منتديات مسك الغلا

منتديات مسك الغلا (/vb/)
-   ديوان ومحاورات حصريه لشعر ( شعرائِنا ) (https://www.al2la.com/vb/f84.html)
-   -   ((يا جنس حوّاء هاتي الحق هالحين)) (https://www.al2la.com/vb/t67284.html)

القارظ العنزي 02-05-16 11:14 AM

((يا جنس حوّاء هاتي الحق هالحين))
 
القصيدة ((المجروحة))

يا جنس حوّاء هـــاتي الـحـق هالحين
من يصبر صبري ويـعـطـي الـحـق قلّي
عشرين عــــــام ومثلهن صبري سنين
وآخر مــطــافــي بالــصــحـــاري أمولّي
وش ذنبي عقب ذلك لو ننسى الادنين
اللي باعـونـي بـارخـــــص الناس كلّي
وش ذنبي لو نـبـحث عن مغـيزل العين
وننهل من الـمـشـروب واثـمـل واعـلّـي
وش ذنبي لو اني تـركـت الــقـوانــيــن
ما دام ما انخــــالــــــف عقيدة هل لّي
وش ذنـبـي لو دوّرت بـنـت الشيـاهـين
الـلـي تـنـسّـيـنـي اغـبـــونـي وذلّـــي
قل لـلـمـنـافـــــــق ابـو نـــيّــات وقلبين
ستر الهنوف اللي تـنـاسـت عطى لّي
اللـــــــــه خلقني خـلـقـــة ما لها اثنين
ولا شفت مثلي بالـخـلايــــق فطن لّي
وانا الصـبـور ومـذهـبـي يــقــبــل الـزيـن
الا الـخـيـانـــــة ما هي من مذهـب لّي
الـصــدق مـــنــجــاتـي بــكــل الدواوين
والـكــذب مـا احــبّــه ولـو فــيـــه ظـلّـي
ولو ربي ما نزّل ديــــــــانـــــة لـنـا ديــن
عـبـدت أنا الـــمــــبـــــــدأ بدقّي وجلّي

القارظ العنزي

رويدا محمد 02-05-16 11:34 AM

ولو ربي ما نزّل ديــــــــانـــــة لـنـا ديــن
عـبـدت أنا الـــمــــبـــــــدأ بدقّي وجلّي

ما شآء الله مبدع أخي القارظ . . !
والله يكتب لك كل ما لك فيه خير
أحببت جدا هذه الأبيآت
تحياتي لك

القارظ العنزي 02-05-16 01:15 PM

أختي رويدا محمد ـ أسعدني مرورك ـ وأنا كذلك حبيت قصيدتي وأحس أنها من أقرب قصائدي لي وهي ما تعزّيني في ظروفي ، ولولا القصيد ما قرنا على الصبر ، وها نحن نبثُّ ما عجزنا عن كتمانه طويلاً ، لعله يخفف من المصيبة . احترامي

نجم ضاوي 02-05-16 05:26 PM

خابـرك يـا الفـارظ . . رجـلاً فطـين
لأصعب عقود المشاكل . . تحِلي

تطلب الحق من إللي لك مـودين
هزيتني وانـا جالس فـي محلـي

أنـا ادري إنك . . يا الشاعر حزين
لاتقول . . حط نفسك في محلي

قبلك انـا . . دارت فيني المـوازين
ذقت عـذاب الويل من قلب خِلـي

القارظ العنزي 02-06-16 06:24 AM

الطين مثلي ما يتشكوى على الطين
يـشـكـي لـــــرب فـزعـتـه مـا تـقـلّـي
وجـهـة نـــظـــر نـقـلـتـهـا لـلـمـزايـيـن
ياللي تـشـرّه في قــوافــيــك يالـلــي
وان حليت الـمـشكـلـة بـظـرف يومين
مــانــي من اللي يصبر صبـر مـخـلّـي
غربت انا لديــــــــــــــار ربــــع عزيزين
والـكـل مـنـهـم بالـمـراجـــــل يـهـلّـي
وخـطـبـتـهـا عـنـقـاء وحــــوراء بـعينين
عـيـون حــر بــــالــحــبــاري مــفــلّــي
من زيـن حـظـي حـزتـهـا لـي زمـانـين
غصب عن اللي مـعـتـرض مبغض لّـي
وتـرى الـبـشـر يا صـاحـبـي بين ذنبين
ام حــســــــــود او حـــقــود مــغــلّــي

ملااك ملوكة 02-06-16 01:50 PM

القارظ العنزي + نجم ضاوي


جمييله هي أحرفكما ..

ابدآع تتميزان به كل حين..

سلمت انآملكما الذهبيه ..

تقبلا مروري ..

تحياتي و ودي♡



الساعة الآن 03:14 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا