منتديات مسك الغلا

منتديات مسك الغلا (/vb/)
-   همومنا ومشاكلنا وإحتياجاتنا الشخصيه ( مشكلتي ) (https://www.al2la.com/vb/f77.html)
-   -   زوجتي هل اطلقها ام لا شورو علي تكفون (https://www.al2la.com/vb/t67398.html)

مشكلتي 02-08-16 09:13 PM

زوجتي هل اطلقها ام لا شورو علي تكفون
 
سلام عليكم يالربع كيفكم اخباركم
عندي مشكله ياليت تلقون لي حل فيها
انا ملكت ع بنت كنت ابيها من زمان وعمري 33وهي 25 والله يعلم قد ايش عانيت عشان اجمع واتزوجها
المهم مرره احبها ماتوقعت ان انا قلبي بيحب بنت قدها فيها شي يجذبني غير عن البنات هي طيبه وخلوقه ومحترمه واهلها كويسين واصلا مو من قبيلتي قبيله ثانيه ماعلينا بذي التفاصيل انا اول ماملكت عليها كنت معاها 24 ساعه وسوالف وضحك بس ماازورها عشان عملي بعيدد
واكيد اي فرصه زرتها واللي خلاني اكتب مشكلتي هنا شوفوا انا انسان مسؤول عن اهلي ومسؤول عن أبوي المريض عنده شلل وجلس متنوم 9 شهور بغيبوبه وتعب وتأجل زواجي وزواج اختي بعدد تأجل المهم ماعليناا من ذا كله الحين زعلانه وكل يوم مسببه لي مشكله وطلقني وطلقني وطلقني
تعبتني ياناس والله اكثر شي اطنش كلامها واذا طنشت ياويلك ياويلك اذا مارديت وتجلس ترسلي انت مطنشني وانت ماترد علي وكلام كثيير واذا ماكملتها جوال ي عيني ع الكلام السم اللي أسمعه تخليني بيزه مااسوى شي والله احيانا من كثر ماتكرر هالكلمه علي خلاص احس طفشت منها مليت من الكلام السم اللي اسمعه يعني باقي مادخلت عليها كذاً اش بتسوي فيني لاتزوجتهاا هي طيبه مره واحب طيبتها وحنيتها ادري ماحد بيحن علي مثلهاا وماانسى كل وقفاتها معاي والله يعلم ايام حلوه عشتها معاها بس لسانهاا هذا سم سم ماتحترمني والرجل يبي الاحترام وابوها ساعدني بالمهر وماكلف علي وامها تتصل علي بعد فتره وفتره يعني حتى لو هي فيها شي اهلها ماحد يفوتهم . انا والله انسان مشغووول مشغول اهلي انا مسؤول عنهم اختي مطلقه انا مسوؤل عنها وعن عيالها اوديهم واجيبهم وعملي دوامه طويل وشغل اداره كل شي ع راسي والله احيانا أداوم مواصل والله يعلم وحده أش فيني قبل البارح تخاصمننا كثييير وفعلا كنت خلاص بارسل ورقتها لانهاااااا اعطتني كلام والله ولارجال يتحممله بس لما بكيت عندي هديت أنا ورحمتها وهديتها وقلت لها مابسيبك واتحمليني وكل شي يضبط ونتزوج بس لاترسلي كلام كذا قالت طيب واعتذرت مني وانا رجال لااحب لاواتس ولاغيره ومخليه عشانها تبني معاها 24 ساعه وبس اكلمها انا لوفاضي جيت كلمتها احيانا بالويكندد اخوييااي يخرجون واعتذر منهم كله عشانها هي اسهر معاها الى الصباح واليوم الثاني لما مااكلمها خلاص نسيت كل شي ومو مقصر بشي معها والله يكفي احبها وحاربت الدنيا عشانها بس هي الله يهديها مدري تتحرش مدري تبي تتحكم فيني مدري مدري اش فيها الله يهديها بس آش الحل معاها والله خايف منها انا رجال عانيت كثير خطبت زمان وفسخت وماتوفقت بالخطوبه الاولى والله عوضني فيها هالبنت اول ماملكت عليها يازينها حتى اخويااي يشوفون الفرحه بعيني لما اكلمها بس الظروف مرض ابوي انشغالاتي لاني ترقيت بمنصب اعلى وصار اغلب الشغل ع راسي أحيانا أرجع المغرب او العشاء من الدوام اذا ماخصلنا بدري اذا فيه مشاكل بالشغل من 7 الصباح خارج عشان الزحمه وبالنهايه تجيك حرمه تقولك انت فيك وفيك وماتستاهلني وطلقني اااه والله تعبان تعبت منها ومن كل شي انا ماابي اطلقها ابيها اليوم قبل بكره ببيتي بس اخاف تطفشني بكره اذا ماسهرت معاها ولا طلعت مع اصحابي انت فيك وفيك اخاف تروح لاهلهاا والله مجنونه هي مو بعيده تسويها فجاءه تسمعني كلامم حلوووو واقول حظي فيها بعد ساعه تسمعني كلام سم هههه انفصاام والله خويي مره تخاصمنا وانا عنده وعصبت بالجوال واحنا نتكلم فيه وهداني قلي طلقها اشتبي فيها ذي ماتصلح لك زوجه والله مررره بايعتها
اش الحل تشوفون انا غلطان. قولوا لي بااتحمل كلامكم ولا مقصر معها قولوا لي
انا رجل مشغول ومسؤول عن اهلي ودوامي مسؤليه جداً . وشقتي مع العمال لازم اكون معهم واكلمها كل يوم اتطمن عليها لو ربع ساعه اذا ارسلت رديت عليها اعلق ع صوره فيديو مستحيل اطنشها حتى لو طنشتهاااا ارجع مره ثانيه اكلمها لما افضى .. هي تبغاني كل يوم سوالف بالجوال ساعات طويله تبيني اكلمها وانا داخل خارج ومتى نمت وصحيت ومع مين رحت ومين البنات اللي معاك بالشغل واذا مثلا كلمتها وسرحت شوي اكيدشفت حرمه وسرحت بجسمها هههه مي صاحيه
وتبيني اقولها بكل شي في حياتي وانا رجل مااحب التحكم هي طيبه وخلوقه مممره وحنووووووونه حنيتها مخليتني اتمسك فيهاً وتخاف الله وتصلي وتصوم دايم وتذكرني بااذكاري والسنن وذي الاشياء بس لسانهاا كيف اتعامل معها شوروا علي تكفوووووون والله مابي يجي يوم واقولها فعلا ماابيك لان طفشت مممرره ممممره وانا رجال مو ناقصني شي الحمدلله والكل والله ع كلامهم ليتك نسيبنااا مااحب امدح تروا بس ذا كلام الناس لي بس انا لاقي في هالبنت كل شي الا لسانها هذاا وتحكمها فيني
وغيرتها الغير طبيعيه ماابي اوصل للطلاق تكفون يااداره نزلوا مشششكلتي ابي حل والله العظيييييييييمّ... خلاص ابي حل بس يمكن القى حل عندكم حلو نزلوا مشكلتي بااسرع وقت ... اخوكم بندر

همسة الروح 02-08-16 10:35 PM

تمت الموافقه على المشكلة

____

سآلفـَة قـ لمْ 02-08-16 10:49 PM

الله يكون بعونك
وانا اخوك .. شوفها وحط معها النقاط على الحروف
وعلمها وش تبي منها وش اللي ما تبيه وافرض شخصيتك . وبالمقابل حق الله فيها آده ولاتاكل حقها

اذا سلكت معك خير وبركه
واذا ما استوعبت وعاندت طلقها لاهي اول ولا اخر حرمه

بس البدايه مثل ما قلت لك اجلس معها وحط النقاط على الحروف . افرض شخصيتك خلك رجل
والله يسهل لك ويسر

العوجاء 02-08-16 10:54 PM

م فيه انسان يخلو من العيوب
م سوت شي يدفع انك تطلقها هي بس تغار بزياده و تخاف تهملها
اهتم فيها اكثر و قول لها تحاول تعدل من لسانها م يصلح تسب بس عشانك م رديت
و حاول تعجل زواجك يمكن خافت يوم تأجل
لا تدخل الناس بينكم خاصه اللي ينصحك تطلق !!

متغطرسَ 02-08-16 11:01 PM

وجهه نظري لآ تخسسرهآ ..
فآنت قلت وقفت معآي قبل آلخطبه
لكن مثل م قآل لك سآلفه قلم ضع آلنقآط ع آلحرووف
والله يششفي آبوكك وتفرح برجعته آن شآء الله
والله يجمعكم بخير ي رب

معلم فله 02-08-16 11:20 PM



اخوي المشكله سهله الحل ماتحتاج لطلاق
انت لحد الآن ماقدرت تفهمها ولا عارف كيف تتعامل معاها
شوف اخوي لكل بنت طريقه مختلفه للتعامل
مثل هذي يبغالك تسبقها بخطوه
مثلا
لوكنت مشغول وعارف انها رايحه تتصل عليك وتكون زعلانه وتعصب
حاول قبل ماتتصل عليك ترسل لها رساله
واحشتني كثير وكلام غزل وبعدها تكتب عذرك في النص وتختم الرساله
برضه بكلام حلو
يعني دائما خليك متقدم عليها بخطوه وحاول تفهمها اكثر وطريقة تفكيرها
وقتها رايح تعيش معاها حياه سعيده




الساعة الآن 01:41 AM.

Powered by vBulletin® Copyright ©2000 - 2024, Jelsoft Enterprises Ltd.
SEO by vBSEO 3.6.1 al2la.com
HêĽм √ 3.1 BY: ! ωαнαм ! © 2010
new notificatio by 9adq_ala7sas
جميع الحقوق محفوظه لـ منتديات مسك الغلا