|
زوجي يخوني مع حبيبته ويبي يتزوجها حسبي الله ونعم الوكيل بنات انا متزوجه من 4 شهور وزوجي مانام معي الا اسبوع واحد بس وبعدها سافر امريكا لانه يشتغل هناك وماقدرت اسافر معاه لاني موظفه هنا المشكله يابنات رجع قبل كم يوم وبالصدفه ترك جواله مفتوح وطلع من البيت ومن فضولي اخذته وفتحت الواتس لقيت عنده وحده وبينهم محادثات طويله والي اكتشفت انه يعرفها من 6 سنوات وبينهم علاقة حب وهي ماكانت تدري انه تزوج يعني اكتشفت انه تزوج قبل فتره وشفتها تقوله ليش تزوجت وتركتني ومن هالكلام قالها انا جيت بخطبك بس انتي الي كنتي تتحججي بحجج واهيه وتركتيني وماحبيت افتح معك هالموضوع بس ماقدر اتركك لانك كل حياتي وماقدر استغني عنك مت من القهر .................................................. .................................................. ........................................ وشفت برضو تقوله الحين وش نهاية هالعلاقه اما تجي تتزوجني ولا ترا مابي استمر معك كذا ابي اكون زوجه ثانيه لك قالها ولا يهمك اصبري علي بس الحين بعدني تزوجت والبنت اخت اعز اصدقائي وصعب اتزوجك بهالسرعه قالت اوك بصبر وارسلها بتكوني كأنك زوجتي الاولى وبعاملك على اساس انك زوجتي الاولى لانك كل شيء بحياتي انا من وقتها ونفسيتي تعبانه وما اتكلم له وهو مايدري اني شفت المحادثه وعرفت بقصته معها مقهوره حيل بناااات وششش اسوووي معه قولو لي والله ضااايعه وما انام من بعد ماكتشفته يخوني والي قهرني يقولها انتي لسبب خليتيني اتزوج وحده ماعرفها ولا احبها بس بين فتره وفتره ترسلي اخبارها ومدري ايش والمشكله تقوله ترا انا بعدني صغيره وبداية حياتي احمد ربك رضيت اكون زوجه ثانيه لك بس لاني احبك عمرها 22 بعد اسألكم بالله عطوني الحل المناسب معاهم فكرت اخذ رقمها وشرشحها بس وش اقوول دبروني لانه بيتزوجها وانا متأكده من هالشيء اللهم انت حسبي ونعم الوكيل |
م ادري ايش اقول لك.. بس الله يكون بعونكك حبيبتي.. كذا الرجال عيونهمم فاغرهه.. م تمليهم الا التراب.. مالك الا تدعي ربكك انه يبتعد عنها.. وربي يسعدكك بحياتكك ي قلبي |
من وجهة نظري تحافظي على بيتك ومملكتك الخاصه هوا اختارك انتي تكوني زوجه له وام اطفاله مستقبلا لوكان يحبها حب صادق ومتعلق فيها ماتزوجك واختارك اللي حاصل بينهم مجرد شهوه بالنسبه له وتنتهي بنهاية الرغبه لوحابه تعرفي المطلوب منك قفلي كل جوانب حياته وخليه مايشوف غيرك لآتتنازلي بشخص باعهم كلهم واختارك تكوني زوجته بهذي السهوله معظم الرجال حاليآ لهم علاقات قبل الزواج وليس من السهوله التخلص منها متى الزوج يتخلص منها اذا كانت زوجته ملت عليه حياته لاتخلي اي نقص من ناحيتك تمليه انسانه غيرك لأنه بختصار ملكك انتي نصيحة من اخ بدل ماتشغلي تفكيرك بعلاقته مع غيرك أجذبيه لك لأن زوجك يحتاج لأحتواء واهتمام وجنه داخل البيت وتفنني في هذي الامور اسألي نفسك هذا السؤال ايش قدمت هذي البنت لزوجك ماحصله معاك وقتها رايحه تعرفي جوانب كثير يحتاجها منك وتقدري تبعديه عن هذي الاشكال وقبل كل شي صلي لربك وادعيه يهديه وويوفقك في حياتك |
عليك مواجهته بطريقة عاقلة هادئة رزينة والجميع يخطئ إما أن يعتذر ويتراجع عن تلك العلاقة وتتقبلين اعتذاره وتنسين كل ما حدث وكأن شيء لم يكن أو تطلبين الطلاق منه أن كنت لا تستطيعين أكمال حياتك معه ولا داعي لإثارة المشاكل .. . . ولا داعي لأخبار أحد عن الموضوع تذكري من ترك شيء لله عوضه الله خير منه . . أدعو الله أن يريح قلبك بحبه عز وجل |
عزيزتي آحتفظ بالمحآدثة لنفسك وآياك تخبرينه عن شيء ..! دعيه طوآل الوقت خآئف ومتوتر عند محآدثتها لآتدعينه يأخذ راحته بالمكآلمة ..! كوني طبيعيه لآتحسسيه بشيء آستحالة يرتبط بهآ هو يوهمهآ هي مجرد تسليه ..! كيف له يرتبط بفتاة كشفت جسدهآ له والله آعلم من ستكشف جسدهآ امامه .! الغيرة فطره بالرجل حتى (المغني والممثل الفآسد لآيتزوج مغنيه وممثله فآسده) ..! وآن تزوجهآ العلآقة بينهم لآتدوم وآن دامت تكون مبنيه على مصآلح بينهم لآ اكثر ..! وان لم تستطيعين تقبله كازوج لك هآذا حقك وآنتي بأول الطريق تستطيعين آنقاذ نفسك وتطلبين الطلآق كوني قريبه من الله وأكثري من الاستغفآر و آحتسبي الآجر اسأل الله آن يفرج همك عاجلآ غير اجلآ ويلهمك الصبر ..! |
وعليكم السلام ورحمة الله وبركاته متزوجة من اربع شهور ولم تحصلي على حقك الشرعي الا اسبوع واحد فقط ؟؟؟؟ وهو يشتغل في اميركا وذهب هناك يعني اما انه ليس من اهل البلد او انه مجرد مقيم مؤقت وهناك كل اماله وحياته في اميركا وانتي تزوجك هنا ليمشي اموره فقط ! انتي السبب لانك تركتيه يسافر وتحججتي بوظيفتك كان باستطاعتك ان تتخلي عن وظيفتك وتسافري معه وتعيشون هناك طالما انه يشتغل في اميركا !! كيف يحبها وعلاقتهم منذ ست سنوات وهي عمرها 22 سنه فقط ؟؟؟ وتريد ان تكون زوجة ثانية ! يعني معقول احبها وهي 16 سنه ؟ اين وكيف ولماذا لم يتزوجها منذ تلك السنين كلها ؟ ست سنوات وهي تنتظره وهو تركها وتزوجك انتي؟ هو لا يحبها بل يملي بها وقت فراغه فقط اتحداه ان يتزوجها واتحداها ان تصمد معه اكثر من سنة على زواجه ان كانت زوجة ثانية لن تنجح ولن توفق ابدا امامك خيارين اما ان تتركي وظيفتك وتعيشي مع زوجك وتذهبي اميركا وتستميلينه وتكونين له كل شيئ وتتفرغين له لكي ينسى تلك الفتاة او ان تتكتمي على الموضوع وكانك لا تعلمين شيئ وتكملي حياتك بشكل عادي واياك ثم اياك ثم اياك الصراخ وافتعال المشاكل كوني انثى داهية بتخطيط صدقيني سوف يتغير معك لكن هذا يعتمد عليك وعلى طريقتك في اظهار كيانك ولطفك وسحرك ك انثى تنافسين بها جميع الاناث اللاتي حوله اجعليه يتوه بينك وبينها الى ان يرضخ وينسى تلك اللتي كان يتسلى بها تحيتي لك .... |
| الساعة الآن 11:08 AM. |
Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا