02-05-16, 09:03 AM
| #1 | |||||||||
 
| 
قلّت يا بو ضاوي علوم الرجاجيل !!
هذه القصيدة من بعض ردودي على قصيدة أخي وحبيبي شاعر المنتدى ـ نجم ضاوي من خلال مجاراتي له في قصيدته ،،ألم،، نسّقتها كسابقتها وأقمنا بعض من الوزن ، وتصرفت ببعض المفردات ـ أرجو أن تنال أعجابكم . ابشر وانا لك جاهز وافي الــكــيــل ** بالـلـي تـريـده يالـلـي ينخى خـويّـه ان كانها بالجاه جوك الـرجــاجــيــل ** وان كــانــهــا بـالـمــــال كلي هدية وان كانها بالشوف حنا الـمـثـاقـيــل ** تــشــوفــهــا يـالــقــرم نـذر عـلـيّـه اللي خذت قلبك وخلتك مـهـيـبـيـل ** تشوفها ولو عــاضــبــت بـضـحـويــّة نسري لها يا سيدي تــالــي اللـيل ** عداتنا الــهــجــــــــــاد في كل هيّة بس اثبت انك فارس تركب الـخـيـل ** ما تـنـتـظـر راي الــعــجــوز الـبـلـيّـة ولا تدرّج معيه ثــم تشكي الـحـيـل ** ولا تـقـول عـلـومــي ما هي كــذيّـة هذي فرصتك اليوم قبل الــمـقـابيل ** قبل نـســافــــــــر يم ديـــــار العذية انا نويت اشوف زين الــتــمــاثــيــل ** ان شفتها ما عــــــــــاد تطري عليه في قربها يا خوي نرســـــل مواويل ** يطرب لها من عـشـقـتـه غشـمريـة عجل علينا كان حــبــك لـهـا حـيـل ** عــجــل عـلـيـنـا وحــدد الـدار لــيّـــه تشكي لمثلك شاف كل الـبـهاذيل ** ودمــــــــــــــوع عينه تقل وبل برديـّة من ظرف وقتي يا صديقي تـهـاويل ** ما من صــديق بالـلــــــــــوازم حذيّـة قلّت يا بو ضاوي علوم الرجـاجــيـل ** وصــارت علينا يالــســنــافــي بـلـيّـة يا شين وقتي كانـه اقبل بي الليل ** تقفل على صـدري ديـــــــــــار فضية ولا ذبــحــنــي غــيــر كــثر التنابيل ** اهل الــســوالــــــــف والعلوم الرديّة يالقرم انا ودي اشـوفـك مـع الخيل ** نبي انــتــطــارد بالفضى لـنـا شـوية ونوسع المضمار لـمـطـول الــذيـــل ** للي تــجــرّه خـلـفـهـا جــرهـــديّــــة تلقى الوصــايف يرفعنه زمــامــيــل ** يخشى على الشيخــة تطيح بهبـيّة يمكن يجي معهم حسين التماثيل ** اللي بـشـوفــــــــــــه لك حياة هنية يمكن تشوفه وفي يدينك مـنـاديـل ** من النوع اللي عطيته بعرسه هديّـة والكل منكم يشتكي حــالــه وحيل ** وتقعد تفضفض مع ســـــــلام وتحيّة ويا سعد يومي يوم نسمع مواويـل ** من بينكم عجّت اصـــــــــوات شجيّة يالذيب قلّي وينه بام الـمــخـالـيـل ** والا مــــع الــفــطّــر او سنّ الثــنـيّــة يا صاحبي اشرح لي كـل التفاصيل ** وانا معك بالروح وكــــــــــــــل الهويّة اعـــــــواك يعذبني وزود الـمـواويـل ** ما كنّك الا ذيـــــــــــــــــب ذب الثنيّة يرجي عشاه ويقنب بـتـالــي الليل ** ويخشى من اللي ينقل الـبـنـدقـيـة عذبتني بـعـواك يا نـافـــل الـجـيـل ** عـجـل عـلـيّـه ويـــنــه عـجـل عـلـيّـه واجيك انا يا صاحبي باول الـخــيـل ** والـوايــلــي ما قــالـــوا ينسى خويّـه امـا تجي معنا براس الـمـحـاصـيـل ** والا تـــــروح الــــروح لاجـلـك ضـحـيّـة القارظ العنزي | |||||||||
| |
|
02-05-16, 09:31 AM
| #2 | ||||||||||||||
   
|  بس اثبت انك فارس تركب الـخـيـل ** ما تـنـتـظـر راي الــعــجــوز الـبـلـيّـة ولا تدرّج معيه ثــم تشكي الـحـيـل ** ولا تـقـول عـلـومــي ما هي كــذيّـة هذي فرصتك اليوم قبل الــمـقـابيل ** قبل نـســافــــــــر يم ديـــــار العذية القارظ العنزي مأراوع قلمك حين يصول ويجول بين الكلمات تختار الحروف بكل أتقان .. تصيغ لنا من الأبداع سطور تُبهر كل من ينظر إليها .. دمت بحب وسعاده .. | ||||||||||||||
| |
|
02-05-16, 01:01 PM
| #3 | |||||||||
|
أسعدني مرورك سيدتي ـ ملاك ملوكة ـ احترامي
| |||||||||
| |
|
02-05-16, 04:48 PM
| #4 | ||||||||||||||||
| اشكي عليك من العنى وقِلـت الحيل تدق على وتر حساس اسمع له ونيني الـروح تحتظر والقلـب من مابـه عليل وإنـت يا القـارظ .. اتعبت قلبً سجيني الحب الاول عـذري لا غش ولا تظليل ماخانتني ابوها شمـت العـذال فيني زوجـهـا لـغـيـري .. وذل قلبهـا تـذلـيـل وبـنـار الفـراق .. قـصــد والله يكـوينـي وجيت اهديتها يـوم .. عرسها منـديل مرسوم فيـه للذكرى .. ورده وقلبينـي ودعـت أنـا ذيك .. أم العيـون المظاليل وعبرتي عل خد .. في القلـب تكويني قالت اذكرني حبيبي مع نجمة سهيل وانـا قِلت .. كل يـوم يا الغاليه اذكريني ثلاث سنين غابت وما ترسل مراسيل العقل تاه بافكاره عليها القلب مشقيني صممت أدِق السلف .. لحقي الاطميل واغـادر أنـا الـديـره .. يــم ديـرة ضنينـي فقدتها أنـا حيل .. أم العيـون المضـاليل ابدعس على البانزين .. وربـي يعينـي تحملـت من الولـه .. شـيً ماهـو قليل ويـش اسـوي كـان .. اتعبنـي حنينـي يا جنـون الشعر .. هاتي لـي المواويل تغني فيه ياجنـوني بكل قـافً حزيني | ||||||||||||||||
|
التعديل الأخير تم بواسطة نجم ضاوي ; 02-05-16 الساعة 05:02 PM |
|
02-05-16, 05:35 PM
| #5 | ||||||||||||||
 
|
ما شاء الله عليكم يسعدكم ويعطيكم العافية انتو الاتنين ابدعتوا | ||||||||||||||
| |
|
02-05-16, 05:41 PM
| #6 | |||||||||
|
حاولت اعينك والقضي داعج الميل وافتح لك بــــاب لشوفها يا ضنيني وما دام مـــا ودك بـغـارة مـع الخيل اصبر على نـــــــار المحبّة سنيني الحب ما هـــو فــلــم مصوّر وتمثيل الـحــب نــــــــار تشتعل يالفطيني لا عـــــــــاد تذكر وين زين التماثيل خلك على حــزنـــك ولا لك عويني الياصـــار ما لك شوفته والمراسيل اصـــبر وصــابر واحتسب يالخديني | |||||||||
| |
