اتصل بها كثيراً و لم ترد عليه..!! أغلق هاتفه بهدوء ويديه تتجمد من برودتها وكأن الدم يتجمد في عروقه.. اكمل طريقه وهو يدعس بقدمه دواسة البنزين والسرعه تزيد تدريجياً وكأنه فقد السيطره على اقدامه، ومازال طلب جده يتردد في إذنه (طــلــقــهـــاا).. ..وصل مؤشر السرعه 200 وهو شارد الذهن و غير منتبه.!! وكل ما يتردد بأذنه كلام جده ورفضه لزواجه من ابنة فهد الصارم .. ، . ، . الساعه قاربت الـ1بعد منتصف الليل..* اوقف سيارته على طرف الطريق لا يعرف اين توقف كان يقود سيارته بلا هدف.. تنفس بعمق ونفث سموم عصبيته هو يشعر بأنه قد نفس عن شيء من غضبه.. تذكر ماذا فعل .. وكيف الحاله الذي ترك عليها سلهام واهله!!..والمهم بالنسبه له هو "جده" مهما فعل تميم فهو رجل مسئول تحمل الكثير من اعباء الرجال منذ كان طفلاً..على الرغم من وجود والده الصوري!! اخرج هاتفه من جيبه.. واتصل بأمه ليسألها عن ما حدث بعد تركه لهم..! تميم بهدوء وهو يسمع صوت أمه وتبدو غاضبه بما أنها لم تنم بعد/السلام عليكم ام تميم اتضح بصوتها الغضب/وعليكم السلام.. وينك رايح وتارك النار وراك مشتعله تميم بلا مبالاه/بشريني عساها ماتت بس ام تميم استنكرت حديثه/وشووو!!.. ماهقيتك تحط جدك في موقف صعب وتخليه يودي البنت المستشفى وهو نظره يالله يقديه تميم عقد حاجبيه/اصلا البنت مافيها الا العافيه.. ليش تودونها ام تميم/شلناها فاقده الوعي.. تنزف من راسها فوق نزيفها… <سكتت لم تكمل ثم أردفت /الله يصلحك بس تميم خاف لأنه هو الذي تسبب في نزيف رأسها/طيب من اللي راح مع جدي؟ ام تميم/محد راح غير جدك و عمتك.. لكن شيهانه اتصلت بعناد و جاهم بالمستشفى هناك وجاب جدك وجونا.. اللحين عناد عندنا هو و جدك..اما عمتك شيهانه مرافقه مع سلهام بالمستشفى لانهم نوموها طلبوا يعرضونها ع الاخصائي وجدك مافيه حيل يقعد ينتظر. تميم لا تهمه سلهام.. بل ما يشغله هو غضب جده عليه/طيب طيب.. قولي لجدي اني بروح لعمتي وبجلس عندها وبجيبهم بعد.. لا يشيل هم.. سلام. اغلق من أمه واتصل بـ عناد ليعرف التفاصيل.. . ، . المستشفى.. * بعدما اجروا اللازم لـ سلهام ،تركوها ترتاح نامت وبيدها المغذي..والساعات تمر.. هناك تجلس قبالتها شيهانه وهي خائفه..وما يعصر قلبها اكثر هو ان سلهام بعيده عن والدتها و هي بحاجتها، ..تذكرت تصرّف تميم معها و كتمت غيضها لغرابة تصرفه معها. كيف يُفكر بأذيتها بهذا الشكل فقد كاد ان يتسبب بمقتلها ..! دخلت بهذه الاثناء الممرضه/انتي المرافقه تبع سلهام سعود البراك؟ شيهانه بخوف/ايوه.. الممرضه/نتايج التحاليل والاشعه وصلت، الدكتور عاوزك بعيادته.. شيهانه خرجت معها بعد تردد..لانها تخاف ترك سلهام لوحدها هنا.. … كان يجلس بكراسي الانتظار "منذ نصف ساعه" رآها تخرج من الغرفه واتجه لها ليوقفها/عمّه شيهانه التفتت عليه بنطرات ناريه/خير ! تميم يعرف تماما مشاعر غضبها، قبّلها على راسها من فوق العبائه/اعذريني لبى قلبتس شيهانه بعتب/اييه يا تميم، ألعب على الخبلان بحب خشومها..! تميم، قد يحتقر نساء الكون ماعدا "أمه وعمته شيهانه"/محشومه يا عمه.. انا تراني جاي ومعتذر شيهانه/ماهو انا اللي لازم تعذر منها.. البنت بغت تروح فيها تميم لن ولم يعتذر من شاكلتها.. سيحرص ان يرضي عمته وجده أما تلك الوقحه لن يعيرها اهتمام،.. تجاهل طلب الاعتذر/طيب علامتس رايحه للدكتور اللحين؟ وش قالوا لتس عنها، اشوفهم طولوا بالكشف. و سألت عناد قال مسوين لها سونار، ليشش؟..!! شيهانه بنبره وضح فيها الخوف ونست انها تكلم تميم/والله مدري .. بس البنت من قبل كانت تنزف وزاد نزيفها رأسها تميم خاف فهو لا يعلم ماحدث لها/وش خلاها تنزف قبل؟ من وشو؟ شيهانه استوعبت انها تكلمه و استحت وفرحت انه لا يعرف ماتقصده/اسمعني انا رايحه للدكتور لان الاشعه والتحاليل طلعت نتايجها ..طلب يشوفني علشان النتيجه.. تميم بحاجب مرفوع/ماشاء الله ناويه تروحين لحالتس للدكتور هاه!! شيهانه شعرت انها بورطه كيف ستتصررف مع هذا التميم ،فهذه الامور "للنساء" لا يجب ان يطلع عليها رجال.. وخصوصاً انه ليس محرم/تميم انت خلك هنا عند باب الغرفه.. وانا بدخل مايصلح تسمع خالجه شعور بالشك ما دامت عمته تصرفه، تكتف بيديه باعتراض/وليش ان شاء الله مايصلح اسمع شيهانه بضيق/ابلشتني الله يبلش العدو.. صدق انك نشبه.. يا ولد خلك هنا عند غرفة سلهام احسن ،اخاف احد يدخل عليها او يصير لها شي وهي لحالها بغرفة الطوارئ..و انا بتكون معي ممرضه لا تخاف لم يقتنع، لكن اضطر ان يضل عند غرفة سلهام،هذه البنت "حيّه من تحت تبن" ومن الممكن ان تفعلها وتهرب/طيب روحي، انا بنتظر عند غرفة سلهام شيهانه وكأنها تنفست الصعداء/يلا وانتبه اذا صحت ، ترى طولت وهي نايمه.. ذهبت وتركته.. رجع تميم عند باب الغرفه وجلس على كرسي الانتظار بتملل ،وهو غير مستوعب( هزلت اجلس برا الغرفه انتظرها على اساس انها تتغطى من الرجال.. والله ما يدرون عن خباياك يا سلهام).. بعد بضع دقائق قليله سمعها تنادي بصوت يرهقه التعب وكأنها خائفه.. وقف بسرعه ،تردد في البدايه ولكنه دخل بعبوس ونظرات احتقار، هو يعلم انها لا تتحجب من احد،فلماذا يعاملها كمحتشمه، بابتسامه مستفزه نظر اليها بسخريه/خيير شفيتس تنادين عمتي فضحتينا بالمستشفى، يالمستقويه سلهام امتلأ قلبها رعب بالإضافه الى ألمها ورفعت شيلتها على راسها وهي تحاول ان تتحجب بفوضويه وتتألم من جرح راسها الخلفي/انت ليش هنا وش تبي عندي؟! ،وين عمتي؟ تميم وهو ينظر إليها بشماته يتضح مرضها من ذبول عينيها ولفافة الشاش الطبي برأسها وكيس الحديد المعلق بيدها/تستاهلين الموت والله،.هذي سوات اللي تقلّ حياها.. سلهام بنظرات غير مصدقه/انت تتشمت فيني والا وشو!! ابتسم بسخريه/ليه اتشمت،انا ماني ضعيف ولاني عاجز اني امد يدي واكسر راسك بعد .. بعنادها تذكرت ضربه لها ودفعه لها وتسببه لألمها وهو من دفعها لركوب الخيل لتتحاشاه مما ادى لألآمها في رحمها/تخسي تكسر راسي، تميم لم يتحداه احد بهذا الشكل وهذه المتمرده في نظره ترد عليه وتقول "تخسي بعد" اتجه لها ومسك يدها المتصل بها إبرة المغذي و ضغطها بقوه وقسوه/من اللي يخسي؟ عضت شفتها السفليه من الألم وهي تكتم صيحتها وهي مُصره، لم تظن انه بهذه الحقاره/انت!! تميم عصر يدها الضعيفه بالنسبه لكفه الكبيره و عصرها بحقد اكثر على يدها ونزل الدم من الابره مع شدة الضغط/متأكده ؟! هزت راسها بنعم، فقدت القدره على الكلام من شدة الوجع لكن يستحيل ان تخضع، هو من بدأ حربه عليها و هو من أوجعها منذ البدايه وهي لا تحب الانكسار حتى ولو ماتت.. فـ من كانت تخاف ان تخسره هو "والدها" وعائلتها و قد خسرتهم ووالدها هو من رماها بنفسه في البر ولم يعد يريدها، ستمضي في عنادها حتى وان خسرت نفسها/.. رفع يدها التي يضغطها وسحبها قليلاً ليزيد الألم/عهد علي يا سلهام لأقلعك من عند جدي وعمتي وانظف سمعتنا منتس .. والله لخليتس تموتين قهر يا راعية هيثم رمى يدها بقوه واشمئزاز/وحده منفلته ماعرف يربيها ابوها.. وقطها على غيره يربيها.. سلهام وهي تمسك بيدها التي تورمت والدم يسيل منها ويبلل غطاء السرير الابيض، رفعت راسها له بتحدي و في نبرة صوتها الوجع المكتوم/عهد علي أنا ..عهد مهوب عهدك انت ..اني لخليك تكرهني زياده فوق هالكره لو حاولت بس محاوله انك تغلط معي..ادفع عمري بس انتقم منك ابتسم بسخريه/وش بتسوين هاه.. اتحداتس تقاومين شرّي.. شكلتس للحين ماتعرفين منهو تميم ردت وعينيها لها بريق يصعب تفسيره/لا تثق بنفسك واجد.. ولا تتحدى وحده ما عندها شي تخسره..بعدين عيب عليك داخل علي ومنت محرم يا راعي الاخلاق والسنع!! … كان سيرد عليها. لولا انه تفاجأ بعمته تدخل وهي تنظر اليهم مستغربه وناقده على تميم تواجده بالغرفه!! شيهانه وهي ترفع نقابها ومستنكره وجوده/خيييير خيير يابوي علامك داخل هنا تميم تلعثم/كـ.. ا..سمعتها تنادي وتوني دخلت سلهام بصوت كله ألم وتمسك بيدها المخضبه بالدم/عمتي تعااالي شووفي تميم نظر إليها بتهديد، وكانه يمنعها ان تخبرها بما فعل.. سلهام ابتسمت له بخبث ورفعت الغطأ لتغطي وجهها/تميم حراام عليك مايصير تقعد تقزّ .. عمتي شوفي لك صرفه معاااه، له فوق العشر دقايق داخل علي وينااااظرر مدري وش يبي! شيهانه التفتت اليه غاضبه/تمييم شفيييك متجمد مكاانك.. اطلع برا عييب عليك…خلك برا لين نخلص و يعالجون يدها.. انا طلبت نطلع وسمح لنا الدكتور بس طلبت منه يجي يقول النتايج لسلهام. تميم فتح عينيه ع الاخر ببهتان و خرج.. كيف جعلت عمته تخاطبه بهذه النبره وكأنه صاحب عيون زائغه!! .. (كيف تقول عني اني اناظرها وتلمّح اني ما استحي. صدق انها وصخه.. معلوم عندها خبره.. لكن من بكررره بسعى في زواجها خلني افتك منها.. وافك خواتي وبنات عماني الباقيات منها هاللي ماتستحي) جلس خارجاً ينتظرهم والوعيد بعينيه . رن هاتفه وفتحه يرد اكيد هذه أمه و ستسأله عن ما حدث/لبيه يالغاليه.. ام تميم بالجوال/لبيت في الحرم يا جنيني.. تميم شلون بنت عمك تميم يكره سيرتها/ام سبعة ارواح ماعليها الا العافيه تطمنوا، ام تميم/تميييم وش ذالكلام الله يصلحك يمه.. والله شكلها صدز وجعانه تميم لينهي الحديث عنها/يمه كلها شوي وطالعين ..يعني الصباح بنكون عندكم ان شاء الله ام تميم/ايه ودي انشدك.. ماعينت اخوك صقر..ماقالك وين رايح؟ تميم باستغراب/وين يختفي وما معه موتر؟!! ام تميم/والله ما يندرى عن هالولد جتنا سياره تويوتا2006 غمارتين كلها شباب وراحوا سمعت ازعاجهم وهم رايحين تميم عرف اصحاب التويوتا واستضاق صدره/انا محذررره ما يماشي عيال عمي هاجد هالدرباويه، بس ولدتس ذه ما يفهم على الحرام لاجلده ام تميم بخوف/الله يستر قلبي ناغزني عليه.. ليش لاحقينه للبر وماخذينه هالمقاريد تميم/ياحبيبتي اذكري الله وتعوذي من ابليس..ماعليه الا العافيه مغير رايحن يسعسع كالعاده.. لكن خليه يجي والله ان ابرد تسبدي فيه.. اللحين انا مشغول يمه. اسلمي ام تميم/الله يستر عليك ويحفظك جعلني ما ابتسيك لا انت ولا اخوك وخواتك اغلق تميم جواله وجلس في الانتظار على مضض.. وهو يحترق من تفكيره في كيدها المتواصل عليه..!!! . ، . ، . ، في جهه ثااااانيهه.. عند "تــوق" في الدمام.. عادت هي وامها من السهره عند الجيران.. كانت مرتاحه بعد هذه السهره فلا احد هناك يلومها او ينظر اليها بنظرات حاقده مثلما يحدث في اجتماعات عوائل أعمامها.. جلست مسترخيه في الصاله بجانب أمها. أسندت راسها على كتف أمها واحتضنت ذراعها وهي مازالت صامته ومبتسمه. وتشعر بنوع من الرضا، لا تعلم لماذا ولكنها مرتاحه. ام ناصر ابتسمت على دلعها الدائم ..كيف لا يحق لها ان تتدلل وهي آخر العنقود/حبيبتي توق روحي ارتاحي بغرفتك بسنا سهر انا بقوم انام بعد توق بتنهيده وبصوت فيه نعاس/بنام معك يمه.. ام ناصر التفتت عليها وهي تسمع نبرة الدلال في صوتها/تووق بلا دلع .روحي غرفتك ونامي ..تراني دايخه من السهر وبنام. توق بدلال الصغيرات/يمماااه ابوي وعبدالرحمن مسافرين مب هنا.. محد بالبيت غيري وانتي.. بنام معك بغرفتك تكفييين ام ناصر بابتسامه/ممم طيب يلا قومي ودي عباتك وبدلي ملابسك وتعالي. توق ضمتها بسعاده/لبى قلبك يمه دقاايق وبكون عندك. ، . اتجهت لغرفتها.. سحبت الربطه التي تمسك شعرها كذيل الحصان.. اتجهت للخزانه أخذت لها "بجامه قطنيه"مريحه جداً.. رأت وميض هاتفها الخاص بـ"حاكم"..اخذت الهاتف وراحت تجلس على اريكتها وهي تفتح الجوال.. عاتبت نفسها كثيراً لأنها نسيت ان تأخذه معها.. تفاجأت بالكم الهائل للمكالمات من حاكم..!! (يالله .اللحين بيظن اني جالسه،اتغلى عليه.. او حاقرته...زعل اكيد زعل..الوقت متأخر حيل لكن ما اقدر اخليه للصبح متضايق ) اتصلت به بسرعه وانتظرته يرد عليها بلهفه كعادته.. رن كثيراً لكنه لا يرد..!! اتصلت مره اخرى وانتظرته يرد وتفاجأت به يُغلقه بنفسه..!! لم تحتمل هذا التصرف القاسي منه/اكيد هو غلط وضغط الزر الاحمر بدال الاخضر.. عاودت الاتصال به مجدداً..وتفاجأت انه يُقفله بوجهها مرّه اخرى !!.. استاءت نفسيتها.. ضاقت ذرعاً من صدوده وهي تخاطب نفسها( والله ماقصدت انسى الجوال، ليش تعاقبني بهالكشل.. كيف أفهمك؟!) تركت الجوال بيأس..واتجهت لدورة المياه.. اغتسلت وغيرت ملابسها وخرجت.. صلت الوتر وقرأت سورة الملك ودعت ربها بإلحاح بما يختلج في صدرها من امنيات ودعوات.. اتجهت بعدها لجوالها الخاص بـ حاكم مرّه اخرى.. وفتحته بلهفه أشد من سابقتها لترى ما إذا اتصل او ارسل رسالةً ..لكن خاب أملها..حتى انها نسيت أنها قد طلبت من أمها ان تنام بجانبها.. اتجهت لسريرها صعدت إليه ثم استلقت بالعرض وجذبت اليها غطاء السرير ودفنت نفسها محاولةً نسيان كل شيء..! لحظات ودخلت والدتها تبحث عنها لأنها تأخرت وفوجئت بها نائمه بالعرض على سريرها ، ابتسمت( ساعه تترجاني تنام عندي و هذا هي غلبها النعاس ونامت بغرفتها..حبييبت أمها) دخلت و تأكدت من غلق نوافذ الغرفه في وجه البرد و اخذت بطانيه شتويه من الخزانه لتدفي ابنتها وخرجت بعدما اطمأنت عليها.. كل هذا و توق تمثل "النوم" ..لا تدري لماذا فعلت ذلك ولكنها ليست في حال يسمح لها بالاحتكاك بأحد وبالأخص والدتها الحنون ستشعر بحزنها من نبرتها بالتأكيد.. شعرت باختناق وابعدت الغطاء الشتوي عنها.. وتنفست بعمق ويدها ما زالت ممسكه بهاتفها النقال..وكأنها تنتظر اتصاله بأية لحظه.. ، . ، . ، . ، في مكان آخر بعيد عن الدمام بمسافه.. على طريق الرياض الدمام السريع.. مركز عمليات أمن الطرق.. حيث مكان عمله.. فبالرغم من انه يتمتع بإجازه مدتها 30يوم إلا انه هذه الليله زار المركز.. ليلتقي برفيقي دربه "هزاع ومسلط" جلس صافناً لساعات وذهنه مشغول بينما صاحبيه يهتمان بعملهما.. ويجلسان معه بين الفتره والاخرى.. على الطاوله أمامه "هاتفه المحمول"،ويرى الرسائل النصيه ترد إليه من ساهر بسبب مخالفات السرعه قبل قليل كان مسرعاً ولولا لطف الله لكان الآن من ضمن ضحايا الحوادث. جلس هزاع عنده بعدما أنهى عمله وبيديه كوبين قهوه، ووضع احدهما امام حاكم/يا ولد انت وش بلاك.. والله منت طبيعي، امس كنت ببيتكم واليوم في نجد واللحين عندي بطريق الشرقيه الرياض!! حاكم انتبه له واخذ الكوب/متضايق شوي هزاع يعرف جيداً ان حاكم ليس من النوع الذي يُفصح عن حزنه..لكن قدومه الليله هو دليل انه قد بلغ من التعب مالا يطيق/تخسى الضيقه وانا اخو حاكم حاكم ابتسم له بفتور/كفو هزاع/طالبك تصارحني وش صاير ..بعدين انت ما قلت لي وش رد عليك الشايب بعد ذاك الموضوع حاكم بعدما اخذ رشفه من قهوته/رفض زواجي من بنت فهد الصارم!! هزاع تضايق لضيق صاحبه/توقعت هالشي.. حاكم بـ حيره شديده/مدري وش السوات يا هزاع.. انحطيت في موقف صعب..احترت مابين قلبي وعقلي مابين هواي ورضا اهلي هزاع وهو يربت على كتفه/اتبع عقلك..و اما قلبك مصيره تداويه الايام. حاكم سكت لم يعلّق حديث هزاع واقعي وصحيح ولكنه لا يريد خسارة الاثنين.. أهله و زوجته.. تذكر مكالماتها التي لم يرد عليها.. لا يعلم لماذا يعاقبها،وهو لم يسمع اعذارها.. فهو بهذه الحاله يعاقب نفسه ايضاً..! كثيراً ما يؤلمه قلبه وهو يضغط الزر الأحمر في وجه اتصالاتها.. وكأنه بذلك يقتل نفسه تدريجياً.. ، . ، . ، . ، وصلوا صباحاً للمرابع.. دخلت شيهانه وسلهام لخيمتهما بعدما قابلا الجد.. و ناما بعمق.. حاولت سلهام تناسي ما سمعته من الطبيب..لعنت تميم كثيراً بداخلها وهي تأخذ حبتي مهدئ مما صرفها لها الدكتور لتجاوز أزمتها…يبدو ان نتائج السونار والاشعه والتحاليل كانت صادمه…!! ، . تميم.. مازال واقفاً عند سيارته..لا يعلم ماسينتج عنه غضب جده.. فبالرغم انه هادئ الطباع إلا ان غضبه شديد حينما يُخطئ احد ابناءه.. رأى والدته تشير له بالقدوم إليها.. وبجانبها أخته صيته.. واتجه لهما ..لكن أوقفه صوت جدّه.. ، . هناك في خيمة النساء.. جلست وهي خائفه على ابنها من عقاب جده.. كيف سيكون ردة فعله، رددت/الله يستر بس جلست صيته مقابله لها وهي تهديها/يا يمه لا تخافين والله ما يذبحه ام تميم رفعت راسها لبنتها/وانتي ماعندك غير الذبحه.. وكأنتس فرحانه ان اخوتس بيتعاقب!! صيته ابتسمت لأمها التي لا تسمع في ولدها/يمممه شبلاتس الله يهديتس محسستني ان جدي بعبع… والله ان جدي أرحم لنا من ابائنا… ماراح يضر تميم… بس أكيد بيأدبه.. لا تنسين سواته اللي امس.. وكأنه مراهق.. ام تميم تعلم تمام العلم بأن أبنها على خطأ ولكن لن تعترف /ولدي تميم رجال ويقدح من راسه ما يجي منه الخطأ والعيب، هذي البنت عووووبه صيته يأست من أمها و قررت السكوت عن الخوض في موضوع تميم/يماه انا مسويه قهوه على الضو.. تبين فنجال؟ ام تميم بدون نفس/لا ..روحي شوفي عمتتس و هـ العلّه اللي ما تنتسمى ..شوفي وش صار لهم صيته استغربت وصف أمها لسلهام ولكن لم تعلّق فبنظر والدتها ان من يتسبب في غضب تميم ..هو مخطئ دائماً..!! . ، . في خيمة الرجال. . "بيت الشعر الكبير المفتوح على مصراعيه كعادة الكرام.. ومؤثث بأجمل الاثاث التراثي البدوي.. وبآخره شاشة بلازما جلبها "حاكم" لمتابعة مباريات الدوري وقنوات الصحراء .. مضت عشر دقائق من الصمت بين الجد الغاضب والحفيد العصبي.. قطع حاجز الصمت صوته النادم/جدي ادري اني غلطان و.. قاطعه بغضب/اي نعم غلطان.. انت اثبتّ لي امس انك ورع و منت كفو مسؤليه، تميم فتح عينيه على اتساعمها، مستنكراً/انااا ورع!!! الجد بعصبيه/ايه ورع ونص.. تدف البنت وتطيح على راسها بدون سبب وعقبها تتركنا محتاسين وتنحاش.. وانت عااارف اني من زمان ما سقت سياره!! ماتقووولي ليش دفيتها وبغيت تذبحها.. وش مسويتلك هاااه تميم لا يمتلك اجابه للجد..و يستحيل ان يخبره بما يدور بينه وبين تلك المعنيّه .. الجد أردف قائلاً/افا يا ذالعلم.. ماهقيتها منك والله. تميم بندم/جدي.. آمرني باللي تبي.. بس لا يضيق صدرك انفداك.. حطني على يمناك وابشر بي الجد نظر إليه يختبره وشعر بصدقه لكن لن يصرّح بذلك/ابيك تهبط لسوق الغنم تميم استغرب الطلب/سوق الغنم! الجد اكمل حديثه/ايييه سوق الغنم.. روح واشتر ثلاث ذبايح جزلات. الليله عزيمه لسلهام.. وعزمت كل ربعنا اللي حولنا.. وعيالي مدري بيجون والا مثل عوايدهم تميم بداخله"هي تخسي اتعنى لها" /ماعليه بقول لصقر وبينزل هو للسوق الجد عقد حاجبيه وبإصرار/انا لو ابي صقر يروح كان وصيته بنفسي..أنا ابيك انت تروح.. و بعدها شوف طلباتهم.. اخاف سلهام تبي شي والا شي ..وبعدين ترى انت ملزووم تعتذر منها تميم من بين اسنانه/تآمرني امرر طال عمرك..وان بغيت حبيت خشمها بعد الجد بابتسامه جانبيه/شكل ودك بها.. تتزوجها؟ تميم باشمئزاز/هي تعب وتخسي، لو مابقى غيرها من الحريم ما خذيتها الجد بابتسامه محاولاً استفزازه/لا تحسبها ميتتن عليك يا راكان ابن حثلين...اصلاً منت كفو اعطيك بنتي سلهام مير قم وروح سووق الغنم و اذبح الذبايح لجل عيونها. اصبح كإبريق الماء الذي يغلي. ترك جده الذي استفزه كثيراً بتلك الحقيره بنظره!!… ذهب وهو يزم شفتيه محاولاً كتم عصبيته التي دائماً ما تنعكس على تصرفاته..! ركب سيارته واتجه فوراً لسوق الغنم وهو يتذكر تهديداته لسلهام ..(اذبح الذبايح لعيونها هااه!!.. ويبيني اشوف لها طلباتها بعد.. هي تعقب وتخسي) . ، . ، . ، . صباحها شاحب لو لبست ازهى الألوان.. كيف له ان يكون هذا الصباح وقد نامت ليلتها الماضيه تنتظر اتصاله الذي لم يصل..؟!! … في المطبخ ترفع شعرها للأعلى بشكل فوضوي بواسطة مشبك اخضر كبير وترتدي روب قطني فوشي طويل الى منتصف ساقها وبجوارب شتويه خضراء، .. تُعد لها كوب قهوة الصباح بنفسها ..فاليوم هو السبت واجازه ..و مازالت تنظر الى شاشة هاتفها المحمول بين الفينه والآخرى.. جلست على الكرسي ووضعت كوبها على الطاوله بعدما اخذت منه رشفه ، فتحت الواتساب والى جهة الاتصال الوحيده به "حاكم"..و بدأت بكتابة رساله علّه يغفر لها ماحدث البارحه.. تنهدت وهي تتم بداخلها (علّقني فيه وتركني!!) ترددت كثيراً في الاتصال به مجدداً..ولكن شيء ما يدفعها للاتصال به.. في هذه اللحظه شعرت بشي نااعم يلامس عنقها الطويل وابتعدت بردة فعل سريعه وهي تقرأ البسمله/بسم الله الرحمن الرحيم استقام واقفاً وهو يضحك من ردة فعلها/ واااحد صفرررر رجعتها للككك ههههه توق بابتسامه اتجهت له وضمته صارخه بأسمه/راااجسس ودمعتها تلمع بعينها، فهذا "راجس" ابن اخيها المحبوب المغترب للدراسه منذ عام ونصف، ضمته وهي تبكي بصمت، فهي منذ البارحه تكتم الدموع لاجل حاكم و حان الوقت لنزولها/… راجس الذي يصغرها بسنه،نزلت دمعاته وهو يشعر بأناهيدها على صدره/عمتي خلاص، انا باقي لي ترم وااحد واتخرج ومعادني مفارقك باذن الله.. تراني جيتك بعدما رحت الوالده علطووول.. توق ابتعدت عنه ورفعت راسها له بابتسامه مخضبه بالدموع/اشتقتلك.. وانت لك فتره ماتصلت… راجس بابتسامه جانبيه/صحيح انا ما اتصلت لكن ليش انتي ما اتصلتي تطمنين!! … والا خلاص جاء اللي يشغلك عني؟!!..تراني صديق الطفوله ههه توق خجلت بطبعها/يعني وش بيمنعني عنك غير الشغل؟! راجس بنصف ابتسامه وغمزه/لا تتعذرين بالشغل.. العايله مالها سالفه غير ملكتك من حاكم البراك. توق خافت تكون ردة فعله مثل البقيه/انت وش رايك؟ راجس قبّلها على راسها احتراماً لها وهو يبتسم، وقد عرف انهم قد وقفوا ضد جده وزواجها/مالي راي بعد جدي.. الف مبروك يا عمتي.. تأكدي اني معك ومابي الا اللي يسعدك. ابتسمت وهي سعيده بمباركته/الله يبارك فيك.. قطع حديثهم صوت احدهم وهو ينادي.. وخرجوا مفزوعين .. راجس أوقفها مكانها قبل الدخول للصاله/عمتي خليك هنا لا تطلعين للصاله اعمامك وعيالهم موجودين توقفت توق وهي تطل عليهم من بعيييد، وجووهم لا تبشر بخير (الله يستر) ،. في الصاله .. اجتمع اعمامها كلهم ماعدا ابو هياء لسبب.. . في بيت ابو ناصر الأخ الاكبر.. وكل منهم قد بانت على وجهه مراسم الغضب .. استقبلهم راجس مستغرب/ارحبوا حياكم الله حمد بعصبيه/بلا تراحيب وخرابيط وين جدك؟بسررعه ناااده راجس/خير ان شاء الله ..انتم اقلطوا. وجدي شوي وجاي صالح/مافيه خير دام بوناصر مناسب ال براك.. راجس خاف/يالربع تعوذوا من الشيطان.. للحين شايلين بقلوبكم سالفة الملكه.. انتم تدرون ان الرجال ماترجع بكلامها..و جدي ماتطيح كلمته حمد كان ينتظر لحظة الانفجار لدمار زواج توق/انت شكلك ماتدري ان عيال ال براك مثورين في عيال اخوي عبدالله واحد بالانعاش والثاني بالعنايه المركزه.. طلاق توق من حاكم البراك لازم يتم باسرع وقتت..اصلا زواجها منه من البدايه غلللط دخل بو ناصر مع ولده عبدالرحمن وسمعوا الخبر الذي صعقهم/وشوووو؟!! الكل التفت صوب الباب.. !! ، . تركت التنصت عليهم و اتجهت لغرفتها في الأعلى وهي منهاره.. لايمكن أن تكون هذه نهاية ارتباطها بـ"حاكم" .. لابد لها ان تعرف ذلك.. والدليل انه لم يرد على اتصالاتها.... و ما جعلها تستغرب اكثر هي دموعها المنسكبه…!! وقع العشق في القلب كوقع السهام.. نظرة لهاتفها نظره اخيره وبعدها تركته وذهبت لدورة المياه لتغسل وجهها الذي داهمته الدموع، حاولت ان تتمالك نفسها لكن لم تستطيع.. وهي تتذكر عيني حاكم ترمقها بعشق… كل شي يقف ضدهما في هذه العلاقه!! ، . ، . ، في مكان آخررر… في سوق الغنم.. كان يمشي ويبحث عن المواصفات التي طلبها جده في الذبائح.. وجد واحده وتبقى اثنتين.... اخذه الملل من الجو العام و الروائح الكريهه.. وجد احد تجار الاغنام رجل قد طرق الاربعين من العمر.. وهو يعرفه.. اتجه له وهو يرفع ثوبه ويربطه على خصره ويلف شماغه حول أنفه من نتانة رائحة الاغنام.. تميم وهو يقف عند الرجل الاربعيني ذو الثياب الرثه والرائحه النتنه/السلام عليكم يا محماس محماس بابتسامه وكأنه عرفه.. رفع طرف شماغه و مسح عن وجهه العرق/هلاااا بو خااالد يالله حيّه. تميم/الله يبقيييك.. ما شااء الله كيف حالك يا محماس وش علووومك محماس/بخيير يارب لك الحمد.. انت بشرني عنك.. اخبرك متزوج من زمان.. عسى وصل خالد. تميم تنرفز من الموضوع لكن لم يوضح/لا والله للحين.. وانت بشرني محماس/تزوجت ورزقني ربي بدحيّم… لكن ماتت أمه الله يرحمها وصار لي فترره ادور على حرمه ترعى بيتي وولدي دعوااتك بس تميم ابتسم وكأنه وجد ضالته فوراً. هذا ما كان يبحث عنه /الله يرحمها ..لا تخااف العروس موجوووده.. محماس بضحكه/ووين موجوده.. يرفضوني الحريم كلما عرفوا اني شريطي غنم تميم بخبث/لا يهمك عندي عرووسك ومن بنات عمي ، وش تبي بعد. محماس فرح.. لأنه لم ولن يحصل له ان يتزوج باحدى حفيدات حاكم البراك المعروف بطيب أصله وكرم اخلاقه/تهقى بيزوجوني عمانك؟! تميم تحمس للموضوع الذي سيقتل سلهام او سيربيها/انت تقدم لهم بس.. اخبر عند جدي وحده بالبر.. بنت لعمي سعود و هي عند جدي يعني تحت ولايته… روح واخطبها والله يووفقك.. (ويعينك على ما بلاك). محماس اصبحت الفكره عالقه في رأسه، نسب كبار القبيله وبدويه بعد.. يا سلام.. ضلوا يتحدثون عن موضوع الخطبه..وبعدها اخذ تميم الذبائح المتبقيه وذهب وهو منتشي بقرب الخلاص من سلهام..!! . ، . ، . يتبع | ||||||||||||||||
|
•
أنآ إنْ قسَيٺ اُقسم آنِي سَ أكُون شَيء ﻻ يُطاقَ ابدااً ') * • علمتني منتديات مسك الغلا • 「 аѕк ме 」إحساس طِفله ♡̷ |
