|
هيض علي يوم حنا مساجين!!! بقلمي هيض علي يوم حنا مساجين والنوم عيا لا يلجلج على العين ولا همني حبسي ولا همني الدين ولا حلالي اللي وراي مخليه ولا سهم حالي وحرق علي غير الذي في الديرة الاجنبية ضليت موفي اللازم اللي علي واليوم لا راجع ولا علم اوديه جوف سور ودوننا الباب مردود ونحمد الله ماحبسنا في منقود اللي علينا مانبي يمشي الزود حتى نودي العلم من حيث نبغيه ولا تبلى كل حاكم مشيري يبغى يرد العلم عند المديري الصدق يمشي واللي غيره يحيري يالله ياللي كل مظلوم تنجيه اذا كان ماشي شرع حاكم علينا ولا سببها جايها من يدينا وغير هذا اميرنا مشتهينا عامين يحدانا وحنا نحاديه يبغى يحملنا الحمول الثقالي ماقال ذولا في ذمتي من عيالي خايف من الله ليلة امسي لحالي وش اعتذر من خالقي يوم اواتيه كب الهباش ونسل عبد المعيني وكب ابن عامر دوينه يميني وهي لهم كل العرب خابريني شاف الخطا ربي وكل شهد فيه وسلامتكم |
صح السانك وجميل ما عبرته وسطرته . وما بعد الشدة الا الفرج . والصدق منجاه . لقد عبرت اخي الجنرال عن موقف قلما تجده اليوم الا مع القليل . وهو شهادة الحق . وانتظار تلك اللحظة من رب العالمين وهي لحظة السؤال عن حق الشهادة . وحقوق الناس . وكانك عبرت عن ما في ضميري . اكثر الله من امثالك لان في كثرتهم صلاح الدنيا وكسب الاخرة . تحياتي لك ولهمتك العالية . |
قصيده جميله ،،، صح لسانك .. |
صح لسانك ياشاعر كلمات جميله وابدعت فيها لقلبك السعاده |
صح لسانك اخي جنرال خايف من الله ليلة امسي لحالي وش اعتذر من خالقي يوم اواتيه :MonTaseR_11: تحياتي واحترامي |
صح بدنكم مروركم زادني شرف تحياتي |
| الساعة الآن 08:33 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا